رواية مقابلة غيرت حياتي الفصل الخامس 5 - بقلم سامية احمد

بعد ما أحمد ما طلع من الحمام لقى ملك نامت على السرير. أحمد: طيب أعمل إيه دلوقتي؟ شكلها راحت في النوم أوي. الأحسن أحاول أنام على الكنبة. راح أحمد ونام على الكنبة. أحمد: إيه دا؟ هي بتنام عليها إزاي؟ أحمد خد على الوضع وحاول ينام، بس صحي بعد شوية. وبعدين راح جنب ملك على السرير لأنه مكنش عارف ينام. تاني يوم الصبح. ملك: إيه دا يا حيوان؟ إنت نايم جنبي ليه؟ أحمد: 😒😒😒 ملك: ما ترد. أنا أصلاً إيه اللي جابني هنا؟

أحمد: أنا سبتك امبارح، وبعد ما طلعت لقيتك نايمة مكاني. وحاولت أنام على الكنبة معرفتش. إنتي أصلاً بتنامي عليها إزاي؟ دي توجع الضهر. ملك: أحسن من النومة على الأرض ومتلاقيش حاجة تتغطي بيها. أحمد: هو إنتي كنتي بتنامي على الأرض في الشتا ومش بتلاقي حاجة تتغطي بيها؟ قال أحمد الكلام دا بحزن. ملك: أيوه. يا عم فكك من جو البؤساء دا، ويلا عشان نصلي. ولا إنت مش ناوي تصلي بقا؟

أحمد: أنا طول عمري ما فكرت إني أصلي. ولا حتى ماما كانت بتزعق، ولا حتى كانت بتفكر إني أخليها تصلي. طيب ممكن أطلب منك طلب؟ ملك: اتفضل. أحمد: ممكن تعلميني الصلاة؟ ملك: أكيد طبعًا. وعلمته ملك إنه يصلي. وبعدين صلوا الفرض اللي عليهم ونزلوا تحت عشان يفطروا. طبعًا هالة مش طايقة ملك، وموضوع الخناقة بتاعت كل مرة وخلاص. ناصر زهق وعاوز يطلق هالة، بس اللي مصبره عليها إنه داخل على انتخابات.

الفطار خلص وكل واحد راح على الأوضة بتاعته. ملك: أحمد أنا زهقانة. كنت عاوزة أخرج أنا ومليكة نروح المول ونيجي. أحمد: خلاص ماشي. وخلي بالك من نفسك إنتي ومليكة. ملك بفرح: حاضر. ماشي. راحت ملك وقالت لمليكة. مليكة: يااه أخيرًا هخرج. دا أنا بقالي كتير مش بطلع برة. ملك: طيب يلا يا ستي البسي عشان ننزل. لبسوا وهما رايحين. مليكة: ملك معلش استني. أنا نسيت الفون فوق. هطلع أجيبه. ملك: طيب. أنا هروح أركب العربية.

أول ما ملك طلعت من الفيلا، حد حط كيس أسود على دماغها وركبها العربية. الحراسة ملحقوش ياخدوا بالهم مين اللي خد ملك. الحارس: اتصل على أحمد. أحمد: خير؟ في حاجة؟ الحارس: أحمد بيه، ملك هانم وهي طالعة من الفيلا حد خطفها. أحمد بخضة وعصبية: إنت بتقول إيه؟ وإنتوا كنتوا فين وبتعملوا إيه؟ الحارس: يا أحمد بيه. أحمد قفل في وشه.