رواية مقابلة غيرت حياتي الفصل الثالث 3 - بقلم سامية احمد

خرجت ملك من الحمام، كانت ترتدي بيجامة عليها صورة ميكي ماوس. كانت مليكة تخبط على الباب. ملك: مين؟ مليكة: أنا مليكة. ملك: اتفضلي يا مليكة. دخلت مليكة ومعها القهوة. ملك: يلا ندخل البلكونة نشرب القهوة فيها ونتكلم شوية، أعرف إيه حكايتك. دخلا البلكونة. ملك: هاااا احكيلي ياستي.

مليكة: أنا ماما كانت شغالة عند بابا سكرتيرة خاصة، وبابا حب ماما واتجوزوا. بس طنط هالة مكانتش تعرف بابا وماما اتجوزوا، بس كانت ماما عايشة في شقة برة عشان مينفعش تقعد مع طنط هالة. ملك: طيب ليه عمو ناصر اتجوز على حماتي؟ مليكة: بابا اتجوز ماما عشان طنط هالة كانت دايما مشغولة في النادي والحفلات اللي دايما فيها. فأنا مفيش مني قلق، متخافيش محدش هيعرف حاجة. ملك: كنتي هتنسيني أديكي الهدية بتاعتك 😂♥️

مليكة: اه صح، يلا هاتيها. ولا رجعتي في مزاجك؟ ملك: حاضر هجبها. راحت ملك جابت شنطة وادتها لمليكة. مليكة: الله، مصحف وسجادة صلاة وأسدال كمان، بجد شكرا يا ملك. ملك: طيب يلا روحي اتوضي والبسي الأسدال، وأنا كمان هعمل كده وتعالي نصلي مع بعض العشا. مليكة راحت تتوضى وتلبس، وملك كذلك. جات مليكة. مليكة: يلا يا ملك. ملك: تعالي نصلي في البلكونة، أنا من ساعة ما جيت هنا وأنا بصلي في البلكونة......

دخلت ملك ومليكة البلكونة وبدأوا يصلوا. دخل أحمد ولم يكن في الأوضة أحد. أحمد: ملك.. 🗣️ محدش بيرد. دخل الحمام وعمال ينده عليها. وبعدين حس بحركة في البلكونة، لقى ملك ومليكة بيصلوا. أحمد: سبحان مغير الأحوال. خلصت ملك ومليكة. مليكة: طيب أنا همشي دلوقتي عشان ننزل نتعشى. ملك: هبقى أصحيكي للفجر نصلي مع بعض. مليكة: تمام، ماشي يا قلبي. أحمد: أنا هخش آخد دوش وننزل نتعشى. ملك: أنا مش هنزل أتعشى.

أحمد: لا لازم تنزلي عشان محدش يشك. ملك: فكك مني، أنا مش هنزل. وبعدين مش إحنا ملناش كلام مع بعض في الأوضة، بتتكلمي معايا ليه؟ سابت أحمد واقف وراحت قعدت على الكنبة وأدته ضهرها. وأحمد دخل ياخد دوش. وبعدين لبس ونزل تحت. كان ناصر ومليكة وهالة قاعدين بيفطروا. هالة: أي، فين ست الحسن والجمال "بياعة الورد". أحمد: بس ي ماما، اسمها ملك، مش بياعة الورد. ملك: أي يا حماتي، "بياعة الورد" جات أهي، عاوزة حاجة؟

وبعدين ينفع تقولي عليا كده؟ دا أنا حتى جايبالك هدية، مش عاوزة تشوفيها؟ هالة: أي هي؟ أكيد حاجة شبهك. ملك: دي حاجة جميلة أوي، وحتي جايبة لعمو ناصر كمان. ناصر: وريني يا بنتي. ملك ادت الهدية لهالة وناصر. هالة: أي داااااا.! انتي كنتي في الحج ولا حاجة؟ أنا هالة هانم ألبس أسدال؟ ناصر: ششششش بس ي هالة. شكرا يا ملك يا بنتي، فكرتيني بزمانه. هالة: طبعاً، ما أنت بتحن للسكرتيرة.

ناصر: قولت بس ي هالة. هي الوحيدة اللي كانت دايما تخليني أصلي وأقرأ قرآن. انتي عمرك فكرتي تعملي كده؟ أنا لو مكنتش داخل على انتخابات وخايف على المركز كنت طلقتك. أحمد: خلاص بقى، صلوا على النبي ويلا ناكل. كلوا كلهم، وكل واحد راح على الأوضة بتاعته. ملك: أنا جايبة ليك هدية يا أحمد. أحمد: اممم، فين هي؟

ملك ادته الهديه، وكان فيها مصحف وسجادة صلاة. طبعاً ملك جابت لكل اللي في البيت هدية زي بعض، لأن محدش فيهم كان بيصلي ولا يقرأ قرآن. أحمد: شكرا يا ملك، وإن شاء الله أبدأ أصلي. ملك: طيب، تصبح على خير. أحمد: وانتي من أهله.