رواية مكالمة منتصف الليل الفصل الثاني عشر 12 - بقلم عادل عبد الله

ناصر حس إن لولا اتغيرت كتير من ناحيته بعد ظهور نور، وشك إنها وقعت في حب نور. ناصر كلم لولا تاني وطلب يقابلها تاني، لكنها رفضت بحجة إن زوجها بيراقبها وبيشك فيها وبيرجع البيت بدري كتير، وإنهم لازم يبعدوا لفترة حتى ينتهي زوجها من شكوكه ومراقبتها. ناصر قرر يراقب لولا وزوجها خيري علشان يتأكد من كلامها إذا كانت صادقة معاه ولا بتكدب عليه.

ناصر بعد مراقبة خيري لاحظ إن خيري بيرجع البيت في مواعيده الطبيعية، واتأكد كمان إن خيري مش بيراقب لولا. اشتعلت النيران في قلب ناصر وأحس بخداعها له، وقرر إن عقابها الوحيد هو الموت لو اتأكد إنها فعلًا بتخونه. بدأ ناصر يراقب لولا نفسها وكل تحركاتها. *********** بعد أول لقاء بين لولا ونور واللي مشاعرهم اقتربت فيه من بعض بصورة كبيرة، أصبحت مكالمات لولا ونور التليفونية باستمرار وكل يوم أكتر من مرة.

لدرجة إن نور اتعود على وجود لولا في حياته وطلب يقابلها مرة تانية. لولا وافقت وحددوا ميعاد للقاء.

لولا في الوقت ده أصبحت تائهة ما بين زوج قاسي تريد الانفصال عنه، ولكن حب التملك عنده جعله يتمسك بها لأقصى درجة، وبين حب قديم لأول إنسان تشعر معه بالحب والحنان، ولكن الظروف حولته لإنسان قاسي القلب يستحل الحرام وأسهل شيء عنده القتل فكان الابتعاد عنه ضروري. وبين حب جديد رأت فيه إنسان مختلف أوقعته الظروف في طريقها لكي يكون الأمل في إنقاذها من حياة بائسة لتبدأ حياة جديدة طاهرة تختلف عن حياتها من قبل.

حدد نور ولولا ميعاد ومكان لقائهم، وبخلاف المرة الأولى اهتم نور بشكله وهيئته وارتدى أفضل ثيابه وتعطر ذاهبًا للقاء من دق لها قلبه (رغم رفض عقله) وأيضًا ارتدت لولا أفضل ثيابها وتعطرت بأفضل العطور للقاء حب ولد في قلبها كبيرًا قبل أن تراه عينيها، هو النور والأمل الباقين في حياتها.

ولكن كان هناك شخص آخر في نفس الوقت ينتظر هذا اللقاء بشغف ليتأكد من خيانة لولا وخداعها له ليوقع عليها أقسى عقاب. ناصر ظل يراقبها بلا ملل حتى رآها خارجة من منزلها بأجمل صورة، فسار خلفها ليتتبعها دون أن تشعر. ثم اتصل ناصر... : إزيك يا لولا عاملة إيه يا قلبي؟ : تمام الحمد لله كويسة. : وحشتيني أوي ونفسي أشوفك. : ما أنا قولت إن صعب الأيام دي علشان جوزي بيشك فيا وبيراقبني. : يعني مش هينفع نتقابل قريب؟

: لا يا ناصر. وأول ما ينفع هتلاقيني.