رواية مكالمة الفصل الثالث 3 - بقلم زهرة هشام

كانت مبلمة مش عارفة تنطق تقول إيه. بصت لمريم لقتها واقفة بعيد عنها عشان تسبلهم بعض الخصوصية. رجعت بصتله تاني: إنتوا كنتوا متفقين سوا؟ بتفكير مزيف: اممم يمكن. : متستفزنيش ي خالد! : طب بحبك. بلمت لتاني مرة ومش عارفة تقول إيه: إنت قولت إيه! : بحبك. إيه وقعتي على ودانك ي أبلة. بقرف مزيف: أبلة؟ بقيت شعبي أوي ي بيبي. بسخرية: كله من تحت إيدك ي معلمة. بصدمة: لا مش معقول إنت اتحولت خالص فين الرقي يبني!

بسخرية: مات في الجيش ي أختي. : لا حول ولا قوة إلا بالله يعيني يحبيبي اتعديت. : وأحلى عدوة. : ما تبطل محن وانشف يلا! بصدمة وبيشاور لنفسه: محن وانشف يلا! التلاتة في جملة!! : أصلك كدا فعلاً اعملك إيه. : بس بس اسكتي. يعني جيبلك ورد وشيكولاتة وحاجة رومانسية تقوليلي كدا. وبيوريها الورد والشيكولاتة. شدت منه الشيكولاتة وفتحتها أكلت منها: وتجبلي ورد ليه إن شاء الله بيتاكل ولا حاجة؟

: دا إنت طفسة، أنا أعرف البنات بتحب الورد لكن مش الأكل! : آهو أنا بقى بحب الأكل أنا غير. بشقاوة: آه ما إنت غير خالص ي بطل. وبيغمزلها. بصتله بخجل ممزوجة بصدمة: خالد اتلم! : بقولكم إيه أنا تعبت من الوقفة دي خلصوا عاوزة أمشي. بصلها خالد بابتسامة: روحي إنتي ي مريم أنا هاخد جنى أفسحها وهبقى أروحها. : طب وأهلها؟ : ظبطيها ي مريوم قوليلهم إنها عندك جنى هتقضي يومها معايا أنا. يلا فوتك بعافية بقى.

جنى بتصحيح: اسمها ختك بعافية ي فهيم. : اسكتي إنتي ي فالحة اسمها فوتك بعافية. : خلااص انتو الاتنين أنا ماشية سلام. وسبتهم ومشيت. ثواني وجنى اتشدت من خالد وركبها وركب جنبها. بصتله بتهكم: إيه يسطا بتشد حمار وراك ولا حاجة! باستفزاز وهو بيسوق: يمكن كدا. بصدمة: بقى أنا حمارة ي خالد! ببراءة: مين قال كدا ي قلب خالد. بضيق: إنت لسة قايل كدا. : محصلش ي برنسيسة. وبعدين تعالي هنا مين الولا إل كان واقف معاكي النهاردة.

باستغراب: ولا مين دا؟ : معرفشي بس كان واقف معاكي الصبح قبل ما تدخلي السيكشن. : آها دكتور لؤي قصدك. بتهكم: أيوا مهما كان اسمه إيه كان عاوز إيه منك. : وإنت عرفت إزاي إني كنت واقفة معاه وإنتى؟ : تخصني دي. قوليلي بقى. : عادي كان بيسألني إذا كنت محتاجة مساعدة في مادته ولا لا. : آه وهو مع الكل كدا بقى ولا معاكي إنتي بس ي سكرة. باستغراب: إيش عرفني أنا! أخد نفس عميق، وبصلها

وبص للطريق ونطق بحماس: عاوز أفسحك فسحة متفسحهاش حد قبل كدا. بحماس وطفولية: وديني الملاهي يالا. بابتسامة: عونيا يالا على الملاهي. وصلها تحت بيتها وبصلها: مبسوطة؟ بحماس وسعادة: أوووييي! بابتسامة: يارب دايماً تكوني مبسوطة وأكون سبب سعادتك ي جنتي. اتكسفت وبصت لإيديها. مسك إيديها بحنية وباسها وبصلها: بحبك. بحبك بجد ي جنى. اديلي فرصة ووالله ما هتندمي. بصتله بكسوف وهزت راسها بموافقة.

ضغط على إيديها بسعادة وقرب منها براحة وأخدها في بوسة. سحبت روحها وغمضت عينيها. محسوش غير وحد فتح باب العربية بهمجية وسحب جنى بعنف من دراعها قبل ما تستوعب.