رواية مكانك الفصل الخامس 5 - بقلم ريتال احمد

اسماعيل بصدمة: بس بس والله صدقيني بعدها حبيتك فعلاً والدليل دخلت البيت من بابه واتقدمت لك وطلبت إيدك. جيهان: طلبتها من مين؟ اسماعيل بخبث: منك. جيهان: مليش حد، مقطوعة من شجرة، بس ليا خال في السعودية لو بتفهم في الأصول تطلبني منه. بس منعنا الإحراج، أنا مش عايزَاك، مش عايزَاك، ياريت تفهم وتقدر ده. وقامت وسابته. قال اسماعيل بشر وخبث: اعتبرتها منافسة وهفوز بيكي يعني هفوز بيكي وهتكوني ليا. عند لوجين، روحت وهيا مبسوطة أوي، وقبل ما تنام بعتت مسج لجاد بتقول: أنا كمان. عند جاد، شاف المسج وضحك ونزل تحت بسرعة بيصرخ باسم وهوا بيقول: يا باباا يا امييي يا جدعان. جاء والده بخضة هو ووالدته: إيه في إيه يبني إيه حاصل؟ جاد بفرحة: هتجوز يا حج. والدته بفرحة: أكيد بتهزر. جاد: لأ مش بهزر، وهكلمها نروح نتقدم بكرة بليل. والده: اهدى شوية يعم جاد، إزاي يعني مش لما تاخد معاد من والدها؟