رواية مخادعه في قبضة النمر الفصل التاسع عشر 19 - بقلم اسيل باسم

أمسكت كتفه واحتجزته على الحائط، تفاجأ بها وبقوتها. ميرا بشراسة: أوعى تعمل ولا صوت! استدارت تريد أن تفتح، أمسكها من خصرها يجذبها نحوه يردف بغضب: اطلعي وأنتِ بالشكل ده؟ لأقتلكوا أنتوا الاتنين! تأففت ميرا بضيق منه، قبلها بعمق أبعدتها عنها عندما سمعت صوت جاسر، ارتدت إسدالها وخرجت إليه بتوتر. ميرا بضيق: أفندم يا جاسر بيه؟ جاسر بغضب: بقى لي نص ساعة بخبط عليكي، ما فتحتيش الباب ليه؟ وأنا ما رضيتش أدخل عليكي بالوقت ده.

ميرا بضيق: لأني كنت نايمة مثلًا، وأخذت وقت حتى لقيت إسدالي، وأكيد مينفعش أخرج من غيره قدام غريب. جاسر بهدوء: الغريب ده هو اللي هيبقى جوزك بكرة، ويتقفل عليكوا باب واحد. أمسكته من صدره عندما شعرت به يريد أن يتحرك. ميرا بثبات: هو أنت صحيتني بالوقت ده عشان تقولي الكلام ده؟ جاسر: هو في حد عندك؟ ميرا بتوتر: أنت قصدك إيه؟ جاسر: قصدي يعني سمعت حركة غريبة جوه أوضتك، قلت يمكن حرامي، قلت أطمن عليكي، أنتِ كويسة؟

ميرا: يا حنين تراني اتأثرت قوي حتى إني دمعت. بلاش أعذار واهية يا جاسر، مفيش حاجة عندي من اللي أنت بتقولها. جاسر: على فكرة أنا ما قصدتش حاجة، أنا بس كنت حابب أطمن عليك... ميرا وهي تغلق الباب في وجهه: تصبح على خير يا جاسر. ضرب الحائط بغضب: بكرة تندمي يا ميرا! بس تبقي بين أيديا وفي حضني أنا، هعرف إزاي أروضك يا ميرا، هتندمي على اللي بتعمليه فيا! ارتمت في حضنه تبكي بصمت وهو يلمس على ظهرها بحب. ميرا: أنا خايفة قوي من بكرة.

إيهاب: عيب تبقي خايفة وأنا جنبك واقف في ظهرك يا حبيبتي، أنتِ معاكي رجالة. ميرا: يعني بكرة مش هتجوزه مش كده؟ ضحك عليها إيهاب: هتتجوزي إزاي يا هبلة وأنتِ مراتي؟ ميرا ببكاء: بس محدش عارف إني مراتك يا إيهاب. لو أبيه عرف إني اتجوزت من وراءه ما عدتش هيعرفني بعدها. إيهاب: أنتِ ندمانة إنك اتجوزتيني يا ميرا؟ هزت رأسها بلا: أنت أجمل حاجة في حياتي يا إيهاب. إيهاب: طب في إيه يا ميرا؟ إمتى بقيتي ضعيفة وخايفة بالشكل ده؟

ميرا اللي أنا بحبها حطت السكينة في نص حلقي وما خافتش مني بالرغم من إنها كانت في نص بيتي، إيه اللي اتغير دلوقتي؟ ميرا: وقتها ما كنتش بحبك بس دلوقتي بعشقك، ووقتها كنت لوحدي بس دلوقتي أنا معايا. ووضعت يده على بطنها تنظر له ودموعها تتساقط بغزارة. ميرا: دلوقتي أنا معايا أمانة حبنا يا إيهاب. يلمس على بطنها ويده ترتعش بشدة غير مصدق لما قالته. نظر لها بعدم تصديق فقالت ميرا: إيهاب أنا حامل. سند جبينه بجبينها: أحلفي؟

ميرا بحب: والله العظيم حامل، هتبقى أب كمان شهور يا إيهاب. قبلها بعمق دون تروٍّ حتى ابتعد عنها بصعوبة. إيهاب بحب: بعشقك يا ميرا. ميرا بحب: وأنا كمان بحبك قوي. إيهاب: استحملي بس الليالي دي، خليكي قوية بس الليلة وبكرة هيشرق شمس جديدة لبداية حياتنا مع بعض أنا وأنتِ وابنا، تمام؟ ميرا: تمام، هبقى قوية بس ما تتخلاش عننا وحياتي عندك. إيهاب وهو يقبل جبينها بعمق: أموت ولا أتخلى عنك. خلي بالك من نفسك يا عمري.

ودعته، خرج من شباك غرفتها بهدوء كما جاء. أما هي تمسح دموعها وتبتسم بحب عندما تذكرت وجهه عندما علم بطفلهم. وجدته يحمل ابنه ويلاعبه، وكان السعادة تشع من وجهه، كم يبدو وسيمًا، تقسم لا أحد أجمل منه في العالم بأسره، قلبها يدق بشكل أسرع عندما تراه. يارا بتردد: أحضرلك العشاء؟ شهاب بجمود: لا، أنا هنام ساعة وبعدها هرجع المستشفى عند آدم وعشق. هزت رأسها بنعم تريد أن تكلمه لكن لا تعرف كيف. شهاب بهدوء: اقعدي يا يارا هنتكلم شوية.

وضع ابنه في سريره، جلست أمامه وهي تستمع إليه بترقب. شهاب بهدوء: أنا مش عاجبني الوضع اللي إحنا فيه يا يارا، أنا كده بظلمك معايا على الفاضي. أنتِ تستاهلي السعادة والحب، والواضح إني مش قادر أحبك وأسعدك زي ما أنتِ تستاهلي. فالأحسن إننا ننفصل، ده الأحسن ليكي. يارا: هو أنا اشتكيتلك يا شهاب؟ شهاب: لا بس أنا مش عاجبني الوضع اللي أنتِ فيه. يارا: وماله وضعي؟

أنا كويسة جدًا، عايشة مرتاحة ومش ناقصني حاجة، وابني وإخواتي جنبي. عايزة إيه أكتر من كده؟ شهاب: عايزة راجل يحبك، يهتم بيكي، يسعدك، والأهم من كده إنك بتحبيه، وأنا مش عايز أقف في طريقك. يارا بهدوء: أنا قفلت قلبي من زمان يا شهاب. بس لو أنت عايز تتجوز مرة تانية أنا مش عندي مشكلة، مش هيفرق معايا أصلًا لأننا متجوزين عشان مالك وبس. ولا إيه رأيك؟

نظر لها لثواني يتأمل من هذه المرأة التي أمامه، هل هي حبيبته يارا أم أحد آخر قاسي القلب؟ هز رأسه بنعم: تمام يا يارا، أنا بس كنت عايز أريح ضميري من ناحيتك عشان أعرف أتصرف في الخطوة الجاية. سلام. قبل جبينها بعمق وغادر من البيت بأكمله، نزلت دمعة يتيمة منها، قلبها يحترق من الداخل مع كل كلمة قالته له.

يارا: لو بس تفهمني يا شهاب، ولو شوية بس. عايزة أحضنك، أبوسك، أقولك إنه حبك بقلبي ما قلش ولا يوم، بالعكس عشقتك وده اللي مخوفني يا شهاب، أنا لو قربت ما عدتش أقدر أبعد عنك ولو بموتي. شهاب بغضب منها: حاضر يا يارا، تكرم عيونك، هتجوز، مش ده اللي أنتِ عايزاه؟ هتجوز يا نور قلبي بس تكوني مبسوطة وأنتِ بعيدة عني وشايفاني مع غيرك.