رواية مختمرة في عائلة مودرن الفصل الثالث والعشرون 23 - بقلم رحمة محمد

نيره: يا حرام يا لولة، بقى آخرتها بعد ما كنتي المالكة لكل حاجة تبقي كده خدامة؟ لا تصدقي، صعبتي عليا. ليلي: لا تصعبيش عليا ولا حاجة، متنسيش إن كل حاجة بقت باسم جوزي، ها؟ جوزي اللي هو مش بيربطك بيه أي حاجة. واستني بس عليا وهتلاقي ابنه في بطني، وبكده محدش هيطول جنيه واحد. عن إذنك بقى يا نونو عشان جوزي الدكتور أدهم عايز يفطر. بعدها زقت كتفها ومشيت. نيره بغيظ: ماشي، وأنا مش هسيبك يا ليلى، لا انتي ولا الدكتور أدهم بتاعك.

*** كريم: موكا يا موكا؟ مليكة: أيوه يا كريم، ازيك؟ كريم باستغراب: أنا كويس يا مليكة، انتي اللي مختفية ومبقتيش تخرجي معانا زي زمان. وبعدين إيه اللبس الغريب ده؟ انتي اتحجبتي إمتى؟ ولا بنت الأرياف دي خلتك تعملي زيها؟ مليكة: ليلي تبقى بنت عمي، وأنا مسمحلكش انت أو غيرك تعيب فيها. وبعدين اللي بتلبسه ليلي غريب؟ بالله عليك انت مصدق نفسك؟ يعني الحجاب اللي هو أصلاً فرض على كل بنات المسلمين بقى دلوقتي بيلبسوه بنات الأرياف؟

لا، بقى أحب أقولك في الحالة دي إحنا محتاجين دكاترة نفسية، لأننا عارفين الصح وبنقول ماشيين على الموضة. لا، واي نقول إن الحجاب لبنات الأرياف والصعيد واحنا أوه، مينفعش، جاين من بلاد الغرب أصلنا. عن إذنك يا كريم عشان عندي محاضرات، خليني أتخرج بقى وأشوف مستقبلي. ونصيحة مني، حاول يمكن تتغير. بعدها سابته ومشيت. طارق: معقول دي مليكة؟ ياه، بجد ليلي دي حاجة عظيمة أوي. كلنا محتاجين حد زيها في حياتنا، يمكن نتغير.

كريم: نتغير إيه وبتاع إيه؟ انت مصدق كلامها؟ ليلي واللي زيها هما مصدر الإرهاب في البلد. طارق: ليلي واللي زيها هما أمهات اللي بتطلع جيل يقول للحرام لأ، حتى لو هيموت من الجوع. أنا هروح أنا كمان المحاضرة عشان فعلاً إحنا محتاجين نبدأ حياة جديدة. هتيجي معايا يا ريم ولا هتفضلي مع كريم؟ ريم: لا، هفضل معاه وانت روح مع مليكة. طارق بص لها بحزن وسابها ومشي. ريم: متزعليش يا كريم، هي مليكة أكيد فترة كده وهتعدي وترجع زي ما كانت.

كريم: مش باين. أنا همشي يا ريم عشان ورايا مشوار مهم، وانتي روحي معاهم. *** آدم: الحق يا أدهم! أدهم: في إيه يا آدم، مالك؟ خد نفسك الأول، بعدها اتكلم. آدم: كل حاجة اتشقلبت وجات بالعكس. أدهم: يعني إيه؟ آدم: إحنا ما كنا عارفين إنهم هيخطفوا ليلي، وعلشان كده متراقبة. أدهم: أيوه، ليه حصل حاجة غير؟