رواية ملاحقة الماضي الفصل الثالث 3 - بقلم لمياء نبيه

سماح: جوزك ده يا بنتي مفيش غير حل معاه، بعد ما عايرك بالماضي يا نور، مع إنه ميعرفش إيه السبب وراه، ده اتجوز عليكي. نور: إيه الحل يا ماما؟ سماح: تطلقي منه. نور: أطلق إزاي يا ماما، وبنتي هتتربى إزاي تربية سوية؟ سماح بصت لحور بنتي وكانت بتلعب مع بابا: بنتك هتتربى هنا يا نور، أحسن ما يجي بكرة وتكبر وتفهم إن باباها بيقول على أمها حاجات ملهاش ذنب فيها. نور: يا ماما بنتي بتحب باباها، وأنا مقدرش أعمل كده صدقيني.

سماح: يا بنتي جوزك اتجوز عليكي. نور: يمكن يا ماما هي اللي لفت عليه أو عملت حاجة ليه. سماح: يا بنتي ده بيقولك بحبها واتجوزتها وخلف منها، في حاجة أكبر من دي، ده قال كلام عليكي. نور: يمكن غصب عنه بعد ما وجهته يا ماما. مش عارفة كنت بدور له على أسباب للدرجادي، هو أنا خايفة فعلًا على بنتي ولا بحبه؟ سماح: أنتِ بتقولي إيه يا بنتي؟ ياااه يا حور، كتير قولتلك ملكيش دعوة بحد، أنتِ السبب في كل ده.

نور: يوووه يا ماما خلاص، اللي حصل حصل، وقتها أنا تعبت بجد. سماح: اللي حصل حصل بس عواقبه لسه. قمت من مكاني مبحبش أفتكر الماضي ده بجد وبصيت لحور: يلا يا حور تعالي. حور جت ووراها بابا. جه بابا إبراهيم: في إيه يا بنتي مالك؟ اتضايقتي ليه؟ ورايحة فين وواخدة حبيبة جدها؟ سماح: سيبها يا إبراهيم، لما حد يحملها غلطها أو يقولها حقيقة بتزعل وبتوجعها. مقدرتش أمسك دموعي: حقيقة إيه؟ أنا كان ذنبي إيه؟

أنا دفعت عن زميلتي عشان سمعتها، قولت يا جماعة البنت مش بتكلم، ما أنا عارفة إنها كانت بتحبه، أنا هعمل إيه يعني؟ الولد مسبنيش، كان هو وأصحابه يطلعوا كلام عليا، ومجاش في بالي إنه كده وهيطلع عليا اسم وحاجات كتير. فجأة الذكريات كلها شرفت في دماغي، بدأت تدور ودماغي تدور معاها، مسكت دماغي. سماح: مالك في إيه؟

بدأت أتكلم نور: أنا تمام، هاتي إيدك يلا يا حور عشان نمشي، والدنيا بدأت تسود وفجأة الرؤية اختفت، وكل اللي سمعته صوت ماما وبنتي وبابا وهما بينادوا، وبعدين مسمعتش حاجة. بدأت أفتح عيني، ببص حوالي، دي أوضتي بالله وحشاني قوي، سمعت صوت بابا ومحمود بره بيتخانقوا. بابا: أنت إزاي تعمل كده؟ محمود: عمي أظن الشرع والقانون ده حقي. بابا مسك محمود من ياقة القميص: بس مش من حقك تكسر قلب بنتي.

محمود: دي مراتي وأم بنتي ومحدش ليه يدخل بينا. فعليت صوتي. نور: حور. الباب اتفتح ولقيتهم كلهم جم وبنتي جت تحضني. حور: ماما فاقت. محمود: يلا يا حبيبتي بيتنا. إبراهيم: قولتلك بنتي مش هتخرج من هنا. محمود: يلا يا نور عشان نروح ونتعشى عشان حور وراها مدرسة بكرة. إبراهيم: أنا مش بكلمك. قمت وبصيت ليهم نور: محمود سيبني مع بابا. محمود طلع بصيت لبابا: يا بابا أنا هروح مع محمود. إبراهيم: بتكسري كلمة أبوكي يا نور؟

نور: مش قصدي يا بابا بس أنا أول ما اتجوزت قولتلي كلمة واحدة، بيتك وأهلك هما محمود والبيت، وعيوني دمعت. إبراهيم: صدقيني يا بنتي لو مشيتي معاه والله ما هيحترمك ولا هيقدر، أنا بحافظ على كرامتك. نور: أنا هعرف أرجعها يا بابا وأحافظ عليها، بس دلوقتي أنا مروحة، سامحني. وطبعت قبلة خفيفة على إيده، فأخدني في حضنه وحضنت ماما، وبابا أخد حور في حضنه. إبراهيم: هتوحشيني أوي يا حور. حور: وأنت كمان يا جدو، وباست بابا.

إبراهيم: الله دي الجنة دي، وضحك. طلعت ومحمود أخدني ومشينا، فتح باب الشقة، دخلنا غيرنا وحور كمان وجهزت العشا. محمود: مش قولتلك متقوليش حاجة لحد، عجبك اللي حصل وإيه اللي حصلك خلاكي يغمى عليكي؟ كملت وكأني مسمعتش وبصيت لحور: أجيبلك تشربي؟ حور: لا. ابتسمت ليها. نور: ماشي يا حبيبة قلب ماما. محمود: أنا مش بكلمك. نور: معلش مكنتش مركزة، كنت بتقول إيه؟ محمود: حور، الحركات دي مش عليا، إيه خلاكي تتكلمي؟ نور: أهلي وأنا حرة معاهم.

محمود: تمام يا حور، اعملي حسابك بكرة سارة جاية هي وابني. نور ابتسمت: تنور. بصلي باستغراب وقام، بصيت ليه وابتسمت. صحيت الصبح حضرت الفطار ليا وحور، حطيت ليها الكورن فليكس. وفطرت وغسلت الأطباق، لقيته صحي. محمود: فين الفطار؟ نور: فطار إيه؟ محمود: الفطار يا نور. نور: آه لأ مهو النهاردة مفيش فطار، فيه غدا، مش سارة جاية؟ محمود: نور. نور قربت منه وحوطت بإيديها رقبته: نعم يا حبيبي؟ محمود: هو في إيه؟ نور ابتسمت: في إيه؟

محمود: مفيش، أنا داخل أجيب لبسي، أخد شاور وهجيبها. نور: تمام يا حبيبي. جيت أمشي حسيت بطني وجعاني ودخلت الحمام وبدأت أتقيأ. حور: ماما مالك؟ لقيت محمود جاي: مالك؟ أنتِ كويسة؟ وبدأ يقومني. نور: أيوه أنا تمام، وفجأة الدنيا بدأت تسود وأغمى عليا تاني. بفتح عيني لقيت الدكتور. نور: في إيه؟ حصل إيه؟ الدكتور ابتسم: مفيش حاجة يا مدام. محمود: ها يا دكتور هي مالها؟ الدكتور: مبروك، المدام حامل في الشهر الأول. نور بصدمة: حامل؟