رواية ملاك الأسد الفصل العشرون 20 - بقلم بسملة مصطفي

وفي يوم جديد على أبطالنا أسد وملاك، يستيقظ أسد قبل ملاك وظل سارحًا في ملامح ملاك البريئة وهي نائمة. أسد بقى مبسوط إنها معاه وإنها اعترفت بحبها ليه. أسد يقبلها من خدها ويقوم يأخذ شاور، وملاك لسه نايمة. أسد خلص شاور وخرج، اتجه نحو السرير وقعد يصحي ملاك. أسد: ملاك، ملاكي، ملاكي، اصحي بقى. ملاك بنوم: نعم يا أسدي. أسد: اصحي بقى عشان ننزل نفطر مع بعض. ملاك: حاضر، خمس دقايق بس. أسد: لا، ويلا بقى!

إيه رأيك تقعدي مع ماما لحد ما أرجع من الشركة وتتعرفوا على بعض أكتر وتقعدي مع ليان. ملاك صحيت وقعدت على السرير: ماشي. أسد: قومي غيري هدومك بقى. ملاك قامت أخذت شاور وغيرت هدومها. وأسد استناها بره لحد ما خلصت، وقبل ما تخرج أسد يتكلم مع حد. أسد: أنا عايز كل حاجة تمام ومش عايز حاجة ناقصة. قفل أسد المكالمة وملاك خرجت وأخذها ونزلوا. على السفرة، ريم أم الأسد وأيان وليان قاعدين بيتكلموا ويضحكوا.

ملاك: صباح الخير يا ماما، صباح الخير يا توينز. أيان وليان بضحك: صباح النور يا مرات أخونا. أسد: صباح الخير يا أمي. ووطى باس إيديها وقعد على السفرة وملاك قعدت جنبه. فطروا وخلصوا، وأسد استأذن أمه وسلم عليها ومشي وأخذ أيان معاه. وبقى في القصر ليان وملاك وريم الأم، وقعدوا يتكلموا ويضحكوا مع بعض. ملاك: والله يا طنط قعدتكوا دي حلوة. ريم: قولي لي ماما يا ملاك. ملاك بفرحة: حاضر يا ماما. هو أنا ممكن أحضنك؟

ريم: طبعًا يا قلب أمك. وفتحت لها دراعاتها وملاك جرت حضنتها. ليان بضحك: طب وأنا ماليش من الحب جانب ولا إيه؟ ولا الست ملاك جات وأخذت كل الحب؟ ريم: تعالي يا بكاشة. وفتحت لها حضنها. ريم الأم: من النهارده بقى عندي ولدين وبنتين، وربنا يخليكوا ليا. ملاك: إيه رأيك يا ماما أنتِ وليان نقف مع بعض ونعمل لهم أكل النهارده؟ ليان: يلا هنعمل أحلى أكل النهارده. ريم: يلا يا بنتي.

ودخلوا المطبخ وبدأت ملاك تسأل على مكان الحاجة وتجيبها وتعمل، وطبخت أحلى أكل وليان وريم واقفين مصدومين من مهارات ملاك في المطبخ. وبعد ما خلصت عملت لهم تورتة وزينتها وخلصت. وقعدوا لحد ما سمعوا صوت عربية أسد. قاموا الثلاثة وجهزوا السفرة. ولكن ملاك طلبت منهم محدش يقول إن ده أكلها لحد ما يشوفوا رأيهم. وخلاص السفرة جهزت وجاء أسد طلع على فوق وأيان كذلك، غيروا ونزلوا.

سلموا وباسوا إيد مامتهم وقعدوا أكلوا مع بعض وسط ضحكهم وهزارهم ولكن فجأة. أسد: مين اللي عامل الأكل ده؟ ريم: ملاك يا أسد هي اللي عملته. أسد: الأكل طعمه جميل قوي بجد تسلم إيدك يا روحي. ملاك بخضة: ده أنا خفت أصل يكون في حاجة. أيان: الأكل تحفة تسلم إيدك يا مرات أخويا. أسد: لا متخافيش يا حبيبتي. كلهم خلصوا أكل وملاك وليان شالوا الأكل وملاك جابت التورتة وليان جابت الأطباق والشوك والسكينة.

وحطتها ملاك قدامهم وأسد اتفاجأ من جمال منظر التورتة وقال لملاك. أسد: أنتِ اللي عاملة دي كمان؟ ملاك: آه، ذوق وقول لي رأيك. قطعت لكله وكله أكل. كلهم: التورتة طعمها جميل قوي، إيه الجمال ده تسلم إيدك يا ملاك. طب بمناسبة الجو الجميل ده عندي لكم خبر حلو. أسد: في حد جاء الشركة ليا وطلب إيد ليان وهو شخص محترم جدًا وأنا أعرفه من زمان. ريم الأم: مين ده يا أسد؟ أسد: فهد صديقي يا أمي. فلاش باك:

أسد قاعد بيراجع ورق الصفقة الجديدة، حد خبط ودخل. أسد رفع وشه من الورق لقى فهد صديقه. فهد: إزيك يا صاحبي. أسد: إزيك يا فهد، عامل إيه يا صاحبي. فهد: الحمد لله. أسد: إيه؟ في حاجة؟ مبتجيش هنا المكتب غير وفي حاجة مهمة جدًا. فهد بتوتر: أيوا، أنا أنا... أسد: في إيه يا ابني متقول. فهد: بصراحة كده أنا جاي أطلب إيد ليان أختك. أسد: وأنا عمري ما هلاقي عريس مناسب زيك، وأنا موافق يا صاحبي. بس هاخد رأيها وأرد عليك.

فهد: ماشي يا صاحبي، وأنا مستني الرد. باك: أسد: إيه رأيك يا ليان؟ ليان....................