رواية ملاك الأسد الفصل الحادي والعشرون 21 - بقلم بسملة مصطفي

أسد: بما إننا متجمعين، عايز أقول لكم خبر حلو. ريم الأم: في إيه يا ابني؟ أسد: فيه عريس متقدم لليان، والشخص ده محترم وأنا عارفه كويس وكلكم تعرفوه. ريم: مين هو يا ابني؟ أسد: فهد صاحبي يا أمي، وأنا بلغته بموافقتي ومستني بس رد ليان. إيه رأيك يا ليان؟ ليان: ممكن تديني بس وقت أفكر وأرد عليك؟ أسد: صدقيني هو شخص كويس، وأنا عمري ما أسلمك لأي حد أبدًا. ليان: خلاص يا أبيه أنا موافقة. أسد: على خيرة الله.

ريم الأم: ألف مبروك يا بنتي، ربنا يسعدك ويريح قلبك. ملاك: ألف مبروك يا لي لي. إيان: ألف مبروك يا قلب أخوك. ليان: الله يبارك فيكم كلكم. وبعد كده ليان طلعت على أوضتها. أسد أخد ملاك وطلعوا الأوضة. أسد: أنا جاي أهو خمس دقايق. أسد ساب غرفته واتجه إلى غرفة ليان. أسد خبط الباب ودخل، لقي ليان شاردة. أسد قعد جنبها: مالك يا قلب أخوك؟ حاسك مش مبسوطة ليه؟ ليان بحزن: أنا خايفة. أسد: من إيه يا روحي احكي لي.

ليان: مبقتش أثق في حد ولا أحب حد من اللي شفته مع أسر، بقيت خايفة أحب حد وأتكسر مرة تانية، بقيت خايفة أعمل حاجة أندم عليها، بقيت خايفة من كل حاجة حواليا، خايفة أوي. أسد: متخافيش يا لي لي، طول ما أنا معاكي مش عايزك تخافي. ليان اطمنت إلى حد ما. أسد قعد معاها شوية وقعدوا يتكلموا. ليان: أنا عايزة أعمل حاجة تفرح ملاك، عايزة أعملها مفاجأة، أعملها إيه؟ ليان قالت له: أنا قلت لك قبل كده، صدقني هتتبسط قوي. أسد: طب هتساعديني؟

ليان: أكيد طبعًا. أسد: ماشي يا لي لي. أسد خرج من غرفة ليان وراح أوضته، لقي ملاك قاعدة على الفون. أسد: ملاكي ملاكي. ملاك: نعم يا أسدي؟ أسد: في فستان عندك في الدولاب البسيه وأنا مستنيكي أهو. ملاك: فستان إيه؟ رايحين فين؟ أسد: يلا بس. ملاك: حاضر يا أسدي. واتجهت إلى الغرفة، وأثناء هذا استغل أسد الوقت وكلم التيم المسؤول عن الحفلة. ملاك خلصت وجهزت، وأسد شافها كانت كتلة من الجمال. أسد فضل متنح. ملاك: لبست يا أسدي.

أسد: ماشي يا قلب أسد، هألبس أنا كمان وأجيلك. أسد لبس هدومه ورش برفيوم وبقي أنيق جدًا. ملاك قربت عليه: إيه القمر ده؟ أسد بضحك: ما إحنا بنعرف نتكلم أهو. ملاك بضحك: أيوه أومال إيه؟ إحنا رايحين فين؟ أسد مسك إيديها ونزلوا واتجهوا إلى المكان المحدد. أسد طول الطريق ماسك إيديها ويكلمها وهي ترد عليه لحد ما وصلوا. ملاك باستغراب: إحنا جايين هنا ليه؟ أسد فتح العربية ونزل واتجه نحو مكان ملاك وفتح لها الباب وأمسك بيدها ودخل.

ملاك أول ما دخلت اتصدمت من وجود ليان وإيان وريم. ملاك: أسد هي مامتك وأخواتك بيعملوا إيه هنا وإيه كل الناس دي؟ أسد وقف في النص ومسك إيديها وقبلهم قدام كل الموجودين. أسد: كل سنة وأنتِ طيبة يا ملاكي، كل سنة وأنتِ منورة حياتي. اليوم ده أنا عمري ما أنساه ولا أعديه بالساهل كده. أسد أخدها واتجهوا إلى الوجه المقابل للمعازيم، وكان موجود ناس كتير وأكثرهم رجال أعمال بحكم شغل أسد.

أسد في الميكروفون: النهارده عيد ميلاد أكثر إنسانة حبيتها في حياتي، ويمكن كلمة بحبها دي قليل جدًا، أنا بعشقها وقلبي بقي متيم بحبها، الوحيدة اللي جات وفتحت قلبي ودخلته من غير استئذان، مع إني كنت قافل قلبي ومفتحتش لأي بنت قبل كده، بس هي غيرهم، هي غير أي حد، هي جات وغيرت الأسد وأصبحت بتشكل جزء كبير من حياتي، أنا مهما قلت عمري ما أقدر أوصف لك بحبك قد إيه، بحبك يا ملاكيييييي.

وبعد كده نزل على ركبته قدام كل الموجودين وقدم ليها خاتم ألماس وسلسلة مكتوب عليها اسمهم بس متشابك مع بعضه. قدم ليها الخاتم وقال: تقبلي تكملي حياتك معايا؟ تقبلي تكوني مرات الأسد؟ ملاك بعيون مدمعة هزت رأسها بس. أسد قام ولبسها الخاتم وقبل إيديها ولبسها السلسلة، وبعد كده اشتغلت أغنية رومانسية وكل اثنين رقصوا عليها، ولكن كانت كل أنظار الموجودين على العاشقين. وأثناء الحفلة حدث شيء لم يتوقعه أحد؟ يا ترى إيه اللي حصل؟؟؟