رواية ملاك الأسد الفصل الرابع عشر 14 - بقلم بسملة مصطفي

اتجه أسد للشركة، وكانت الشركة نشيطة جدًا، وكل منهم يؤدي عمله بإخلاص وجد، وكلهم فرحانين. استغرب أسد النشاط والفرحة المفاجئة دي، ولكنه لم يعلم من ينتظره في الداخل. أسد فتح باب مكتبه ورأى ملاك بالداخل، فاستغرب أنها هنا، وبالأخص هي قالت له: "أنا مش هاجي الشركة دي تاني". أسد باستغراب: بتعملي إيه هنا يا ملاك؟ ملاك: إيه حضرتك مستغرب قوي كده ليه؟ أنا بس جاية أقول لك حاجة مهمة قبل ما أمشي خالص.

أسد باستغراب من كلامها: قصدك إيه قبل ما تمشي خالص دي؟ ملاك: حاضر هأقول لك. أنا مسافرة ومش راجعة تاني هنا، وأنا في حد بأحبه وهو منتظرني في البلد اللي أنا مسافرة عليها، أنا آسفة في بنات كثيرة بتحبك، شوفي واحدة تانية غيري. وسابته ومشيت وهي كاتمة دموعها. أسد لسه واقف مصدوم من الكلام، وإن هي بتحب حد تاني غيره، وبعد كده فاق من صدمته علشان يلحقها، ولحقها وهي لسه كانت خارجة من باب مكتبه. أسد: استني.

ملاك لفت له: نعم يا أستاذ أسد؟ أسد: اللي أنا سمعته ده صح يا ملاك؟ بتحبي حد تاني غيري علشان كده ما كنتيش عايزاني أجي وأخطبك؟ ليه بتعملي فيَّ كده؟ أنا غلطان إني اعترفت بحبي ليكي؟ أنا كده هنت نفسي، أنا أسد الجوارحي اللي الكل بيعمل ألف حساب وخاطر لي، تيجي واحدة زيك تكسر قلبه، ليه كده؟ وكمان بكل جرأة بتقولي لي أنا مسافرة وبأحب واحد ومنتظرني هناك، طب حتى راعي مشاعري، هو أنتي ليه أنانية للدرجة دي؟ ليه بتعملي كده؟

ليه بتحبي نفسك بس ومش هامك حد خالص؟ ليه كده؟ وبدأ في تكسير كل مكتبه، وبعد كده سابها وخرج. ملاك وهي مصدومة وسمحت لدموعها بالنزول، وقعدت على الأرض تعيط ومش عارفة تعمل إيه. أما عند أسد، ركب عربيته لوحده من غير حراس أو حد، وساق بجنون وتهور، وبعد كده قابلته عربية كبيرة وعمل حادثة سير، والناس اتلموا عليه وفي ناس أخذوه للمستشفى. ملاك لقت حد بيرن على تليفونها وكان أسد، فاستغربت أنه بيرن. مسحت ملاك دموعها واتكلمت.

ملاك بحزن: ألو. أيوه يا أسد؟ الشخص: حضرتك صاحب الفون ده عامل حادثة وهو حاليًا في المستشفى. ملاك بصدمة قامت من على الأرض: مستشفى إيه؟ الشخص: مستشفى الجوارحي حضرتك. ملاك قفلت التليفون بسرعة وخرجت ركبت تاكسي ووصلت للمستشفى. أول ما وصلت المستشفى سألت على أسد. ملاك: في شخص لسه جاي من مدة وعامل حادثة، هو في غرفة إيه؟ سكرتيرة الاستقبال: هو في الدور الثالث في العناية المركزة.

ملاك طلعت بسرعة على السلم. ووصلت قدام الغرفة ولقت الناس اللي جابوه هناك. ملاك: هو من أمتى جوه؟ شخص منهم: هو بقاله حوالي نص ساعة ولسه الدكتور ما طلعش من جوه. ملاك انهارت في البكاء، وبعد كده أخذت فونها وكلمت ليان أخت أسد، أخذت رقمها من فون أسد. ملاك اتصلت. ليان باستغراب: رقم غريب. وبعد كده ردت: ألو مين معايا؟ ملاك: أنا ملاك يا ليان. ليان: ملاك مين؟

ملاك: مش وقته يا ليان، أنا ملاك، أخوك أسد عامل حادثة وفي المستشفى بتاعتكم تعالي بسرعة. ليان: أسد! ريم وإيان: ماله أسد يا ليان؟ ليان ببكاء: أخويا أسد عامل حادثة وفي المستشفى. ريم وإيان بصدمة: إيه! طب هو في مستشفى إيه؟ قولي بسرعة. ليان: في المستشفى بتاعتنا. ريم وإيان وليان أخذوا بسرعة عربية واتجهوا إلى المستشفى. بعد مدة وصلوا المستشفى، في الريسبشن سألوا وقالوا على الغرفة وبعدين طلعوا.

وصلوا قدام غرفة العمليات وسألوا ملاك اللي حصل بس ملاك مش بتتكلم. قعدوا وهما قلقانين. وبعد فترة كبيرة الدكتور طلع من جوه. جريوا عليه وهما قلقانين. ريم الأم بقلق وبكاء: ابني عامل إيه يا دكتور؟ الدكتور بتعب: بقالنا فترة كبيرة بنوقف النزيف بس خسر دم كثير قوي ومحتاجين دم وعايزينه دلوقتي حالًا علشان ننقذه. هنعمل تحاليل ليكوا علشان نعرف مين فصيلة دمه زيه علشان يتبرع له بسرعة. إيان: طب هنعمل التحاليل دي فين؟

الدكتور: في الطابق اللي تحت. إيان أخذهم بسرعة كلهم واتبرعوا واستنوا النتيجة تطلع، وبعد كده ظهر أن ملاك نفس فصيلة دمه وراحت مع الممرضة علشان تتبرع بالدم لأسد. الممرضة أخذت منها الدم وملاك قامت بسرعة بس حست بدوخة جامدة، وبعد كده راحت قاعدة على السرير تاني. الممرضة: حضرتك لازم ترتاحي وتشربي عصير وتاكلي أي حاجة علشان تعوضي الدم اللي أخذناه منك.

ملاك ما اهتمتش بكلامها وحاولت تقوم بس كانت تعبانة ومش قادرة، ولكن ما كانتش عارفة تمشي كويس بس سندت على الحيطة وخرجت. والممرضة بعدها أخذت الدم ودخلت غرفة العمليات، وبعد فترة الدكتور خرج. الدكتور: الحمد لله يا جماعة عدى مرحلة الخطر وهننقله أوضة عادية وهيفوق كمان ساعة كده. ملاك: الحمد لله يا رب. طب ممكن ندخله يا دكتور؟ الدكتور: الأحسن تدخلوا لما يفوق. وبعد ساعة، أسد فاق ودخل له الكل. أسد أول ما شاف ملاك قالها.

أسد بتعب: بره، مش عايزك هنا. ملاك بعيون مليانة دموع: بس يا أسد. أسد: مش هتكلم تاني، قلت بره.