رواية ملاك الفارس الفصل الخامس 5 - بقلم مريم حسني

ياسمين بعياط وصريخ وهي بتضرب فيه: ابعد عني ابعد عني يا عمر بكرهك بكرهك ابعد عني. عمر حاول يكتفها: اهدي اهدي يا ياسمين اهدي بس واسمعيني. ياسمين: بكرهك بكرهك اوي. عمر: طيب ماشي بس اهدي اهدي بقي عشان متعصبش زي امبارح. ياسمين بعياط أكتر: اسكت اسكت ياخي مش عاوزه اسمعك هو انت اشتريتني ها؟

أنا عبده عندك وأنا معرفش. مش كفاية خطفني من وأنا عندي ١٣ سنة ومقعدني معاك وبشوفش أي حد. وأمي هي الحاجة الوحيدة اللي كانت مصبراني على القرف ده. كنت كل شويه تقولي بكره هوديكي عندها، بكره تشوفيها. وانت أييييه؟ إيه يا اخي حرام عليك والله أنا فعلاً تعبت والله بكرهك وهفضل أكرهك لحد ما أموت. عمر ضربها بالقلم ومسكها من شعرها: انتي اتجننتي خالص. اتلمي يا ياسمين وخلي ليلتك دي تعدي معايا فاهمه؟

ولا أفهمك أنا بطريقة تانية. انتي مراتي أنا. متعمليش حاجة غلط. ده عادي جداً. أنا بس اللي قولت أستنى لما تكبر شوية. فمش عاوز أسمعك صوت بقي. ياسمين: بكره انت بجد بني آدم مريض ولازم تتعالج حقيقي. عمر: ماشي يا حبيبتي هعديهالك عشان انتي تعبانة بس. ياسمين: اخرج لو سمحت عاوزه أنام. عمر ابتسم باستفزاز: وماله ماشي. …………….. فارس: انتي قولتي إيه؟ ملك: احم ها مقولت لا مولت حاجة. فارس: متأكده؟ ملك: اه اه متأكده. فارس:

طيب هعدلك دلوقتي وتمسكي فيا عشان متقعيش ماشي. ملك: ماشي. ولفها وراه على الحصان. ملك حضنته: احم أنا كده ماسكة كويس. فارس: اه تمام. وابتدي يجري الحصان بأقصى سرعة وملك كل ما الحصان يجري أكتر كل ما هي تحضن فارس أقوى. ………….. سلمي بدموع: مريض كانسر إزاي؟ طب مش بتتعالج ليه؟ محمد: أنا في مرحلة متأخرة مفيهاش علاج. سلمي كل اللي بطلبه منك إنك تكوني جنبي في الفترة اللي باقيالي دي. الحاجة اللي هتخليني مبسوط وهتحسسني إني عايش.

سلمي: بس أنا معرفكش. وزي ما قولتلك أهلي ممكن يوقفوا إني أكلمك. انت متعرفش إخواتي صعبين إزاي. محمد: مش هطلب منك أكتر من إنك تبقي تدعيلي ولو حتى بالتليفون. أنا خايف أموت لوحدي ومحدش يحس بيا. سلمي بتفكر. محمد: سلمي أرجوكي اعتبري نفسك بتعملي حاجة خير. سلمي: طيب خلاص ماشي موافقة. محمد ابتسم بخبث: عمري ماهنسالك الجميل ده. قصدي اللي باقي من عمري. ……………. فارس خلص لف بالحصان ونزل من عليه. فارس:

يلا هاتي إيدك يا ملك عشان أنزلك. ملك مدت إيدها له بس وقعت في حضنه. ملك: احم شكراً. فارس: على إيه؟ ها هتشوفي الرماية ولا خلاص كده؟ ملك: لا أنا تعبت وعاوزه أروح. فارس: ماشي يلا تعالي أروحك. ملك: ميرسي بجد على اليوم ده. أنا اتبسطت جداً. فارس: احم العفو على إيه. يلا. ملك: تمام هغير هدومي بس. فارس: تمام يلا. ودخلت ملك تغير. فارس راح لأصحابه. فارس: ازيكوا يا جماعة؟ أحمد: إيه ياعم فارس جيت كده وعديت علينا ولا كأننا موجودين.

وياسر: وإيه القمر اللي انت داخل معاها دي؟ يوسف: آه دي حتة صاروخ أوعى. فارس بغضب: اتلم يالا انت وهو. انت اتجننتوا ولا إيه؟ دي بنت عمي فاتلموا عينكم كده أحسن لكم. ياسر بحرج: إحنا مكنش قصدنا يا فارس. يوسف: معلش يا فارس إحنا أسفين. فارس: أنا ماشي. أحمد: خلاص يا فارس إحنا أسفين بجد. ملك جت: فارس مش يلا؟ فارس شدها من درعها بعصبية: يلا. وخدها ناحية العربية. ملك: فارس في إيه؟ فارس بزعيق:

أنا لا كنت عاوز آخد حد معايا ولا أنا أصلاً بطيقك. هتعمليلي مشاكل كمان مع صحابي. ملك دمعت: أنا آسفة لو عملتلك مشاكل. فارس دور العربية وطلع. وملك أول ما وصلوا طلعت جري على أوضتها ومخرجتش منها خالص ولا حتى عشان الأكل. ومنزلتش غير بليل خالص. نزلت الجنينة. .............. ياسمين: أنا مش هستنى هنا. هو لسه ماشي وأنا لازم أهرب بأي شكل. وراحت تحاول تفتح الباب. ولسه هتخرج لقت عمر بيفتح الباب هو كمان. عمر بص لها بشر:

بتحاولي تفتحي الباب ليه يا ياسمين؟ .............. سلمي: الو إزيك؟ محمد: بقيت كويس بس لما سمعت صوتك وحشتيني. سلمي: وبعدين قولنا إيه؟ مش هتقول الكلام ده. محمد: صدقيني مقدرش أمنع نفسي من إني أقولهولك. أنا بحبك. أعمل إيه بس؟ أعلّقها في شوارع مصر كلها ولا أعمل إيه بس؟ سلمي ابتسمت بفرحة وخجل في نفس الوقت. ............... ملك كانت قاعدة بتعيط. لقت حد حط إيده على ضهرها. بتلف بتلقيه عمها شكري. ملك: في حاجة يا انكل؟

شكري قرب منها بابتسامة شر وخبث لحد ما بقى قدامها بالظبط: وحشتيني يا روح انكل. بشوفك. ملك بتوتر وبتحاول تبعد: ها. شكري قرب يبوسها. فارس بصدمة: بابا بتعمل إيه؟