رواية ملاك الفارس الفصل الثاني 2 - بقلم مريم حسني

فارس بصدمة. ملك بصتله بصة مفهمهاش. شكري: سارة مين يا فارس؟ إيش جاب القمر دي لسارة؟ قال سارة! ربنا يحرقها! مصرح ما راح، بقي دي ملك يا حبيبي. ملك بصت لعمها بغضب وزعقت: هي مين دي اللي ربنا يحرقها؟ حضرتك بتتكلم عن اختي يا انكل، لو مش واخد بالك. فارس: وانتي مالك بتزعقي ليه؟ ملك: هو إيه اللي ليه؟ وبعدين أنا وجهتلك كلام. فارس زعقلها: متتكلمي عدل يا بت انتي. شكري: وبعدين بس يا فارس، عيب كده. ملك برقة ودلع مصطنع:

معلش يا انكل لو كنت انفعت، بس أنا تعبانة خالص من المشوار وعاوزة أنام. شكري: لا يا حبيبتي، أنا مزعلتش أبدًا. اطلعي انتي ارتاحي فوق وهنصحيكي على معاد الغدا. ملك: اممم، طب فين أوضتي يا انكل؟ شكري: أنا هوصلك بنفسي يا حبيبة انكل، تعالي. ملك وهي طالعة: باي يا عمر. وقربت من فارس وسمندت على صدره بدلع: وانت كمان يا فارس، متزعلش مني ها، باي. وطلعت أوضتها. فارس: هي البت دي بتتكلم كده لسه؟ إيه اللي حدفها علينا أصلاً؟

عمر: معرفش يا فارس، بس يمكن هي بتتكلم كده وبابا هو اللي أصر إنها تعيش معانا. سلمي: أنا مش فاهمة انتوا بتتكلموا على إيه؟ مهي بتتكلم عادي أهي. عمر ضحك: تبقي مصيبة لو ده العادي يا سلمي. فارس بغضب ومسكها من درعها جامد: عادي إيه؟ انتي عاوزة تفهميني إنك ممكن تتكلمي كده عشان اقتلك؟ سلمي بخوف: إيه يا ابيه؟ هو انت عملك حاجة؟ عمر: إيه يا فارس؟ اهدي كده وسيب البت، إيه؟ فارس سابها. عمر: اطلعي فوق يا سلمي. سلمي: حاضر، حاضر.

وطلعت تجري. عمر: مالك يا فارس؟ بتعمل كده ليه؟ من ساعة ما شفت ملك. فارس: مفيش يا عمر، مفيش حاجة. أنا طالع أوضتي. وسابه وطلع. بعد شوية، سارة قاعدة في أوضتها وبتفتكر فارس من وهي صغيرة وهي بتحبه. فلاش باك. في بيت سارة. فارس: ازيك يا سارة؟ سارة بابتسامة باهتة: ازيك يا فارس؟ اتفضل. فارس دخل: إيه شكلك تعبان؟ انتي كويسة؟ سارة: الحمد لله، أنا تمام. انت عامل إيه؟ فارس بحب: بقيت كويس لما شوفتك. سارة بصتله بوجع واتنهدت.

فارس: نفسي مرة أفهم البصة دي يا سارة. ملك خرجت من أوضتها وجريت عليه حضنته. ملك: فارس، وحشتني. انت مش بتيجي ليه؟ أنا زعلانة منك. فارس: ملاكي، حبيبتي، وحشتني. متزعليش مني، أنا بس مشغول في الدراسة شوية. سارة بزعيق: ملك! إحنا قولنا إيه؟ انتي كبرتي ومينفعش تحضني حد كده. فارس: إيه يا سارة؟ براحة، ملك أختي الصغيرة. سارة: معلش يا فارس، أنا كده بربيها. ملك: طب فيها إيه؟ فارس خطيبي، مش انت خطيبي؟ فارس ضحك: صح، أنا خطيبك.

سارة: طب خشي دلوقتي يا ملك، خشي جوا يلا. فارس: اسمعي الكلام يا ملاكي، يلا. وأنا المرة الجاية هجيب سلمي وعمر ونقعد نلعب سوا. ملك: ماشي، باي. باك. ملك اتنهدت بضيق. ملك: لا، مش من أول ما أشوفه. لا، افتكري انتي جاية هنا ليه يا ملك. ركزي. وراحت لأوضة فارس. ملك بدلع: ممكن نتكلم شوية يا حضرة القاضي؟ فارس بص لهدومها البلوزة الحملات ومبينة بطنها والهوت شورت اللي لبساه. فارس: نهارك أزرق! إيه اللي انتي لابساه ده؟

وإزاي تدخلي أوضتي من غير إذن يا بت انتي. ملك بزعل مصطنع: انت بتعملني كده ليه يا فارس؟ فارس بحده: بصي يا بت، أمور السهلوكة والعبط بتاعتك ده تنسيها خالص، ومتعتبيش الأوضة دي أبدًا، فاهمة؟ وملكيش دعوة بأخواتي أحسنلك. ملك: ومليش دعوة بأخواتي ليه يا ترى؟ فارس بسخرية: عشان أخاف عليهم من واحدة تربية سارة. ملك: تربية سارة؟ ليه؟ وانتوا بتبيعوا سبح ولا إيه؟ تمام، عن إذنك يا حضرة وكيل النيابة.

وسابته وخرجت. رجعت أوضتها كلمت حد في الفون. ملك: أيوه يا فريد، ابدأ نفذ من بكرة. انت معاك مواعيدها كلها، بتخرج امتى وبتروح فين، وكل حاجة. وريني شطرتك بقي. وقفت وراحت لسلمي. سلمي بابتسامة: إيه يا لوكا؟ عاوزة حاجة؟ ملك بابتسامة صفرا: كنت عاوزة أسلم على طنط. سلمي: هي للأسف خدت العلاج بتاعها ونامت دلوقتي. معلش يا ملك، انتي عارفة هي تعبانة إزاي. ملك بأسف مصطنع: آه، انكل قالي سلامتها. بس بقولك إيه؟ إحنا لازم نبقى صحاب بقي.

سلمي ببراة: وأكتر، انتي زي أختي بالظبط يا ملك. ملك: اممم، أكيد يا حبيبتي. عن إذنك بقي، أما أشوف انكل عاوز مني إيه. وسابتها وخرجت. راحت لشكري. شكري: تعالي يا حبيبتي. ملك بدلع: انكل، كنت عاوزة منك طلب صغنن خالص. شكري: انتي تأمري يا حبيبة انكل. ملك: كنت عاوزة أشارك في نادي كويس، أتعلم فيه الرماية وركوب الخيل. شكري: وماله يا حبيبتي، أنا هخلي فارس يشتركلك في النادي بتاعنا وهو بنفسه يدربك. ملك باست خدة بدلع:

ميرسي يا انكل خالص. عن إذنك بقي. وسابته وخرجت. لقت عمر خارج من الڤيلا. مشيت وراه تشوفه رايح فين. لقته ماشي في الجنينة وبيتلفت حواليه، وراح حتة بعيدة جدًا فيها وعدي حتة زي ما تكون فاصل باب كده متغطي بشجر. مشيت وراه من غير ما يحس. لقت في بيت وجنينة تانية وراه الباب ده. دخلت وراه وقربت من البيت ده. وسمعت وشافت بنت شكلها يدي 18 سنة جوة البيت وعمر بيتكلم معاها وهي بتعيط.

عمر: متخافيش يا ياسمين، متخافيش مني يا حبيبتي. وبطلي عياط بس عشان خاطري. ياسمين بتعيط: والنبي يا عمر، وديني أشوف ماما عشان خاطري. انت بتقول إنها في المستشفى وبتموت. هشوفها مرة واحدة بس يا عمر، الله يخليك. هرجع هنا تاني والله ومش هقولك إني عاوزة أخرج من هنا أبدا، بس وديني عندها. عمر بعصبية وغضب:

لا، لا، قولت لا. انتي مش هتخرجي من هنا أبدا يا حبيبتي، افهمي. انتي لو خرجتي من هنا، هيخدوكي مني. هيخدوكي من عمر حبيبك، وأنا مش هسمح إن ده يحصل أبدا. فاهمة؟ وحضنها بقوة. انتي بتاعتي أنا، ومحدش هيخدك مني، فاهمة؟ ملك في نفسها: آآآه، ده انتوا عيلة لسعة كلكوا باين كده. بس مين البت دي وحكايتها إيه؟