رواية ملاك الجاسر الفصل الرابع 4 - بقلم جنى محمد

وصلو عند العربية وفجأة جاسر لقى ملاك وقعت عليه وأغمي عليها. جاسر اتخض عليها وراح شايلها بسرعة وفتح باب العربية. وهو بيحطها على الكنبة اللي ورا براحة وهو بيترعش من خوفه عليها، لقى عمر جاى ناحيته. وكان لسه هيتصدم وهيقوله إيه اللي حصل، لقى جاسر بيقوله: جاسر وهو شايل ملاك بخوف: عمر، عمر اركب بسرعة وسوق على أقرب مستشفى من هنا. جاسر مكملش كلامه، وعمر نفذ كلامه وركب مكان السواق.

وجاسر قعد ورا وهو شايل ملاك وسند راسها على رجليه وهو خايف عليها. لبسها الجاكيت بتاعه عشان الجو برد عليها. وعمر انطلق بالعربية. جاسر بخوف ورعشة وهو بيملس على شعر ووش ملاك بخوف: ملاك، ملاك فوقي، ملاك. كل محاولات جاسر فشلت إنه يفوقها، وكان شبه مجنون. هو مش فاهم إيه اللي حصل، معقول يفقدها! جاسر بصوت مليان خوف وهو ماسك وش ملاك وبيملس عليه: بسرعة يا عمر، بسرعة.

عمر وهو بيسوق بسرعة رهيبة: متقلقش يا جاسر، أنا ماشي على أقصى سرعة عندي. خلاص تلات دقايق بالظبط ونوصل. جاسر بص لملاك تاني وعينه مليانة خوف وقلق عليها. فضل يملس على شعرها وينادي باسمها، بس مفيش فايدة، هي فاقدة الوعي. وفعلاً زي ما عمر قال، بعد تلات دقايق كانوا وصلوا عند المستشفى. عمر نزل بسرعة ونده حد يجيب ترولي عشان يشيلوا ملاك عليها. وجاسر فتح الباب بسرعة ونزل وهو شايل ملاك وبيدخل المستشفى زي المجنون وهو بيقول:

جاسر بزعيق وهو شايل ملاك: ترولي بسرعة، بسرعة. تلموا عليه الممرضين والدكاترة، وعمر كان جاب الترولي وشالوا ملاك عليها. ومشوا بيها بسرعة، وجاسر كان ماشي معاهم ومسبهاش لحظة، وكمان عمر كان ماشي جنب جاسر. جاسر كان بيبص لملاك بخوف وقلق وهو ماشي معاهم بالترولي. وفجأة دخلو ملاك أوضة، وجاسر كان هيخش بس الممرضين منعوه. جاسر ساند على الحيطة بخوف وإيده بتترعش. عمر وقف جنبه

وحط إيده على كتفه وقاله: متخافش يا صاحبي، هتقوم بالسلامة إن شاء الله. جاسر بقلق: إن شاء الله. عمر حس بجاسر ساعتها وقد إيه هو قلقان على ملاك، ولاحظ إيده اللي بتترعش بخوف. عمر بص له بحزن وراح واجده في حضنه من غير كلام عشان يطمنه. عمر وهو حاضن جاسر وبيطبطب عليه: متخافش يا جاسر، صدقني هتقوم بالسلامة. جاسر شدد على حضن صاحبه ومتكلمش ولا كلمة، بس هو من جوه بركان بيغلي. عمر أول مرة يشوف صاحبه بالحالة دي.

جاسر اللي كل ما يدخل مكان البنات بتترمى تحت رجله أشكال وألوان وهو مبيعدهمش. جاسر الخطاب اللي عمره ما في حياته فكر إنه يتجوز، وأهو. جاسر الخطاب برضه واقف بيترعش وخايف عشان واحدة! عمر فرح إنه أخيراً قلبه اتفتح تاني، بس... بس معنى كده هو بيحبها؟ ده السؤال اللي سأله عمر لنفسه. جاسر ممكن بيكون بيحب؟ أو حب أصلاً؟ لا لا، عمر ما جاسر الخطاب قلبه دق لواحدة أبداً. استحالة.

جاسر اتصل على عز وقال له كل حاجة، وراح عز قال لـ نبيلة ونرمين. نبيلة فضلت تعيط وهما جايين في السكة. بعد نص ساعة كانوا موجودين في المستشفى. نبيلة أول ما شافت جاسر جريت عليه وهي بتعيط وبتقوله: نبيلة بعياط: جاسر، ملاك مالها، إيه اللي حصل، مش كانت خارجة معاك، إيه اللي حصلها بس، بنتي مالها. جاسر بصوت مكتوم وملامح حزن: ملاك كويسة يا طنط، هي بس أغمي عليها فجأة. نبيلة بعياط: استر يا رب. عز ونرمين بحزن: يا رب.

عدى ربع ساعة وكان الدكتور طلع وكلهم كانوا متلمين حواليه. جاسر بتسرع: خير يا دكتور، هي مالها. نبيلة بعياط: بنتي حصلها إيه. عز: اهدي يا نبيلة، خير يا دكتور. الدكتور: اطمنوا، هي كويسة، بس عندها نقص تغذية. هي الفترة دي شكلها كانت مقصرة في أكلها ومبتأكلش كويس، أو بمعنى أصح هي مبتأكلش أصلاً. وده ممكن يكون تراكم على النفسية، زعل أو اكتئاب أو حاجة أثرت عليها ومبقتش تأكل، وده أدى لسوء تغذية، وده برضه اللي خلاها يغمى عليها.

هي دلوقتي، إحنا معلقين لها محاليل توصل ليها التغذية اللي محتاجاها. ولازم الفترة دي تهتموا كويس بأكلها عشان تسترد صحتها تاني. وهي زعل أو ضغوطات حتى لو كانت بسيطة، هتاثر عليها. جاسر بحزن: طب هي فاقت دلوقتي؟ الدكتور: حالياً لا، عشان واخدة مهدئ أعصاب. عز: تمام، شكراً يا دكتور. الدكتور: على إيه، ده واجبي. الدكتور مشي وجاسر رجع ساند راسه على الحيطة تاني بحزن.

عمر وهو بيطبطب على كتفه: خلاص يا جاسر، الحمد لله أهو إحنا اطمنا على ملاك، إن شاء الله تقوم لكم بالسلامة. عز وهو بيطبطب على عمر: شكراً يا عمر يا ابني، تعبناك معانا. عمر باحترام: حضرتك بتقول إيه يا عز باشا، أنا معملتش غير الواجب، جاسر وملاك زي أخواتي بالظبط. عز: حبيبي، تسلم. جاسر: عمر، أنت أكيد تعبان ومنمتش من الصبح، روح خلاص. عمر: أنت بتقول إيه، لا طبعاً، أنا مش هسيبك.

جاسر: لا لا، أنا كويس، أنت روح دلوقتي وابقى تعالى بكرة لو عاوز. عمر: اللي أنت شايفه، وأنا من بكرة الصبح هبقى عندك. جاسر بابتسامة بهتانة: ماشي يا حبيبي، متحرمش منك يا صاحبي. عمر حضن جاسر وودعه، وعمر استأذن من الكل ومشي. بعد مرور ساعة. ملاك فاقت، لقت الكل حواليها، بس عينيها وقعت على جاسر اللي في آخر الأوضة وواقف بيبص عليها بخوف وقلق. ملاك بوجع: آآه، راسي وجعاني أوي، أنا فين.

نبيلة بدموع: حمد الله على السلامة يا بنتي، مالك يا روحي، فيكي إيه. ملاك بوجع: راسي وجعاني. عز: معلش يا حبيبتي من قصر الإغماء، حمد على السلامة. نرمين: حمد الله على السلامة يا ملاك. ملاك بتعب: الله يسلمكم، هو إيه اللي حصل. عز: جاسر لقاكي وأغمي عليكي، راح جابك هنا على المستشفى واتصل علينا وجينا. نبيلة بعتاب: كده يا ملاك، طلع عندك نقص تغذية ومبتأكليش، كده ينفع.

نرمين: خلاص يا نبيلة متعا**تبهاش، هي مش مستحملة، ألف سلامة عليكي يا حبيبتي. كل ده وجاسر واقف تا**يه في ملاك مش مركز معاهم خالص، لحد ما لقى عز بيذكر اسمه. عز وهو بيقول لـ ملاك وهو قاصد يقول كده: بس إنتي مشوفتيش جاسر، جاسر كان هيمو**ت من القلق عليكي والله، كان شكله مخضو**ض وعمال يتر**عش ويعيط. (قال آخر كلمة دي عشان الموضوع يكمل، وطبعاً كذ**ب فيها) جاسر بصدمة وهو بيبص لأبوه وبيشاور على نفسه: أنا!!

(بعد كده بص لـ ملاك وقال بتبرير زي الأطفال) والله العظيم معيط. شكلهم ضحكوا على طريقته اللي زي الأطفال، وحتى ملاك ضحكت وقالت: ملاك بضحك: مصدقاك، مصدقاك من غير ما تحلف. جاسر وهو بيرجع تاني لوضعه: ماشي يا بابا، شكراً. عز بضحك: العفو يا حبيبي، على إيه. عز: طيب أنا هقوم أشوف الحسابات بتاعة المستشفى. نبيلة: وأنا هروح الحمام. نرمين: استني يا نبيلة، خديني معاكي. وكلهم طلعوا من الأوضة، وكمان مازن ومروان طلعوا يلعبوا بره.

ومبقاش غير جاسر وملاك بس اللي في الأوضة. جاسر وهو بيقر**ب على ملاك وبيقعُد على الكرسي اللي جنبها: احم، حمد الله على السلامة. ملاك بابتسامة: الله يسلمك يا صاحبي. جاسر بهزار: يا ربي، متجوز واحد صاحبي. ملاك بضحك وهزار: هيهيهي، مضحكتش. جاسر بصدمة وضحك: متقلدنيش. هما الاتنين ضحكوا. ملاك بخبث وضحك خفيف: بيقولوا إنك خفت عليا وكنت قلقان وبتتر**عش.

جاسر بتحوير وخبث: آه، طبيعي لما أشوف حد بالحالة دي بتكون دي حالتي، مش عشانك يعني. ملاك بصت له ب**قرف ود**يرت وشها الناحية التانية. جاسر بضحك وهزار: والله بهزر، بهزر، متقفش**يش كده. ملاك بغضب وهي مديرة وشها: اسكت يا جاسر، اسكت عشان كل ما بتتكلم بتعصب. جاسر وهو لسه بيضحك: خلاص، والله كنت بهزر معاكي. جاسر حاول يصلح الموقف عشان متزعلش.

جاسر وهو بيمسك إيديها: أيوا بصراحة، أيوا خو**فت عليكي، وعمر صاحبي كان عمال يهديني وأنا كنت بترعش أصلاً، صدقيني بهزر، أنا قلق**ت عليكي بجد، ملاك، ملاك؟!! ملاك كانت في عالم تاني. كانت في عالم تاني بسبب إيد جاسر اللي في إيديها. كانت سرحانة في إيديهم وباصالها بشرود. جاسر باستغراب: ملاااك، روحتِ فينة. ملاك وهي بتفوق من شرودها على صوته: ها، احم، نعم. وسحبت إيديها براحة من إيده بخجل.

جاسر: أنا عمال أكلمك وإنتي روحتي في عالم تاني. ملاك: معلش سرحت شوية. جاسر: طيب يلا عشان تأكلي. ملاك وهي بتعدل نفسها وبتقوم بتقعد نص نومة: لا مش عاوزة. جاسر: يا بنتي، إنتي عندك سوء تغذية، يعني لازم تأكلي كويس، استني أنده الممرضة تجيب أكل ليكِ. ملاك باعتراض: لا يا جاسر، مش عاوزة. جاسر وهو بيقوم: ششش، هتاكلي، أنا رايح أنده الممرضة. جاسر رجع بعد خمس دقايق وهو جايب أكل معاه.

ملاك باعتراض: يا جاسر، قولتلك مش عاوزة، أنا مش جعانة. جاسر: ولمّا يغمى عليكي تاني. ملاك بتذ**مر: يووو. جاسر أخد حتة عيش توست وحط عليه جبنة ومسك العصير وفضل يأكل ملاك عشان ترضى تأكل. ملاك لاحظت جاسر بيواجهه الأكل ناحية بوقها. ملاك باستغراب: هتعمل إيه. جاسر: ها*كلك عشان ترضي تأكلي. ملاك بخجل واعتراض: لا، بعرف آكل لوحدي. جاسر: ششش، ها*كلك يا ملاك، خلاص، يلا افتحي بوقك. ملاك كانت مكسوفة بس استسلمت وكلت منه.

جاسر فضل يأكل ملاك لحد ما هي شبعت. ملاك: لا خلاص، شبعت. جاسر: آخر حتة يالا. ملاك وهي بتبعد وشها الناحية التانية: لا، شبعت. جاسر باستسلام: ماشي. وفي اللحظة دي كلهم دخلوا ليهم. نبيلة: ها يا ملاك، بقيتي أحسن. ملاك: آه يا ماما، الحمد لله. نبيلة: استني أجيبلك أكل. ملاك: لا، أنا لسه مخلصة أكل. عز بخبث وضحك: يعني جاسر قام بالواجب. ملاك ضحكت بخجل وجاسر ضحك. عز: ملاك هتقعد بكرة بس، وبعد كده هتروح معانا على البيت.

نرمين: المفروض شخص واحد يبات معاها، مين؟ عز: ده سؤال يا نرمين، جاسر طبعاً. نبيلة: أيوا، أنا بقول كده برضه. جاسر: إنتوا عمالين تاخدوا قرارات ليا وأنا مش عارف أنطق. كلهم ضحكوا، وملاك قالت تغ**لس عليه وقالت لهم: ملاك بعصبية مصطنعة وهي بتهمس ليه: مش هتبات معايا ولا إيه. جاسر بتسرع وهمس زيها: لا، هبات، هبات. عز: ها يا جاسر، هتبات مع ملاك؟ جاسر بهزار: أنا خا**يف أرفض، لحسن طلبه يزعل مننا.

كلهم ضحكوا، وملاك بصت له ب**قرف وقالت وهي بت**طريق عليهم: ملاك بطريقة: نينينيني. جاسر بضحك: بهزر يا بومة. عز بضحك: خلاص، إنتوا إيه، توم وجيري. نرمين: طب يلا نمشي إحنا وهنيجي الصبح. نبيلة: يلا. عز: يلا. كلهم سلموا عليهم ومشوا، مبقاش غيرهم. جاسر: احم، عاوزة تأكلي تاني. ملاك: يا ابني، هو أنا بقرة، عمالة أتحشى أكل من الصبح. جاسر بضحك: خلاص، أنا غلطان.

جاسر وملاك ملقوش حاجة يعملوها، وجاسر فضل يلف في الأوضة وملاك بتلعب بضوافرها بملل. ملاك بملل: جاسر. جاسر وهو بيلف ليها: اممم. ملاك بملل: أنا زهقانة أوي. جاسر وهو بيقعد جمبها على الكرسي بملل: وأنا... طب نعمل إيه. ملاك ب**خنقة وزهق: مش عارفة. فجأة جاسر جاله مكالمة بخصوص الشركة، فقام بره الأوضة عشان يتكلم، وفضل حوالي نص ساعة بره. ملاك بأحراج وهي بتنده جاسر: جااسر. جاسر دخل ليها الأوضة وقالها: نعم يا ملاك، عاوزة إيه.

ملاك: ممكن تقعد معايا عشان أنا خا**يفة. جاسر بتنهيدة وهو بيروح يقعد جمبها: حاااضر. فضلوا كده حوالي ربع ساعة وجاسر بيلف يشوف ملاك، لقاها نايمة في سابع نومة. جاسر ابتسم على شكلها الكيوت وراح شَد عليها الغطا أكتر وحط إيده تحت راسها عشان تسند عليها. وجاسر راح هو كمان في النوم. «اليوم التالي» جاسر فتح عينه، لقى راس ملاك على كتفه وهو ساند راسه على راسها. جاسر ابتسم على منظرهم، وعمل نفسه نايم لما لقى ملاك فتحت عينيها.

ملاك قامت اتخ**ضت على نومتها دي واتعدلت بسرعة وهي بتصحي جاسر بفز**ع. ملاك بفزع وهي بتصحي جاسر: جاااسرر، جااسر قووم. جاسر قام مخدو**ض منها: في إيه. ملاك بتسرع وتوتر وإحراج: أنا... أنا... أنا نمت على كتفك غصب عني. جاسر: طب وفيها إيه، أنا جوزك على فكرة، يا شيخة خض**تيني، افتكرت جر**الك حاجة. ملاك بإحراج: أنا عاوزة آكل طيب. جاسر جاب لها أكل وأكلها، ولاقى عمر بيتصل عليه بيقوله إنه تحت.

عمر كان طالع وفجأة اتخبط في واحدة كانت شايلة بوكيه ورد ووقع منها لما خبطت في عمر. عمر بتأسف وهو بينزل يجيب بوكيه الورد: أنا آسف بجد، مكنش قصدي. البنت: لا ولا يهمك، أنا اللي آسفة، مأخدتش بالي. جاسر وهو بيرفع عينه ليها، بس تاه. تاه في عينيها اللي تتوه أي حد. عمر بت**وهان وهو بيديها بوكيه الورد بتاعها: اتفضلي. البنت بابتسامة وهي بتاخده منه: ميرسي، واسفة مرة تانية. عمر بابتسامة: لا، ولا يهمك.

عمر لاحظ إنها لابسة سلسلة مكتوب عليها چودي. عمر بابتسامة: چودي ده اسمك؟ البنت بابتسامة: لا، چودي ده اسم أختي الله يرحمها، إنما أنا اسمي چني. (مفاجأة مش كده؟ 😂 أيوا، چني صاحبة ملاك هي اللي شافت عمر) عمر بابتسامة: الله يرحمها، اسمك حلو يا چني. چني بابتسامة: ميرسي، عن إذنك، لازم أطلع لـ صحبتي تعبانة فوق. عمر: تمام، وأنا كمان. چني وعمر طلعوا المستشفى، ولقوا إنهم بيسألوا على نفس الأوضة.

الاتنين استغربوا جداً وكملوا طريقهم، لـقوا إنهم دخلوا فعلاً نفس الأوضة. ملاك بفرحة: چنيي، وحشتيني يا روحي، عاملة إيه. چني وهي داخلة بتحضن ملاك: وإنتي كمان يا قلبي، ألف سلامة عليكي، أنا أول ما عرفت جيتلك على طول. (ودتها بوكيه الورد) ملاك: الله يسلمك يا حياتي. چني بابتسامة: حبيبتي. (وبعد كده بصت لـ جاسر وقالت) ازيك يا جاسر، عامل إيه. جاسر بابتسامة: الحمد لله. عمر سلم على جاسر وقال لـ ملاك:

عمر بابتسامة: ألف سلامة عليكي يا ملاك، أنا عمر صاحب جاسر. ملاك بابتسامة: الله يسلمك يا عمر. جاسر: هو إنت وچني اتقابلتوا تحت ولا إيه. عمر بابتسامة: آه، مكنتش أعرف إنها صاحبة ملاك. چني بابتسامة ومرح: تخيل، وأنا كمان مكنتش أعرف إنك صاحب جاسر. وكلهم ضحكوا. قعدوا معاهم شوية وجاسر أخد ملاك عشان يروحوا البيت. (تسريع الأحداث) ملاك اتكتب لها تصريح خروج وطلعت من المستشفى وروحت هي وجاسر القصر. طلعوا أوضتهم بعد كده. *****

"في الأوضة" ملاك: أنا هنام على الكنبة. جاسر باعتراض: لا طبعاً، إنتي هتنامي على السرير، إنتي لازم ترتاحي. ملاك: بس ده سريرك يا جاسر. جاسر: لا، اسمه سريري أنا وإنتي. ملاك اتحرجت ووافقت إنها تنام على السرير. ملاك فجأة حست إنها دا**يخة وكانت هتقع. جاسر راح سندها بسرعة وحطها على السرير وفضل يملس على شعرها بخوف ور**عشة ويقول: جاسر: اهدي يا ملاك، اهدي، مالك إنتي تعبا**نة. ملاك حست بإيده اللي بتتر**عش

ومسكتها وقالت بهدوء: إنت إيدك بتتر**عش ليه يا جاسر، اهدي، أنا كويسة، هي بس دو**خة وهتروح لحالها. وبعد كده سابت إيده بهدوء وهو غطاها وفضل جمبها طول الليل وهي نايمة وهو قاعد جمبها مبينامش من خو**فه عليها. فضلوا كده طول خمس أيام. جاسر يعتني بـ ملاك وكل يوم يتقرب منها أكتر وملاك تتقرب منه برضو ويتعودوا على بعض. لحد ما ملاك خفت واستردت صحتها. وفي يوم جاسر كان نازل الشركة بعد غياب كبير لأنه كان قاعد مع ملاك.

ملاك بزن وإلحاح: عشان خاطري يا جاسر، عشان خاطري خدني معاك، عاوزة أشوف الشركة. جاسر باستسلام: خلاص يا ملاك، تعالي، بس عشر دقايق ولاقيكي لابسة. ملاك بفرحة: طيارة. ملاك جريت تلبس، وكان جاسر لابس بدلة زرقا وقميص أبيض وبنطلون البدلة الأزرق والكوتشي الأسود وكان مصفف شعره. ملاك لبست بسرعة وكانت لابسة عبارة عن بنطلون بيج وايد ليج، وبلوزة بيضة ولمت شعرها ديل حصان وحطت ميك أب سمبل ولابسة كوتشي أبيض.

طلعت وقالت لجاسر بفرحة: خلصت. جاسر فضل يتأملها وهو مبتسم وقال لها: يا خلاصي، كيوووت. ملاك بخجل: ميرسي. جاسر بابتسامة: يلا عشان منتأخرش. ملاك بابتسامة: يلا. "في الشركة" وصلوا الشركة اللي كانت ملاك منبهرة بيها. ولاحظت في عيون البنات اللي بيتهمسوا على الفتاة الغريبة اللي دخلت مع جاسر، فتاة أحلامهم. بس ملاك طنشتهم وجاسر كمان وطلع ملاك مكتبه اللي كان كبير جداً. ملاك أول ما دخلت مكتبه اترسم على وشها ابتسامة فرح.

ملاك بفرحة وابتسامة: الله، مكتبك حلو أوي. جاسر بابتسامة: عجبك. ملاك: أوي. جاسر بابتسامة: ماشي يا ستي، أنا هشتغل شوية وهطلب لينا أكل وإنتي اتشق**لبي في المكتب براحتك. ملاك ضحكت وقالت بضحك ومرح: متقلقش، هطنتطلك هنا. جاسر ضحك وبعد كده قعد يشتغل وملاك لفت شوية في المكتب راحت جابت كرسي وقعدت جنبه وبتشوفه وهو بيشتغل. وفجأة دخل عليهم واحدة من غير ما تخبط وهي بتقول: البنت بدلع: إيه ده يا بيبي، إنت هنا.

وبعد كده قربت من جاسر بشكل جر**يء أوي ومسكت ياقة البدلة بتاعته وهي بتلعب فيها وقالت: البنت: وحشتني يا جسوري. جاسر بصدمة: لينا!! يتبع...