رواية ملاك الجاسر والفهد الفصل الرابع عشر 14 - بقلم رنا احمد عماد

في شقه جاسر ... كان يقف وهو ينظر إليه بصدمه. كيف استطاع معرفه ذلك السر الخفي؟ هل من المعقول أن تكون ملاك قد أفشت ذلك السر؟ بالطبع لا. ليتحدث بجديه وثبات واضح: /حضرتك عرفت موضوع الصقر ده منين؟ عامر بابتسامه:

/معلش، الهيبه برضه ي باشا كانت باينه أوي. شكيت فيك من أول لحظه شوفتك فيها. شكلك مش سواق خالص. السواق كانت وشه زي الورشه كده اللي انت فاتحها علشان تفضل محافظ على السر ده. بس الحقيقه أنا مش عارف انت مصمم تخفي الموضوع ده ليه؟ ليه مصمم تفضل كده على الهامش ي سياده المقدم؟ جاسر بجديه: /لأني ظابط مخابرات، وده من أساس شغلي. وأتمنى أن حضرتك متقولش لحد لحد ما ييجي الوقت المناسب والموضوع هيتعرف. مهمة عندي لازم تخلص الأول.

عامر بحده: /انتقامك من فهد وداليا مش كده؟ انت فاكر إني هسيبك تدمر أحفادي؟ جاسر بوجع ومرارة يحاول أن يخفيهم ليتحدث بغضب جحيمي: /وانت شايف إني معنديش سبب يخليني أنتقم منهم بعد اللي عملته أمهم؟ عامر بغضب شديد: /هما مالهمش ذنب في أي حاجة. واظن أبوك مكنش عيل صغير هرب مع نرجس بمزاجه ولا إنه حبها. جاسر بغضب:

/طليقة ابنك هي اللي لعبت عليه وخدت أبونا ودمرت حياتنا وقهرت أمي. وللأسف حاولت أوصلهم كتير علشان أعرف هما فين وانتقامي يكون منهم هما، لكن ولادها موجودين وهما اللي هيدفعوا تمن اللي أمهم عملته. عامر بحده:

/مش هسمحلك ي سيادة المقدم. زي ما أنتوا اتأذيتوا من اللي حصل، أحفادي كمان اتأذوا. أن أمهم سابتهم وهربت مع واحد غير أبوهم قاتلهم. مش أنت وأخواتك بس اللي مجني عليكم ي جاسر. سعيد ونرجس هما اللي مفكروش غير في نفسهم. وكلمه أخيرة ي سيادة المقدم، أنا مش هسمحلك إنك تأذي أحفادي. فهد كان عنده حق. أنا للحظة حسيت فعلاً إنك بتحب داليا، بس واضح إني غلطان. سلام ي جاسر. جاسر بوجع وكسره:

/حتى دي فشلت. أني أنتقم منها وحبتها بجد. وبعدها عني ودموعها ووجعها بيكونوا انتقام مني أنا. ليضغط على يده بغضب شديد وقهر وهو يتذكر تلك الليلة الأليمة الذي رحل فيها والده إلى تلك المرأة. فلاش باك. ليلاً. كان يخرج جاسر من غرفته لكي يشرب، لينتبه إلى ذلك الصوت الذي يأتي من غرفة والده. ليقترب من الغرفة لينصدم مما سمع. في الغرفة. حمدي بغضب شديد: /انت اتجننت ي سعيد؟ عايز تسيب مرائتك وولادك وتمشي مع خرابة البيوت دي.

سعيد بحده: /اتكلم عنها كويس ي حمدي. أنا ونرجس بنحب بعض. إيه المشكلة؟ حمدي بغضب شديد: /حب في عينك أنت وهي. وعيالكم الغلابة دول هتسيبهم لمين؟ أنا مشوفتش بجاحة كده والله. سعيد بجديه: /ولادنا ليهم رب كريم. أنا عارف إنك هتاخد بالك منهم ي حمدي، بس صدقني أنا من غير نرجس مش هعرف أعيش. حمدي بحده: /أنا بصراحة قرفان منك ي سعيد. روح أنت وهي ربنا بقا يحاسبكم هو على ولادكم اللي مفكرتوش فيهم. سعيد بسعاده:

/سلام ي أخويا، لآني رايح السعادة. باك. جاسر بدموع وقهره: /يا ترى بقا عيشت السعادة من غيرنا؟ ربنا يسامحك بقا، بس أنا عمري ما هسامحك. رحمه وهي تمسح دموعها سريعا: /مساء الخير ي جاسر. جاسر بقلق شديد: /إيه مالك؟ فيكي إيه؟ رحمه وهي تنفجر بالدموع: /احضني ي جاسر. احضني أوي. جاسر وهو يحتضنها بحنان: /إيه ي قلب أخوكي؟ مالك؟ فيكي إيه ي نور عيني. رحمه بدموع ووجع: /تعبانة أوي ي جاسر. أوي. محتاجة أتكلم معاك. أرجوك اسمعني.

جاسر بحنان: /تعالي ي حبيبتي. تعالي. في أحد الكافيهات الفاخمة. فهد بابتسامه وسعاده: /حبيبتي مبسوطة أوي. ملاك وهي تمسك يده بحب وعشق: /روح قلبي، إزاي مكونش مبسوطة وأنا معاك ي حبيبي. وعارف هبقى مبسوطة أكتر امتى؟ لما نخلف ولد قمور شبه أبوه كده. فهد بارتباك وقلق: /ربنا يسهل. ملاك بحزن: /مالك ي فهد؟ شكلك مش مبسوط. أنت مش عايز تخلف مني؟ فهد وهو يقبل يدها بعشق:

/أوعي تقوليلي كده ي روحي. خلينا في الموضوع المهم. مدرستك ي هانم اللي سبتيها. ملاك بحزن: /والله الموضوع ده خانقني أوي ي فهد. عايزة بجد أكمل تعليمي. فهد بابتسامه: /ومين قال إنك مش هتكمليه؟ أنا قدمت لك في مدرسة جنب الشركة بتاعتي علشان القمر يكمل تعليمه. ملاك بطفولة وبراءة: /حبيبي ربنا يخليك ليا يا رب. صوفيا بخبث وغل: /إيه ده؟ فهد؟ بجد وحشتوني أوي ي بيبي. ملاك بدموع وصراخ: /مين دي ي فهد؟ فهد بغيظ شديد:

/مفيش ي حبيبتي. دي واحدة كده ملهاش قيمة. صوفيا بضحكة عالية: /هههههه. لا بجد. الله يرحم لما كنت بتترمي تحت رجلي. فهد بغضب جحيمي: /مين ده اللي كان بيترمي تحت رجلك ي بنت الكلب. ملاك بدموع وصراخ: /فهد! إيه اللي بيحصل ده؟ مين دي؟ صوفيا بغل وحقد: /أنا كنت مراته ي حبيبتي. وكنت شايلة ابنه في بطني. بس للأسف محصلش نصيب. ملاك بدموع وقهرة وهي تسير للخارج: /أنا بكرهك ي فهد. بكرهك. فهد وهو يصفع صوفيا بحده:

/قسماً بالله العظيم لـ أوريكي الويل. صوفيا بكره وانتقام: /أنت وريتني بما فيه الكفاية. الدور الجاي عليا أنا ي فهد. أنا هعرف إزاي أكسرك مائة حتة. في شقه أكمل. أكمل بغضب: /هي الهانم هتفضل نايمة كده كتير؟ تقي بتعب ونعاس: /فيه إيه بس ي أكمل؟ أكمل بغضب: /فيه إن الهانم مبقاش وراها غير بنت عمها اللي بتفضل معاها طول اليوم وتيجي بالليل وتنام. وأنا أتفلق مش كده. تقي بتعب وزهق:

/أكمل. أنا بجد تعبانة ي حبيبي. معلش سبني أنام النهارده والصبح نتكلم. أكمل بزهق: /نامي ي أختي. نامي. في الخارج. في البلكونه. كان يجلس أكمل بزهق. لتقترب منه نجوى بخبث ومكر: /إيه مالك؟ شكلك زهقان ومش طايق نفسك. أكمل بارتباك وهو يشعر بأنه سيضعف: /مفيش. شوية مشاكل في الشغل. نجوى وهي تقترب منه بدلع ودلال:

/ملعون أبو الشغل اللي يخليك حزين كده. أنت راجل المفروض يتشال على الرأس. والواحدة تخدمه بعنيها. حالا هحضرلك العشاء. أكيد جعان. أكمل بحسرة: /واحدة فاكرة إني ما أكلتش. والتقنية نايمة ولا سائلة في حاجة. في شقه جاسر. جاسر بذهول: /انتي اتجننتي ي بت؟ بتقولي إيه؟ عايزة تسيبي ماهر إزاي؟ مش فاهم. رحمه بدموع وتوسل:

/أبوس إيدك ي جاسر. أنا مش عايزة أتجوزه. حاولت كتير أعرفه بس هو مفهمش. أبوس إيدك ي أخويا. أنا مش عايزاه. وإلا والله هموت نفسي. جاسر بحده: /اخرسي ي بت. بعد الشر عليكي. خلاص اللي انتي عايزاه هيحصل. رحمه بلهفه وسعاده: /بجد ي جاسر؟ بجد؟ جاسر وهو يقبل رأسها بحنان: /بجد ي مجنونة. هو أنا عندي أغلى منك في الدنيا ي قلب أخوكي. رحمه بسعاده لا توصف: /ربنا يخليك ليا ي جاسر. في فيلا فهد. في غرفة فهد. فهد بابتسامه وهو يقبل يدها:

/على فكرة الدموع دي بتقتلني. وأنتي عارفة كده. ملاك بدموع وصراخ: /أيوه. ما أنا المفروض أفرح إن جوزي بيخوني. فهد بابتسامه: /أوعي تسميها خيانة. كل علاقتي دي كانت قبل ما أعرفك وأتجوزك. لكن دلوقتي قسماً بالله ي ملاك ما فيه غيرك في قلبي. أرجوكي ي ملاك متخليش حد يفرق بينا. أرجوكي. ملاك بابتسامه طفلة استطاع أن يراضيها: /خلاص ي روحي. مصدقاك. وكفاية إنك ليا لوحدي. فهد بخبث وغمزة وهو يشدد من احتضانها:

/بس أنا لازم أصلحك. وهصلحك في حضني دلوقتي حالا. في الحاره. كان يقف جاسر وهو يبحث عن ماهر. لينصدم مما يرفع. فكان يقف ماهر وهو يغازل إحدى الفتيات بضحك وغزل. ليقترب منه بحده. جاسر بغضب: /إيه اللي بتعمله ده ي ماهر؟ ماهر بضيق وزهق: /إيه اللي عملته ي ابن خالتي؟ جاسر بحده: /المسخرة اللي أنا شايفها دي. ماهر بضيق: /وأنت مالك ي جاسر. جاسر بغضب جحيمي: /انت ناسي إنك خطيب أختي. ماهر بسخرية: /ههههه. أختك؟

لا بجد. هي فين أختك دي إن شاء الله؟ الجوازة دي مش نافعة ي جاسر. أختك دي واطية. مبيطمرش فيها حاجة. شكلها كده شايلالها شوفة تانية. جاسر وهو يلكمه بغضب جحيمي: /اخرس ي واطي. فعلاً رحمه كان معاها حق لما قالت مش عايزاه. حاجتك راحت بيت أمك خلاص علشان نتعرف إنها هي اللي سبتك. في فيلا فهد. فتحيه بطمع وجشع: /ي لهوي! شايف العز ي حمدي؟ مش الخرابة اللي إحنا عايشين فيها. حمدي بغيظ: /احمدي ربنا ي وليه. ملاك بسعاده وفرح:

/بابا حبيبي. وحشتني أوي. حمدي بسعاده وحنان: /وانتي كمان ي قلب أبوكي. فهد بغيظ واستفزاز: /فتحيه. روحي ساعدي الناس في المطبخ. أصلهم محتاجين مساعدة. فتحيه وهي تشعر بداخلها بنار تؤد أحراقها بها. فهو دائما يتعمد إهانتها: /حاضر ي فهد بيه. فهد بتوعد وغيظ: /ولسه. ده أنا هوريكي الويل. في شقه أكمل. تقي بغيظ وغيره: /يعني هي اللي حضرتلك العشاء وقعدت معاك كمان؟ أكمل بغيظ:

/والله الست كتر خيرها أنها سألت فيا. الدور والباقي على اللي نامت ومش سائلة في جوزها. تقي بغيظ شديد: /ماشي ي أكمل. ماشي. براحتك. أكمل بجديه وثبات: /خلاص. غيرانة عليا منها؟ اطرديتها من هنا. تقي بارتباك شديد: /مقدرش ي أكمل. دي مهما كان بنت عمي. أكمل بحسرة ووجع: /كده يبقى خلاص. متكلميش. خليها تنفعك بقا. بعد مرور أسبوعين. في غرفه داليا. كانت تجلس بدموع وقهرة واشتياق إلى معشوقها.

/خلاص ي جاسر. مبقتش طايقني لدرجة دي. أسبوعين بحالهم أرن عليك مش عايز تعبرني. بس أنا بقا مش هفضل كده في العذاب ده. أنا هخلص نفسي من العذاب والوجع ده. لتنظر بهذيان إلى تلك العقاقير الطبية. لتقترب منها وهي تنظر إليها بدموع. فقد قررت إنهاء حياتها. في شركة فهد. أكمل بجديه: /الشحنة خلاص على وصول ي فهد. فهد بزفر: /أووف. مش عارف أعمل إيه في المصيبة دي. أنا خلاص من ساعة ما حبيت ملاك مبقتش عايز أعمل أي حاجة غلط. أكمل بابتسامه:

/اتغيرت ي صاحبي. الحب خلاص سيطر عليك. فهد بعشق: /الحب ده أجمل حاجة في الدنيا. ملاك غيرت حياتي. خلتني واحد تاني خالص. أكمل بابتسامه: /ربنا يخليكم لبعض يا رب. بس إحنا لازم نخلص من الموضوع ده ي فهد. أنت عارف دول محدش يقدر يهزر معاهم. فهد بضيق وخنقة: /حتى لو اضطريت أعمل كده. خلاص. هتكون آخر مرة. أنا زمان مكانش عندي اللي أخاف عليه. لكن دلوقتي لا. أكمل باستغراب: /إيه ده؟ جدك بيرن عليا ليه؟ فهد بتذكر:

/أيوه صح. تليفوني على الساخن. هات أرد عليه. أيوه ي جدي. ليكمل بفزع: /إيه؟ داليا مالها؟ أنا جاي حالا. جاي حالا. في المستشفى. ملاك بدموع ووجع: /داليا حاولت تنتحر ي فهد. ذنبها في رقبتك. أنت اللي بعدتها عن حبيبها. فهد بعصبية ورعب على أخته: /ملاك. أرجوكي ارحميني. كفاية اللي أنا فيه. تعالي نجيب حاجات ليها من البيت. جاسر بخوف وألم شديد بعدما تأكد من رحيل فهد: /داليا أخبارها إيه دلوقتي؟ عامر بابتسامه: /واضح إنك بتحبها.

جاسر بزفر فهو يريد الاطمئنان عليها: /أيوه بحبها ي عامر بيه. ودي حقيقة مش هانكرها. ممكن أطمن عليها. عامر بابتسامه: /ممكن طبعاً. أنا هنزل أشوف الحسابات. في سيارة فهد. ملاك وهي تتحدث في الهاتف بهمس: /أيوه حضرتك. هاجي استلمها بكرة إن شاء الله. عايزها زي ما طلبت. شكراً جداً لحضرتك. فهد بحده: /بتكلمي مين؟ ملاك بارتباك شديد: /ها. لا أبداً. دي واحدة من أصحابي في المدرسة. يلا بقا علشان متأخرش. فهد بحده وشك: /ماشي ي ملاك.

في السنترال. صوفيا بحده: /ها ي رامي؟ هتعرف تعمل اللي قلتلك عليه؟ رامي بخبث: /والله أنا أقدر. بس لما أشوف المعلوم الأول. صوفيا بحده وغيظ: /هديك كل اللي انت عاوزه. بس خلصني. رامي وهو يشرب سيجارته: /اطمني. هخليه يتأكد إنها بتخونه ويشوف ده بعنيه كمان. بس سيبلي رقمه. صوفيا وهي تخرج الأموال من شنطتها بلهفه: /عنيا. امسك. وبعد ما تخلص الموضوع ده ليك قدهم. رامي بجشع وطمع: /هو ده الكلام. اعتبره حصل. في المستشفى. في الغرفة.

كانت تغفو تلك الملاك في عالم آخر. ليقترب منها وهو يقبل يدها بدموع: /أنا آسف ي حبيبتي. سامحيني. يا ريتني كنت أنا. أنا السبب في اللي انتي فيه. بس أنا بحبك أوي والله ي داليا. أوي. صدقيني بعدك عني كانت نار بتكوي فيا. بس فوقي. أنت بس وكل حاجة هتتعدل. صوفيا بخبث ومكر: /جاسر. جاسر بغضب شديد: /انت إيه اللي جابك هنا. صوفيا بمكر: /توتو. جرا إيه ي جاسر. إحنا مش بينا اتفاق؟

وادينا ماشيين فيه. حلاوة أهو. مشاء الله عليك. نفذت كلامي بالحرف الواحد. انتقمت من فهد في أخته. واهي ووصلت للانتحار. ومش بس كده. عندي ليك هدية. ملاك هتكون ليك. والنهارده هتشوف فهد وهو بيتكسر مائة حتة. جاسر بغضب جحيمي: /قصدك إيه؟ إيه اللي دبرتيه بالظبط؟ صوفيا بخبث: /تو تو. هتنصدم لما تعرف بجد. الخطه هتعجبك أوي. إحنا كان اتفاقنا إننا ننتقم من فهد وندمره. وادينا مكملين ولسه.

لم يعايروا بمن تتوعد لهم بعدما أفاقت وسمعت كل شيء.