رواية ملاك الجاسر والفهد الفصل الثاني عشر 12 - بقلم رنا احمد عماد

في غرفته صباحا ... كان يفتح عيناه تتدريجيا بزفر. فهو لم ينم طول الليل ليغتابه القلق الشديد. فهو لم يراها بجانبه ليبحث عنها بهلع. ليأخذ أنفاسه بصعوبه ويهدا عندما يراها تجلس في البلكونه بحزنا شديد. ليقترب منها وهو يمثل الجمود. "قاعده عندك بتعملي ايه." "ايه قاعده بشم هواء ربنا بتنفس ولا النفس كمان ممنوع ي فهد بيه. قول مانا الجاريه الي جابهولك." فهد وهو يكتم ضحكاته بصعوبه علي غضبها الطفولي ليتكلم بحده:

"بلظبط كده زي ماقولتي مش مسمحلولك تتنفسي حتي غير بأذني. فاهمه." "احمم حوش ي حواش خوفت انا كده صح. بقولك ايه انا معبيه منك وكفايه اوي الي عملته انبارح. فيريت تسكت احسن واتفضل جدو عمال يرن عليا علشان الفطار. كفيانا بقا قله ذوق ومسخره." فهد بصدمه: "مسخره. هي البت دي اتجننت ولا ايه." في الأسفل ... علي طاوله الأفطار ..... "صباح الفل على أحلا بنات." "صباح النور ي جدو." "ملاكي زعلانه ليه."

"اسال ابن ابنك علشان جاب آخره معايا." "مناقص تقولله مده علي رجليه. انتي اتجننتي ولا ايه." "جرا ايه انتوا هتتخنقوا قدامي ولا ايه." "حتي الخناق مبقاش له لزمه ي جدو." "مالك ي ملاك فيكي ايه." "مفيش ي داليا متشغليش بالك." لتنظر داليا الي الهاتف بلهفه وابتسامه بعدما اتاها رساله من جاسر يخبرها أنه ينتظرها بالخارج. "طيب ي جدو انا رايحه الجامعه. محتاجين حاجه مني."

"انا شايف أن من ساعه ماجاسر بقا السواق بتاعنا وبقيتي منضبطه اوي ي داليا." "ابدا ي أبيه ده بس علشان الامتحانات. عن اذن حضرتك." "ممكن بلاش السواق بتاعنا دي ومتنساش أن جاسر ابن عني." "بقولك ايه انتي كمان مش ناقصه مالكم كده شايفين جاسر باشا ملاك ماشي علي الارض. بس الحقيقه أنه مش كده خالص." "علي الأقل عمره مجرح الي حواليه زيك كده ي فهد. بالعافيه عن اذنكم." "جهزي نفسك علشان هنروح الحاره. خلينا نخلص."

"حاضر ثواني وهكون جاهزه." عامر بخبث ومكر: "ايه يا ابني الي انت بتعمله ده. هو ده اتفاقنا. مش قولتلك حايلها علشان نخلص وبعدين تخلص منها خالص." "ربنا يسهل ي جدي. عن اذنك." "اه والله ووقعت ي فهد. برافوا عليكي ي بت ي ملاك عرفتي تعملي الي محدش قدر يعمله. روضتي الفهد." في سياره جاسر ... "اسكت احنا مفضوحين اوي علي فكره." "قصدك ايه."

"ابيه فهد شكله شاكك اني بحبك. غيران من خروجي الجامعه معاك كل يوم. بس قلقانه ي جاسر نبرته مريحتنيش." "خليكي حاطه كل الاحتمالات وخليكي عارفه أن فهد ممكن يرفض." "قسما بالله اموت نفسي لو فكر يحرمني منك." "بعد الشر عليكي اوعي تقولي كده تاني. انا هحارب علشانك مهما كان." "جاسر انا بحبك اوي. انت قلبي الي بينبض جوايا." "اه ي داليا كلامك ده بيموتني. بس اعمل النار الي جوايا مش عارف اطفيها." "جاسر حبيبي روحت فين."

"ابدا ي روحي موجود." "ماشي ي حبيبي اكلنا بقا من علي عربيه الكشري الي شوفتها المره الي فاتت." "كشري طب قولي بيتزا." "لا زهقت منها. عايزه اكل كشري معاك وبعدين ترجعني بسرعه علشان عندي محضره مهمه لازم أحضرها." "امرك ي برنسيسه." في شقه اكمل ...... كانت تقف تقي وهي تعد الافطار. ليختضنها اكمل من الخلف وهو يقبلها بعشق. "ياه ي تقي انا حاسس اني بحلم." "لا ي حبيبي صدق اننا بقينا مع بعض."

"ي سيدي ي سيدي. طب راعوا أن فيه حد مش متجوز معاكم." "رايح فين ي عم الي مش متجوز انت." "رايح عند فهد الشركه. مانا خلاص اتعينت هناك في قسم المحاسبه." "غريبه. مانا ياما اتحيلت عليك مكنتش بترضا." "خلاص بقا ي اكمل. لازم اشتغل واعتمد علي نفسي علشان فيه حد هيبقى مسؤول مني." "ولا انت ناوي علي ايه. انا مش مرتحلك." "بقولك ايه مش انت رفضت تساعدني. انا روحت ل فهد وهو وعدني هيتصرف."

"اللهي تولع انت وهو بمصايبكم دي. براحتك ي اخويا خليك ماشي وراءه." "اخرتها عنب أن شاء الله. سلام ي اكمل." "ده مين ده الي بيخبط علي شقتنا دلوقتي." "تعالي نشوف مين." في الخارج . "نجوي مالك فيه ايه." نجوي بنت عمها بدموع وهي تحمل شنتطتها: "الواطي طلقني ي تقي طلقني ورماني في الشارع. انا اسفه ي تقي ماليش غيرك اروحله." "طب اهدي اهدي ربنا علي المفتري." "قوليلي اسمه ايه وانا اجرره في المحاكم واخليه بقول حقي برقبتي."

"نسيت اعرفكم معلش نجوي بنت عمي اكمل جوزي." "جوزك انتي اتجوزني امتا." "لا دي حكايه طويله تعالي الاول نفطر وبعدين نتكلم. تعالي." "طيب ي تقي انا هروح الشركه لو احتاجتي حاجه كلميني." "طب ي حبيبي اقعد أفطر." "اسفه ي استاذ اكمل لو كنت ازعجتكم." "لا ابدا ده بيتك. عن اذنكم." "تعالي بقا ي حبيبتي قوليلي ايه الي حصل.." في الحاره ....

كان يقف فهد بغيظ وغيره وهو يراها تسلم علي الجميع بالحاره. فكان يشعر بغيره قاتله من نظرات الشباب لها. "كفايه كده بقا واطلعي فوق يلا." "حاضر بس هفضل معاك اساعدك انت متعرفش الناس هنا كلهم." "عمي حمدي معايا وجدي كمان. اتفضلي انتي بقا غلي فوق وماتنسيش موضوع رحمه." "مشاء الله عليك ي فهد عايز تجمع مابين قلبين. وللاسف الحب ده متعرفش عنه حاجه ي فهد. انا هطلع فوق."

"مكنتش عارف فيه حاجه ولا كان يهمني قبل ماتتدخلي انتي في حياتي ي ملاك." علي ضفاف النيل.... "الله ي جاسر طعمه جميل اوي." "كويس أنه عجبك لانك معايا هتاكليه كتير فلازم تتعودي." "معاك اي حاجه هتكون شهد. انت دنيتي ي جاسر." "داليا هو انا مهما عملت هتسمحيني وتعزريني."

"اكيد هسامحك ي جاسر لانك روحي. انت الوحيد الي خلقت داليا بتاع دلوقتي وموت داليا البنت المستهتره الطايشه. فتتخيل اني ممكن ازعل منك ابدا. وبعدين يالا هاتلي طبقين رز باللبن." "ههههه من عنيا حاضر." في شقه ملاك ... "اهلا اهلا ي فهد باشا نورت نورت ي عامر بيه اتفضلوا الشاي." "لا انا عايز قهوه وتكون مظبطه مش زي المره الي فاتت." "حاضر ي بيه." "ايه ي قلب ابوكي مالك حزينه كده ليه." "ملاك كويسه ي بابا."

"متقلقيش ي حمدي ملاك زي الفل." "انا عارفه ملاك حبيبتي مالها اشتقت لاخواتها وهما كمان علي صرخه واحده ملاك ملاك. وبقول ل حمدي نروح نقعد معاكم يومين مش موافق." "مش وقته الكلام ده." "وليه بقا مش وقته. لا ي عم حمدي تيجوا تقعدوا معانا يومين انتوا واخوات ملاك." "بجد ي فهد الله يكرمك. من بكره هنيجي." "افرحي اوي. قسما بالله لاسيقي المر الي كنت بتسقيه ل ملاك واخليكي تكرهي نفسك." "ملاك حبيبتي وحشتيني اوي."

"رحمه وحشتيني اوي. عامله ايه ي قلبي." "الحمد لله عايشه. ازيك ي فهد بيه." "انتي بقا رحمه اهلا بيكي." "سلاموا عليكم. انا اسف ي عم حمدي اني جيت كده من غير ميعاد. بس روحت ل رحمه وعرفت انها هنا. كنت عايزها في موضوع مهم." "بيتك ي ابني." "خير ي ماهر موضوع ايه ده الي جايلي هنا علشانه." "فيه أن برن علي سعادتك بقالي ساعتين مبترديش وكنت عايزك تشوفي البدله الي اخترتها ونشوف الفستان." "حاضر هقعد شويه مع ملاك وبعدين هننزل."

"ي سلام ي عني ملاك اهم من احتياجتنا. مش شايفه انك مزودها شويه ي رحمه وانا ساكت ومحترمك ي بنت خالتي." "انا اسفه ي ماهر شويه وجايه. حلو كده." "والله براحتك تيجي أو لا. سلام." "شايفه بيكلمها ازي. واضح أنه بيخنقها. شايفه الحزن والالم الي في عينيها. مش هنضيع الفرصه ده ي ملاك." "هتيجي ي فهد هتيجي." "ايه ده معقول فهد باشا منورنا في حارتنا المتواضعة." "طبعا ليك حق تتفاجئ. مانت مكنتش تحلم اني اقف اتكلم معاك مش كده."

"عندك حق ساعات كتير حجات كتير بتحصل مبتبقاش متخيل أنها ممكن تحصل. زي أن ملاك زي دي تتجوز واحد زيك." "طب أخفا من وشي بدل منمسك في بعض قدام الناس وانت مش قدي." "متنساش انك في حتتتي. ي عني كل البقر الي معاك دول مش هينفعوك بحاجه. فاهم." "انتوا ايه حكايتكم بالظبط. ايه النار الي بينكم دي. فيه ايه ي جاسر." "مفيش ي ملاكي. سؤء تفاهم بس هيتحل أن شاء الله." "يلا ي ملاك." "طب استناني بليل جايلك في موضوع مهم ي جوز اختي."

في فيلا فهد ..... ليلا ... كان يجلس عامر وفهد وجاسر ... "خير أن شاء الله. ممكن اعرف سعادتك عايز ايه." "عامر بيه انا طالب من حضرتك ايد الانسه داليا." "نعم ي اخويا. انت باين عليك اتجننت." "ليه أن شاء الله. ايه الي الجنان في كلامي." "فهد اهدا ولاحظ أني موجود وجاسر شاب كويس وميتعيبش." "ده نجوم السماء اقربله من اختي." "ليه ي فهد ماله جاسر." "ليه بتعمل كده ي فهد. انا وجاسر بنحب بعض. وانا مش عايزه غيره."

"علشان غبيه. هو مش عايزك. هو عايز يكسرني انا بيكي. عايز يتحداني. بس لا مش هسمحلك تكوني انتي الشوكه الي هيكسر ضهري بيها." "انت مريض. ودائما شايف الناس كلها بتحاول توقعك من مصايبك." "مش هيحصل ي جاسر. مش هديك اختي تحرق قلبي عليها." "قسما بالله ي فهد لو فرقت بيني وبين جاسر هموت نفسي. قسما بالله ي فهد لو مجبت مأذون وجوزتنا دلوقتي حالا هموت نفسي واخلص من الوجع ده." "سيبي السكينه دي وبطلي هبل."

"جاسر هو حياتي. وطالما عايز تبعدني عنه يبقا اموت احسن. لان حياتي ملهاش طعم من غيره. فاهم ي فهد. ملهاش طعم من غيره." "داليا نزلي السكينه دي. انا هنا جنبك ومش هتخلا عنك ابدا." "براحتك. بس اعملي حسابك لو اتجوزتيه لهتكوني اختي ولا اعرفك. وهتخرجي من البيت ده. واعتبري ان اخوكي مات. اختري ي داليا ي أنا ي هو."