رواية ملاك الجاسر الفصل الأول 1 - بقلم لولو وائل

في أحد الأماكن يوجد قصر كبير فخم أشبه بقصر الملوك. يوجد بها شاب يبلغ من العمر 29 عامًا، ذو جسد رياضي وشديد الجاذبية، وعيونه سوداء وشعره غزير وناعم. قاسٍ القلب لا يعرف الحب من بعد محاولته الأولى الفاشلة، والتي جعلته يكره النساء ويعتقد أن كل النساء يحبون المال. يدير شركات والده لأن والده ووالدته متوفيين، وتحمل مسؤولية شقيقته، وكان لها الأب والأم والأخ. استيقظ واغتسل وأدى فريضته وذهب ليُرى أخته.

جاسر: صباح الخير يا روحي. داليا: صباح النور يا حبيبي. رايح الشركة؟ جاسر: أيوه يا حبيبتي. عايزه حاجة؟ داليا: ماشي. ترجع بسلامة. جاسر: مش هتروحي الجامعة؟ داليا: لا. رايحة بس هخلي دادة خيرية تعملي الفطار وهمشي. مش هتفطر معايا؟ جاسر: لا يا حبيبتي. هفطر في الشركة. أنا ماشي. يلا سلام. داليا: ماشي. سلام. داليا: دادة خيرية. خيرية: نعم يا بنتي. داليا: الفطار من إيديك الحلوين دول. خيرية: أحلى فطار لأحلى داليا في الدنيا.

داليا: تسلميلي يا دادة. عارفة إنك تعباني معايا. خيرية: لتعب ولا حاجة. ثواني وأكون مخلصة الفطار. في مكان آخر، في حارة صغيرة وبيت صغير تسكن به ملاك، وهي تبلغ من العمر 21 عامًا. بيضاء البشرة وجسدها نحيف ولون عينها عسلي. جمالها هادئ ومحجبة. تعيش مع والدتها، ووالدها متوفى. تدرس في كلية تجارة السنة الثانية وتساعد والدتها المريضة في الأعمال المنزلية. استيقظت ملاك وذهبت إلى الحمام لتغتسل وتؤدي فريضتها لتذهب للجامعة.

ملاك: صباح الخير يا أحلى أم في الدنيا. سامية (أم ملاك) : صباح النور يا حبيبتي. ملاك: هروح أحضر الفطار. ثواني وهجيلك علشان معاد الدواء. بعد شوية. ملاك: أحلى فطار لأحلى ماما في الدنيا. سامية: أنا تعباني معاكي يا بنتي والله. شغل البيت والكلية كتير عليكي. أنا عارفة. ملاك: لي بتقولي كده يا ماما؟ هو أنا اشتكيت؟ يلا بقى افطري علشان تاخدي الدواء. سامية: مش هتفطري معايا؟ ملاك: حاضر. علشان خاطرك.

بستنا ولاكلت ملاك الإفطار وأعطت أمها الدواء وذهبت إلى الجامعة. في الجامعة. نور: ملاك عاملة إيه؟ اتأخرت لي كده؟ ملاك: كنت بدي ماما الدواء. ما انتي عارفة. نور: ربنا يشفيها يارب. ملاك: يارب. بقولك إيه يا نور؟ كنت عايزة أشتغل بس خايفة أقول لماما. نور: تشتغلي لي؟ ملاك: معاش بابا مش بيقضي مصاريف الكلية ولا مصاريف البيت. وخايفة أقول لماما لحسن تزعل. لازم أشتغل علشان مصاريف الكلية وعلشان علاج ماما برضه.

نور: ربنا معاكي. وإن شاء الله خير. بس هتشتغلي إيه؟ وانتي لسه في الكلية؟ حتى لسه معاكيش شهادة؟ وفي هذه اللحظة جاءت داليا. داليا: إزيك يا بنانيت يا حلوين؟ نور: إزيك يا داليا؟ ملاك: إزيك يا داليا؟ داليا: انتو زعلانين مني ولا إيه؟ نور: لا مفيش حاجة. بس ملاك بتدور على شغل ومش عارفة تعمل إيه. داليا: أنا ممكن أساعدكم. ملاك: بجد يا داليا؟ داليا: بجد. هقول لأخويا يشغلك معاه في الشركة. ملاك: بجد؟ أنا مش عارفة أشكرك إزاي.

داليا: يا بنتي. إحنا إخوات. ملاك: بجد. انتو أحلى إخوات ربنا رزقني بيهم. واحتضن البنات بعضهم. داليا: يلا بقى علشان المحاضرة هتبدأ. نور: ماشي. يلا. ذهب البنات إلى المحاضرة. في مكان آخر، وهي مقر شركات الهواري، أكبر شركات في الشرق الأوسط. كان يعمل بتمعن وتركيز حتى دلفت السكرتيرة. السكرتيرة: جاسر بيه. في واحد عايز يقابل حضرتك. جاسر: ماشي. قوليله يتفضل. السكرتيرة: حاضر. يوسف: صحبي اللي مش بيسأل.

جاسر: من كتر ما أنا فاضي يعني. يوسف: خلاص يعم. واحشني. قولت أجي أشوفك. إيه الأخبار؟ جاسر: الحمد لله. ماشية. وانت اللي جابك؟ يوسف: متقولي غور أحسن. إيه يا جسوم؟ بطمنك عليك. جاسر: اتعدل يلا. وبلاش الدلع الملزق ده. يوسف: خلاص يا جسوم. جاسر: غور يلا. متجيش تاني. يوسف: مجيش إزاي؟ وأنا بشتغل هنا يا جسومتي. جاسر: اطلع بره يلا. ينعل أبو شكلك. عصبني. يوسف: ههههه. ماشي يا عم. طالع. هقابلك في الاستراحة.

جاسر: إن شاء الله. يلا من هنا. يوسف: حاضر يا عم. بس متزقش. جاسر: استنى يلا. يوسف: كنت عارف إني هوحشك. جاسر: تصدق؟ أنا غلطان. أمشي يلا. يوسف: خلاص يا عم. كنت عايز إيه؟ جاسر: نادى ندى (السكرتيرة) وانت خارج. يوسف: حاضر. سلام. بعد خروج يوسف من المكتب، ظل جاسر يضحك على رفيقه الذي يتمتع بروح الفاكهة، لينسيه الماضي الأليم. يوسف: ندى. ندى: نعم يا أستاذ يوسف؟ يوسف: جاسر عايزك. ندى: حاضر. ودلفت ندى لغرفة جاسر.

ندى: جاسر بيه. يوسف بيه قال إنك عايزني. جاسر: آه يا ندى. هاتلي ملف الصفقة الجديدة. ندى: حاضر. عن إذنك. جاسر: اتفضلي. في الكلية. ملاك: اوف. اليوم كان طويل أوي وممل. نور: آه. والمحاضرات طولت أوي. داليا: بقولكو إيه؟ متيجو نخرج شوية نغير جو. ملاك: معلش يا داليا. بس علشان معاد دواء ماما مش هينفع. تعالوا نخطط يوم ونخرج فيه. داليا: لا يا حبيبتي. ولا يهمك. ربنا يشفيها يارب. طب نخرج إمتى؟ داليا: فكرة حلوة. إيه رأيك يا ملاك؟

ملاك: إن شاء الله. اتقبل الأول وبعدين نحتفل. يارب بس اتقبل. داليا: متقلقيش. خليها عليا. أنا همشي بقى. يلا سلام. ملاك ونور: ماشي. سلام. نور: يلا إحنا كمان. ولا هنقعد في الشارع؟ ملاك: ههههه. لا ياختي. يلا. وصلت ملاك للبيت وعند وصولها. ملاك: ماما. ماما. إنتي فين؟ مش بتردي ليه؟ دخلت ملاك الغرفة لتجد والدتها فاقدة للوعي. ملاك: ماما.