رواية ملاك الجاسر الفصل الحادي والثلاثون 31 - بقلم لولو وائل

مراد: خيريه مينفعش تبقى مع روفان في بيت واحد. نادر: طب هعمل إيه؟ مراد: أنا هقولك. أول حاجة عايزين نعرف ليه خيريه شاركت روفان في قتل عيلة جاسر. نادر: طب ودي هنعرفها إزاي؟ مراد: عن طريق روفان. نادر: وإنت فكرك عشان هي بتحبك هتقولك؟ تبقى غلطان. مراد: لا، اللي عرفته إن روفان لما بتسكر بتقول كل حاجة. الإنسان لما بيكون مش في وعيه بيقول الحقيقة. ساعات أنا ممكن أستغل النقطة دي فيها. نادر: وأنا ممكن أساعدك بأي؟

مراد: مش عارف، بس أكيد في حد تاني يعرف الحقيقة. نادر: زي مين كده؟ مراد: سكرتيرة جاسر. عشان هي اللي موجودة دلوقتي ورووفان في الشركة وبتعرف تحركات روفان. روح اسألها لو تعرف حاجة. نادر: ماشي. في الشركة. روفان: نورهان، أمال فين فريدة؟ مجتش ليه؟ نورهان: جايه دلوقتي حالا، هكلمها. روفان: ماشي، اقفي مكانها لحد ما تيجي. نورهان: حاضر. أتت فريدة في هذه اللحظة. نورهان: كنتي فين كل ده؟ فريدة: معلش، لسه محافظتش الطريق.

نورهان: ولا كنتي سهرانه إمبارح؟ فريدة: خلاص بقى، روحي على مكتبك، أنا جيت خلاص. نورهان: ماشي يا أختي. وصل نادر إلى الشركة. نادر: صباح الخير. فريدة: صباح النور. حضرتك عايز مين؟ نادر: ندى. فريدة: ندى مين؟ نادر: ندى اللي كانت بتقف مكانك، راحت فين؟ فريدة: الله يرحمها، ماتت. نادر: إيه؟ انتي بتقولي إيه؟ ماتت إمتى وإزاي؟ فريدة بتوتر: أنا معرفش غير إنها ماتت وهما جابوني مكانها. نادر بشك: ماشي. ذهب نادر وظل أحد ينادي عليه.

نادر: نعم، انت مين؟ خالد: أنا موظف هنا. انت كنت جاي تسأل على ندى ليه؟ نادر: جاسر بيه عايزها. خالد: إنت تبع مين؟ نادر: أه. خالد: خلي يرجع ويمشي. الست دي... نادر: هو إيه اللي حصل وندى ماتت إزاي؟ خالد: تعالي نقعد في حتة تانية عشان نعرف نتكلم. نادر: تعالي بيتي عندي ونتكلم براحتنا، عشان لو رحنا كافيه مش ضامن مين ممكن يكون بيراقبنا. خالد: ماشي. ذهبوا إلى المنزل. مراد: عرفت حاجة؟ نادر: ادخل يا خالد. مراد: مين ده؟

نادر: ده خالد. أنا رحت المكتب وقالولي إن ندى ماتت وجابوا سكرتيرة جديدة، وده اللي هيقولنا إيه اللي حصل. مراد بصدمة: إيه؟ ماتت؟ لا حول ولا قوة إلا بالله. خالد: بص، أنا هقول كل اللي أعرفه. لما جاسر بيه مشي ورووفان مسكت مكانه، ندى مكنتش مرتحالها وبتحاول توقعها بأي حاجة. وأنا كنت بحاول اخليها تبعد عنها. فلاش باك. خالد: يابنتي، اللي بتعمليه ده هيخلي حياتك في خطر. انتي عارفة الست دي مش بيفرق معاها أي حد وبتقتل بدم بارد.

ندى: لا، أنا لازم أساعد ملاك وأدخل الست دي السجن وأجيب أي دليل عليها. بسببها جاسر وملاك سابوا بعض، وأنا مش هسيبها. خالد: ندى، أنا خايف عليكي. عشان خاطري بلاش. ندى: خلاص يا خالد، أنا أخدت قراري ومش هرجع فيه. خالد: ماشي ياندى، بس لو عوزتي حاجة أنا معاكي. ندى: ماشي يا خالد، تسلم.

بعدها ندى بقت تراقب روفان في كل حتة، لحد ما سمعتها بتتكلم عن قتل. وجت تقول لي إن روفان قتلت ناس تانية غير عيلة جاسر، وقالت عن واحدة اسمها ريما. أنا معرفش مين دي وندى برضه، بس معرفتش تمسك حاجة عن روفان. لحد ما في مرة أنا وهي كنا مع بعض وسمعنا روفان كانت بتتكلم عن واحد اسمها خيرية، وإنها ساعدتها في قتل أهل جاسر بيه. أنا وندى استغربنا وقلنا نمشي قبل ما حد يشوفنا. وأنا سألتها لو تعرف حد باسم ده.

ندى قالتلي: "أنا روحت مرة واحدة قصر جاسر بيه وكان في واحدة عندهم، مدادة تقريباً، اسمها خيرية". واحنا عرفنا إن حياة جاسر بيه في خطر، بس معرفناش نعمل حاجة غير إننا نمسك دليل على روفان. بس بدأت أخاف وأقولها: "بلاش نكمل عشان روفان كدا ممكن تموتنا زي الناس اللي خلصت عليهم زمان". بس هي مسمعتش الكلام وراحت سمعت روفان كانت بتتكلم مع نورهان وبتقولها: "هاتيلي سكرتيرة جديدة". جريت وجت تقول لي. فلاش باك.

ندى: الحق يا خالد، دي عايزة تجيب سكرتيرة جديدة. خالد: ليه، مانتي موجودة؟ ندى: خالد، أنا هروح أبلغ عنها وأخلص منها. خالد: إزاي وإنتي مش معاكي دليل؟ ندى: لا، أنا سجلتها لما اتكلمت عن ريما وخيرية. أنا هروح أقدمه للبوليس بعد الشغل. خالد: ماشي، أنا هروح أشوف شغلي.

بعد ما خلصنا شغل، هي ركبت عربيتها وكانت في الطريق. وعربية تانية جات بأقصى سرعة خلت عربية ندى تتقلب. وبعدها الراجل اللي كان في العربية راح وولع في العربية لحد ما انفجرت العربية. أنا كنت ساعتها ماشي وراها بالعربية بس ملحقتش أعمل حاجة. والراجل كلم واحدة وقالها: "تم". عرفت ساعتها إنها روفان. بلغت البوليس بس معملش حاجة لحد دلوقتي. مراد: ربنا يرحمها يارب. نادر: هي نورهان دي تعرف حاجة عن روفان؟

خالد: نورهان دي دايما مع روفان في كل حاجة. نورهان دي اديها فلوس بس وهتلاقي كل المعلومات اللي انت عايزها عندك. مراد: ماشي، شكراً يا خالد. خلي بالك وانت راجع لحسن يكون حد مراقبك. خالد: خليها على الله. نادر: تعالي أوصلك. خالد: ملوش لازمة. نادر: يلا وبلاش الكلام ده. خالد: ماشي. جاسر: جانا، متكلمتيش ولا مراد؟ منه: طب هنفضل كدا؟ جاسر: اهو مراد بيرن. جاسر: عامل إيه؟ مراد بحزن: الحمدلله، وانت عامل إيه؟

جاسر: الحمدلله. مال صوتك يا مراد؟ مراد بحزن: في أخبار مش حلوة خالص يا جاسر. جاسر بقلق: في إيه؟ مراد بحزن شديد: ندى ماتت. جاسر بصدمة: إيه؟