رواية ملاك الجاسر الفصل الثاني والثلاثون 32 - بقلم لولو وائل

مراد بحزن شديد: ندى ماتت. ناتجه بصدمة: إيه؟ ماتت؟ إزاي؟ حكى مراد كل حاجة لجاسر. جاسر: بنت الـ... مراد، أنت لازم ترجع. مش هسيبك هناك أكتر من كده. مراد: لازم أكمل الخطة. جاسر: لا يا مراد، مش هسيبك. حياتك في خطر. ارجع إسكندرية، وبعدين نبقى نشوف هنعمل إيه. مراد: لا يا جاسر، أنا هكمل الطريق. جاسر: لا بلاش عناد. أنا هتصرف. أنت ونادر بكرة الصبح هترجعوا خلاص. مراد: ماشي. جاسر: ماشي. سلام. مراد: سلام. داليا: في إيه يا جاسر؟

مالك؟ جاسر بحزن: ندى ماتت يا داليا. داليا بصدمة: ماتت؟ إزاي؟ حكى جاسر كل حاجة. داليا بدموع: ليه كده؟ هي مش خايفة من ربنا؟ هي كده إزاي؟ يوسف: انت هتسيب مراد هناك؟ جاسر: لا، هخليه يرجع. عشان كده حياته هتبقى في خطر. داليا: ملاك لو عرفت هتزعل أوي. جاسر: حاسس إني ضايع بجد. مش عارف أعمل حاجة ولا أفكر زي زمان. يوسف: انت تقدر يا صاحبي. حاول واحنا معاك. جاسر: ثواني وجاي. يوسف: رايح فين؟ جاسر: هقولكم لما أجي. يوسف: ماشي.

عند مراد. مراد: وصلت. خالد: آه. في إيه مالكم؟ مراد: مفيش. إحنا هنرجع إسكندرية بكرة. نادر: ليه؟ مش هنكمل الخطة؟ مراد: لا. جاسر عايزه نرجع. نادر: ماشي. هروح أجهز الحاجة. مراد: ماشي. عند ملاك. نور: مالك يا ملاك؟ ملاك: مش عارفة. حاسة بخوف. نور: على مين؟ ملاك: مش عارفة. أنا مش مطمنة خالص. نور: اهدّي ومتخافيش. وخليها على الله. ملاك: ونعم بالله. جاسر نام. نور: آه نام. بس حاسة إنه داخل على دور برد. ملاك: بجد؟ طب هو سخن؟ نور:

لما جسيته كان دافي. ملاك: طب أنا داخلاله. عند جاسر. داليا: راح فين ده؟ يوسف: أهو جه. داليا: كنت فين؟ جاسر: أنا عرفت هنعمل إيه من غير ما نكون في خطر. داليا: هنعمل إيه؟ جاسر: في كاميرات في البيت عندي. محدش يعرف إنها موجودة فين غيري، بس أنا كنت ناسي. يوسف: كويس إنك افتكرت. بس برضو كنت فين؟ جاسر: مفيش. حسيت نفسي مخنوق. قولت أفكر في مكان هادي. يوسف: طب انت متأكد إن الكاميرات دي شغالة؟ جاسر: بقالى كتير مشغلتهاش. يوسف:

بقالك قد إيه كده؟ جاسر: بقالى عشر سنين. يوسف: لا والله. هتشتغل دلوقتي؟ جاسر: هنشوف. وإن شاء الله هتشتغل. يوسف: ماشي. هتشغلها امتى؟ جاسر: لما مراد يجي. يوسف: ماشي. عند جانا. جانا: ماما. فوزيه: نعم. جانا: رايحة فين؟ فوزيه: رايحة مشوار مهم وجاية. جريت جانا وحضنت أمها. فوزيه: في إيه يا بت؟ مالك؟ جانا: مفيش. بس مش عايزة حد يزعل منك. فوزيه: أنا مش زعلانة منك. أنا ماشية. باي. جانا: باي. صعدت جانا إلى غرفتها. جانا:

كده بقى أقدر أعرف بتعملي إيه وأسمع كل حاجة. بس يارب متخدش بالها من الجهاز. هو صغير أوي. بس اللي يركز بقى. فتحت جانا الجهاز. جانا: هي بتكلم مين؟ فوزيه: أنا جايه أهو. قربت أوصل. أنتِ في القصر ولا الشركة؟ ماشي. خمسة وهكون في القصر. جانا: قصر إيه اللي هتروحوا؟ معقول قصر جاسر؟ فوزيه: وصلت أهو. أنتِ فين؟ ماشي. أنا هستناكي جوا. فوزيه: إزيك يا خيرية؟ لما روفان تيجي قوليلى. خيريه: ماشي. جانا:

يبقى زي ما توقعت. قصر جاسر. بس راحت تقابل روفان ليه؟ بعد شوية. فوزيه: كنتي عايزاني في إيه؟ روفان: عايزة نصفي الحساب اللي ما بينا. فوزيه: حساب إيه؟ روفان: أنا عملت زي ما انتي عايزة. وقتلت ندى. وعينت فريدة. فوزيه: أنتِ مقتلتش ندى بأمر مني. بس علشان هي كانت بتراقبك، صح ولا غلط؟ روفان: صح. بس لو اتحبست، مش هبقى لوحدي يا فوزيه. عشان كده لازم تعرفي أي حد عايز يأذيني، تيجي تقوليلى. فوزيه: عايزة حاجة تانية؟ روفان:

استنى ثانية. تعالي يا خيرية. بطلي تقفي زي الحرامية كده. خيريه: أنا كنت... روفان: متعمليش فيها الملاك البريء. روفان: ما انتي هتبقي معايا في الصورة، زيك زي فوزيه. خيريه: ليه إن شاء الله؟ روفان: مش انتي اللي سميتي أهل جاسر؟ خيريه: ما انتي كنتي معايا. فوزيه: أنا عايزة أعرف ليه يا خيرية عملتي كده؟ مع إن جاسر كان بيعتبرك زي أمه. خيريه: لأنه هو اللي قتل ابني بدم بارد ومن غير رحمة. وأنا مش هسيب إلا لما أحرمه من ابنه. جانا:

يلوي! كده ملاك في خطر من الناحيتين. لازم جاسر يصالح ملاك في أقرب وقت. مش هينفع تعيش لوحدها أكتر من كده. بس إزاي؟ روفان محاصرة. روفان: روحي يا خيرية. أنتِ. خيريه: ماشي. فوزيه: طبعاً انتي اللي قتلتي ابن خيريه. جاسر عمره ما يقتل، ولا أنا غلطانة؟ روفان: طلعتي ذكية. بس بلاش بقى تروحي تقولي لحد عشان نهايتك متبقاش على إيدي. فوزيه: ماشي. مش هقول حاجة. بس هو جاسر سافر ليه فجأة كده؟ مش خايفة يرجع ملاك؟ فوزيه:

متخافيش. مش هيرجعها. أنا قولتله إن في رجالة محاصرين ملاك. بس أنا لسه بدور على ملاك. عشان لو هو وصلها قبلي، اللعبة كلها هتبوظ. فوزيه: أنا ماشية عشان محدش يشك في حاجة. روفان: ماشي. جانا: يعني روفان متعرفش مكان ملاك. أنا لازم أقول لجاسر.