رواية ملاك الجاسر الفصل السابع والعشرون 27 - بقلم لولو وائل

أغلقت نور الخط والتفت لتجد ملاك. صدمة: ملاك. ملاك: لي يا نور؟ لي عملتي كده؟ نور: يا ملاك والله ما كان قصدي، بس ما كنتش عايزة أشوفك زعلانة. ملاك: تشوفييني زعلانة؟ أنا قصدي على دواكي، لي ما بتاخديهوش؟ لي بتهملي صحتك؟ نور بتوتر: آه، حاضر هاخده. ملاك: كنتي بتكلمي مين؟ نور: أمي، كنت بكلم أمي. ملاك: ماشي، أنا داخلة أنام. تصبحي على خير. نور: وأنتي من أهل الخير. دخلت ملاك الغرفة وذهبت في نوم عميق. نور: أوف يلهوي!

كنت هقع بلساني. أنا غبية أوي، الحمد لله إنها عدت على خير. هروح آخد الدوا وأنام. صباح يوم جديد. جاسر: جاهزة؟ داليا: أه. هنسافر إزاي مع بعض؟ وروفان؟ جاسر: ما جتش من امبارح. داليا: أنت سايب مراتك بايته بره البيت من امبارح؟ جاسر: مين قالك إنها مراتى؟ أنا، روفان ما اتجوزناش تاني. كل شوية تقوللي يلا نتجوز وأنا أقولها لأ. داليا: طب هي قاعدة معانا بصفتها إيه؟

جاسر: بصي، هحكيلك كل حاجة. بس بشرط، تكلمي منه تيجي معانا وتخليها تقنع يوسف. داليا: وتفتكر هيوافق؟ جاسر: أنا النهاردة هقولكم الحقيقة. مش هينفع أبقى لوحدي أكتر من كده. داليا: ماشي. جاسر: وأنا هكلم مراد. داليا: الو، منه حبيبتي، عاملة إيه؟ منه: الحمد لله، وأنتي عاملة إيه؟ داليا: بقول متيجي معايا إسكندرية. منه: جاسر هو اللي قالك؟ داليا: بصراحة، آه. منه: أنتي عارفة إن يوسف مش هيوافق.

داليا: جاسر النهاردة عايز يقولنا الحقيقة كلها. منه: طب ما نتجمع في بيته؟ لازم إسكندرية. داليا: ماعرفش، هو اللي قالي. منه: ماشي، هقوله وأبعتلك. داليا: تمام. جاسر: ها، عملتي إيه؟ داليا: قالتلي هتقول ليوسف وتقولي. جاسر: أنا كلمت مراد وهو جاي. داليا: ماشي. أهي بعتت، جايين يلا احنا بقى. جاسر: يلا. ذهبوا إلى إسكندرية. وطول الطريق حل الصمت حتى وصلوا إلى الفيلا الخاصة بجاسر في إسكندرية. داليا: أخيراً وصلنا، أنا تعبت أوي.

جاسر: ادخلي ارتاحي عقبال ما يجوا. دخلت داليا. ووصل مراد ونادر. مراد: رجعت لعقلك ولا لأ يا صاحبي؟ جاسر: هتعرف كل حاجة النهاردة. مراد: مستني مين؟ يوسف؟ جاسر: أه. وصل في هذه اللحظة يوسف. يوسف: وأنا جيت أهو. جاسر: خشوا ارتاحوا من السفر. الكلام مش هيطير. يوسف: ماشي. عند ملاك. ملاك: جاسم، أنت يا ابني، كل يوم كده. جاسم: حاضر، قمت أهو. بس بلاش لبن ونبيذ. ملاك: لأ، هتشرب اللبن عشان تكبر، بدل ما أنت أوزعة كده. جاسم: أنا أوزعة؟

ماشي، أنا زعلان منكم. ملاك: طب مين اللي هياكل الشوكولاتة دي؟ جاسم: أنا. ملاك: لأ، اشرب اللبن الأول. جاسم: حاضر. وأخذ كوب اللبن وشربه مرة واحدة. ملاك: بالهنا والشفا. خد الشوكولاتة أهي. جاسم: شكراً يا أحسن أم في الدنيا. ملاك: يلا قوم. جاسم: حاضر. ملاك في بالها: خلاص، فاضل شهر وجاسم يدخل المدرسة. وأنت يا جاسر، بعيد عني. معقول تكون محبتنيش؟ جاسم: يلا نقعد مع خالتو نور. ملاك: يلا. عند جاسر. تجمعوا كلهم مع بعض.

جاسر: طبعاً، انتو عارفين أنا مجمعكم ليه. الجميع: أه.

جاسر: قبل ٦ سنين، بعد ما كلكم مشيتوا، حسيت إن في حاجة غلط. ومن الأول وأنا حاسس، بس ما خدتش بالي غير متأخر. وقررت أعمل تحليل تاني. ورحت للمستشفى وعرفت إن الدكتور اللي عملي التحاليل روفان رشّته، وقضت معاه ليلة عشان يبدل التحليل. وجبت النتيجة الأصلية وطلعت فعلاً بخلف. طبعاً كلكم بتسألوا أنا لي ما رجعتش ملاك بعد ما عرفت، وطردت روفان، عشان روفان عرفت إني عرفت كل حاجة ومسكتتش. وحصل حاجة خلتني أسكت كل الفترة دي. فلاش باك.

جاسر: مش هرحمك. بقى أنتِ ترشي الدكتور؟ وربنا ما هرحمك. روفان: أنت اللي صدقت على طول. وبعدين، أنت لو عندك ثقة في ملاك، ما كنتش عملت كده. جاسر: وأنا هرميكي بره البيت وأرجع ملاك. روفان: ههههههه، ترمي مين؟ مش هتخرجيني من البيت ولا هترجعي ملاك. جاسر: تحبي تشوفي؟ كان سوف يذهب جاسر، ولكن أوقفّته روفان. روفان: لو رحت ورجعت ملاك، هتروح تلاقي جثتها بس. جاسر: أنتي بتقولي إيه؟ روفان: لو عايز تحمي مراتك وابنك، بلاش ترجعها. سيبها.

جاسر: ابني؟ هي ملاك حامل؟ روفان: بعد ما رميتها في الشارع، طلعت حامل. في رجالة تبعي محاصرين بيتها. لو رجعتلها، هقتلها وهقتل ابنك. جاسر: أنتي إزاي زبالة كده؟ روفان: أنا أعمل أي حاجة عشان الفلوس. أو إوعى تقول لأصحابك إنك عرفت الحقيقة عشان ما أذي حد منهم. جاسر: وأنا مش هسيبكم. تركها وذهب.

بالك: حسيت نفسي مربوط ومش عارف أعمل حاجة. ومش عايز أخسر ابني وملاك. اضطريت أسكت وأفكر في هدوء عشان أعرف أوقعها. طول الـ ٦ سنين بخطط وأعمل حاجات، لحد ما عملت حاجة أنا عارف إنها مينفعش، بس اللي زي دي مش هينفع معاها غير كده. خليت حد تبعي يساعدني ويخلي روفان بقت مدمنة. روفان دلوقتي مبقتش تعرف تعيش من غير ما تشم بودرة. أنا بحاول أدور على ملاك عشان أوديها في مكان بعيد عشان أقدر أخلص من روفان، بس مش عارف مكانها. ما كانش

ينفع أجمعكم في القصر عشان روفان حاطة ناس في كل مكان تبعها. لو شافتكم هتعرف إني عايز أقولكم الحقيقة. طبعاً داليا، أنتي سألتيني روفان قاعدة بصفتها إيه، بصفتها قريبت فوزية، لأن فوزية تبقى مرات أبوها. أنا قلت لكم الحقيقة عشان تساعدوني. مش عايز أبقى لوحدي في المعركة دي.

داليا: خالتو اتجوزت؟ هي إزاي كده. يوسف، أنا آسف يا صاحبي عشان كنت بعاملك وحش طول السنين دي. سامحني يا صاحبي. مراد: وأنا كمان يا صاحبي، سامحني. داليا بدموع: متزعلش مني، ما كانش قصدي أعمل كده معاكم. منه بدموع: أنا آسفة يا جاسر. أرجوك سامحني. جاسر: أنا مش زعلان منكم. أنا جايبكم عشان عرفت إن ملاك في إسكندرية. داليا: بصراحة كده، أنا عارفة مكان ملاك. أنا آسفة إني مقولتلكش عشان نور هي اللي قالتلي مقولش.

جاسر: خلاص، مش مهم. المهم إنك عارفة مكانه. داليا: هنروح لها دلوقتي؟ جاسر: لأ. منه: إحنا نسينا، صح؟ مين اللي ساعدك عشان تخلي روفان مدمنة؟ جاسر: