رواية ملاك الجاسر الفصل الثامن والعشرون 28 - بقلم لولو وائل

احنا نسينا صح مين اللي ساعدك علشان تخلي روفان مدمنة؟ جاسر: جانا. منه: أنت بتتكلم جد جانا؟ طب إزاي؟ أنا بحس إنها بت لزقة ورخمة ومغرورة ودمها سم. جاسر: راعي إن اللي بتتكلمي عنها دي موجودة. منه: وربنا؟ طب مش تقولي دي بت عسل وشربات ودمها سكر. جاسر: والله ماشي. تعالي يا جانا. جانا: خلاص لو مش عايزني أنا همشي. جاسر: لا خليكي. داليا: أي غايتك المرادي يا جانا؟ عشان أي؟ عشان تاخدي جاسر؟ اهو قدامك وملاك مشيت، فرصتك جاهزة.

جانا بندم ودموع: أنا آسفة على كل حاجة عملتها بجد. مكنش قصدي. أنا كنت طول عمري وحيدة، اتولدت وعشت وأنا أي حاجة بعملها بيقولولي صح. أي حاجة بطلبها بتيجي، محدش قالي لا، محدش قالي ده صح ولا غلط. دايماً كان فيه خناقات بين أمي وأبويا (أو اللي كنت فاكراه أبويا)

وكنت بسيب البيت علشان زهقت. مش عارفة أعمل أي. اتلميت على صحاب وحشين، ولما قولت لأمي قالتلي دول كويسين. بس هما كانوا بيشموا ويشربوا حاجات غريبة، بس أنا عمري ما شربت حاجة من دي أو حد لمسني قبل كده. كنت بحس بضيقة من كده. كل ده غصب عني. حتى لما واحد جه قالي تعالى معايا، أنا رحت بس مخلتوش يلمسني. ضربته وهربت وفضلت قاعدة في الشارع. كل اللي كان همي حد يحتويني ويهتم بيا، يقولي الصح والغلط، بس ملقتش. وكنت بس عايزة جاسر هو

اللي هيحتويني. عشان كده كنت عايزة أخلص من ملاك، كنت غيرانة علشان شيفاه بيحبها قد إيه وأنا محدش حبني قبل كده أو اهتم بيا كده. وندمت لما خليت ياسين يخطفها. نفسي أعتذر لها علشان تسامحني، بس هي ليها كامل الحق تعمل فيا اللي هي عايزاه. ونفسي إنتو كمان تسمحوني.

داليا: أنا فرحانة أوي إنك فهمتي غلطك، بس خالتو فين؟ جانا: سابتني وراحت لجوزها سالم بيه اللي هو المفروض أبويا. داليا بصدمة: أبوكي؟ إزاي؟ جاسر بصدمة: إنتي مجبتليش سيرة عن الكلام ده. جانا: أنا هقولكم على كل حاجة. كل اللي عرفته إن ماما كانت بتكره خالتو رحمة علشان كانت بتحب أونكل محمد. بس أونكل محمد كان بيحب خالتو رحمة علشان كانت أحسن من ماما. علشان ماما (أكملت ببكاء)

كنت بتبات كل يوم عند راجل شكل لحد ما حملت بالغلط فيا. وكان عايزة تلزق الحمل ده في أونكل محمد، بس خالتو رحمة ساعدته وخرجته منها. وماما اتجوزت عمر المهدي اللي كنت فاكراه بابا، بس مطلعش بابا. وماما قتلته واتجوزت سالم بيه اللي هو أبويا علشان الشخص اللي حملت منه بالغلط هو سالم بيه. (وجلست تبكي بشدة من هذا الماضي الذي يلاحقها بسبب والدتها) داليا: اهدى يا جانا، إحنا معاكي اهو، خلاص متزعليش.

جانا ببكاء: هي ليه عملت كده معايا؟ ليه مشفتش أم كده في حياتي؟ داليا: خلاص بقى، إحنا أهلك وهنفضل جنبك على طول. جانا بدموع: يعني إنتو سامحتيني؟ وكلكو سامحتوني؟ داليا: أه، سامحناكي. جاسر: خلاص يا جانا، اعتبرني أخوكي الكبير وأنا في ضهرك على طول. جانا: ربنا يخليكم ليا. جاسر: بس مين اللي قالك الكلام ده كله؟ أكيد مش فوزية هانم؟ جانا: لا، داده خيرية. جاسر بصدمة: إيه؟

جانا: أنا نسيت أقولكم إني اللي ساعد روفان في قتل أهلك هي داده خيرية، وهي اللي قالت كده. جاسر: إنتي بتقولي إيه؟ داده خيرية تعمل كده ليه؟ جانا: معرفش، بس هي والله اللي قالت كده. جاسر: يعني كده فيه خطرين في البيت، الأول روفان والتاني خيرية. يوسف: شكل كده فيه لعبة كبيرة متلعوبة علينا. منه: إحنا كده هنعمل إيه؟ داليا: جانا، هي فوزية هانم عند سالم بيه صح؟ جانا: أه.

داليا: بصي، الطلب ده عارفة إنه هيزعلك، بس أنا عايزاكي ترجعيلهم وترقبي الجو هناك ممكن، وتكسبي ثقة أمك فيكي. جاسر: فكرة حلوة. متخافيش يا جانا، إحنا هنبقى معاكي على طول. جانا: ماشي، هحاول. جاسر: إحنا عايزين حد يراقب تحركات روفان. يوسف: هو فيه حد فينا يقدر؟ بس معرفش هيرضى ولا لأ. جاسر: مين؟ يوسف: مراد. مراد: إنت بتهزر صح؟ مستحيل أقرب من البت دي. جاسر: مراد، أنا عارف إنه صعب عليك، بس روفان بتحبك إنت. منه بضيق: اشمعنى هو؟

خلي نادر. مراد بخبث: أي ده؟ إنت بتغيري ولا إيه؟ جاسر: يا روميو، مش وقته. ها، قولت إيه؟ مراد: حاضر. جاسر: متخافيش يا منه، مش هيعمل حاجة غلط، متخافيش. منه: ماشي. داليا: ماشي، وملاك؟ جاسر: مش هنعمل حاجة غير لما مراد وجانا يكسبوا ثقة روفان وفوزية هانم. الجميع: تمام. منه: طب أنا هعمل إيه؟ جاسر: خليكي على الكنبة، اتفرجي بس. منه: هههه، ماشي. عند ملاك. نور: بقولك إيه؟ تعالي نفك نروح أي كافيه. ملاك: ماشي.

نور: جاسم يا قلبي يا خالتو، روح البس علشان هنخرج. جاسم: بجد؟ ملاك: أه، يلا يا حبيبي. جاسم: ماشي، ثواني وهكون جاهز. بعد شوية. نور: حلو الكافيه ده. ملاك: ماشي، تعالي نقعد بقى. عند جاسر. يوسف: أي الأخبار؟ جاسر: لسه جانا مرحتش، ومراد لسه واصل القصر. ربنا يستر عليه. داليا: بقولك إيه يا منه، تعالي نتمشى شوية عقبال ما يخلصوا. أنا اتخنقت، تعالي نروح أي كافيه. منه: ماشي يلا. داليا: جاسر، إحنا هنروح في أي كافيه، ماشي؟

جاسر: ماشي، بس متتأخروش. ذهب الفتاتان. منه: هنروح فين بقى؟ بصي الكافيه ده حلو أوي. داليا: أه حلو، تعالي نروح. عند ملاك. جاسم: ماما، أنا هروح أجيب حاجة. ملاك: ماشي، بس متبعدش. ذهب جاسم ورجع تايه مش لاقي المكان اللي مامته فيه. خبط في شخص. جاسم: أنا آسف. منه: لا عادي، ولا يهمك. اسمك إيه يا حبيبي؟ جاسم: اسمي جاسم. منه: اسمك جميل. إنت شبه حد أعرفه أوي. إنت تايه من ماما ولا إيه؟

جاسم: كنت بجيب حاجة بس مش لاقي المكان اللي كنا قاعدين فيه. داليا: طب يا حبيبي، معاكش رقم ماما؟ جاسم: لا، ماما مش معاها تليفون. منه: طب رقم أي حد من عيلتك. جاسم: معايا رقم خالتي. داليا: طب اديهولي. جاسم: اهو. داليا: ده رقم نور. جاسم: أي ده؟ إنتو تعرفوا خالتو نور؟ منه: خالتو نور؟ إنت مامتك اسمها إيه يا حبيبي؟ جاسم: ملاك. منه وداليا بصدمة: إيه؟