رواية ملاك الجاسر الفصل الثالث والثلاثون 33 - بقلم لولو وائل

جانا: يعني روفان متعرفش مكان ملاك؟ أنا لازم أقول لجاسر، بس دلوقتي الوقت متأخر، بكرة هكلمه. تاني يوم، ذهب مراد ونادر إلى الإسكندرية مرة أخرى. جاسر: حمدلله على السلامة. مراد: الله يسلمك. جاسر: شكلك تعبان، خش ارتاح شوية. مراد: ماشي. داليا: كلمت جانا؟ جاسر: لأ. داليا: طب كلمها. جاسر: ماشي. جاسر: الو، ازيك يا جانا؟ عاملة إيه؟

جانا: أنا تمام، جبت لك أخبار حلوة أوي تفرحك، بس أنا لازم أرجع إسكندرية عشان مش هعرف أحكيلك على التليفون. جاسر: ماشي، وأنا في انتظارك. عند جانا: جانا: هقول إيه لفوزية؟ مش عارفة. هقولها هسافر أغير جو. هي مش بيفرق معاها، بس مش هقولها إسكندرية، هقولها أي مكان تاني. جانا: ماما، ماما! فوزية: نعم؟ جانا: أنا هسافر مرسى، ممكن؟ فوزية في بالها: أحسن برضه عشان أقدر أخلص من سالم براحتي. فوزية: ماشي، هتقعدي قد إيه؟

جانا: مدة كبيرة شوية. فوزية: ماشي، بس ابقي كلميني. جانا: حاضر. لمت جانا هدومها ومشيت. بعد فترة، وصلت جانا إلى الإسكندرية. عند ملاك: ملاك: الواد سخن أوي. نور: طب تعالي نروح بيه للدكتور. ملاك: ماشي، يلا. وذهبوا إلى الطبيب. ملاك: ماله يا دكتور؟ حرارته مش عايزة تنزل ليه؟ الدكتور: هو أخد دور برد جامد أوي وحمى شديدة، هكتب له على علاج وإن شاء الله هيتحسن. ملاك: إن شاء الله. وذهبوا إلى المنزل مرة أخرى.

نور: اهدى، أنا هروح أعمل له شوربة عشان ياخد الدوا. ملاك: ماشي، أنا هعمل له كمادات يمكن السخونية تفك شوية. نور: ماشي. عند جاسر: جانا: أنا جيت. داليا: حمدلله على السلامة. جانا: معايا أخبار جامدة أوي، هروح أغير وأجي على طول. بعد شوية: جانا: بصي بقى، أنت لازم تدور على ملاك في أسرع وقت وترجعها، مش هينفع تبقى لوحدها. جاسر: إزاي؟ ورجالة روفان؟

جانا: مفيش الكلام ده. روفان ضحكت عليك. روفان بتدور على ملاك ولسه متعرفش مكانها. أنت لازم توصل لملاك قبل ما هي توصلها. جاسر: أنت جبتي الكلام ده منين؟ جانا: حطيت جهاز في سلسلة ماما إمبارح. ولما راحت، مكنتش أعرف إنها هتقابل روفان وسمعت كل حاجة. جاسر: الله عليكي بجد! يعني أقدر أرجع ملاك عادي؟ جانا: آه، بس بسرعة بقى. جاسر: عرفتي حاجة تاني؟ جانا: آه، عرفت ليه خيرية سمت أهلك. جاسر: ليه؟

جانا: بتقول عشان أنت قتلت ابنها بدم بارد، وهي عايزة تنتقم منك. جاسر: أنا مقتلتش حد، أنا كنت بحاول أنقذه، بس لما رحت المستشفى، كان مات. جانا: ما أنا عارفة. روفان برضه قالت إنها هي اللي قتلته، بس قالت كده عشان تستغل خيرية في صالحها. جاسر: هي البت دي أي شيطانة! هي كده إزاي؟ داليا: أنا مش شفت حد كده في حياتي. يوسف: البت دي لازم تتحبس أو تموت، بس مينفعش تفضل عايشة. جاسر: قريب أوي، بس إحنا دلوقتي لازم نروح لملاك.

داليا: تفتكر هتسامحك؟ جاسر: ليها كامل الحق في اللي عايزة تعمله، بس لازم تبقى معانا. داليا: ماشي، يلا نروح لها دلوقتي. جاسر: يلا. منة: هنروح كلنا؟ جاسر: ماشي، يلا. بعد شوية، وصلوا لبيت ملاك. جاسر: خبطي إنتي الأول، وعشان متشوفنيش وتقفل الباب في وشي. ضحك الجميع على جاسر. يوسف: ليها حق. جاسر: كفايا ضحك، يلا. دقت داليا على الباب وفتحت نور. نور: إزيك يا داليا؟ ادخلي. داليا: بصراحة، أنا مش جايا لوحدي. نور: مين جاي معاكي؟

داليا: كلهم معايا. نور: ماشي، ادخلوا. وانصدمت نور عندما رأت جاسر. نور: أنت اللي جابك هنا؟ داليا: نور، إحنا مش جايين في خناق، ملاك موجودة. نور: آه، جوا بس مع جاسم عشان تعبان. جاسر بلهفة: ماله؟ نور: ملكش دعوة بيه. داليا: ألف السلامة عليه. نور: الله يسلمك، هروح أنادي. داليا: ماشي، براحتك. نور: عامل إيه دلوقتي؟ ملاك: كويس، أهو. مين اللي جه؟ نور: داليا ومنة والباقي. ملاك: باقي مين؟ قصدك جاسر؟ نور: والله معرفش إنه هيجي.

ملاك: هو لسه فاكر يجي بعد ٦ سنين غياب؟ فاكر يجي النهارده؟ نور: معلش، اطلعي وشوفي، يمكن في حاجة مهمة. ملاك: لا، مش عايزة أشوفه. خليه يرجع لمراته. نور: طب مش عشانه، عشان خاطر منة وداليا ويوسف. ملاك: حاضر. وخرجت ملاك مع نور. جاسر: ملاك. ملاك: أنا جيت أقابل داليا ومنة ويوسف بس. جاسر: حقك. منة: ملاك، جاسم عامل إيه؟ ملاك: كويس، وإنتي أخبارك إيه؟ داليا: ملاك، بصراحة، إحنا جايين عشان عايزينك ترجعي.

ملاك: إنتي عارفة إني مش هرجع. داليا: تعالي معايا ثواني. ملاك: فين؟ داليا: تعالي بس. وذهبوا إلى الغرفة. داليا: ملاك، إنتي في خطر كبير عليكي، إنتي وابنك. ملاك: إنتي بتقولي إيه؟ داليا: بقول إنك لو مجتيش معانا، ابنك ممكن يتقتل. إنتي في خطر يا ملاك، ولازم ترجعي معانا. ملاك: مش هرجع القصر ده تاني، هو اللي طردني عشان روفان وموثقش فيا. أنا إنسانة وعندي كرامة ومش هدوس على كرامتي عشان حد.

داليا: عارفة والله. أولاً، إحنا مش هنرجع القاهرة، إحنا هنروح في الفيلا اللي في إسكندرية. وثانياً، ارجعي مش عشان خاطر جاسر، عشان خاطر ابنك. ملاك: ماشي يا داليا، أنا هرجع عشان ابني بس. داليا: ماشي. ملاك: بس خطر إيه بقى؟ داليا: لما نروح هقولك على كل حاجة. ملاك: ماشي. نور: ها، عملتوا إيه؟ ملاك: أنا موافقة، بس بشرط، هرجع عشان ابني وبس، مش عشان حد تاني. جاسر: ماشي.

داليا: هروح أجهز الشنط، وتعالي معايا يا نور، وإنتي كمان يا منة. نور: إنتي بتعملي إيه؟ أنا مش هروح في حتة. ملاك: لا يا نور، عايزاكي تبقي معايا عشان خاطري. نور: حاضر، اللي إنتي عايزاه. ملاك: أنا هروح أجيب جاسم. داليا: ماشي. ذهب ملاك، حملت جاسم لأنه مريض، وخرجت. جاسر: ده ابني. ملاك: لا، ده ابني أنا. أنا مش خاينة. جاسر: ملاك، أنا آسف. ملاك: ملوش لزوم الكلام ده خلاص، الوقت عدى. وذهبوا كلهم إلى الفيلا.

داليا: بصي، في أوضة فوق، إنتي ونور وجاسم. هي فيها سريرين. ملاك: ماشي. صعدت ملاك ونور. جاسر: ليه عملتي كده؟ داليا: إنت عارف إنها مش هتسمحك دلوقتي، خليها براحتها بقى. جاسر: ماشي، إنتي عملتي إيه وخليتها توافق؟ داليا: بعدين دلوقتي، هنعمل إيه؟ جاسر: هروح أشغل الكاميرات. داليا: ماشي. ذهب جاسر وجرب تشغيل الكاميرات، واشتغلت بالفعل. جاسر: الله أكبر، اشتغلت الحمدلله. يوسف: افتح بقى. جاسر بصدمة: إيه ده؟ يوسف بصدمة: خبر أسود.