رواية ملاك الجاسر الفصل الثاني والعشرون 22 - بقلم لولو وائل

ذهبو وكل منهم توجه إلى بيته. جاسر: إزيك يا داليا، هي ملاك لسه صاحية؟ داليا: لا، خدت الدوا ونامت. جاسر: ماشي. وانتي منمتيش ليه؟ داليا: بعمل حاجة وهنام. جاسر: ماشي. تصبحي على خير. داليا: وانت من أهل الخير. ذهب جاسر للغرفة وغطى في نوم عميق. اليوم التاني، صباح جديد والروتين المعتاد. جاسر: صباح الخير. ملاك وداليا: صباح النور. جاسر: أنا النهارده هتأخر. ملاك: ليه كده؟ جاسر: عندي النهارده صفقة بتاعت شركة روفيلا.

ملاك بصدمة: إيه! جاسر: مالك مصدومة ليه؟ ملاك: ها، لا مفيش. تروح وتيجي بالسلامة. جاسر: ماشي. داليا، كلمي منه تبقى معاكو. يلا سلام. داليا: ماشي. يلا سلام. ملاك: يا لهوي، هنعمل إيه؟ داليا: خليها على الله. في المكتب، بعد أن وصل جاسر. جاسر: ندى، أول ما يوسف يوصل، خلي يدخل المكتب. ندى: ماشي. عند حضرتك... جاسر: عارف. ندى: ما لحقتش أكمل الجملة. إيه ده؟ بعد شوية، دخل يوسف للمكتب. ندى: يوسف بيه... يوسف: عارف. ندى: إيه ده؟

أوف، مش هتكلم تاني؟ ها، في المطار. نادر: يا حبيبتي يا بلدي، وحشتيني أوي. مراد: فعلاً، واحشاني. نادر: بلدك ولا منهم؟ مراد: الاتنين يا خفيف. نادر: ماشي يا عم الحبيب. يلا علشان اجتماع شركة روفيلا. مراد: ماشي. يلا. الواد جاسر واحشني ويوسف. نادر: مين دول؟ مراد: هعرفك عليهم. وفي هذه اللحظة، كانت روفان في المطار. مراد بصدمة: روفان! روفان بصدمة واشتياق: مراد! انت كنت فين؟ مراد: انتي اللي جابك هنا؟ مش المفروض تكوني مع جاسر؟

روفان: ههههههه. جاسر مين؟ جاسر بيترحم عليا أساساً. مراد: مش فاهم. روفان: هو هيفهمكم. تركته وذهبت. نادر: إيه؟ مين دي؟ وتترحم على مين؟ مراد: مش عارف. هسأل جاسر على كل حاجة. توجه مراد للسيارة وذهب إلى الشركة الهواري. مراد: لو سمحتي، جاسر في مكتبه؟ ندى: آه. أقوله مين؟ مراد: قوله مراد. ندى: حضرتك أستاذ مراد، هو انتظرك من فترة. مراد: ماشي. ودخل مراد. مراد: إزيك يا جاسر؟ واحشني ياراجل. جاسر: مراد!

وأخذه في أحضانه: والله أنت اللي واحشني. يوسف: طب أنا مليش حضن؟ مراد: إزاي؟ وأخذ يوسف في أحضانه: واحشني والله يا أوفه. يوسف: وانت كمان والله. ودخل نادر في هذه اللحظة. مراد: جاسر، أعرفك، ده نادر صاحبي. نادر، ده جاسر وده يوسف. نادر: أهلاً بيك. جاسر: أهلاً بيك. يوسف: تصدق أنا حاسك شبهي. نادر: مش فاهم قصدك. يوسف: تعالى أفهمك. أستأذن أنا مع نادر حبيبي، عايزو في موضوع. جاسر: هههههه. مع السلامة يا خويا. نادر: تعالى.

ذهب نادر ويوسف. مراد: أخبارك إيه؟ وأخبار روفان؟ جاسر: روفان؟ انت لسه فاكرها؟ مراد: لسه فاكرها. مش المفروض مراتك؟ جاسر: ههههههه. مراتي؟ مراد: هو إيه اللي حصل في غيابي؟ حكى جاسر كل شيء لمراد. مراد: كنت متأكد إن البت دي مش مظبوطة، بس هي مش ميتة؟ جاسر: ملاك قالتلي إنها موجودة في باريس، بس أنا مش متأكد. مراد: مراتك عندها حق. جاسر: إزاي؟ مراد: أنا شفت النهارده روفان في المطار. جاسر: أنت بتقول إيه؟ يعني إيه؟

مراد: بقولك اللي أنا شفته. شوفتها في المطار، وأول ما سألتها عنك بتقولي بيترحم عليا. بصراحة، مفهمتش حاجة، عشان كده جيت أسألك. جاسر: أنا مش هرحمه. مراد: بص، أنت ليك حق تنتقم، بس مش تقتل. جاسر: طب هعمل إيه؟ مراد: جاسر الهواري محتار؟ مش غريبة شوية. جاسر: تصدق عندك حق. أنا لازم أخطط زي زمان. مراد: تؤ، نخطط زي زمان؟ يوسف: انت نسيتني على فكرة، أنا معاكم برضه. نادر: وأنا كمان. جاسر: الله المستعان. في القصر.

داليا: ملاك حبيبتي، مالك؟ ملاك: بقالي كتير مشفتش نور. تيجي نكلمها؟ تيجي تقعد معانا. منه: مين نور دي؟ داليا: صاحبتنا. هكلمها تيجي تتغدى معانا. إيه رأيكم؟ ملاك: ماشي. وبالفعل كلمتها داليا حتى أتت وانضمت للبنات. نور: ملاك، روحي! وحشاني أوي. معلش معرفتش أجيلك وانتي تعبانة. ألف سلامة عليكي. ملاك: والله يهمك يا روحي. الله يسلمك. نور: أنا خلاص هقعد معاكو على طول. داليا: نور، بجد وحشاني والله. وحشتني لمتنا مع بعض.

نور: وأنا كمان. واللهم... ملاك: نور، اعرفك دي منه، قريبة داليا. من بعيد، دي نور صحبتنا أنا وداليا. نور: أهلاً بيكي. نور: عملتي إيه في موضوع روفان؟ منه: إيه ده؟ انتي تعرفيها برضه؟ ملاك: نور هي اللي ساعدتني أعرف مكانها أصلاً. منه: بجد؟ طب هنعمل إيه؟ ملاك: إحنا لازم نكشف اللي اسمها روفان دي على حقيقته. داليا: عندك حق. أنا معاكي. نور: وأنا كمان معاكي. منه: وأنا كمان معاكي. ملاك: استعنا على الشقاوة بالله.