رواية ملاك الجاسر الفصل الحادي والعشرون 21 - بقلم لولو وائل

مراد: أخيرًا فاضل أسبوع وأشوفك يا حب عمري. نادر: طب يلا بينا نروح الشركة عشان أبوك بيرن عليا بقاله كتير. مراد: ماشى يلا. ذهب مراد ونادر للشركة. في مكان آخر في باريس. روفان: لماذا آيلين لم تكلمني منذ فترة؟ يجب أن أراسله. روفان: مرحبا آيلين، كيف حالك؟ هل أنتِ بخير؟ في قصر الهواري. منه: داليا، في حد بيبعتلك؟ داليا: مين؟ منه: معرفش، بس بيقول آيلين. مين آيلين دي؟ داليا (في بالها)

: أكيد روفان، بس منه متعرفش الموضوع. أقولها ولا لأ؟ داليا: طب سبيها ومترديش، وأنا هرد بعدين. منه: ماشي. داليا: أنا هروح أشوف ملاك. منه: ماشي. ذهبت داليا إلى ملاك. داليا: عاملة إيه دلوقتي يا حبيبتي؟ ملاك: الحمدلله بخير. مالك يا داليا؟ داليا: روفان بعتت. ملاك: طيب وإيه اللي حصل؟ داليا: منه شافت الرسالة، بس أنا مرضتش أقولها إلا لما أقولكم.

ملاك: ماشي، خلاص روحي، لازم تكملي مع روفان عشان متشكش فينا. ولو على منه مش هتقول لحد. داليا: ما أنا عارفة، بس قولت أقولك برضه. ملاك: ماشي، روحي انتي شوفيها بس في أوضتك أو تعالي عندي هنا ونبقى مع بعض. داليا: ماشي، هجيب اللاب وأجي. وذهب داليا لتحضر اللاب. منه: ملاك كويسة؟ داليا: آه الحمدلله. هاتى اللاب وتعالى نقعد معاها. منه: مين آيلين يا داليا؟ حكت داليا كل شيء لمنه. منه: يلهوي! إيه البت دي!

أنا معاكو وش. ومتخافيش مش هقول لحد والله. داليا: من غير ما تحلفي، أنا واثقة فيكي. منه: ماشي، يلا بينا. وذهبوا إلى غرفة ملاك. ملاك: قولتلها يا داليا. منه: آه، قالتلي على كل حاجة. وأنا والله مش هقول لحد. ملاك: من غير ما تحلفي، أنا واثقة فيكي. منه: بجد! أنا بحبكو أوي. ملاك وداليا: وإحنا أكتر والله. ملاك: طب يلا بقى شوفي بعتت إيه. داليا: دي بتطمن عليا. ملاك: طيب ردي عليها.

داليا: مرحبا روفان، نعم أنا بخير. وأنتي كيف حالك؟ روفان: أنا بخير. لماذا لم تراسليني منذ فترة؟ داليا: أنا آسفة، كنت مشغولة. روفان: حسناً، لا بأس. أنا سوف أنزل مصر قريبًا. داليا بصدمة: الحقّي! دي هتنزل مصر! ملاك: بجد! جابت قوة القلب دي منين؟ داليا: مش عارفة. منه: ممكن عشان شغل. داليا: إزاي؟ منه: أصل أخوكي معاه صفقة مع شركة في باريس الأسبوع الجاي، وممكن تكون هي صحبت الشركة دي عشان كده جاية مصر. ملاك: إزاي!

أكيد هي عارفة اسم شركة جاسر. داليا: لا، أخويا غير اسم الشركة بعد موت بابا وماما. منه:لاك: صح، ممكن تكون منه عندها حقد. داليا: استنى هسألها. داليا: إنه خبر رائع! سوف تأتين لزياراتي؟ روفان: أنا سوف أسافر إلى مصر لصفقة عمل. داليا: رائع! مع من؟ روفان: لا أعرف من المدير، لكن ما أعرفه أنها أفضل شركة في مصر والوطن العربي. داليا: حسن، سوف نتقابل، أليس كذلك؟ روفان: نعم، عندما أنتهي سوف أراكِ. داليا: حسناً، أراكِ في وقت لاحق.

روفان: حسناً، وداعاً. داليا: منه عندها حق، بس عرفتي منين؟ منه: أصل من يومين يوسف سمعته بيكلم جاسر وقالوا على شركة في باريس وصفقة عمل وحاجات تانية، عشان كده أنا استنتجت كده. داليا: ما شاء الله عليكي نبيهة. منه: ميرسي. ملاك: طب دلوقتي هنعمل إيه لو جاسر ورو فان اتقابلوا؟ هتبقى كارثة. داليا: ده ممكن يموتها. منه: ربنا يستر. عند جاسر في الشركة. جاسر: ندى. ندى: نعم يا جاسر بيه. جاسر: ابعتيلي يوسف على مكتبي. ندى: حاضر.

ذهبت ندى واستدعت يوسف لمكتب جاسر. يوسف: وحشتك؟ جاسر: وانت من امتى بتوحشني؟ عايزك في حاجة مهمة. يوسف: قول. جاسر: مراد هينزل مصر الأسبوع الجاي. يوسف: بجد؟ طب كويس. جاسر: هيحضر معانا الصفقة بتاعت شركة روفيلا. يوسف: هو هيحضر الاجتماع ويمشي ولا هيقعد معانا على طول؟ جاسر: معرفش، بس غالبًا هو كان قايل هرجع وهبقى معاكو على طول، يعني ممكن يسيب أمريكا ويعقد معانا هنا. يوسف: هو سافر ليه من الأول؟

جاسر: دي حكاية غريبة، بس هو اتظلم أوي. يوسف: إيه اللي حصل؟ جاسر: وقته نحكى دلوقتي. يوسف: انت وراك حاجة بذمتك؟ جاسر: بصراحة لأ، كنت لسه هروح حالًا. يوسف: طب احكي وبعدين نمشي. جاسر: بص يا سيدي، صلى بينا على النبي. يوسف: عليه أفضل الصلاة والسلام.

جاسر: بص، أنا ومراد، وانت كنت معانا لحد الكلية، وانت طبعًا سافرت، وأختك كانت مع داليا. مراد كان معايا في كل حاجة لحد ما حصل مشكلة في الشركة. وكان أبو روفان بيشتغل مع أبويا في نفس الشركة. روفان كانت معجبة بمراد، بس محدش يعرف الموضوع ده خالص. طبعًا أبو روفان كان أغنى من أبويا قبل ما نبقى أحسن شركة. مراد شاف أختك منه لما كانوا بيرنوا الجرس على الجيران ويجروا لما كنا في بيتنا القديم. فلاش باك: داليا: أجري يا منه.

منه: جايه آه. مراد: استني هنا، انتوا بتعملوا إيه؟ منه: إحنا بصراحة. مراد: انتوا بترنوا الجرس على الناس وتجروا ليه؟ بتزعجوا الناس يعني. منه بدموع: إحنا كنا بنهزر بس. حس مراد بنغزة في قلبه عندما رأى دموع منه. مراد: طب بتعيطي ليه؟ طب خلاص أنا آسف، بس بلاش تعملوا كده تاني. داليا: مالك يا منه؟ منه: مفيش، يلا نمشي. مراد: طب انتي زعلانه مني؟ منه: لأ، خلاص. وذهبت الفتاتان وظل مراد يفكر في منه.

مراد وهو مبتسم: طفلة أوي، أو أجمل طفلة شفتها بعني. بالك طبعًا مراد أعجب بمنه. وجيه سالم باشا طلب من أبو مراد يجوز روفان لمراد وهيبقى معاه شريك في الشركة. طبعًا أبو مراد سعيد بيه مكنش معاه فلوس كتير عشان يقوم شركته، وطبعًا سالم بيه كان معاه كتير أوي كمان. عشان سعيد بيه يكبر شركته قرر يجوز مراد لروفان، بس مراد رفض. فلاش باك: سعيد: أنت هتتجوز بنت سالم بيه؟

مراد: لأ طبعًا يا بابا، أنا عمري ما رفضتلك طلب، بس ده مستحيل، أنا مش بحبها. سعيد: بس البنت بتحبك، مفيش نقاش، أنا موافق والخطوبة الخميس الجاي. مراد: يعني إيه؟ أنا بحب واحدة تانية. سعيد: ومين؟ إنشاء واحدة من مستوانا يعني. مراد: هو لازم تكون من مستوانا؟ مش مهم عندي الفلوس، المهم الأخلاق، وهي عجباني، وهي دي اللي هتبقى شريكة حياتي، غير كده لأ. سعيد: أنت هتكسر كلامي؟ مراد: لأ يا بابا مقدرش، بس مش هتجوز روفان.

بالك طبعًا بعدها مراد قالي أساعده يخلص من روفان. أنا مكنتش شفت روفان قبل كده، بس أول ما شفتها حبيتها وفضلت أخرج معاها لحد ما هي غالبًا أعجبت بيا. وساعتها أنا اشتغلت كتير على نفسي عشان تبقى ملكي، وكبرت الشركة وبقى أكبر من شركة سالم بيه، ورو فان قالت مش عايزة مراد واختارتني أنا، بس مش حبًا فيا، لأ عشان الفلوس. أما مراد عشان هي حبته. طبعًا مراد فرح وكان عايز يتقدم لمنه، بس. فلاش باك:

مراد: بابا، أنا عايز أتقدم للبنت اللي بحبها. سعيد: لأ، البنت دي مش مناسبة لعيلتنا. مراد: أنا بحبها وعايزها. مش كل مرة هسمع كلامك فيها. أنا بحبها ومش هتجوز غيرها. سعيد: أنا بكسر كلامي عشان واحدة زي دي. مراد: مالها دي؟ دي أنضف بنت أنا شفتها في حياتي. روفان راحت لجاسر، سيبني بقى أشوف حياتي. وفي اللحظة دي وقع سعيد وفقد الوعي. مراد: بابا. وراح على المستشفى. مراد: دكتور، ماله بابا؟

الدكتور: جاله جلطة، لازم يسافر بره عشان يتعالج عشان حالته حرجة. مراد: ماشي، أنا آسف يا بابا، هحاول أنساها. وسافر ومراد وابوه فضل يتعالج لحد ما خف، وهو اشتغل هناك لحد ما عمل شركة كبيرة دلوقتي، وبس معرفش حاجة عنه تاني. يوسف: ياه! في أب كدا؟ جاسر: لما ييجي بقى نشوف أخباره. يوسف: بجد! عمري ما اتصورت حد يحب أختي كل ده. يوسف: اللي في الخير يقدمه ربنا. جاسر: ماشي، يلا بقى نروح عشان جعان ونوم. يوسف: وأنا والله، يلا.

وذهبوا وكل منهم توجه إلى بيته.