رواية ملاك الحياة الفصل الحادي والعشرون 21 - بقلم داليا منصور

ملاك بصت بصدمة وراها لقت شاب طويل بنفس طول أدهم ولكن مش بنفس جسمه. ولسه هترد شافت أدهم واقف وعيونه فيها شرار من كتر العصبية. ملاك بخوف: أدهم. أدهم بعصبية: إنتي إيه اللي خرجك كده ياهانم، ينفع كده، ده منظر تخرجي بيه. ملاك مكنتش واخده بالها، بس لما أدهم قال كده مشت إيديها على شعرها وافتكرت إنها من غير حجاب فدخلت القصر جري. مش عشان خايفة من أدهم، عشان هي محجبة وأكيد محدش يشوفها من غير شعرها غير جوزها بس حالياً.

عند أدهم وهو واقف قدام جاسر بعصبية. أدهم: هو إنت مش هتتلم أبداً، وإزاي ياحيوان تعاكس مراتي. وقال بعصبية: وكمان شوفتها بشعرها، دانا هخلي ليلتك ميعلم بيها إلا ربنا. جاسر بخوف: والله يا أدهومي أنا داخل غصب عني، شوفتها كانت مديني ضهري فكرتها إلينا، فبقول يابختك يا عم أدهم عشان عندك قمر زي دي شغالة عندك. هو أنا أقدر أعاكس مرات أخويا برضو، دي أختي يابني.

أدهم بعد ما هدى من كلام جاسر لأنه متأكد من كلامه صح، وهو مش صحبه بس لأ ده عشرة عمره وبيحبه جداً. أدهم: إنت عارف يالا لو مكنتش بوثق فيك مكنش زمانك عايش دلوقتي. جاسر بحب وهو بيحضن أدهم: أنا عارف صحبي جدع وكفاءة، وعمره ميشك فيا أبداً أو يشك في حبي ليه. إنت أخويا ياض اللي أبويا مجبهوش الدنيا دي كلها. وحضن أدهم وأدهم بادلو الحضن. جاسر وهو بيضحك بيغير الجو: خلاص بقى يادومي، إلا مراتك تقفشنا وتبلغ عننا بوليس الآداب. وضحك.

أدهم بضحك: طب صدق بأي، ملاك مراتي تعملها دي مجنونة، دي بتكلم الولاد وهما لسه في بطنها وتقولهم أنا متخنتش صح ياحبايب ماما. جاسر بضحك: ههههه والله جدعة البت دي. بس صعبان عليا ولاد أخويا ذنبهم إيه أمهم تكون هبلة ههههه. أدهم وهو بيبص لجاسر: اتلم يالا وإلا هلمك، اللي بتقول عليها مجنونة دي مرات أخوك يعني تحترمها، فاهم. جاسر ببعض الخوف: علم وينفر ياكبير. وضحكوا وعدى الوقت عليهم في هزار بين أدهم وجاسر. —&& فوق عند ملاك.

كانت قاعدة وخايفة لما أدهم يجي وهي بتقول: يلهوي يلهوي، ده لو جه هيعلقتي، وكمان الأخ ده شاف شعري، هي ناقصاله هو كمان، كل ما أصدق أخليه يهدي ويرجعني لأهلي يحصل حاجة. وهي بتكلم نفسها سمعت خطوات أدهم جايه ناحية أوضتها. ملاك وهي بتجري في كل مكان زي التايهة وبدور على مكان تداري نفسها من هولاكو (إلي هو أدهم طبعاً) دخلت ورى السرير وقعدت بخوف وقلبها بيدق جامد. وهي بتبص على أدهم من ورا السرير عشان تشوفه وصل ولا لأ. أدهم:

يعني كده مفكرة إني مش هعرف أجيبك. ملاك بخوف وهي بتبص وراها بخوف من جواها بس بتقول بمرح: بريء يابيه ومعتش هعملها تاني، صدق أخوك يسطا. أدهم بعد ما كان راسم الوش الخشن ليها مقدرش يمسك نفسه من كتر الضحك وهو بيقول: والله هتجننيني في يوم، هو مش المفروض خايفة مني ومش قادرة تتكلمي ومستنياني أعاقبك، لأ بتهزري. ملاك بضحك: سيد عيب متقولش كده، إحنا أهل، وكمان أخاف منك إنت ومخافش من ربنا.

لابسة حجابي عشان أنا مسلمة ومؤمنة بالله ولازم أتبع أمهات المؤمنين في لبسهم وكل حاجة. أه أنا مش ملتزمة بالزي الشرعي بس أنا لبسي واسع الحمد لله مش ضيق وبلبس حجاب ودي خطوة جميلة إنك تبدأ واحدة واحدة كده، عشان توصل في الآخر لنتيجة. ولما صاحبك شافني أنا جيت صليت وقعدت أبكي بين إيدين ربنا، عشان يسامحني ويغفرلي، وده كان غصب عني. وعارفة إنك هتسامحني عشان ده غصب عني.

أدهم من جواه فرح من كلامها وحس فعلاً إنو اختار صح، نعمة الزوجة في الاحترام والأخلاق والدين. ودعا ربنا من جواه متبعدش عنه، وشكره عشان أداه هدية كده. ملاك وهي بتمشي إيديها قدام وش أدهم وهي بتقول: أدهم روحت فين. أدهم بعد ما فاق من تفكيره وبصلها بحب قام حضنها وهو بيقول: أنا بحمد ربنا إنك معايا ومراتي، ده اللي مكنتش أتمناه أبداً، ولا متخيل ربنا يبعتلي زوجة بالجمال ده بجد. ملاك وقلبها بيدق جامد وفرحانة من جواها من كلامه.

بس بتسمعه يشوف هيكمل ويقول إيه. أدهم: تصدقي ياملاك أنا مش ندمان إني خطفتك أبداً، بالعكس لو عاد بيا الزمن هكررها ألف مرة عشان أخليكي جنبي. أدهم كان بيقول الكلام ده وهو متغيب عن الواقع نهائي، لأنها لمست جواه شعور عمره محسش أبداً. حس فعلاً بقلبها وعزم على تصليح أخطائه، وإنه هيرجعها لأهلها عشان يفرحها. وملاك كانت في عالم تاني خالص، كلامه كان كفيل يخليها تنسى الدنيا وما فيها.

أدهم أدهم بعد وشه عن حضنها وبيس لعيونها وهي كمان بتبصله، وهما مغيبين تماماً. ولسه بيقرب منها وفجأة. —&& عند نورهان. كانت خارجة من البيت بتاعهم ولسه هتقف تاكسي لقت أحمد واقف بالعربية قدامها وهو بيقولها. أحمد: ارركبي يامزتي. نورهان بكسوف: حاضر. وجت تركب العربية من ورا، أحمد وهو بيكلمها. أحمد: هو أنا غريب يابت، دانا حتى زي خطيبك يعني تعالي قدام الله يهديكي. نورهان بكسوف: حاضر. وركبت قدام جنبه. أحمد وهو بيبصلها ويعاكسها:

يلهوي على أحلى صباح عندي النهارده، القمر بذات نفسه راكب معايا وجنبي، أنا كده هتغر. وغمزلها. نورهان من الإحراج والكسوف، خدودها احمرت بس قالتله بشجاعة. نورهان: أحمد اتلم وإلا والله هنزل من العربية وآخد تاكسي، إنت حر. أحمد وهو بيناغشها: بذمتك حد يقدر يسكن وجنبو القمر، بس اعمل إيه لازم تخليني أسكت. وضحك، وطلع بالعربية للجامعة بتاعتها. وبعد فترة، وصلوا للجامعة ووقف أحمد قدام بوابة الجامعة.

نورهان وهي نازلة من العربية أحمد وقفها. أحمد: استني رايحة فين، مفيش باي ياحمودي حتى. نورهان باستفزاز: لأ مفيش، عاجبك والا مش عاجبك. أحمد بخوف مصطنع: لأ عاجبني يباشا، هو أنا أقدر. نورهان ضحكت ولسه هتخرج سمعت أحمد بيقول. أحمد: ده أنا لو خاطب واحد صاحبي هيكون رومانسي عنك ياشيخة. نورهان بضحك: طب روح لصاحبك بقى ياخفيف، هو أحسن مني. وسابته ومشيت. أحمد وهو بيتكلم مع نفسه. أحمد:

صاحبي مين بس، ده أنا معايا أحسن واحدة في الكون كله. وضحك ومشي بالعربية للشغل بتاعه. —&& عند أهل ملاك. أم ملاك كانت قاعدة وفجأة سمعت الباب بيخبط جامد ومش راضي يبطل خبط. أبو ملاك خرج مخضوض من الأوضة وهو شايف مراته ماشية في اتجاه الباب فسألها مين اللي بيخبط بالهمجية دي. الأم بعصبية: مش عارفة مين المتخلف ده، والله شكلي هعلم على دماغه. بأبو ورده. الأب بضحك: افتحي بس نشوف مين. ولسه الأم بتفتح الباب اتصدمت.