رواية ملاك الحياة الفصل الثالث 3 - بقلم داليا منصور

حاسب.. ادهم : -نزل من العربية وهو متنرفز، انتي عمية مش بتشوفي؟ ملاك بعصبية: -صدق بالله انت شخص بجح، يعني كنت هتموتني ونازل تبجح؟ يابجحتك ياخي! ادهم: -انتي عارفة أنا مين؟ انتي لو عرفتيني أنا مين مكنتيش قدرتي تقفي في وشي. ولا انتوا اللي من مستواكم كدة بيرموا نفسهم قدام عربيات البشوات عشان قرشين. مكملش الجملة لقي كف نازل على وشه. ملاك بعصبية: -مش كل الناس زيك، انت علشان كدة مفكر الكل زيك. ومشت. ادهم بغضب

والشر بيتطاير من عيونه: -والله لندمك على الكف ده! وركب ومشي ووصل الشركة بكل غضب ودخل المكتب. ادهم وبكل عصبية: -مسك التليفون، الو انت فين يا يازفت؟ ياسين: -أنا جاي، في الطريق يا ادهم. ادهم: -تمام، بس كنت عاوزك تجيبلي معلومات عن بنت وبأقصى سرعة، ساعة واحدة ويكون معلومات البنت دي قدامي، مفهوم؟ ياسين بخوف: -حاضر، ساعة واحدة وكل المعلومات هتكون عند حضرتك.

ياسين صاحب ادهم ونفس عمر ادهم، بس فرق، هو بيحب يضحك ويهزر. ياسين وادهم صحاب من أيام الجامعة، واتعرفوا على بعض وبقوا أحسن من الأخوات. وبعد التخرج من كلية الهندسة، اتفقوا يشتغلوا سوا، وكانت بداية شغلهم المافيا بسبب حاجة حصلتلهم بعد ما اتخرجوا، اضطروا يمشوا في الطريق ده. وهو، ساعة الجد جد والهزار هزار، عايش لوحده بسبب إن أهله متوفين. وانضم مع ادهم في المافيا لما كان عمره 14 سنة. ادهم: هندمك ندم عمرك... ***

عند ملاك في الجامعة. نورهان: -ملاك، كنتي فين كل ده؟ اتأخرنا على المحاضرة. ملاك: -كنت بتخانق مع واحد مغرور. نورهان: -بجد؟ إيه اللي حصل؟ ملاك: -مش دلوقتي، بسرعة عشان المحاضرة، لما نطلع هقولك. ملاك ونورهان دخلوا المحاضرة وهما بيجروا عشان يلحقوا، بس لقوا الدكتور أسد موجود. ملاك: -ممكن أدخل يا دكتور؟ أسد: -بيبص لقي ملاك، اتفضلي، ومعتش تتكرر تاني. أنا لما أدخل ومفيش حد يدخل بعدي. أنا هعديها المرة دي. نورهان

وملاك في نفس اللحظة: -شكراً يا دكتور. ملاك دخلت وأسد عينه متشالتش منها خالص، وبدأ يشرح وهو مركز معاها. عدى اليوم وملاك روحت. ملاك وصلت البيت، وبتخبط، لحظة، هو مش خبط عادي، دي بتطبل! مامت ملاك بعصبية: -إيه الدوشة دي؟ هو انتي يا ملاك مبتجيش إلا بدوشة؟ ملاك: -آه يماما، لازم يكون ليا حس كدة في البيت، عشان لما أتجوز يقولوا "والله يوم من بعدك ياملوكة". مامت ملاك بتريقة:

-طب ادخلي يا أختي غيري هدومك وتعالي عشان تساعديني في المطبخ، أخوكي وأبوكي زمانهم جاين من الشغل. ملاك: حاضر. دخلت وغيرت وطلعت ساعدت مامتها. *** في مكان تاني. أسد بعد ما وصل البيت وهو بيفكر في اللي خدت عقله. مامت أسد: -انت جيت يا حبيبي. أسد بحب: -آيوة أنا هنا يا ست الكل. الأم: -بس شكلك مبسوط، في حاجة؟ أسد حكالها على اللي حصل، وإن هو معجب بيها. أسد: -بس هو ده كل اللي حصل. مامت أسد:

-ربنا يفرحك يا ابني، اتقدملها وبالمرة تطمن قلبي عليك، نفسي أشيلك حتت عيل. أسد: -حاضر يا ست الكل. وباس إيديها، ومامته خرجت وهو فضل في الأوضة لحد ما نام. *** تاني يوم. في مكان تاني. عند ادهم: -قدامه ملف وبيقرأ فيه. "ملاك عندها 20 سنة، في تانية هندسة، وعندها أخ واحد وباباها ومامتها وبيحبوها جدا". وبدأ يقرأ الملف كله. ادهم: -هندمك، وانتي اللي دخلتي في جحيمي. ادهم: -كلم ياسين، انت فين؟ ياسين:

-أنا قدام الجامعة زي ما قلتلي. ادهم: -تمام، خليك واقف ولما تطلع نفذ. *** عند ملاك صحيت، وقامت لبست درس لونه أحمر وفيه فصوص بيضة، وعلية طرحة بيضة، والشوز أبيض، وخدت شنطتها وطلعت. ملاك: -بابا، أنا نازلة. وحضنت أبوها وبوسته من خده ونزلت. مامت ملاك: -هي ملاك نزلت؟ الأب: -آه نزلت، كانت مستعجلة. الأم: -ربنا معاكي يابنتي. أحمد وهو خارج بيتاوب: -بابا، ماما، مالكم واقفين كدة ليه؟ أمال ملاك فين؟ الأب:

-ملاك نزلت، يلا البس عشان نروح الشركة. أحمد: -حاضر، هلبس وأجي. فطروا ونزلوا راحوا الشغل. مامت ملاك: -استر يا رب، أنا قلبي واكلني على ملاك، معرفش ليه حاسة إن في حاجة هتحصل. وعدى الوقت، دخلت تكمل الشغل. *** في الجامعة. وصلت ملاك ودخلت المحاضرة وقابلت نورهان، وخلصوا المحاضرات وهما خارجين. ملاك: -الحمد لله، خلصنا، أنا هموت من الجوع، هروح بقى، زمان ماما عملالنا أكل. باي يا صحبي. نورهان: -باي يا لوكا، ابقي كلميني.

مشت نورهان. ملاك وهي مستنية تاكسي ومش منتبهة، في لحظة لقت حد شدها في العربية.