رواية ملاك الليل الفصل الرابع 4 - بقلم ملك ابراهيم

ملاك بدموع: ابعد عني حرام عليك بقى. انت ايه ما عندكش دم؟ ليل بعصبية: أنا ما عنديش دم، أنا هوريك أنا هعمل إيه. ليل رفع على ملاك الحزام ونزل فيها ضرب. ملاك بدموع وصوت عالي: الحقونا، حد يجي يلحقني. ليل حط إيده على بقها. سعاد وهدير وسماء طلعوا بسرعة وقعدوا يخبطوا على الباب جامد. سعاد بعصبية: افتح الباب يا ليل، البت هتموت في إيدك. هدير: افتح يا ابني، ممكن فعلاً تكون بريئة، افتح الباب.

وسماء واقفة ما بتعملش حاجة، عاملة نفسها متضايقة وهي أصلاً فرحانة. هدير لسماء بعصبية: لا والله، انت هتفضلي واقفة لنا كده؟ مش هتعملي حاجة؟ تعالي خبطي معانا. سماء بخضة: حاضر، حاضر. وملاك اغمى عليها من كتر الضرب. سعاد وهدير وسماء كسروا الباب. سعاد بعصبية وهي بتضرب ليل بالقلم على وشه جامد: انت إيه اللي انت عملته ده؟

حرام عليك، البنت فعلاً ممكن تكون بريئة. بس تعرف، حتى نور اختك اللي انت بتقول إن هي قتلتها، نور ما كانش على لسانها غير ملاك وأدب ملاك واحترام ملاك. كانت بتحكي لي عنها حاجات حلوة كتير، ما صدقش إن هي اللي تقتلها. انت إيه، هي ما صعبتش عليك يا أخي؟ هدير وهي بتضرب ملاك على وشها بالراحة عشان تفوق: يا بنتي فوقي، فوقي. سعاد: البت مش عايزة تفوق. هدير بخضة: يا لهوي، لا تكونش ماتت.

سعاد بهوف: أعوذ بالله، لا الله ولا فالك. إن شاء الله كويسة، هاتي بس كوباية مية وأنا هفوقها. هدير لسماء: بت يا سماء، هاتي كوباية مية. سماء ببرود: حاضر. كملت في سرها: يارب تموت بقى ونخلص منها. في المطار. حسن لمالك: أنا نفسي أعرف إنت ليه ما قلتش لملاك إننا جايين عشان تيجي تستناه. مالك: يا ابني عشان نعملها لها مفاجأة. بص، أنا هكلمها دلوقتي وآخد منها العنوان الجديد بتاعها. حسن: تمام. البنت: لو سمحت، هي طيارة لبنان فين؟

مالك: والله أنا ما أعرفش. حسن: هي تقريباً هناك يا آنسة. البنت: تمام، ماشي. بس أنا مش شايفاها. مالك: هي تقريباً بينادوا عليها هناك أهي. البنت: تمام، ميرسي. شكراً على العموم. أنا اسمي إليسا. مالك بإعجاب: اسمك حلو يا آنسة إليسا. إليسا: شكراً لحضرتك. اسم حضرتك إيه؟ مالك: مالك الحسيني. إليسا: تمام، ماشي. تشرفنا يا أستاذ مالك. عن إذنكم.

تعريف بسيط لإليسا: إليسا مصطفى المحمودي، فتاة جميلة جداً، شعرها مايل على الأشقر، بشرتها قمحاوية، عيونها خضراء. دكتورة تجميل شاطرة. باباها ومامتها انفصلوا من وهي صغيرة. مامتها لبنانية وما بتسألش عليها. هي قررت تروح تزورها وتشوفها. وباباها بيحبها جداً وبيهتم بيها، وما بيحبش يزعلها. مالك وحسن: اتفضلي. حسن: يلا بقى كلم ملاك. مالك: ماشي. في مكان آخر عند ليل. سماء ببرود: اتفضلي. هدير: هاتي، خدي يا سعاد. سعاد وهي بتحط

مية على وش ملاك بالراحة: فوقي يا بنتي، فوقي. ملاك بخضة وصوت عالي: أنا فين؟ ابعدوا عني. وبعدين أنا دمعت وقعدت أعيط. حرام عليكم، جسمي بيوجعني. أنا عايزة أمشي من هنا. أنا ما قتلتهاش. وأنا كنت بحبها، وهي كانت أختي. صدقيني ما قتلتهاش. سعاد بحزن: والله أنا عارفة إيه يا حبيبتي، ومتاكدة إنك بريئة. انت مستحيل تعملي كده. نور كانت بتحكي لي عندك حاجات حلوة كتير. مش معقول صاحبتها المفضلة تقتلها.

ليل ببرود: ليه بتدافعي عنها قوي كده؟ ليه؟ وإنتي متأكدة منين أصلاً يا ماما إن هي ما قتلتهاش؟ مش يمكن تكون بتمثل؟ وبعدين ليل افتكر لما نور كانت بتحكي له عن ملاك. فلاش باك. ليل: إيه اللي قالب حالك كده يا نور قلبي؟ نور: ما فيش حاجة يا ليل، بس أنا صاحبت بنت اسمها ملاك، وملاك دي فعلاً ملاك. ليل: ليه بقى؟ نور: بصي، هي أمورة قوي وطيبة جداً، ما تبانش عليها إن هي ممكن تخون صاحبتها. طيبة قوي يا ليل، انت لو شفتها هتحبها.

ليل بسخرية: أحب إيه؟ هي شكلها عامل إزاي؟ وصفها لي كده. نور: بصي يا سيدي، شعرها طويل وأسود وحرير ما شاء الله يعني، وعينيها عسلي، وبشرتها بيضاء، وشفايفها حمراء. جميلة، جمال طبيعي. ليل بانبهار وإعجاب: ما شاء الله. يلا ربنا يخليكوا لبعض. نور: يا رب. سماء عاملة معاك إيه؟ ليل بتنهيدة: تمام. قطعته سعاد بعصبية وهي بتقول: إيه، ما بتنطقش ليه؟

ليل: خلاص يا ماما، ممكن بقى تتفضلوا تطلعوا بره من غير ما حد يطردكم عشان أقعد أنا ومراتي لوحدنا. صلوا على النبي. ملاك بدموع: لا لا، لو سمحتوا ما تمشوش وتسيبوني لوحدي. ملاك الليل بقلمي ملك إبراهيم عبدالجيد هدير: ما تخافيش يا حبيبتي. قطعهم صوت رنة فون ملاك. ملاك بصوت حزين: الو، مين؟ مالك: مالك يا روح قلبي، صوتك عامل كده ليه؟ ملاك بدموع: مالك، مالك، تعال الحقني. ليل أول ما سمع وهي بتقول مالك، خد منها التليفون

بسرعة وقال بعصبية: إنت مين ياض وبتكلم مراتي ليه؟ مالك بعصبية: إنت اللي مين؟ وإختي بتعمل إيه عندك؟ وركز في كلامه وقال: مراتك؟ ليل: أيوه، مراتي. وأبقى قابلني بقى لو عرفت طريقها. وقفل الخط وكسر التليفون، رزع الأرض جامد واتكسر 100 حتة. مالك بعصبية: آآآه يا ابن الـ... وحياة أمي لألاقيه وساعتها مش هرحمه. حسن بخضة: في إيه يا ابني؟ ملاك حصل لها حاجة ولا إيه؟ مالك حكى له كل حاجة حصلت في التليفون. حسن: طب هنعمل إيه دلوقتي؟

مالك: ما أعرفش، بس لازم ألاقيه بأي طريقة. حسن: طب ما نشوف رقم ملاك فين عن طريق الـ GPS ونوصل له. مالك: ده كسر التليفون، ابن الـ... ده، هنوصل لها إزاي بقى؟ لازم التليفون يكون شغال. حسن: إحنا لازم نوصل له بأي شكل. مالك: أنا عرفت هعمل إيه، بس أنا لازم أعرف هو مين الأول. ده حتى ملاك ما قالتليش اسمه. في مكان آخر. ملاك بعصبية ودموع: إنت إزاي تعمل كده؟ إنت اتجننت؟ حرام عليك بقى.

ليل بعصبية: أيوه، أنا فعلاً اتجننت وهتجنن أكتر لو ما بطلتيش زن. اخرسي. ملاك بدموع ووجع: هتعمل إيه أكتر من اللي عملته؟ إنت خليتني أكره اليوم اللي عرفت نور فيه. ليل بعصبية: مش إنتي قلتي لي إن هي حكت لك عني؟ حكت لك عني إن أنا عصبي وبخاف عليها جداً؟ ليه بتقتليها بقى؟ إنتي اللي خليتيني أعمل فيكي كده. ملاك بدموع: والله العظيم ما قتلتها. إنت إيه الحقيقة؟ إنت مش قادر تشوفها. أمال ظابط إزاي؟

مش المفروض الظابط لو هو متأكد أو حاسس حتى إن المسجون بريء، يدور على أي دليل يثبت براءته؟ ليل سكت وما ردش، وكان عمال يفكر في كلامها. ملاك بدموع: إيه؟ سكت ليه؟ يا ريت تكون عرفت غلطك، يا ريت تكون عرفت إنك ظلمتني، يا ريت تكون... ليل قطعها وقال: هشششش، ما تتكلميش. أنا هعرف أوصل للحقيقة بطريقتي. وقال الكلام ده وسابها ومشي. ملاك بدموع: يا رب، إثبت براءتي. أنا نفسي أعرف مين اللي كلمني وقال لي صاحبتك عملت حادثة؟ مين؟ مين؟

عند إليسا. إليسا: هاي مامي، إيه أخبارك؟ لميس: منيحة حبيبتي، شو أحوالك؟ إليسا: تمام يا مامي، بس حضرتك مش بتسألي عليا ليه؟ ده أنا حتى قلقت عليكي. لميس: والله مشغولة في حياتي كتير. حياتي، بس كنت هكلمك. إليسا: كنت هتكلميني إمتى يا مامي؟ ده إنتِ بقى لك سنتين ما بتسأليش عليا. إيه جوزك خد كل وقتك ولا إيه؟ لميس: لا حياتي، كنت هاجي مصر أطمن عليكي. إليسا: تمام يا مامي. لميس: هتقعدي معايا كام يوم؟

إليسا: لا يا مامي، أنا هقعد معاكي النهارده وهسافر تاني. لميس: تمام. شو أخبار أبوك؟ وشو أخبارك إنت؟ مش ناوي تتجوزي ولا شو؟ إليسا: لا يا مامي، أنا مش بفكر في الموضوع ده دلوقتي. بس أنا قابلت ولد في المطار اسمه مالك الحسيني. لميس بخضة: قلتي شو؟ مالك الحسيني؟ إليسا: أيوه يا مامي، في إيه؟ هو إنتِ تعرفيه ولا إيه؟ لميس: مين ما يعرفش مالك الحسيني؟ ده صاحب شركة الحسيني. إليسا: اممم، تمام.

لميس بخبث: ما تحاولي تقابليه تاني ولفي عليه وخليه يحبك. ده إنتِ لو اتجوزتي هيبقى ليكي كل حاجة. إليسا بعصبية: طول عمرك كده ومش هتتغيري. زي ما بابا قال، أنا غلطانة أصلاً إني جيت. إنتِ فاكراني إيه؟ فاكراني بحب الفلوس زيك كده؟ لا، أنا عندي كرامة وكرامتي أغلى من أي شيء. وعن إذنك، وأنا غلطانة إني جيت. لميس: مالها دي؟ أنا مش عارفة زعلت من إيه؟ هو أنا قلت حاجة غلط؟ في مكان آخر عند شادي في الشركة.

ريم في سرها: أنا نفسي أعرف إيه، مش حاسس بيا؟ مش حاسس إني بحبه بقى لي كتير؟ مش عارفة. وقطعها دخول بنت. البنت: هو شادي موجود يا بتاع إنت؟ ريم بعصبية: بتاع مين يا حبيبتي؟ وبتتكلمي كده ليه؟ البنت بعصبية: إنتِ بتتعصبي عليا يا بنت إنتِ؟ طب والله ما إنتِ قاعدة فيها وهخلي شادي يطردك. ريم بعصبية: يطردني؟ يطردني؟ هو إنا عملت إيه؟ إنتِ اللي ميوعة وشايفة نفسك قوي. البنت بعصبية

شدت ريم من شعرها جامد: أنا معيّة على اللي ما اتربتيش ولا شفتي نص ساعة تربية. أنا هربيكِ، تعالي لي. ريم بعصبية وهي بتزق إيديها جامد: أوعي كده، مش أنا اللي يحصل فيا كده وأسكت. أنا هوريكِ إزاي تعملي كده. عشان واضح إن إنتِ شايفة نفسك قوي على إيه مش فاهمة؟ مش شايفة نفسك، ده إنتِ ما تسواش بصلة في سوق الحريم يا حبيبتي. البنت بعصبية كانت لسه هتتكلم بس قطعهم دخول شادي. شادي: إيه إيه إيه؟ في إيه؟ إيه اللي حصل؟

في إيه يا كريمان؟ كريمان: البنت دي لازم تطردها دلوقتي حالاً يا شادي، دي هزقتني وضربتني كمان. ريم: أنا ضربتك؟ أنا؟ أه هزقتك، بس ما ضربتكيش. إنتِ كدابة. شادي: بس، في إيه؟ إيه اللي حصل يا ريم؟ قولي. وريم حكت له كل حاجة. شادي بعصبية: بصوا بقى، إنتوا الاتنين. أنا ماليش دعوة بيكم، وماليش دعوة بشغل الخناقات بتاعة الستات دي أصلاً. وإنتِ يا كريمان غلطانة إنك شديتيها من شعرها. كريمان: ماشي يا شادي.

كملت وهي بتبص لريم بشر: وأنا هوريكي بقى يا ريم. في مكان آخر. الشخص بعصبية: الو يا زفت، مش قلت لك اقتل ملاك لما تيجي الشقة؟ المتصل: والله ما لحقتش يا سماء. فجأة البوليس جه وأنا ما لحقتش أقتلها. وبعدين إنتِ إيه يا شيخة؟ شيطانا؟ مش كفاية إنك قتلتي نور بإيدك. سماء بعصبية: إنت السبب، ويلا غور. أفففف. صدمة. حالة على الكل. أكيد.