رواية ملاك الليل الفصل السابع 7 - بقلم ملك ابراهيم

وقبل ما يكمل، ملاك صحّيته وبصّتله بدموع وقالت: "أيه يا حضرة الظابط، عرفت غلطك ولا إيه؟ ليل بدموع: "أيوه يا ملاك، عرفت الحقيقة وعرفت إنك بريئة وعايزك تسامحيني." ملاك بعياط ووجع: "أسامحك؟ أسامحك على إيه ولا إيه يا حضرة الظابط؟ أسامحك على إيه، إهانتك ليا ولا ضربك فيا ولا إيه؟ سكتت شوية وبعدين قالت: "عايزني أسامحك؟ ليل بدموع: "أيوه." ملاك بدموع ووجع: "طلقني وأنا هسامحك." ليل حس إن قلبه بيتقطع

مليون حتة وقال بوجع ودموع: "مش هقدر، بس عايزك تسامحيني عشان خاطري يا ملاك." ملاك في الوقت ده صعب عليها ليل، وقامت حضنته وقالت: "أنا هحاول والله، هحاول. بس صدقيني هحاول على قد ما أقدر، بس ممكن تهدى؟ ليل بحزن: "على مهلك، أنا مش مستعجل. أنا عارف إني غلطت واستاهل اللي يحصل لي، بس عايزك تسامحيني. وبعدين كمل بدموع: "أنا والله ما كنتش أقصد، ما كنتش عارف أنا بعمل إيه."

ملاك بدموع: "بس كفاية، أول مرة أشوفك كده. نور الله يرحمها كانت بتقول إنك عصبي، بس أنا أول مرة أشوفك وانت كده. بس صدقيني هحاول أسامحك." ليل: "ماشي، على العموم أنا ماشي وأسيبك على راحتك." ملاك: "لا لا، ما تمشيش. خليك وأنا هنام على الكنبة وانت نام على السرير." ليل: "قصدك العكس، أنا هنام على الكنبة وانتي نامي على السرير." ملاك: "بس... ليل: "مفيش بس، روحي نامي يلا على السرير." ملاك: "حاضر، تصبح على خير."

ليل: "وانتي من أهل الخير يا روحي." ملاك اتكسفت ودخلت الأوضة بسرعة. *** في صباح يوم جديد. في بيت مالك: مالك لـ حسن: "انت يا ابني اصحى يلا عشان نروح لملاك." حسن بنوم: "حاضر، حاضر جاي أهو." مالك وهو بيضرب حسن على وشه: "جاي جاي فين؟ اصحى يا زفت، اصحى يااض." حسن: "حاضر، حاضر صحيت أهو. اوف بقى، حد يصحى حد كده." مالك: "أه، مش أنا صحيتك يبقى فيه." حسن بغيظ: "بارد." مالك ببرود: "شبهك." حسن: "مش بقولك بارد."

مالك: "طب يلا عشان متتضربش دلوقتي." حسن بضحك: "يلا يعم." *** في شركة الحسيني: "صلوا على النبي ❤️" شادي لـ ريم: "إيه مالك؟ فيه إيه؟ وشك كده ليه؟ ريم ببرود: "مفيش. خلي كريمان تنفعك." وكانت لسه هتمشي، بس شادي مسك إيدها بحب وقال: "إيه هو انتي كل حاجة تاخديها جد كده؟ ريم: "سيب إيده يا مستر شادي، مينفعش كده. وأه، خده الموضوع جد، خلي بقى كريمان تنفعك." شادي بحزن: "مستر...

ريم: "أيوه، مستر. ولو سمحت سيبني أمشي عشان شغلي، وأنا مليش دعوة بيك تاني، أصلاً... شادي: "بس... قطعهم دخول كريمان. ريم: "عن إذنكم." وخرجت بره. كريمان: "بتعمل إيه هنا؟ البنت دي مش أنا قولتلك اطردها؟ شادي بعصبية: "ملكش دعوة بحياتي يا كريمان تاني، انتي فاهمة؟ أنا مش عايزك تدخلي في حياتي تاني، وأنا مش عايزك تاني. افهمي بقى." كريمان بعصبية: "ماشي يا شادي، بس انت هتندم على الكلام اللي قلته ده." وقالت الكلام ده ومشيت.

شادي بعصبية: "في ستين داهية. اوف بقى." *** في بيت ليل: ملاك لبست وحضرت الفطار وراحت عشان تصحي ليل. ملاك: "ليل، اصحى يلا عشان نروح الجامعة يا ليل." ليل كان مركز في اسمه اللي أول مرة تقوله. ليل بابتسامة: "صباح الجمال." ملاك بخجل: "صباح الخير. يلا عشان نفطر." ليل: "حاضر، أنا جاي أهو." ملاك: "ماشي." قطعهم خبط الباب. ملاك: "حاضر، حاضر. مين اللي بيخبط كده؟ سماء بعصبية: "إيه؟ ساعة عشان تفتحي الباب يبتاع انتي؟

ملاك بعصبية: "إيه يا حبيبتي؟ داخلة زريبة انتي ولا إيه؟ سماء ببرود: "لا، داخلة لـ خطيبي." ملاك بعصبية: "لا، اللي انتي داخلة له ده يبقى جوزي. يروح طنط." سماء بعصبية كانت لسه هتتكلم، بس قطعهم دخول ليل. ليل بعصبية: "إيه؟ فيه إيه؟ انتوا بتتخانقوا على إيه؟ سماء بعصبية: "بص بقى يا ليل، يا أنا يا هي. هتختار مين؟ أنا خالص، ما عدتش قادرة أستحمل كل يوم وأنا بشوفك معاها بحس بنار جوايا."

ليل ببرود: "هختار ملاك، يا سماء. لأن انتي عارفة إن حكاية الخطوبة دي لعبة عشان أبويا وأبوكي مش أكتر ولا أقل." سماء بدموع: "يعني انت مش بتحبني يا ليل؟ ليل بعصبية: "أيوه. واتفضلي، اطلع بره من غير ما أطردك." سماء بعصبية: "ماشي يا ليل، بس صدقيني هتندمي." ملاك: "إيه اللي انت عملته ده؟ ما كانش ينفع تعمل كده." ليل: "ده اللي كان لازم يحصل من زمان." ملاك: "بس برضه... ليل: "يلا يا ملاك عشان نفطر." ملاك بزعل: "طيب." أهو. ليل

لحظ إن ملاك زعلانة وقال: "مالك؟ ملاك بزهق: "مفيش." ليل: "لا، فيه." ملاك بعصبية: "قولت مفيش." ليل: "بتتعصبي عليا يا ملاك؟ ملاك: "أنا آسفة." ليل: "وأنا مش زعلان منك. يلا افطري عشان متتأخريش." ملاك: "شبعت." ليل: "طب يلا." ليل وملاك وهما خارجين شافوا... تتوقعوا شافوا إيه؟ تتوقعوا كمان مين اللي هيقول لـ ليل على قتل نور؟