رواية ملاك في عالم الشياطين الفصل العاشر 10 - بقلم وردة

مليكة بتنزل من السرير وبتشوف فستان دهبى طويل فى قمة الروعة. مليكة: غبي بس ذوقه حلو. وبتجهز نفسها بسرعة وبتعمل شعرها. مليكة: شعري الحلو حبيبي الغالي، أهملتك الفترة اللي فاتت بسبب فار المجاري اللي تحت ده. و بتسيب شعرها وري ضهرها بطريقة جميلة وبتنزل وبترفع طرف الفستان من قدام.

فهد بيسمع صوت خطوتها و بيرفع عيونه وبيشوفها نازلة قدامه زي الأميرات وبيتأمل أوي في ملامحها وجمال شعرها اللي بينزل خصلة على عيونها ومش عارفة تبعدها عن عيونها لأنها ماسكة طرف الفستان بإيديها الاتنين وبتنفخ في الخصلة عشان تبعد عن عيونها وهي نازلة على السلم لحد ما بتوصل قدامه. مليكة: شيطان متملك بارد زيك وعنده ذوق جميل ده اللي أنا مش متخيل. فهد: هييجي في يوم وهقطعلك لسانك. وبتحرك قدامه و مليكة بتقلد كلامه وهي ماشية.

ريان و كنان بيشوفوها وبيكتتموا الضحكة. ريان بيقرب من مليكة. ريان: سندريلا. مليكة: شكراً. وبيروحوا على العربيات. مليكة: هو أنت راجل مهم للدرجة اللي تخليك كل ما تخرج يكون معاك الجيش ده كله؟ فهد: اركبي وأنتي ساكتة بلاش كلام كتير. مليكة: بارد، هتموت يعني لو جاوبتني؟ فهد بيسحبها من إيدها وبيدخلها العربية والكل بيتحرك بسرعة. فهد: متبعديش عني طول ما إحنا هناك مفهوم؟ مليكة مبتردش عليه. فهد: مفهوووم؟

مليكة مبتردش وبيتعصب وبيمسكها من درعها بقوة. فهد: أنا بكلمك ردي عليااا! مليكة: أنت اللي قولتلي مش عايز أسمع صوتي وإني متكلمش، أووف عايزني أتكلم ولا لأ؟ فهد بيدفع درعها اللي هو ماسكه بغضب. مليكة: آآه غبي. بعد نص ساعة بيوصلوا قصر كبير باللون الأبيض. كنان وريان بينزلوا و كنان بيفتح الباب لفهد و مليكة. فهد بيمسك إيد مليكة وبينزلها. مليكة بتبعد إيدها عنه. فهد بيمسك إيدها بغضب.

بيدخلوا القصر وبيكون في راجل كبير في استقبالهم. فهد أول ما بيشوفه بينحني باحترام. مليكة بتبص أوي. فهد: تحياتي بالملك. الملك: أهلاً الفهد. فهد: أعرفك بزوجتي. والملك بيضحك وبيمد إيده لمليكة. مليكة مترددة تسلم عليه. فهد بيبصلها بغضب. بتسلم على الملك. الملك: فتاة عربية جميلة. مليكة: شكراً. وبيظهر فرانكو بابتسامته السخيفة وفي إيده كاس خمر وسيجار. بيقرب منهم ومليكة بتشوفه بتحس بالخوف وبتمسك في إيد فهد بإيديها الاتنين بخوف.

فهد بيبص على إيد مليكة وبيشوف فرانكو جاي عليهم. فجأة مليكة بتستخبى ورا فهد بخوف. ريان و كنان بيقربوا من مليكة. فرانكو: جوهرتي الثمينة. فهد بيبص لفرانكو بتحدي وغضب. فهد يسحب مليكة من ورا ضهره وبيلف دراعه حواليها وبيضمها ليه بقوة. فهد: مرحباً فرانكو. فرانكو عيونه على مليكة. مليكة بتخبى عيونها في حضن فهد بخوف وبتستمد الأمان منه. فرانكو بيمد إيده لمليكة عشان تسلم عليه. فهد بيحط في إيد فرانكو اللي مدها مليكة للسلام رصاصة.

الملك: كفاية خناق يلا على الاجتماع. وفرانكو والملك بيتحركوا. فهد: ريان، كنان. ريان: تمام. فهد بيبعد إيد مليكة عن دراعه. فهد: لازم أحضر الاجتماع ده، ريان و كنان معاكي. مليكة: عايزة أمشي من هنا. فهد: يعني فجأة قلبتي فار؟ مليكة: أنا مش من العالم بتاعك ده، العالم ده مخيف، عايزة أمشي من هنا. فهد: مش هتأخر. فهد بيمشي وبيسيب مليكة مع ريان و كنان. ريان: تحبي تشربي حاجة؟ مليكة: عايزة مياه.

ريان و كنان بياخدوا مليكة وبيخلوها تقعد على ترابيزة. ريان بيجيب لها مياه. كنان عيونه على البنات اللي رايحين جايين حواليه. بتروح عليهم بنت غاية في الجمال بشعر أحمر وهدوم قصيرة جداً. البنت: أنتِ عاهرة الفهد مش كده؟ مليكة بترفع عيونها ليها بقرف من منظرها. مليكة: العاهرات دول بيكونوا من أمثالك أنتِ مش أنا. ريان: آنسة فيفيان، مدام مليكة متقصدش. فيفيان بتشاور لريان يسكت. كنان: شكلها حفلة مميزة. ريان: فعلاً.

فيفيان بتقرب من مليكة وبتبصلها من فوق لتحت. فيفيان: مرحباً بالساحرة الصغيرة في عالم الشياطين. مليكة: أنا مش ساحرة، أنا جنية، خافي بقى وروحي العبي بعيد يا حلوة. كنان بيقرب من ريان. كنان: اتنين صفر لمليكة. ريان: اخرس. فيفيان بتضحك وبتبعد عن مليكة. مليكة: ريان مين باربي الحمرة دي؟ ريان: دي بتكون آنسة فيفيان بنت الملك الصغيرة. مليكة: حصلنا القرف. ريان بيضحك. في شاب بيقرب من مليكة وبيطلب منها بكل أدب إنه يرقص معاها.

مليكة لسه هتتكلم. كنان: روح من هنا أحسن من إنك تفقد أطرافك الأربعة. مليكة: روح ده لسه واكل اتنين من الحرس قبل ما نيجي الحفلة. ريان بيضحك أوي. ********************************** بعد ساعتين من الملل. مليكة: أووف أنا زهقت خلاص. ريان: تحبي أجيب لك عصير أو أي مشروب؟ مليكة بتبص حواليها بملل. بتشوف الترابيزة اللي جنبها بنتين بهدوم أو بالاصح شبه هدوم. وفي الوسط رجل عجوز في وضع بشع جداً.

ومليكة بتشهق من المنظر لما بيرفع بنت من البنات على رجله ويبدأ يقلعها الجزء العلوي من هدومها. ومليكة بتشهق بفزع أكبر. كنان بيشوفها وبيضحك. ريان: مليكة أنتِ كويسة؟ مليكة: تق تق مش كويسة أبداً. كنان: يبقى كويسة. ريان: بطل استظراف شوية. وبت تشوف قدامها بنت بهدومها الداخلية بس بتطلع على مسرح صغير في نص الحفلة وبتبدأ تعمل حركات لإثارة الضيوف. ومليكة بتحط إيدها على شفايفها بقرف.

ريان: اا احم، مليكة متبصيش حواليكي هتكوني أحسن. مليكة: عايزة أروح الحمام. ريان و كنان بيوصلوها للحمام ولسه هيدخلوا معاها. مليكة: ريحين فين؟ كنان: الأوامر إننا منسيبكيش ولا لحظة. مليكة: ده حمام حريمي، إيه معندكوش أخلاق؟ كنان: أخلاق، أنا سمعت الكلمة دي قبل كده فين؟ مليكة: غبي زي رئيسك. كنان بيضحك. ريان: ماشي، إحنا هنقف هنا، متتأخريش لو في أي حاجة ندي علينا. مليكة بتهز راسها بنعم وبتدخل.

بتقف على الباب وبتتفاجأ بفيفيان في الحمام بتظبط الميكاب. فيفيان: الساحرة. مليكة مبتردش عليها وبتغسل إيديها وبتحط مياه على رقبتها. فيفيان بتقرب من مليكة. فيفيان: هنتقابل كتير أوي، فرانكو قالي عنك، أظن إنه بالغ كتير في وصفك. مليكة بتسمع اسم فرانكو بتتوتر. فيفيان بتضحك أوي وبتقرب أكتر من مليكة. مليكة بترجع بضهرها وبتخبط في جسم صلب وبتتفزع وبتبعد بسرعة. فهد: اتأخرتي. فيفيان: الفهد.

وفيفيان بتروح على فهد وبتبوسه من شفايفه بطريقة مقرفة من نظر مليكة. فهد بيبعد فيفيان عنه وبيص لمليكة. مليكة عيونها للأرض ووشها أحمر. فهد: مليكة اخرجي لريان و كنان. مليكة مبتصدقش إنه قالها اخرجى وبتخرج بسرعة. ********************************** ريان: مليكة أنتِ كويسة؟ مليكة: عايزة أخرج من هنا، مخنوقة، مش قادرة أتنفس. كنان: اهدى، تعالي. ريان و كنان بيخرجوا مليكة الجنينة بسرعة والحراسة بتروح عليهم.

مليكة بتنهار من العياط وبتحاول تاخد نفسها. ********************************** داخل قصر الملك. فهد: فيفيان ابعدي عنها. فيفيان: يعني الأخبار حقيقة، ده حب؟ فهد: أنتِ عارفة إن قلب الفهد ملوش مكان فيه للحب، وأنتِ عارفة كده كويس، سلام. و بيبعدها عنه وبيخرج وبيسيبها. بيخرج برة القصر وبيشوف مليكة قاعدة في العربية وساندة راسها على إزاز العربية. ريان: شكلها تعبانة. فهد بيشاورلهم إنهم يتحركوا.

بيشوف فرانكو واقف بعيد وعيونه على مليكة. بيركب فهد العربية جنب مليكة وبيتحركوا. ********************************** في مصر. نسمة بتدخل أوضة جمال ومعاها صينية عليها أكل. بتشوف والدها قاعد على الكرسي الهزاز في ركن الأوضة وعيونه على صورة مليكة وصورة والدتها اللي متعلقين على الحيطة قدامه. بيهز الكرسي بهدوء. نسمة بتقرب منه. نسمة: بابا. جمال: ..... نسمة بتمسح دموعها وبتحط الصينية على الترابيزة. بتقرب من أبوها وبتلمس كتفه.

جمال بيتفزع. جمال: نسمة حبيبتي، أنتِ لسه هنا ليه مروحتيش مع جوزك؟ نسمة: إيه زهقت مننا وعايزنا نمشي يعني؟ جمال بيسحبها من إيدها وبيخليها تقعد على رجله وهو بيهز الكرسي. نسمة بتتعلق في رقبته. جمال: فكرة، وانتوا صغيرين كنتوا بتتخانقوا أنتِ و مليكة مين اللي يقعد على رجلي وأنا على الكرسي ده؟ نسمة: وكنا بتخلينا نقعد إحنا الاتنين، وكانت مليكة أول ما تقعد كانت بتنام في حضنك على طول.

جمال بيمسح الدمعة اللي نزلت من عيون نسمة وبيضمها أوي. جمال: وحشوني أوي يا نسمة. نسمة: بابا أنا مليش غيرك يا بابا. جمال بيضمها أوي. والباب بيخبط وبيدخل يوسف. يوسف: خيانة مراتي وعمي. نسمة بتبتسم أوي وبتمسح دموعها. جمال: يلا خد مراتك وروحوا بيتكم. نسمة: لأ بابا، أنا و يوسف قررنا إننا نفضل معاك هنا ومش هنسيبك لوحدك أبداً. جمال: إزاي يعني؟ لأ طبعاً، يلا روحوا بيتكم. نسمة: يعني أنت مش عايزنا نعيش معاك؟

يوسف: عمي متحاولش، لأن ده أمر واقع قدامك، هتستحملنا أنا و نسمة. جمال: يا حبيبي أنا كويس. يوسف: وكمان أنا مضطر أسافر دبي الأسبوع اللي جاي. نسمة بتقرب من يوسف. نسمة: أنت هتسافر؟ يوسف: يعني بسبب الظرف اللي إحنا فيه سبت الشغل هناك قبل ما أنهي إجراءات نقلي لهنا في القاهرة ومش هتأخر أسبوع بس. جمال: تروح وترجع بالسلامة. ********************************** في روسيا. بيوصلوا قصر الفهد.

مليكة أول ما بتوصل القصر بتنزل من العربية بغضب وبتتكعبل وهي نازلة في الفستان وبتقع على السلم. فهد بيروح عليها بسرعة. فهد: أنتِ كويسة؟ مليكة: ابعد إيدك القذرة دي عني، متلمسنيش أبداً. فهد: روحي إلى أوضتك. مليكة: أكيد مش حابة أفضل أتأمل في وسامتك، يعني هطلع الأوضة عشان أخلص منك. مليكة بتقلع الجزمة وبترفع الفستان وبتدخل القصر. فهد وراها. بتقف في نص القصر و بتبص حواليها يمين وشمال.

فهد بيبتسم وبيفهم إنها مش عارفة طريق أوضتها. فهد: تاني أوضة على اليمين. مليكة بتبصله بقرف. مليكة: عارفة، أنا مسألتكش. وبيضغط على أسنانه بغضب وبيقر ب منها. مليكة بترفع الفستان أوي عن رجليها وبتجري بسرعة على أوضتها هروب من غضبه. فهد بيصرخ: ريان! وبيدخل ريان و كنان القصر. فهد: التسليم هيتم إمتى؟ ريان: كمان ساعة. فهد: أنت هتفضل قدام أوضتها متتحركش مفهوم؟ ريان: مفهوم. فهد بيخرج من القصر وبيمد إيده ل كنان.

كنان بيدى لفهد سلاح. بيركبوا العربيات وبيتحركوا برة القصر. ********************************** في أوضة مليكة. غيرت هدومها لبيجامة لونها وردي رقيقة أوي وبتقعد على طرف السرير وبتحط إيديها على بطنها. مليكة: أووف أنا جعانة أوي، ده حتى مسألنيش تحب تاكل أو تشرب، بخيل غبي. وبتفضل في الأوضة ومديقة أوي. بتفضل ريحة جاية في الأوضة أكتر من ساعتين. بتروح تحاول تنام ومش عارفة. بتضرب الغطاء برجليها بغضب.

مليكة: أووف أنا مش عارفة أنام وأنا جعانة. وبتخرج من الأوضة بعد طول انتظار وبتتفاجأ بريان واقف قدام الأوضة واتنين من الحرس معاهم. مليكة بتتخض أوي. مليكة: انتوا بتعملوا إيه هنا؟ ريان: للحماية مش أكتر، أنتِ ادخلي ارتاحي. مليكة: بس أنا. ريان بيقرب منها خطوة. ريان: محتاجة حاجة؟ مليكة: بس أنا جعانة، كنت عايزة أروح المطبخ. ريان: بس الخدم راحوا دلوقتي، تحبى أطلب لك أكل من برة؟ مليكة: ممكن أروح أنا المطبخ.

ريان: طبعاً، القصر كله تحت أمرك. مليكة بتبتسم لريان أوي وبتنزل معاه على المطبخ. وهي في طريقها للمطبخ بتتفاجأ إن القصر مرصوص بالحراسة. مليكة: في إيه هنا؟ هي الحرب هتبدأ؟ ريان: ده عشان حمايتك، تعالي المطبخ من هنا. وبتدخل هي وريان على المطبخ. مليكة: خلينا نشوف في إيه هنا. وبتروح تفتح التلاجة. مليكة: تاكل معايا؟ ريان بابتسامة ودودة: أكل معاكي طبعاً. مليكة: هعمل مكرونة بالفراخ. ريان: مكرونة بعد نص الليل؟

مليكة: هتعجبك أوي. مليكة بتعمل الأكل هي وريان بعد ما بيلبسوا مريلة من المطبخ زيها. بتخليه يقطع الطماطم وبيضحكوا أوي وبيتكلموا. ريان: الأكل ده مش كتير شوية؟ مليكة: لا أبداً، يلا الأكل خلص هات أطباق. وبتحط أطباق كتير فيها مكرونة بالفراخ. بتخدهم وبتخرج للحرس اللي برة. مليكة: اتفضل. الحرس بيبصلها بخوف وتوتر وبيرفع عيونه لريان. مليكة: هو مش عاوز ياخد مني ليه؟ ريان: الفهد لو عرف هيخلص عليه.

مليكة: بلييييز قولهم ياخدوا مني الأكل. ريان بيشاور للحرس إنه ياخد منها الأكل. الحرس: شكراً سيدتي. مليكة: أنا اسمي مليكة مش اسمي سيدتي. ريان بيضحك. مليكة بتجري على المطبخ وبتقدم الأكل لباقي الحرس كلهم وهي مبسوطة. بتقعد على السلم هي وريان وبيأكلوا. الحرس بياكلوا حواليها ومبسوطة أوي وبتضحك. ريان: طب في مرة أنا كنت ماشي وفجأة طلع عليا اتنين حرامية وعايزين يسرقوني.

ولما فتشوا هدومي طلعوا الذخيرة وأسلحة وقنابل من هدومي كتير. وفجأة لقيتهم ناموا على الأرض وحطوا إيديهم فوق راسهم من الخوف. مليكة بتضحك أوي. وفجأة بيشوفوا الفهد قدامهم. الحرس بيقف بسرعة بخوف وتوتر. فهد: الكل متعاقب، الكل على أوضة التعذيب حالاً. مليكة بتبص للحراس بخوف وتوتر. مليكة: استنوا، ريحين فين تعذيب إيه؟ هما معملوش حاجة. فهد: أملاكي خط أحمر مش كده يا ريان؟ ريان واقف راسه في الأرض.

مليكة: أنا اللي قولت لهم واجبرتهم إنهم ياكلوا معايا، أرجوك متعملهمش حاجة. مليكة بتبدأ بالعياط. مليكة: أنا آسفة، مش هلمس أملاكك تاني، أنا بس كنت جعانة وعملت أكل من المطبخ، بليييز. ⚡⚡ مليكة مفكرة إنه بيعاقبهم إنهم أكلوا ومش عارفة إنهم بيتعاقبوا إنهم كانوا قريبين منها وبيضحكوا معاها. مش عارفة إن هي اللي أملاكه إن هي الخط الأحمر. فهد: معاهم يا ريان. ريان: بس. فهد: معاهم بدل ما أفجر دماغك حالا. ريان بيتحرك.

كنان بيطبطب على كتف ريان بحزن. فهد بيقرب من مليكة. مليكة بتبصله بخوف. مليكة: اا أنا هدفعلك تمن الأكل. وبترجع بخوف. فهد: ممنوع تضحكي قدام أي حد بالشكل ده مفهوم؟ مليكة: ها؟ فهد: إزاي تسمحلهم إنهم يقفوا معاكي ويتكلموا وياكلوا معاكي ويضحكوا معاكي؟ إزاي؟ مليكة: اا أنا. فهد: مش هسمح بغلطة زي دي تاني. مليكة بتهز راسها بنعم. لسه هيتحرك وبتجري عليه وبتمسك دراعه.

مليكة: بلييييز متعملهمش حاجة، هما كانوا رافضين بس أنا اللي أجبرتهم. فهد بيبص لعيونها والدموع اللي مغرقين خدها. بيسيبها وبيروح على أوضة المكتب بتاعته. مليكة بتعيط وبتبص لكنان. مليكة: ممكن تخليه يعفو عنهم، أرجوك. كنان: اهدى شوية، متخافيش، هو مش هيقتلهم، هو هيلاعبهم شوية، يعني شوية كهربا على مياه مغلية على خلع ضوافر، يعني حاجات بسيطة. مليكة: أنت مختل عقلياً. كنان: هههه، تحت أمرك سيدتي.

مليكة: اسمي مليكة مش سيدتي، غبي متخلف زي رئيسك. مليكة بتطلع على أوضتها وبتعيط على حال الحراس وريان. بتنام من كتر التفكير فيهم. ********************************** في الصباح. مليكة بتفتح عيونها على صوت الباب بيتفتح والخادمة بتدخل. الخادمة: سيدتي الفطار جاهز. مليكة: أووف أووف، اسمي مليكة مش سيدتي. مليكة بتفتكر الحراس وريان. بتقفز من على السرير بسرعة.

بتاخد هدوم رياضية وبتخدها وبتروح على الحمام بسرعة جداً وبتغير هدومها بعد ما بتاخد دوش سريع. بتنزل جرى على السلم وبتدخل أوضة السفرة. بتشوف فهد وريان بس على السفرة. بتبص حواليها بخوف. فهد: هتفضلي واقفة كده كتير؟ مليكة بتروح تقعد على السفرة ومبتتكلمش. مليكة: هو ريان فين؟ فهد بيبصلها بغضب. بيدخل ريان القصر. ريان: الطيارة جاهزة. وبيروح يقعد جمب كنان على شمال فهد. مليكة بتبص لريان وبتبتسم أوي.

بتتفاجأ بالخدم منزلين الشنطة بتاعتها. بيفطروا وبيتحركوا على العربيات. مليكة بتقرب من ريان. مليكة: أنت كويس؟ خفت أحسن يكون عمل فيك أنت والحراس حاجة. ريان: لا، هو سامحنا. مليكة: الحمد لله. ريان: شكراً. مليكة: على إيه؟ ريان: كنان قالي إن انتي اللي طلبتي منه إنه يعفينا من العقاب. فهد بيبص لمليكة وريان. فهد: هتفضلي عندك كتير؟ مليكة بتروح معاه وبتركب العربية. مليكة: المرة دي هنروح فين؟ متقولش هنطلع القمر.

فهد بيفتح الاب توب بتاعه وبيشتغل وبيتابع شغل مهم. فهد: بارد. وفهد بيبصلها بطرف عيونه وبيرجع بانتباه للاب توب. بيروحوا على ساحة كبيرة مكان لمهبط الطائرات. مليكة: هو مفيش أي وسيلة سفر غير بالطيارة؟ فهد: آه إني أرميكي من الجبل ده في البحر. مليكة: أكيد هيكون أحسن من وجودي جنبك يا سيد غبي. فهد بيمسكها من درعها بقوة ومليكة بتتألم. فهد: حاولي تسيطري على لسانك لأنني مش هقدر استحمله كتير. مليكة بتبعد عنه.

فهد بيمسكها من إيدها وبيطلع بيها الطيارة وبيخليها تقعد على كرسي ضخم بقوة. فهد: ولا تتحركي ولا تتكلمي. مليكة: حاضر، أي أوامر تانية؟ فهد بيبصلها بغضب وبيمشي. بيروح يقعد مع ريان و كنان وبيتكلموا في الشغل. مليكة بتحس باهتزاز الطيارة وبتمسك إيد الكرسي بقوة وبتغمض عيونها بخوف. فهد بيبصلها أوي لحد ما الطيارة بتستقر في الجو. مليكة بتفتح عيونها بتعب وبتمنع نفسها إنها تبص على الشباك. **********************************

بيرجعوا أمريكا. وبتكون أولفت في استقبالهم. أولفت: حمد الله على السلامة. مليكة بتدخل ورا فهد. بيتفاجأوا بفيفيان واقفة في نص القصر وحاطة إيدها على خصرها ولبسة فستان أحمر زي لون شعرها. فيفيان: مفاجأة.