رواية ملاك في عالم الشياطين الفصل الخمسون 50 - بقلم وردة

كريم بيبص لأمه بحزن، ويرجع يبص لفهد بكره. فهد بيتحرك وبيمشي، ووراه بيتحرك كنان والحراسة. بيتفاجأ بياسمين بتصرخ وبتعيط. ياسمين: بابي بابي. بيبقوا وبيشوف مليكه واقفة في حضنها ياسمين. ياسمين: بابي. مليكه بتبص لفهد أوي. كريم بيقرب من مليكه وبيحضن خصرها أوي. فهد بيكمل طريقه وبيمشي مع كنان. بعد 24 ساعة، في نيويورك، داخل قصر الفهد. لارا: حصل إيه تاني؟ كنان: هو أنا بحكيلك قصة قبل النوم؟

لارا: أوف أوف، يعني مينفعش تكون هادي أبدًا؟ كنان بياخد جاكيت بتاعه وبيخرج من الأوضة. بيتفاجأ بـ أنين قدامه. أنين: أنا كمان عايزة أشوف عروستي. كنان: أنين روحي على أوضتك يلا. أنين: أنت ظالم عشان أنت شفت عروستي واتكلمت معاها كمان وأنا لأ. أنين بتروح على أوضتها ومتعصبة أوي. كنان: إيه بيت المجانين اللي أنا فيه ده؟ كنان بينزل، بيشوف فهد خارج من أوضة المكتب. بيروح على عربيته. كنان بيبصله أوي وهو ماشي.

بعد أسبوع، في بيت مليكه. نسمة بتروح على مليكه وهي واقفة قدام البحر. نسمة: مليكه، أنتِ هتفضلي بالحالة دي لحد إمتى؟ مليكه: حالة إيه يا نسمة؟ نسمة: المفروض إنك تكوني مبسوطة ومرتاحة بما إن كل حاجة كنا خايفين منها انتهت. مليكه: آه فعلًا. نسمة: أنتِ لسه بتحبيه؟ مليكه: نسمة أرجوكي سيبيني لوحدي شوية.

نسمة متضايقة أوي وبتدخل على البيت. بتشوف ياسمين قاعدة على الكرسي لوحدها، وفريد قاعد قدامها بيحاول يلاعبها ويخليها تضحك. نسمة بتروح على ياسمين. نسمة: حبيبت خالو، ليه مش بتلعبي مع فريد؟ ياسمين بتهز كتفها بلا. نسمة: إيه رأيك أعملك المهلبية اللي بتحبيها؟ ياسمين بتهز راسها بلا. كريم بيروح على ياسمين ومعاه مياه والأدوية بتاعتها. كريم: خدي الدوا. ياسمين بانفعال: لأ. مليكه واقفة بتبصلهم. كريم: يعني أنتِ عايزاني أزعل منك؟

ياسمين بترفع عيونها لكريم بحزن وبتنزل عيونها للأرض تاني. مليكه: ياسمين، اسمعي كلام كريم يلا، خدي الأدوية بتاعتك. ياسمين بتاخد الأدوية من كريم، ومليكه بتطلع على أوضتها. كريم بيروح ورا مليكه. فريد بيقرب من ياسمين وبيقع جنبها. سيف بيقرب من ياسمين وفريد. سيف: أنا عندي فكرة تخلي بابا ياسمين ييجي هنا تاني. ياسمين بتبتسم أوي بفرحة. فريد: فكرة إيه؟ سيف: هشش، تعالوا معايا عشان مفيش حد يسمعنا.

فريد وسيف بياخدوا ياسمين على أوضة بعيد. سيف: هنخلي ياسمين تتخطف. ياسمين بتشهق بخوف. فريد: أنت مجنون؟ سيف: هنضحك عليهم عشان ييجي هو عشان ينقذها تاني. لينا: وبابا هييجي عشان ينقذني وهشوفه وأبوسه كتير. فريد: لا، أنتِ مش هتبوسي حد غيري. ياسمين بتهز راسها بنعم. سيف: أنتِ لازم تستخبي في مكان ماحدش يعرف يوصلك. ياسمين: أوكي. فريد وسيف بيفكروا. سيف: عرفت فين، تعالوا معايا.

وسيف بياخدهم على أوضة المخزن في البيت وبيخبوا ياسمين فيها. سيف وفريد بيروحوا على البيت وبيصرخوا. سيف: ماما، بابا، بابا، خالتو. والكل بيتفزع وبيجروا عليهم. فريد مرتبك أوي من فزعهم كلهم. سيف: ياسمين اتخطفت، المجرمين خطفوها. مليكه: بنتي؟ ريان بصرخة: يعني إيه طفلة صغيرة تتخفى، وأنتوا يا بهايم بتعملوا إيه؟ الحرس: يا باشا، مخرجتش من هنا. ريان: يعني البنت راحت فين؟ مليكه بتخرج من البيت منهارة من العياط.

مليكه: نسمة، ابعدي عني. نسمة: مليكه، افهميني بس، هتروحي فين؟ الله يخليكي اهدى شوية. ريان: مليكه، الحرس بيدوروا عليها في كل حتة، وبعت ناس استفسرت عند عصابة الذئاب ومش هم اللي عملوا كده، وأنا اتأكدت بنفسي. مليكه: أنا ميهمنيش اللي بتقولوه، أنا اللي يهمني بنتي وبس. بنتي بقالها أربع ساعات مختفية. وبتتشوف فهد بينزل من العربية قدام البيت. مليكه بتجرى عليه. مليكه: بنتي فين؟ اتكلم. فهد بيبعد إيدها عنه.

فهد: أنا اللي أسألك السؤال ده، مدام مش قادرة تحفظي على الأولاد، يبقى تتخلي عنهم. مليكه بفزع: أتخلى عنهم؟ فهد: إيه، حاجة مش غريبة يعني. مليكه: أنت السبب، كنا عايشين في سعادة من اليوم اللي ظهرت أنت تاني في حياتنا، كل حاجة ضاعت مننا، بنتي هتضيع مني بسببك أنت، بسببك أنت، أأأأنت. نسمة بتروح عليها. نسمة: مليكه، تعالي اهدى شوية. ريان بيقرب من فهد.

ريان: الحرس بيأكدوا إنها مخرجتش من البيت، ودورنا في كل مكان، مش موجودة، كأن الأرض اتشقت وبلعتها. فهد: الظاهر إنك مبقتش تعرف تعمل حاجة صح. فهد بيشاور لحراسه. فهد: خلال دقايق تكون البنت قدامي. والحرس بيتحرك بسرعة، وفي مجموعة من الحرس بتدخل البيت. فهد بيبص لريان. فهد: أنت عارف أنا مخلصتش عليك ليه لحد دلوقتي؟ ريان بيبصله أوي. فهد: عشان مبقتش تهمني يا صاحبي.

فهد بيبعد عن ريان وبيدخل البيت. بيشوف مليكه قاعدة على الكنبة ومنهارة من العياط، ونسمة وكريم جنبها. كريم: أنت تاني، إيه اللي جابك هنا؟ وفجأة كلهم بيتفاجئوا بواحد من الحرس شايل ياسمين على دراعه. ياسمين بتصرخ: لا، نزلني، ابعد عني، بابي هو اللي هينقذني، ابعد عني. مليكه بصرخة: ياسمين. ياسمين بتجري على مليكه وبتترمى في حضنها وبتعيط. الحارس: كانت مستخبية في صندوق جوه أوضة المخزن ورفضت إنها تخرج.

مليكه: ياسمين، ليه عملتي كده؟ ياسمين بعياط: سيف وفريد قالولي عشان بابا ييجي وينقذني تاني. ريان بيبص لسيف وفريد بغضب. سيف: رحنا في البطيخ يا معلم. مليكه بتحضن ياسمين أوي وبتتبوس فيها وبتعيط. ياسمين بتلمح فهد واقف بعيد. ياسمين: بابي. ياسمين بتجري على فهد بسرعة وبتحضن رجله بقوة. وفهد بينزل لمستواها. فهد: ليه تعملي كده؟ ياسمين: كنت عايزة أشوفك تاني. وكريم. ياسمين بتبص لكريم بحزن.

فهد: وقت ما هتحتاجيني هكون عندك. آخر مرة تعملي كده، مفهوم؟ ياسمين بتهز راسها بنعم وبتمسح دموعها بضهر إيديها. وفهد بيفتكر إن مليكه بتمسح دموعها بنفس الطريقة. بيرفع عيونه لمليكه وبيشوفها بتمسح دموعها بنفس الطريقة. فهد بيبتسم أوي. كريم بيروح على ياسمين وبيسحبها من قدام فهد وبيخبيها وراه. مليكه لسه هتقرب من كريم، فهد بيشاور لها إنها تقف مكانها. كريم: ابعد عنا، إحنا مش محتاجين لحد.

فهد بيقرب من كريم. كريم بيبلع ريقه بخوف، لكن بيبان عليه القوة. فهد: أنت عارف إنك بتشبهني أوي. كريم بصرخة: لا، أنا مش شبهك ولا عمري هكون زيك أبدًا. أنت وجعت أمي وأنا عمري ما هعمل كده، أنت خليت أمي تعيط وأنا عمري ما هعمل كده. نسمة بتروح على كريم بسرعة بعد ما بتشوف حالة الصدمة اللي مليكه وفهد والكل فيها. نسمة: كريم حبيبي، إيه اللي أنت بتقوله ده؟

كريم: خالو، أنا سمعت كل حاجة. سمعت أمي وهي بتعيط وبتقولك إنها موجوعة منه، إنها مكسورة وبتحاول طول السنين دي تداوي الكسر ده ومش قادرة. وأنا اللي يقرب من أمي أقتله. مليكه بتحط إيدها على شفايفها بصدمة من كلام كريم. وياسمين بتعيط وبتجري على فهد وبتقف قدام فهد. ياسمين: لا، متزعلش بابا.

كريم بيمسك ياسمين وبيبعدها عن فهد وبيدفعها بقوة. وياسمين بتقع على الأرض. والكل بيجري عليها بسرعة. والكل بيتفاجأ بفهد بيصرخ باسم مليكه. نسمة بتبص ورا وبتشوف مليكه واقعة على الأرض. فهد وكريم بيروحوا على مليكه. فهد: مليكه، مليكه. كريم: ابعد إيدك عنها. كريم بيمسح على خد مليكه. كريم: ماما حبيبتي، أنا هنا جنبك، افتحي عيونك وشوفيني، أنا كريم. ياسمين بتروح على مليكه. ياسمين: مامي.

كريم بصرخة: ابعدي عن أمي، متقربيش منها، أنتِ السبب. ياسمين بتتخض وبتجري بعيد وبتقف ورا الكرسي. نسمة بتجيب مياه لمليكه بسرعة. فهد بياخد المياه من نسمة. ولسه هيقرب منها. كريم: ابعد عن أمي، متقربش منها. نسمة: كريم، كفاية يا حبيبي، خلينا نطمن على ماما. فهد بيشيل مليكه. نسمة بتشاور له على أوضة مليكه. فهد بيطلعها على الأوضة بسرعة. مليكه بتبدأ تفتح عيونها وبتشوف فهد قدامها. وكريم بيقف قدام فهد وبيضم مليكه أوي.

كريم: أمي حبيبتي، أنتِ كويسة؟ مليكه بتمسك دماغها بتعب وبتحاول تقعد. نسمة: مليكه، أنتِ بخير؟ مليكه بتهز راسها بنعم. فهد: من الأحسن نروح المستشفى، شكلك تعبانة. مليكه: لو سمحتوا سيبونا لوحدنا شوية. كريم: ماما. مليكه: كريم، اسمع الكلام. وبعد كده فيه كلام بيني وبينك بعدين. كريم بينزل عيونه للأرض بحزن وبيلف وبيصص لفهد اللي واقف ورا. كريم: ماما، أنا واقف قدام الباب. لو زعلك ناديني.

فهد بيبص له برفع حاجب. وكريم بيخرج من الأوضة. مليكه بتحاول تقعد. فهد: خليكي مرتاحة. مليكه: السنين دي كلها مقدرتش أرتاح أبدًا. فهد: كنتِ عارفة كل حاجة عني، وإنتِ قبلتي بده. مليكه بانفعال: آه، قبلت بكده. قبلت إني أحب واحد من أكبر رجال المافيا، قبلت بكده، بس كنت على أمل إنك تتغير، إنك تتخلى عن كل حاجة عشاني، لكن للأسف. فهد: للأسف. مليكه بترفع عيونها في عيونه.

مليكه: بس مش ندمانة عن إني حبيتك. لو كنت في دنيا غير الدنيا وحياة غير الحياة، كنت هحبك برضه. كنت هختار حبك لأنه أجمل حاجة حصلتلي. بس اللي مفهمتوش إن الحب مش كل حاجة يا فهد. قولت: وفيها إيه مادام بحبه، أجرب إني أغيره. وبسبب الحب ده ممكن يتخلى عن كل حاجة عشاني. فهد: تجربيني؟ أنا مش للتجربة يا مليكه. مليكه بعياط: أنا لسه بحبك زي الأول وأكتر كمان، حتى بعد اللي عملته فيا وخيانتك قدام عيوني، لسه بحبك ومستنياك أنا وأولادي.

فهد: آه، أولادك. ولد بيتمنى موتي، والتانية أضعف من القشة. مليكه: هنستقوى بيك، وإنت كمان هتستقوى بينا. فهد: اللي يخرج من الدايرة دي، ليه الموت. مليكه: حاول عشاني، عشانهم، عشانك. حاول، أرجوك. ياسمين وكريم محتاجين أب، محتاجين سند ليهم. مليكه بتبص في عيونه، ودموعها نازلة على خدها بغزارة. مليكه: أنا محتاجالك. فهد بيقرب منها وبيمسحلها دموعها. فهد: وأنا بحبك.

مليكه بتبتسم أوي، وفهد بيلتهم شفايفها باشتياق سنين. وبيبعد عنها بعد ما بيحس باحتياجها للهواء. وبيامل ملامحها. فهد: لكن أنتِ اللي اخترتي. مليكه بيختفي من عيونها الابتسامة لما بتشوف الظلام في عيون فهد. مليكه: يعني إيه؟ فهد: الشيطان يا مليكه. أنا الشيطان اللي لا يمكن يتهزم أبدًا، حتى لو كنتِ أنتِ السبب.

فهد بيخرج من الأوضة. ومليكه واقفة بتبص عليه وهو خارج، وحاسة إن روحها بتتتسحب منها. وبتقف في مكانها مش بتقدر تتحرك. وفجأة بتسمع صوت صرخة نسمة. وبتجري على تحت بسرعة. وبتشوف ريان واقع على الأرض وبينزف. ونسمة بتصرخ. مليكه: ريان. مليكه بتحاول توقف النزيف بسرعة. ريان: مليكه، أنا كويس. الحقوا الأولاد. مليكه: أولادي؟ مليكه بتجري على برة البيت بسرعة، وبتشوف فهد في العربية معاه كريم وياسمين. مليكه: لاااا، فهد، لااااااااا.

مليكه بتجري ورا العربية بسرعة وبتصرخ. وهي بتجري بتقع على الأرض بقوة. وبترفع عيونها على العربية وهي بتبعد أكتر. وفجأة العربية بتقف. ومليكه بتبتسم وبتحاول تقف على رجليها. وبتعرج برجليها وبتحاول تجري بسرعة على العربية. وبتشوف كريم بينزل من العربية. مليكه: كرييييم. كريم: ماما. وكريم بيجري على مليكه. ومليكه بتحضنه أوي. وبتتفاجأ بالعربية بتتحرك. مليكه: ياسمين.

و بتصرخ وبتجري ورا العربية. والعربية بتبعد أكتر لحد ما بتختفي من قدام عيونها. ومليكه بتنهار على الأرض. مليكه: لاااا، ياسمين، لاااا. وكريم بيجري على مليكه وبيحضنها أوي.