رواية ملاك في عالم الشياطين الفصل الرابع 4 - بقلم وردة

فهد / انتو يا بهايم. بيدخل القصر مجموعة كبيرة من الحراس، وفهد بيبصلهم بغضب. بيدخل كنان وريان القصر وبيبان على وشهم الصدمة وهم بيبصوا على الحارس المقتول على الأرض. بيبصوا لغضب فهد اللي مبيبشرش بالخير. كنان بيقرب منه. كنان / في رسالة ليك وصلت. فهد بياخد من كنان الصورة وبيشوف مليكة نايمة على الأرض ومربوطة أيديها ورجليها، وباين عليها الخوف. فهد / قبل الصبح ما يطلع تكونوا عرفتوا مكانها. كنان وريان بيهزوا راسهم بنعم. ***

في مكان مهجور، مساكن تحت الإنشاء. مليكة هتموت من الرعب وبتترعش من البرد والخوف. بيقرب منها شخص وبيقولها بغضب. الشخص / انتي عاهرة الفهد. مليكة بتنكمش على نفسها بخوف ومبتردش عليه. الشخص ده بيقرب منها وبيلمس خدها، ومليكة بتصرخ وبتحاول ترجع بظهرها، بس الحبال اللي مربوطة بيها مثبتة في الأرض. مليكة / أنا معملتش حاجة. الشخص ده بيضربها بالقلم بقوة، ومليكة بتصرخ. بيدخل شخص تاني المكان وبيبعد الشخص اللي بيضرب مليكة.

فرانكو / اللي انت بتعمله ده جنون، لو الفهد عرف هيقتلنا. أندرو / عنده أعداء في كل أنحاء العالم، يبقى يدور على مين اللي عمل فيه كده. فرانكو / يبقى أنت متعرفش مين الفهد. فرانكو بيبص لمليكة وبيشوفها غابت عن الوعي من كتر الضرب. فرانكو بيقرب منها وبيحط إيده على رقبتها عشان يشوف عايشة ولا ماتت، وبيحس بنبض. فرانكو بيدقق في ملامح مليكة وفي الأجزاء اللي ظهرة من جسمها، وبيلمس خدها وبيحس بنعومة جسمها الرقيق.

بيدخل واحد من الحراس. الحارس / الفهد في الطريق، جاي علينا هنا. فرانكو وأندرو بيبصوا لبعض. فرانكو / اجمع الكل، هنتحرك من هنا بسرعة. أندرو / وهي؟ فرانكو / هنسيبها حالياً، بس هنرجع لها تاني. أندرو / مش هسيبها. فرانكو / لو خدناها معانا يبقى مش هنطلع من هنا، افهم. أندرو / يبقى تموت أحسن. أندرو بيطلع سلاحه. فرانكو / لااا. أندرو بيبص لفرانكو بغضب. فرانكو / دي ملكي أنا. أندرو / عجبتك. فرانكو بيبص لمليكة وهي غايبة عن الوعي.

فرانكو / جداً. فرانكو بيقرب من مليكة وبيفك أيديها ورجليها، وبيشوف العلامات الزرقا اللي في أيديها ورجليها بحزن. بيرفع إيديها لشفايفه وبيبسها من إيديها. فرانكو / نتقابل تاني يا جوهرتي الثمينة. أندرو وفرانكو بيخرجوا من الأوضة اللي فيها مليكة. فرانكو بيروح لواحد من الحراس. فرانكو / متسبهاش لوحدها غير لما الفهد يوصل، مفهوم؟ الحارس بيهز راسه بنعم. أندرو وفرانكو بيهربوا بسرعة من المكان. ***

مليكة بتبدأ تفوق وبتحس بالألم من كل أنحاء جسمها. بتشوف إن أيديها ورجليها متحررين، وبتزحف على الأرض وبتحاول تقف على رجليها بصعوبة. بتروح في اتجاه الباب المفتوح، ولسة هتخرج وبتشوف الحارس قدامها، بتصرخ وبترجع لورا بخوف. فجأة بتسمع صوت خبطة قوية، بتكون خبطة عربية الفهد في الباب الحديدي للقرية اللي تحت الإنشاء اللي هي فيها. الحارس لسه هيهرب، بيشوف رجال الفهد حواليه. بيحس بالخوف والرعب إن خلاص موته دلوقتي.

بينزل من العربية الفهد وجنبه ريان على يمينه وكنان على شماله. الحارس بيطلع سلاحه وبيدخل يسحب مليكة من الأوضة من شعرها بقوة، ومليكة بتصرخ من الألم. الحارس بيخرج من الأوضة. الحارس / سيبني أعيش. فهد بيبص لمليكة وآثار التعذيب على وشها وجسمها الضعيف. مليكة بتفتح عينيها وبتشوف الفهد قدامها. فهد بيقرب من الحارس بكل ثقة، والحارس إيده بترتعش من الخوف. فهد / سيبها. الحارس / سيبني أعيش.

فهد بيبص لمليكة وبيشوف في عينيها الخوف والرعب والضعف. في ثانية بيكون طلع سلاحه وبيضرب الحارس في دماغه، وبيقع على الأرض. مليكة مشلتش عيونها عن الفهد، وجسمها بيترعش بطريقة مخيفة. فجأة بتفقد الوعي. فهد بيسيبها تقع على الأرض قدامه، بيشاور لواحد من حراسه إنهم يشيلوها. أول ما بيقرب منها حارسه ولسه هيلمسها، فهد متحملش إن الحارس يلمسها وبيضرب الحارس بالرصاص. كنان وريان بيبصوا لبعض باستغراب.

فهد بيشل مليكة على كتفه زي شكارة بطاطس وبيخدها على العربية وبيحطها في العربية وبيتحرك. والكل بيتحرك وراه بسرعة. *** في شقة البنات. جني بتدخل الشقة ورشا بتجري عليها بخوف. رشا / نسمة البوليس قال إيه؟ جني / مفيش جديد. لو ظهر أي حاجة هيبلغونا. رشا / يعني إيه مليكة كده اختفت خلاص؟ أنا مش هسكت، أنا هروح أبلغ السفارة، أكيد هم هيتصرفوا. جني / رشا اهدى. رشا بتترمى في حضن جني وبتنهار من العياط.

رشا / مليكة اتخطفت يا جني، أنا أنا خايفة عليها. جني / أنا خايفة تكون اتخطفت بسبب شهادتها على المجرم اللي قتل البنت في الكافيه يوم عيد ميلاد لبنى. رشا بتحط إيديها على قلبها بخوف. رشا / لازم أبلغ السفارة، هم مسؤولين عنها، لازم يتصرفوا، يعملوا حاجة، مش يرمونا في البلد دي ويشيلوا إيديهم عنا. موبيل رشا بيرن باسم عمو جمال. رشا / ده... ده عمو جمال والد مليكة. أقوله إيه؟ بيتصل بيا من امبارح ومش عارفة أرد عليه. أقوله إيه؟

أقوله إن مليكة اتخطفت ومش عارفين أي حاجة عنها. أقوله إيه؟ رشا بتعيط وجني تحاول تهدّيها. جني / مش عارفة، بس هو لازم يعرف، يعني هو أكيد قلقان أوي. رشا / مش عارفة، مش هقدر، أنتِ متعرفيش عمو جمال، مليكة بالنسبة له إيه، ده ممكن يحصله حاجة. جني / عندك حق. رشا بتاخد شنطتها والموبيل. جني / استني، رايحة فين؟ رشا / مش هفضل كده أعط وأخلص، أنا رايحة السفارة. جني بتقفل الشقة وبتروح ورا رشا بسرعة. *** في مصر.

جمال في أوضته وهيموت من القلق على مليكة. جمال / أكيد فيكي حاجة يا قلب أبوكي، أنا مش مطمن أبداً. بتدخل نسمة أوضة أبوها. نسمة / بابا حبيبي، الغداء جاهز. جمال / ها؟ نسمة / بابا مالك، أنت من امبارح وانت شكلك تعبان وقلقان. جمال / لا مفيش، بس الضغط مش مظبوط عندي. نسمة / ما أنت لو تاخد الأدوية في ميعادها بس. جمال سرحان ومش منتبه لنسمة. نسمة / بابا أنت كويس؟ جمال / آه، بس أرتاح شوية وهكون أحسن.

نسمة / طب الغداء، أنت ما أكلتش كويس على الفطار. جمال / ماليش نفس أتغدى، أنتِ يا حبيبتي. نسمة بتخرج من أوضة جمال وبتبص على الأوضة بقلق. *** في أمريكا. في قصر الفهد. الدكتور بيخرج من عند مليكة. الدكتور / هي بخير، بس شوية كدمات من أثر ضرب وتعنيف. وهي ضعيفة، أنا ادتها حقنة مهدئ وهتنام للصبح.

فهد بيشاور للدكتور إنه يمشي من غير ولا كلمة، والدكتور بينزل بسرعة وبيهرب من قدامه. فهد بيدخل الأوضة اللي فيها مليكة، وبتكون أولفت معاها في الأوضة. أولفت بتشوف فهد بتقف بسرعة، وفهد بيشاور لها تخرج، وبتخرج بسرعة. فهد بيقرب هو من مليكة اللي نايمة في هدوء تام، وبيدقق في علامات الزرقا على خدها وتحت عينيها وعلى درعها. بيغمض عيونه بقوة، وبيخرج من الأوضة وبيشوف ريان وكنان وأولفت واقفين قدام الأوضة.

فهد / أولفت خليكي معاها، متسيبيهاش ولا لحظة. أولفت بتدخل بسرعة الأوضة. فهد / أندرو لوحده مستحيل يعمل كده، مين اللي وراه؟ كنان بيهز راسه وبيتحرك عشان يجمع كل المعلومات. فهد / ريان زود الحراسة على القصر، ممنوع نملة تدخل ولا تخرج من غير إذن مني، مفهوم؟ ريان / حاضر. ريان بيتحرك بسرعة، وفهد بيدخل الجناح بتاعه وبيقعد على الكنبة الجلد وبص للفراغ. *** في الصباح.

كل القصر بيتفزع على صوت صرخة قوية. فهد بيخرج من الجناح بتاعه وفي إيده السلاح بتاعه، وبيشوف ريان وكنان قدام الأوضة بتاعتهم ومعاهم السلاح. فهد بيجري بسرعة على أوضة مليكة وبيشوفها واقفة في آخر الأوضة وبتصرخ برعب. أول ما بترفع عيونها في عيونه بتهز راسها بلا و بتبعد أكتر لآخر زاوية في الأوضة، وبتشوف السلاح في إيده. مليكة / أنا... أنا معملتش حاجة... أنا... مليكة بتفتكر إنه هو اللي أنقذها من المجرم اللي كان هيقتلها.

فهد بيقرب منها أكتر وملامحه ثابتة متغيرتش. كنان وريان وراه ومعاهم سلاح. مليكة بتبص لهم برعب. مليكة / هتقتلوني. فهد بيشاور لكنان وريان يخرجوا. فهد / متخافيش، مش هتموتي دلوقتي، على الأقل. مليكة / عايزة أمشي. فهد / لو خرجتي من هنا هتموتي أكيد. مليكة بعياط / أنت قاتل، أنا شفتك قتلت البنت في الكافيه، أنا عرفتك وبلغت عنك، وهتتحاسب على اللي عملته. فهد / مين هيحاسبني؟ مليكة / البوليس. فهد / أنا كده أخاف صح؟

مليكة / طب خلاص، أنا مش هقول للبوليس حاجة تاني، خليني أخرج من هنا، أنا مليش دعوة. فهد / قولتلك لو خرجتي هتموتي، ومش هتخرجي من هنا غير لما أنا أقرر، ومش عاوز أسمع صوتك، أنتِ فاهمة؟ مليكة بتعيط. مليكة / أنا بكرهك، وهخرج غصب عنك. مليكة لسه هتتحرك، وفهد بيمسكها من شعرها بقوة، ومليكة بتصرخ من الألم. مليكة / آآآه، سيبني، آآآه، سيبني. فهد / مبحبش الكلام الكتير، هتفضلي هنا لحد ما أقول لك.

مليكة بتهز راسها بنعم. فهد بيدفعها على الأرض بقوة، ومليكة بتصرخ. فهد بيخرج من الأوضة. بتكون أولفت واقفة على الباب. فهد / مش قولتلك متسيبهاش. أولفت / كنت بجهز لحضرتك القهوة، ده معادها. فهد بيرفع سلاحه قدام أولفت بغضب. فهد / دي آخر مرة تكسري كلمتي، أنتِ فاهمة؟ أولفت / ح... حااااضر. فهد بيدخل الجناح بتاعه، وإنجي بتروح على أولفت بسرعة. إنجي / أولفت، مين دي اللي جوة؟ أولفت / معرفش، ومش عايزة أعرف.

أولفت بتدخل لمليكة بسرعة الأوضة، ومليكة بتنكمش على نفسها على الأرض وبتخاف لما الباب بيتفتح. أولفت / متخافيش، تعالي يا بنتي ارتاحي. مليكة بتبص لها بخوف. أولفت / أنتِ أكيد مش فاهمة كلامي، طب أتفاهم معاها إزاي دي؟ مبعرفش أتكلم أجنبي أنا. مليكة / عايزة أمشي من هنا، خرجيني. أولفت / أنتِ بتتكلمي عربي؟ مليكة بتهز راسها بنعم. أولفت / تعالي يا بنتي، اصطلي طولك، تعالي ارتاحي. أولفت بتساعدها تقعد على السرير. *** بعد يومين.

في قصر الفهد. بيدخل كنان الأوضة. فهد / يا ريت تكون جبت خبر كويس، بدل ما أفجر دماغك دلوقتي. كنان / فرانكو. فهد بيرفع عيونه لكنان. فهد بيضرب المكتب بغضب وبيوقع كل حاجة من على المكتب. كنان / بس إحنا كده داخلين على حرب كبيرة. فهد / متعملش أي حاجة غير لما أقول لك. كنان بيهز راسه بنعم وبيخرج. فهد بيقعد على كرسي المكتب وبيفكر، وبيبان على عيونه الغضب. ***

فجأة بيسمع أصوات برة الأوضة وبيسحب سلاحه بغصب. وكان ناوي يقتل اللي بيعمل الأصوات دي. وبيشوف حارس من الحراس ماسك مليكة من إيديها بقوة وبيسحبها. مليكة / ابعد عني. الحارس / سيدي، كانت بتتسلل للهروب من القصر. مليكة / آآه، ابعد إيدك عني يا حيوان، دراعي. فجأة بتطلع رصاصة من الفهد لإيد الحارس اللي ماسك بيها مليكة، ومليكة بتصرخ بخوف. فهد / مين سمح لك إنك تلمسها؟ الحارس وهو ماسك إيده بالم / أسف سيدي. فهد / انصرف.

الحارس بيخرج من القصر. مليكة واقفة قدام فهد وباين عليها الخوف. بيقرب منها وبترجع بضهرها. فهد / لو كررتيها مرة تانية هتكون الرصاصة التانية في دماغك. مليكة بتهز راسها بنعم. فهد / روحي على أوضتك. مليكة بتلتفت حواليها بتشتت وبتحاول تفتكر من أنهي اتجاه هي نزلت. فهد بصرخة / اتحركي. مليكة بتتنفض من صرخته بخوف. مليكة / مش عارفة فين الأوضة.

فهد بيضغط على أسنانه بغضب وبيمسكها من درعها بقوة وبيسحبها وراه، ومليكة بتحاول تمشي مع سرعته وبتتألم. وكانت هتقع وهي طالعة معاه على السلم. بيدفعها على الأوضة. فهد / عشر دقايق تجهزي وتنزلي للغداء. مليكة / مش عايزة أكل. فهد / تسع دقايق دلوقتي. فهد بيمشي وبيسيبها. مليكة / غبي، حقير، سافل، بكرهك، أنت شيطان. مليكة بتعيط وبتقعد على طرف السرير. مليكة / بابا. وبتنهار من العياط. *** وبعد دقايق مليكة بتنزل وبتقابلها أولفت.

أولفت / تعالي يلا، اتأخرتي ليه؟ من هنا. مليكة بتروح ورا أولفت وبتدخل على أوضة السفرة الضخمة، وبيكون فهد قاعد على راس السفرة وجنبه كنان. وريان على اليمين. أولفت بتشاور لمليكة تقعد. ومليكة بتقعد جنب فهد بخوف. ومرفعتش عيونها على عيونه. كنان وريان بيدققوا فيها، ولحد دلوقتي ميعرفوش غير إنها راحت قدمت بلاغ في الشرطة ضد الفهد. وده شيء عادي طبعاً تافه بالنسبة لهم. بيبدأوا ياكلوا، ومليكة بتبص للطبق بتاعها ومش بتاكل.

فهد / كلي. مليكة / مش عايزة أكل. فهد بيبصلها بغضب. مليكة بتمسك الشوكة وبتحط لقمة في بقها بهدوء. مليكة / أنت هتسيبني أمشي امتى؟ فهد مبيردش عليها. مليكة / زمان بابا بيدور عليا وقلقان، وأكيد بلغ السفارة. وكمان البوليس. فهد / أهلك معلموكيش إن مفيش كلام على الأكل؟ مليكة بتنزل دموعها وبتبص للطبق بتاعها. مليكة / عايزة أروح الأوضة لو سمحت. فهد / قولت كلي الأول.

مليكة بتنهار وبتصرخ بصوت عالي وبتضرب الطبق بتاعها وبترميه على الأرض. مليكة / بكرهك، بكرهك، عايزة أمشي، عايزة أروح من هنا. فهد بيكمل أكله بهدوء. فهد / نضفي اللي عملتيه. مليكة / لااا. فهد بيقف وبيمسكها من شعرها، ومليكة بتصرخ. فهد / الفهد مفيش حد يقوله لا، أنتِ فاهمة؟ مليكة / حاضر، آآه، سيبني. فهد بيسيبها. ومليكة بتلم بقايا الأكل اللي على الأرض وهي بتعيط.