رواية ملاك في عالم الشياطين الفصل السادس والثلاثون 36 - بقلم وردة

صهيب: أكيد الدم اتسحب من أطرافك دلوقتي. قدامك عشر دقايق والقلب يقف نهائي. فهد بيحاول ما يفقدش الوعي ومش قادر يتكلم. بيفكر في مليكة وبيفتكر لمسة إيديها على خده. بيتخيلها نايمة جنبه على الأرض وبيبتسم. ده بيعصب صهيب أوي. صهيب: اخرجو كلكم بره واحرقوا الكوخ وهو فيه. الكل بيبدأ ينسحب من الكوخ. *** مليكة تعبت من المشي على رجليها وماسكة في دراع ريان وهي ماشية وساندة عليه. ريان: مليكة، انتي تعبتي؟ تحبي ترتاحي؟

كنان: مفيش راحة، لازم نوصل لفهد قبل الليل. ريان بيبص لكنان بغضب. مليكة: أنا كويسة. ريان بيشاور للحرس إنهم يجيبوا ميه وأكل لمليكة. مليكة بتشوف الأكل بتقرف منه جداً وبترجع كل اللي باقي في بطنها. ريان قلقان عليها جداً. كنان بيقرب منها وبيطلع منديل من جيب بنطلونه وبيقرّبه لمليكة. مليكة: شكراً على كرم حضرتك. كنان بيبصلها وبيسكت وبيبعد عنها. بيشاور للحرس إنهم يتجمعوا حوالين مليكة. مليكة: خلينا نتحرك، أنا كويسة.

كنان: ارتاحي شوية، شكلك فعلاً تعبانة. مليكة: لا، أنا كويسة. خلينا نروح. كنان: هنرتاح خمس دقايق. كنان بيبعد عنها وبيشاور للحراسة إنهم ينتشروا في المكان. ريان بيقرب من مليكة. ريان: مليكة، انتي ما أكلتيش حاجة من الصبح. لازم تاكلي حاجة. مليكة: مش قادرة يا ريان، بس المهم إني أشوف فهد. ريان: إن شاء الله هتشوفيه، بس لازم تاكلي حاجة. ريان بيقرب لها الأكل ومليكة بتقرف منه أوي. ريان: طب تاكلي إيه؟

حارس: في الغابة هنا فواكه، سيدتي. مليكة بتبص على الأشجار حواليها وبتشوف أنواع فاكهة غريبة وبتتهز راسها بلا. ريان بيلمس على شعر مليكة بحنية. مليكة: فاكهة التنين. ريان: وأنا أجبهالك منين دي دلوقتي؟ اطلبي حاجة تانية. شوفي فيه موز؟ مليكة بتشوف شجر موز وعلى الشجر قرد بيتنطط. مليكة: لا. أنا شامة ريحته. هو قريب من هنا. ريان: متأكدة؟ مليكة: آه. ريان: خليكي هنا، هدور حوالينا وراجع تاني.

ريان بياخد اتنين من الحراسة معاه وبيتحركوا في الاتجاه التاني. كنان معاه مجموعة من الحراسة ومعاهم خريطة. كنان: المعلومة اللي عندي إنهم هنا في قرية قريبة من الغابة. حارس: سيدي، في قرية في الاتجاه الغربي. كنان بيبص في الاتجاه الغربي وبيشوف دخان طالع لفوق. مليكة بتحط إيديها على قلبها وبتحس إنها مخنوقة ودموعها بتنزل. بتلف حواليها بخوف. كنان بيروح عليها. كنان: اهدى، انتي كويسة. مليكة بتترعش وبتمسك كنان من دراعه.

مليكة: فهد، فهد بيناديني. هو هنا. هنا. كنان: اهدى شوية. فين ريان؟ ريان ومعاه اتنين من الحراسة بيجروا بسرعة على كنان. ريان: كنان، في مجموعة ولعوا النار في كوخ في الجهة الغربية. مليكة بتصرخ وبتجري في الاتجاه اللي ريان شاور عليه. الكل بيجري بسرعة وراها وبيجهزوا السلاح استعدادًا للهجوم. بيوصلوا للكوخ المولع ومفيش حد من المجرمين موجودين. بيكونوا راحوا لما ولعوا النار في الكوخ. مليكة بتصرخ ولسه هتجري على الكوخ.

مليكة: آآآه، فهد، فهد. ريان بيجري على مليكة قبل ما تروح على الكوخ وبيضمها أوي. مليكة بتصرخ وبتعيط. مليكة: لاااا، ريان، ريان، فهد. الحراس وكنان بيهجموا على الكوخ. بيحاولوا يدخلوا وكنان بيضرب باب الكوخ برجله بكل قوته. الباب بيتكسر وبيدخل الكوخ ومعه مجموعة من الحراس. بيتأخروا جوه الكوخ. مليكة بتصرخ في حضن ريان وبتضرب فيه عشان يسيبها.

بعد دقايق بيخرج كنان من الكوخ وفهد على كتفه. الحراس مش قادرين ياخدوا نفسهم وكل واحد فيهم بيروح في اتجاه عشان يقدروا ياخدوا نفسهم. مليكة بتصرخ وبتجري على فهد. مليكة: فهد، فهد، رد عليا. فهد، افتح عيونك. فهد ما بيتحركش. الكل واقف مصدوم. كنان بيحاول ياخد نفسه بالعافية من الدخان اللي كان في الكوخ. بيبص لفهد بذهول. كنان: لا، فهد مستحيل يموت بالسهولة دي. مليكة بتمسح على خد فهد بحنية.

مليكة: فهد، افتح عيونك. فهد. اعملوا حاجة، أرجوكم. ريان، كنان، اعملوا حاجة. ريان بيروح على مليكة بسرعة. مليكة: فهد عايش، قلبه بيدق. اعمل حاجة، أرجوك. ريان بيطلع سلاح من حزام بنطلونه وبيضرب بيه في السما. بينطلق من السلاح قنبلة صغيرة حمراء وبتنفجر في السما. بعد ثواني بتظهر طيارة هليكوبتر وبتنزل من الطيارة صندوق ضخم. بيشيلوا فهد بسرعة وبيدخلوه في الصندوق ومعاه مليكة وريان. الطيارة بتنطلق بسرعة والصندوق متعلق فيها. ***

في مصر. نسمة: أنا لحد دلوقتي مش مصدقة إنك سمحت لمليكة إنها تروح. إزاي يا بابا؟ بس. جمال: ما كنتش أقدر أعمل غير كده يا بنتي. طول ما هو بعيد عنها، موت أختك كان هيكون أكيد. أما وهي هناك معاه، في احتمال إنها تعيش. نسمة بتعيط. نسمة: يعني مش هشوف مليكة تاني؟ هنتحرم منها؟ جمال بيروح على أوضته وتعبان جداً. نسمة بتعيط وجرس الباب بيرن. بتروح تفتح الباب وبتكون رشا ومعاها تامر. رشا: ها، ما فيش أي أخبار عنها؟ نسمة: لا خالص.

تامر: ما تقلقوش، هتكون بخير. رشا: دول مافيا يا تامر، عارف يعني إيه مافيا؟ تامر: رشا، مليكة بالنسبة لهم مرات رئيسهم. يعني حياتها واجب عليهم. يعني نهدي كده وبلاش القلق الزيادة ده. رشا: مش عارفة جايب البرود ده منين. تامر: من السوبر ماركت. رشا: خفة. تامر: فين عمي جمال؟ نسمة: راح على أوضته. أنا قلقانة أوي على بابا. تامر: ربنا يستر. إن شاء الله هيجي الخبر اللي يطمنا. ***

بعد ساعتين في المستشفى. بيخرجوا مليكة من العمليات. ريان بيمسكها أوي ومليكة منهارة من العياط. ريان: مليكة، اهدى لو سمحتي شوية. رنا: مش من حقهم إنهم يخرجوني بره العمليات. أنا لازم أكون معاه. ريان: مليكة، ده مش مسموح. بس عشان أنا شايف حالتك خلتهم يدخلوكي. بس اللي بتعمليه ده كتير. فهد: ريان، فهد مش هيموت. ريان: يموت إزاي بس؟ هو ده بيموت أصلاً؟ مليكة بتعيط وبتحس بألم جامد. مليكة: آآآه. ريان: مليكة. مليكة: ريان.

مليكة بيغمى عليها وريان بيشيلها بسرعة وبيصرخ. ريان: دكتور، دكتووور بسرعة. *** بعد ٢٤ ساعة. مليكة بتفتح عيونها وبتغمض تاني من شدة الإضاءة. بترجع تفتح عيونها بشويش وبتفتكر اللي حصل. مليكة: ف ه د. وبتبص حواليها بفزع. تتفاجأ بعيونه قدامها. مليكة: أنا بحلم.

فهد بيلمس على شعرها بحنية وبيبتسم أوي. مليكة بتعيط وبتترمي في حضنه بقوة. فهد بيتألم. مليكة بتتفزع لما بتسمع فهد بيتألم وبتبص له أوي. بتشوفه بهدوم المستشفى وذراعه ملفوف بشاش طبي وجروح في وشه خفيفة. مليكة: أنا مش بحلم، مش كده؟ فهد: لا، حقيقة. وجهزي نفسك للعقاب. مليكة بتبص له أوي. فهد: إنك تتحركي من غير إذن مني. مليكة: موافقة على أي عقاب منك، بس متسبنيش تاني.

مليكة بتنهار من العياط. فهد بيمسح دموعها وبيرفع شعرها بعيد عن خدها. فهد: وحشتيني. مليكة بتتعلق في رقبته وبتحضنه أوي. مليكة: كنت خايفة. خايفة أوي متسبنيش تاني. متبعدش عني. أنا من غيرك أموت. فهد بيسمعها بتتكلم عن الموت وبيضمها وهي في حضنه. فهد: حتى الموت ميقدرش ياخدك مني يا ملاكي.

فهد بيشيل مليكة في حضنه. مليكة مخبية عيونها في صدره ومتعلقة في رقبته. بياخدها وبيخرج من الأوضة. بيكون قدام الأوضة كنان وريان والحراسة ماليين المستشفى وخارج المستشفى. كنان: فهد، انت تعبان. لازم ترتاح.

فهد بيبص له بغضب وبيتحرك للاسانسير ومليكة في حضنه. بيبص على مليكة وبيشوفها إنها نامت تاني. بيابتسم أوي على ملامحها الهادية البريئة. بيوصلوا على سطح المستشفى وبيشاور للطيار. بيركب الطيارة وفي حضنه مليكة. الطيار بيربط حزام الأمان عليه هو ومليكة عشان فهد رفض إنه يبعدها عنه. كنان وريان بيطلعوا معاه في الطيارة ورا ومجموعة من الحراسة. بينطلقوا في طريقهم للقصر.

ريان بيسحب بطانية وبيقرّبها على مليكة وبيحطها عليها وهي نايمة في حضن فهد. فهد بيبص لمليكة. ريان بيقعد مكانه بسرعة. مليكة بتتكلم وهي نايمة. مليكة: فهد، النار، فهد. فهد بيضمها أوي لحضنه وبيبسها من جبينها. ريان وكنان بيبعدوا عيونهم عن مليكة وفهد بحراج. *** في مصر.

نسمة بتستغرب إن والدها ما صحيش يصلي. بتروح على أوضته وبتخبط على الباب وما فيش رد. بتدخل الأوضة وبتشوف والدها قاعد على الكرسي الهزاز قدام صورة والدتها وصورة مليكة. نسمة: بابا، حضرتك كويس؟ تحب أجهزلك العشاء؟ جمال ما بيردش عليها. نسمة بتقرب منه بتوتر. نسمة: بابا، انت كويس؟ نسمة بتلمس كتف والدها. جمال رقبته بتميل على جنبه اليمين. نسمة بتصرخ. نسمة: بااااابااااااا. *** بعد ساعات.

بيوصلوا القصر. فهد بياخد مليكة على أوضتهم وبينيمها على السرير وبيبسها من جبينها. بيروح على الحمام بعد ما بياخد هدوم. مليكة بتفتح عيونها. مليكة: فهد. فهد بيخرج من الحمام وهو في كامل أناقته وبيبتسم لمليكة. مليكة: أنت عايش؟ فهد بيقرب منها وبيلمس على خدها بحنية. فهد: انتي بخير. مليكة: أنت إزاي؟ أنت كنت بتموت؟ هو أنا نمت كتير؟ فهد: ٢٤ ساعة. مليكة: ٢٤ ساعة؟ وأنت إزاي خرجت من المستشفى؟ إحنا في القصر؟ لا، مستحيل.

فهد: مع الفهد مفيش حاجة مستحيلة. مليكة: إيه اللي حصل؟ مين اللي عمل فيك كده؟ وليه؟ فهد: اللي حصل ده يخصني أنا. وبلاش تشغلي عقلك الصغير ده بحاجات أكبر منه. مليكة بعصبية: أنا عقلي مش صغير. فهد: هو عقلك بس اللي صغير، تقريباً كل حاجة. مليكة بتضربه في صدره بعد ما بتفهم معنى كلامه. مليكة: قليل الأدب، حقير. فهد بيلمس خدها بحنية. فهد: اللي عملتيه ده لو اتكرر تاني يا مليكة. مليكة: أنا ما عملتش حاجة. فهد: إنك تعرضي نفسك للخطر.

مليكة: ده عشانك أنت. فهد: وحتى عشانّي أنا، مفهوم؟ مليكة بتتهز راسها بنعم بعد ما بتشوف نظرات الغضب في عيونه. فهد بيلمس بطنها. فهد: وخصوصاً إن فيه أمانة عندك هنا. مليكة بتشهق بخضة. مليكة: ابني. مليكة بتحط إيديها على بطنها وبتعيط أوي. فهد: هششش، مليكة، اهدى. في إيه؟ مليكة: أنا مينفعش أكون أم. أنا أم شريرة أوي. فهد: اهدى، بلاش عياط. بس فهميني في إيه.

مليكة: أنا من وقت ما فتحت عيوني، حتى ما تطمنت على ابني اللي كان الخطر عليه كبير. وما كانش في حاجة في دماغي غيرك أنت وبس. عاااا، أنا أم شريرة أوي. عاااا. فهد بيضمها أوي وبيلمس على ضهرها بحنية. مليكة: أنا جعانة. فهد: نعم؟ مليكة: جعانة أوي. فهد بيبتسم أوي. فهد: يلا تعالي، ادخلي خدي دوش وغيري هدومك، وخلينا ننزل. الكل مستنينا على العشاء. مليكة بتتهز راسها بنعم. فهد بيساعدها تقف. ولسه هيروح معاها. فهد: خليني أساعدك.

مليكة: لأ. فهد بيبصلها برفع حاجب. مليكة: يعني سيبلي مساحة ولو قد كده من الخصوصية. مليكة بترفع إيديها لفوق بتشاور بديها بحجم صغير. فهد بيبوسها من طرف مناخيرها وبيبتسم أوي. فهد: قدامك أربع دقايق بس. مليكة: حاضر. مليكة بتروح على الحمام. بعد شوية بتخرج وبتكون لابسة فستان أبيض قصير للركبة بصف أزرار كبيرة من قدام بحمالات عريضة.

فهد بيبصلها أوي وبيقرب منها. مليكة بتتكسف أوي من نظراته. بينزل بشفيفة وبيلتهم شفايفها بشوق ببوسة طويلة. مليكة مش قادرة تتحكم في مشاعرها ولا أعصابها وبتمسك في هدومه. فهد بينزل على رقبتها بقبلات ساخنة. مليكة بتحس بإيده بتداعب أزرار الفستان. مليكة بتحاول تبعده عنها. مليكة: آآه، فهد. مليكة بتضغط على الجرح اللي في كتفه. فهد بيتألم وبيبعد عنها. مليكة بتحط إيديها على شفايفها بخوف. مليكة: آآه، أنا آسفة. أنا.

فهد لسه هيقرب منها. ومليكة بترجع بضهرها. مليكة: أنا جعانة. فهد: مليكة. مليكة: بليز، جعانة جداً. وكمان البيبي جعان أوي. فهد عيونه على اللي ظاهر من جسمها. ومليكة بتقفل أزرار الفستان تاني بسرعة. فهد: عيب على فكرة كده. فهد: عيب. مليكة: آه جداً كمان. ممكن ننزل؟ فهد بيقرب منها وبيبسها بوسة خفيفة من شفايفها. فهد: ملاكي الصغير.

مليكة بتبتسم أوي وبتترمي في حضنه. فهد بيضمها أوي وبيخدها وبيخرجوا من الأوضة. بيتفاجأوا بـ أنين ومعاها جاك قاعدين على الأرض قدام أوضة مليكة وفهد. أنين: عروستي. وأنين بتجري على مليكة ولسه هتنط عليها. فهد بيوقفها. أنين بتبص لفهد بخوف. ومليكة بتسحب أنين من فهد وبتحضنها أوي. مليكة: حبيبتي، وحشتيني أوي. أنين: عروستي. مليكة بتضحك أوي وبتضم أنين. بتبص على جاك. أنين: ده جاك. ماما لارا قالتلي إننا أخوات. مليكة: ماما لارا.

فهد: مش يلا؟ مليكة: حبيبتي، يلا خلينا نروح ناكل مع بعض أحسن. أنا جعانة أوي. وبعد الأكل نقعد أنا وانتي وجاك ونلعب مع بعض. أنين: تحيا عروستي، عروستي الحلوة. وأنين بتاخد جاك وبتجري بسرعة. ومليكة بتضحك على أنين وعفويتها الطفولية الجميلة. *** فهد بيلف دراعه حولين كتفها وبينزلوا مع بعض على السفرة. مليكة بتبتسم أوي لما بتشوف أولفت في استقبالهم قدام أوضة السفرة. مليكة بتروح عليها وبتحضنها أوي. أولفت: سيدتي.

فهد: اوف، اسمي مليكة مش سيدتي. أولفت بليز. أولفت بتنحني باحترام قدام الفهد. فهد بيسحب مليكة وبيدخلوا أوضة السفرة. مليكة بتدخل ولارا بتروح عليها بسرعة وبتحضنها أوي. مليكة: لارا. لارا: مليكة، وحشتيني أوي. مليكة: وانتِ كمان. مليكة الابتسامة بتختفي من ملامحها لما بتشوف فيفيان قدامها. مليكة: العاهرة دي هتظهر كده في كل مكان. فهد: مليكة. مليكة: اوف. وبتروح تقعد هي وفهد. بيدخل مراد عليهم وبيقعُد قدام مليكة وبيبوصلها.

مليكة: هاي. ومراد ما بيردش عليها. ومليكة بتشاور لريان بمعنى مين ده. وريان بيشاور لها على فهد. ومليكة مش فاهمة. فهد: مليكة، يلا كولي. مليكة بتبص للأكل وبتشوف إن قدامها كوباية لبن كبيرة وشرايح من اللحم المشوي. مليكة: اوف، ريحتها بشعة جداً. فهد بيبعد عنها الطبق بسرعة. فهد: تحبي تاكلي إيه انتي؟ فيفيان: لأول مرة أشوف الفهد مهتم بعاهرة من عاهراته. مليكة: أنا زوجته يا وقحة، مش عاهرة زيك.

فيفيان: أنا ما اسمحش بالإهانة دي أبداً. فهد: مليكة، قولي تحبي تاكلي إيه. مليكة: ماليش نفس. ولسه مليكة هتمشي. فهد بيمسك إيديها وبيخليها تقعد مكانها تاني. فهد: مليكة. مليكة: عايزة أكل مكرونة وكمان لحم مقلي حجم كبير بليز. فيفيان: اوف، مكرونة ولحم. شيء بشع. مليكة بتبصلها بغضب. فهد: أولفت. أولفت: تمام سيدي. وأولفت بتتحرك بسرعة جداً. ومليكة بتبص لمراد أوي باستغراب. أول مرة تشوفه. مليكة: انت مين؟

مراد بيبص لمليكة برفع حاجب وبيسيب الأكل من إيده وبيروح على مليكة بسرعة. فهد: مراااد. مراد بينحني قدام مليكة. مراد: اعرفك على نفسي، أنا الشيطان الصغير. مليكة بتبص لفهد باستغراب. مليكة: أهلاً بالشيطان. أنا مليكة، مرات فهد. مراد: وأنا بكون ابنه كمان يا زوجة أبي.