رواية ملاك تحرق شيطان الفصل الخامس 5 - بقلم بدور عاطف

كانت ندي تقوم ببعض الأعمال في المنزل، حيث غدًا سيأتي خال أمير ليتقدم لطلب يدها ويتم الاتفاق على الزواج. وأثناء ذلك، صعد رنين هاتفها وكان أمير. "ندي: الو، أمير." "أمير: عامل إيه؟ "ندي: الحمد لله، أخبارك أنت إيه؟ "أمير: أيوه، بعد كتير من الكلام الهييييح. 😂😂" "أمير: ندي، أنا كنت عاوز أطلب منك طلب." "ندي: خير يا حبيبي." "أمير: أنا عاوزك تعملي كشف طبي من تحليل وأشعة، وتبعتهملي." "ندي: باستغراب، كشف طبي ليه؟

"أمير: ندي، أنتِ عارفة إن والدي متوفي ووالدتي تعبانة جدًا، وكل يوم بعيش في قلق وخوف من فكرة إنها ممكن تسيبني. لكن بعد ما اتعرفت عليكي بقيتي كل حياتي، فعشان كدا لازم أطمن عليكي لإني مش هستحمل أشوف حد تاني بيتألم." "ندي: هو يعني لو طلع في حاجة وحشة، لا قدر الله، ممكن تسيبني؟

"أمير: لا يا حبيبتي أبدًا، أنا بس الفكرة دي مسيطرة عليا وخايف أوي، يا ريت تفهميني. وبعدين أنتِ خلاص بقيتي جزء من حياتي، مقدرش أستغنى عنك أبدًا. ولو مش حابة تعملي كدا خلاص، مفيش مشكلة خالص." "ندي: لا يا حبيبي، أنا فاهمة خوفك كويس أوي، وهعمل اللي قلتلي عليه عشان تطمن." "أمير: متشكر أوي يا حبيبتي، وأوعي تنسي تبعاتيلي كل النتائج أول ما تطلع عشان أطمن." "ندي: حاضر."

"أمير: ماشي يا حبيبتي، سلام بقا وهبقى أكلمك وقت تاني عشان ورايا شغل مهم." وأنهى الاتصال. كانت ندي مستغربة من ذالك الطلب، ولكن أقنعت نفسها أنه أمر ضروري للإطمئنان. عند ملك، كانت تنتظر دورها للمقابلة في شركة الأنصاري. ثم صعد رنين هاتفها وكانت ندي. فقامت من مكانها وخرجت من الغرفة ووقفت في ممر ما وتحدثت. "ملك: ها يا عروية، خلصتي ولا لسه؟ "ندي: لسه فاضلي شوية حاجات، أنتِ في البيت؟

"ملك: لا، أنا في شركة الأنصاري بقدم على وظيفة." "ندي: شركة الأنصاري! حتة واحدة." "ملك: قري بقا، أنا عارفة إني مش هقبل، وهضطر أكمل بقيت حياتي في سجن القناطر لإني مش هستحمل أم أربعة وأربعين اللي في البيت دي وهقتله." "ندي: هههههه، مجنونة وتعمليها. المهم، أنا عاوزاكي تيجي معايا مشوار." "ملك: مشوار إيه؟ خير." "ندي: لما نتقابل نبقى نتكلم." "ملك: ماشي يا ستو."

وأثناء ذلك، بداخل مكتب زين، صعد رنين هاتفه وكان من مدرسة جميلة، أخبروه أنه تم نقلها للمستشفى. "زين: طيب، أنا جاي حالًا." ثم قام وخرج مسرعًا. "زين: مني، ألغي كل حاجة النهارده." قال ذالك وخرج من الغرفة، وفجأة… خرج زين مسرعًا وفجأة اصطدم بملك، ولكنه أكمل طريقه دون أن يلتفت لها. أما ملك، فسقطت حقيبتها. "ملك: أه يا متخلف، مش تفتح." ثم أمسكت بهاتفها. "ندي: إيه يا بنتي؟ في إيه؟ بتشتتمي مين؟

"ملك: دا واحد متخلف، ماشي زي القطر، دا حتى موقفش يعتذر، قليل الذوق." "ندي: هههههه، يعتذر دا أنتِ هتأكليه. كويس إنه وقف." وفي أثناء ذلك، أعلنت مني عن انتهاء المقابلة وعليهم ترك بياناتهم وسوف يتم الاتصال بهم. "ملك: وادي الوظيفة كمان راحت." "ندي: ليه بتقولي كدا؟ "ملك: خلاص بقا، لما أقبلك أبقى أقولك. يلا، أنا هستناكي عند… أوعي تتأخري، سلام." عند زين، قد وصل إلى المستشفى الموجود بها جميلة واتجه إلى الغرفة التي توجد بها.

فوجد جميلة ومعها إحدى مشرفات المدرسة. توجه إليها مباشرة، فقد وجدها متسطحة على الفراش. "زين: جميلة، حبيبتي، عاملة إيه؟ ألف سلامة عليكي." "جميلة: ببكاء، إيدي بتوجعني أوي." مسد زين على شعرها وقال: "خلاص يا حبيبتي." ثم نظر إلى المشرفة وقال: "أقدر أعرف إيه اللي حصل؟ إيه التسيب والاستهتار ده؟ كنتوا فين لما حصل كدا؟ "المشرفة: يا فندم، هي كانت نازلة من على السلم ووقعت، إحنا ملناش أي ذنب." "زين: أنا هعرف شغلي معاكم."

ثم دلف الطبيب. "زين: خير يا دكتور، طمني عليها." "الدكتور: مفيش أي قلق، هو كسر بسيط في إيدها اليمين وهتنيها في الجبس لمدة أسبوعين، وبعد كدا كل حاجة هتبقى تمام. أهم حاجة التغذية والراحة." "زين: شكرًا يا دكتور." ثم أخذ جميلة وخرج من المستشفى وركب السيارة وتوجه إلى المنزل. عند ملك، كانت تقف تنتظر ندي وها هي قد أتت. "ملك: إيه يا ندي؟ دا كله؟ "ندي: معلش، الطريق كان زحمة أوي." "ملك: ها، عاوزاني ليه؟ هتجيبي حاجة ولا إيه؟

"ندي: لا، بصي هو أمير قالي…." وحكت لها عن ما طلبه منها. "ملك: إيه ده؟ هو في حاجة في عقله ولا إيه؟ دا موسوس." "ندي: يا ستي، هو عاوز يعمل كدا عشان خايف، في النهاية هو معاه حق، لإنه خايف يخسر حد تاني في حياته، مش كفاية والدته." "ملك: يا سلام ع الحب. طبعًا مين يشهد للعريس. قومي يا نحنوحة يلا عشان مانتأخرش." ثم ذهبنا إلى إحدى مراكز التحاليل لإجراء الفحوصات اللازمة.

عند زين، كان قد وصل إلى بيته ومعه جميلة التي سقطت في نوم عميق، فأدخلها غرفتها ووضعها على الفراش ودثرها جيدًا. ثم توجه إلى غرفته، وقد صعد رنين هاتفه وكان آخر شخص يتوقعه. "زين: باستهزاء، يا أهلا! إيه الغيبة الطويلة دي؟ "المتصل: إزيك يا زين؟ أخبارك إيه؟ وأخبار جميلة إيه؟ "زين: بحده، متجبش سيرتها على لسانك، انسي إن ليك بنت. أنا أبوها مش أنت. أنت ملكش وجود في حياتها، يا أمير، فاهم؟ "أمير: 😱"