رواية ملاكي الخائف الفصل الحادي والأربعون 41 - بقلم دعاء احمد

تيا بسعادة وصراخ: عدنااااااااااان انت يا ولااااااااااعدنان بفزع وخوف: في إيه؟ البيت بيولع؟ مين ما"ت؟ تيا ضحكت ومسكت إيديه حطتها على بطنها: أنا حامل. هيجيلنا بيبي صغير زي القمر.عدنان بعد وشد إيديه بسرعة وكانت ملامحه باردة وباين عليه الخوف: تيا، أنا لا يمكن أنزله. انت فاهم؟ عدنان فجأة قرب منها وحاوط وشها براحة إيديه: تيا، انتي بتتكلمي جد؟ انتي فعلاً حامل؟ تيا هزت راسها بـ "آه": عدنان، انت...

عدنان حضنها بقوة وهو مبتسم لدرجة إن عيونه لمعت بالدموع: هيكون أحسن مني. هنربيه سوا وهيكبر قدامنا. مش هسيبه يغلط، ولو غلط هنكون جنبه ومساعده يصلح أخطاءه. مش هيكون زي أبـ... تيا بصتله وهزت راسها وهي مبسوطة، لكن صر"خت لما شالها: أنا كويسة على فكرة. نزلني.عدنان بأمر: انتي تسكتي خالص. هو أنا مش عارفك؟

دا انتي ممكن تر"قصي. وخلي في علمك مفيش حركة ولا هبل من اللي بتعمليه دا. والأكل مفيش إندومي يا تيا ولا أكل من بره، انتي فاهمة؟ قالها وهو بينزلها على السرير.تيا بضيق: لا، كله إلا الإندومي.عدنان ضر"بها على دماغها بخفة: يبقى يدخل الإندومي البيت دا وقتها بس خافي على نفسك ومتلومنيش.تيا بضيق: على فكرة هتكون بنت مش ولد. وبعدين مالك محموق كدا ليه؟ شكلك هتحبها أكتر مني.عدنان ابتسم بخبث وقعد قصادها:

طبعاً هحبها أكتر منك. دي هتكون قلبي.تيا بغضب: عدنان، انت جوزي. أنا لو حبيت أي واحدة غيري قسماً بالله هيخليك تلف حوالين نفسك. حتى لو بنتنا أنا بقولك أهو.عدنان بص لها بصدمة وفجأة ضحك بطريقة هسترية: لا لا مش قادر. انتي غيرانة من حتة منك؟ تيا: آه. وبطل بقى عشان هرمونات الحمل شكلها بدأت تشتغل. متخليش أتجنن عليك.عدنان مسك إيديها وبـ"ـاسها بحنان: أنا لو حبيتها فهكون بحبها عشان هي حتة منك. ربنا يقدرني وأسعدكم.تيا:

صحيح، عرفت إن أسد ابن خالك ناوي يعمل فرح لمراته. وأنا إيه؟ عدنان بخبث: فرح إيه؟ هههه. دا انتي حامل. لا مفيش الهبل دا.تيا بغضب: ولاااا. اطلع برا. مش طايقاك. جاتك الارف.عدنان ابتسم وبـ"ـاس راسها وخرج وهي بتشيط منه. في المطبخ فريدة دخلت لقيت عدنان موجود. فريدة: مساء الخير يا حبيبي. عامل إيه؟ إيه اللي بتعمله دا؟ عايزة حاجة أجهز لك العشا؟ عدنان بابتسامة: مساءك سكر يا فري... فريدة، تيا حامل.فريدة بسعادة وبتحضنه: بجد؟

ألف مبروك يا حبيبي. يتربى في عزك.عدنان: يارب. يجي بالسلامة يارب.فريدة: يارب يا حبيبي. إنما أنت بتعمل إيه؟ عدنان: بلم الإندومي والأكل الغريب دا. الهانم قالت إيه ناويه تاكل إندومي؟ اتجننت؟ فريدة بضحك: بقى دا عدنان الرفاعي؟ سبحان الله. اللي يشوفك من شهور ميقلش إنك هتبقى كدا خالص.عدنان بابتسامة: مفيش حاجة بتدوم على حالها.فريدة بمقاطعة: إلا الحب يا ابني. ربنا يسعدكم.عدنان ابتسم وحضر لها أكلة خفيفة.

عدنان داخل وماسك الصينية لقاها بتعيط. حط الصينية على الترابيزة وقعد على ركبته قدامها: في إيه؟ انتي كويسة؟ أكلم الدكتورة؟ تيا برفعة حاجب: دكتورة؟ ليه؟ هو انت هتولد؟ عدنان بغيظ: لسانك عايز قطعه. بتعيطي ليه؟ تيا ببراءة وهي بتشاور على التليفزيون اللي وراها: البطلة ما"تت في المسلسل.عدنان باستيعاب: مسلسل؟ آه يا بنت ال... بتوقعي قلبي ليه؟ تيا بضيق: انت اللي ممحون. بتتفرج على مسلسل عادي. متكبرش الموضوع.عدنان بغيظ:

طب مفيش مسلسلات. ويالا بقى هاتي الريموت.تيا بشحتفة: ورحمة أمك دي الحلقة الأخيرة.وشدت الريموت من إيديه بسرعة وأخدت الأكل وقعدت على الأرض وبدأت تاكل. عدنان كان بيتفرج عليها وهو مرتاح. أخيراً بعد سنين طويلة لقى الحب. كان دايماً بيشوف إن دي لعبة مراهقين، تسلية مش أكتر. لكن دخلت حياته هي وقلبتها. سابها تتفرج على التليفزيون ودخل اتوضى وركع لربنا يشكره على كل النعمة اللي في حياته ومكنش واخد باله منها.

********!!!!!!!!!!!!!!!!!!!!!!!! ******** تاني يوم في الإدارة أسد واقف بيفتح موبايله. كانت نسمة فاقدة الوعي في مكان كله بيتحر"ق. منصر كان واقف جنبه وشاف الفيديو. منصر: دي أكيد كارولين. عايزة تاخد منك حاجة قصاد اللي عملتها.أسد كان بيبص للمكان وكان واضح في الفيديو صوت قطار بيتحرك على القضبان. أسد: سامع نفس الصوت.منتصر بتركيز: المحطة.أسد وهو بيخرج بسرعة: تعرفي الرقم اللي اتبعت منه الفيديو دا فين؟

هو أكيد قريب من المحطة. بسرعة يا منتصر.خرج من الإدارة بسرعة جداً وأخد عربيته واتجه ناحية المحطة وقلبه مقبوض. بعد مدة وصل لمكان قريب من محطة القطار. جاله رسالة من منتصر بتحديد المكان اللي اتبعت منه الفيديو. كان بعيد شوية ومهجور تقريباً. أول ما وصل كان في ناس ملمومة وبيتفرجوا على الحر"يق. أسد بدون لحظة تفكير بيدخل. حد بيمسكه: انت رايح فين يا ابني؟ النا"ر ماسكة في المكان.أسد نفض إيديه ودخل بسرعة جداً.

كانت النا"ر ماسكة في كل حاجة والخشب المحرو"ق بيقع. أسد مكنش شايف من الدخان اللي مالي المكان. كان بيدور عليها لحد ما شافها واقعة وفاقدة الوعي. بيروح ناحيتها لكن في خشب بيقع قدامه وبيفصل بينهم. أسد كان هيتجنن. شاف البلكونة اللي وراء نسمة. بسرعة جداً سابها وطلع الدور التاني. دخل البلكونة اللي فوق البلكونة اللي في الدور الأول. أخد نفس عميق وهو شايف الناس تحت البيت ماسكين بطانية كبيرة جداً وواقفين عند البلكونة.

بينط من البلكونة وبينزل البلكونة اللي نسمة عندها. أول ما بيدخل بيروح ناحيتها بسرعة وبيحاول يفوقها لكن مكنتش بتتنفس. بيشيلها وبيروح ناحية البلكونة والناس كانوا كلهم ماسكين في البطانية الكبيرة جداً. بص لنسمة وللبيت اللي اتد"مرت ومفيش مكان للخروج. أسد: آسف.بير"ميها من البلكونة وبتوقع على البطانية والناس بينزلوها على الأرض بهدوء. أسد بيخرج من البلكونة وبيكون واقف وماسك في تربزين البلكونة. استشهد وهو بينط وبيقع برا البيت.

حس بألم شديد في رجليه لكن مهتمش وهو بيروح ناحية نسمة اللي وشها كان كله هباب. في الوقت دا الإسعاف بتوصل وبياخدوها على المستشفى. بعد ست ساعات. أسد: هي أخبارها إيه يا دكتور؟ ليه محدش عايز يطمني؟ الدكتور: الحمد لله بدأت تستجيب. المشكلة إنها كانت جاية مش بتتنفس بس الحمد لله ليها عمر. تاني يوم. نسمة بتفتح عينيها لقيت أسد نايم على كرسي جنبها. ابتسمت بهدوء وهي بتحط إيديها في شعره الأسود. أسد حس بركتها قام بسرعة: انتي كويسة؟

نسمة ابتسمت وهزت راسها: فين تالين؟ أسد: متخافيش عليها. هي كويسة مع والدك ومرات أبوكِ.نسمة: شكراً يا أسد. شكراً إنك سامحتني. شكراً إنك مخلتنيش أندم على حبي ليك.أسد ابتسم وبـ"ـاس راسها بحنان وهو بيسند راسه على راسها وكان قريب جداً منها: بعشقك يا نسمة. قلبي. أخيراً قدرنا نكون سوا بعد كل دا. بحبك لدرجة الجنون.نسمة بسعادة: وأنا مش بحبك. انت باختصار عالمي كله. وبدونك ماليش وجود. بعد أسبوعين. عند لارين. في قاعة فخمة جداً.

كانت لابسة فستان فرح جميل جداً. سنبل مع حجاب أبيض ومكياج خفيف. وريث بدلته السوداء وبير"قصوا سوا. ومعهم فارس وشهد وشويكار ووالده وريث وإيمان صاحبة لارين وصحابهم وكل الناس اللي بيحبوهم. وريث بابتسامة: تعبتي قلبي يا لارين.لارين بتوتر: هو انت فعلاً بتحبني؟ وريث بجراءة شدها أكتر وقربها منه وبـ"ـاس راسه. لارين بخجل: وريث.وريث بسعادة:

شوفي يا لارين. أنا بعشقك إزاي وامتى الله أعلم. هو زرع حبي ليكي في قلبي. ربنا يقدرني وأسعدك.لارين بخوف: مش هتندم إنك اتجوزت واحدة مطلقة؟ وريث: ممكن تبطلي غباء لو سمحتي وافرحي يا لارين. وخلينا نستمتع بأيامنا.لارين ابتسمت وهي بتسند راسها على كتفه وبير"قصوا وسط فرحة الكل. لهم بعد الفرح. الاتنين كانوا في الطيارة وفي رحلتهم لسويسرا. لارين كانت مغمضة عينيها وماسكة في إيديه بقوة وباين عليها الخوف. وريث بابتسامة:

لارين، افتحي عينيكي. متخافيش أنا معاكي. خدي نفس وافتحي عينيكي.لارين أخدت نفس عميق وبتفتح عينيها ببطء. وهو فضل ماسك إيديها لحد ما التوتر كله راح. بعد كم ساعة. بتنزل الطيارة في مطار سويسرا. بساعدها تنزل وبييجي عربية تأخذهم لمكانه الخاص. بعد وقت طويل. في جزيرة أقل ما يقال عنها إنها تحفة فنية على أرض الواقع. الماية حواليها من كل ناحية. لارين كانت واقفة مصدومة من الجمال. وريث كان وراها حضنها وهو ساند

راسه على كتفها وبيهمس: بحبك يا ملكة قلبي.لارين بدموع: وأنا بعشقك. إزاي وامتى الله أعلم. أنا بس قلت اللهم إني استودعك قلبي فاحفظه. فجيت انت وملكته.لارين بـ"ـاسها وهو بيشد إيديها للكوخ وكان متزين باحترافية. الاتنين كانوا بيصلوا سوا وهو بيدعي إن ربنا يديم الحب بينهم. وهي أمنيتها إن يفضل يعاملها بمودة وحب. نسيب العرسان وتوتة توتة خلصت الحدوته. . *******!!!!!!!!!!!! .......... بعد أسبوع. في إسكندرية. في أتيليه فخم. عدنان:

يالا عشان أعرفك على نسمة. هتحبيها أوي على فكرة.تيا: مش عايز تعملي فرح؟ ماشي يا عدنان يا كلب.عدنان: لو صبر القاتل على المقتو"ل كان مات لوحده.تيا: يعني إيه؟ عدنان لبنت في الأتيليه: تمام دلوقتي.تيا: هو إيه اللي دلوقتي؟ عدنان: اصبري.البنت بتروح تقف على الـ "ستيج" وتفتح الستار. تيا بتقف مبهورة وهي شايفه فستان فرح أقل ما يكون لملكة. سنبل بطريقة خرافية ومميز جداً. تيا بسعادة: دا ليا؟ عدنان وهو بيبو"س راسها:

معنديش أغلى منك عشان تلبس الفستان دا. كنت متأكد إنه هيعجبك.تيا جريت على الـ "ستيج" وحضنت الفستان. عدنان بغضب: أهدى يا غبية. انتي حامل. هو دا اللي مخوفني.تيا بسعادة: حلو أوي أوي.عدنان: مفيش مكافأة للي اشترى الفستان؟ تيا ابتسمت وحضنته. بعد مدة. نسمة وتيا كانوا زي القمر وكل واحدة لابسة فستان فرح أجمل من التانيين. نسمة بسعادة: أوعي تر"قصي. ممكن يلغي الفرح خالص.تيا: يا جماعة سبوني أفرح. إيه دانسمة:

هو يعني هيحصل إيه لو فرحتي بس بالعقل؟ عند أسد واقف قدام المراية وهو بيظبط الكرفتة. كان وسيم جداً بالبدلة وفعلاً خاطف للأنظار. عدنان واقف جنبه وهو بيفكر في تيا. أسد: إيه يا عم الرومانسي؟ عدنان: احم. إيه؟ أسد بابتسامة: ولا حاجة. ألف مبروك يا عدنان.عدنان حضنه وباركله. بليل على البحر.

الكل كانوا موجودين. نسمة وأسد وتيا وعدنان و تالين ومصطفى عم تيا ومالك وجدها ومنصور والد نسمة وشويكار مرات أبوها وفريدة جدة عدنان. كل الأحباء أخيراً النفوس صفيت والقلوب لقت طريقها. أسد: كان مركز مع نسمة طول الوقت وهي كانت متوترة. تيا قامت عشان تر"قص مع البنات لكن لقت اللي بيمسك دراعها: قسماً عظماً يا تيا افتح نفوخك اترزع مكانكتيا بضيق: هو فيه فرح من غير ر"قص؟ إيه القرف دا؟ عدنان بحركة مسرحية:

تسمحي لي بالرقصة دي يا أميرة؟ تيا بتكبر مزيف: أوكي.عدنان ابتسم ومسك إيديها وبقوا يرقصوا سوا. بعد مدة طويلة. في الأوتيل عند أسد ونسمة. نسمة كانت خايفة مرتبكة. كل حاجة متلخبطة جواها. أسد كان غير بدلته ولابس بجامة مريحة أكتر. خرج لقاها لسه بفستان الفرح. فهم توترها. أسد بابتسامة: مش هتغيري ولا إيه؟ يالا غيري عشان أنا واقع من الجوع وهلكت طول النهار عايز أنام.نسمة بارتباك:

حاضر. ثواني هغير.دخلت غيرت ولابست بجامة من الستان كانت جميلة جداً. أسد مسك إيديها وقعدوا يتعشوا سوا. بعد كدا قام نام بهدوء. نسمة ابتسمت بارتياح وراحت نامت. أخدها في حضنه ونامت. تاني يوم. بتصحي في أوضة غير اللي كانت نايمة فيها. حسيت بارتباك وخوف لأن أسد مكنش موجود. وقفت قدام المراية كانت لابسة فستان أزرق قصير. طلعت من الأوضة واستغربت لأنها كانت في عرض البحر في يخت مميز جداً. لكن كانت خايفة ومش حاسة بالأمان.

لحد ما حسيت بإيديه بتحضنها وهو وراها. أسد بابتسامة: نمتي كتير أوي.نسمة: هو إزاي أنا هنا؟ إحنا فين؟ أسد بابتسامة: إحنا في عرض البحر ومافيش غيري أنا وانتي يا ملبن.نسمة لفت وبصتله: أنا بحبك.أسد شغل الموسيقى ومد إيديه ليها وبقوا يرقصوا سوا وهم منفصلين عن العالم. لأن آااااخييييرررررراااا بقوا سوا بعيد عن الكل مع بعض. أسد بهمس:

كل كلمات الحب متكفيش اللي شايلها ليكي يا قلبي. متنبهرش باللي يقولك قصايد في العشق. انبهري فعلاً باللي عنده استعداد يموت عشان.نسمة حطت إيديها على بوقه: بلاش المو"ت وحياتي عندك.أسد ابتسم وقرب بـ"ـاسها. وهو بيلبسها عقد شيك جداً. أسد بابتسامة:

العقد دا كان بتاع أمي الله يرحمها. كان هدية أبويا ليها يوم جوازهم. والدتي سابتهولي وكانت عايزاني أديه لحبيبتي. لما اتجوزت لورا مكنتش حاسس إنها تستحقه وفضلت محتفظ بيه لحد ما انتي جيتي ودخلتي حياتي وحسيت وقتها إنك الوحيدة اللي تستحقيه.نسمة ابتسمت بسعادة وأسد قرب منها وبـ"ـاسها بحنان. ونبعد إحنا بقى. بعد سنة. تيا خلفت (بريق) بنت جميلة جداً. فهي من شعر تيا الناري وعيون عدنان البنية الغامقة والجمال. عند نسمة وأسد.

تالين بخوف: ماما، انتي كويسة؟ نسمة بتعب: آه يا حبيبتي. متخافيش. المهم انتي خلصتي مذاكرتك؟ تالين: لا أصل المس اديتنا واجب كتير أوي.نسمة: تالين روحي ذاكري يالا وأنا هقوم أنضف الشقة وأجهز الغدا على ما بابي يجي.تالين: حاضر.تالين راحت أوضتها ونسمة قامت وهي بطنها قدامها. ولسه هتبدأ تنضف البيت لقيت أسد داخل. أسد بغضب: انتي بتعملي إيه؟ نسمة: في إيه؟ خضتني يا حبيبي. هنضف البيت.أسد: تنضفي إيه بس؟

قالها وهو بيشيلها وبيدخل أوضته. نسمة: أسد نزلني. أنا تقيلة.أسد بابتسامة حب: انتي والعيال أخف من الريشة. استريحي يا حبيبتي.نسمة: بس الشغالة واخدة إجازة والبيت.أسد: ههههشش. اهدى وأنا هعمل كل حاجة. المهم ولادي القمر. عاملين إيه؟ نسمة بابتسامة وهي بتحط إيديها على بطنها: ولادك تعبوني أوي. شكلهم أشقياء. مش عارفة ألمهم.أسد بغمزة: كل دا ومعرفتيش ألمهم؟ لولا إنك في آخر الحمل كنت... نسمة بخجل:

أسد.أسد بـ"ـاس راسها وشغل التليفزيون وسابها وخرج. ترتيب البيت طبعاً مش أفضل حاجة لكن كانت بتتعلم دايماً لأن هي في آخر حملها وحامل في توأم. بعد مدة. في المطبخ. أسد كان بيجهز الأكل. تالين دخلت له. تالين بخوف: بابي، هي مامي كويسة؟ أسد ابتسم وشالها: آه يا حبيبتي. هي كويسة بس مش لازم تعملي أي مجهود الفترة دي عشان إخواتك يجوا بالسلامة. عشان كدا ممكن بنوتي القمر مش تتعبها وتسمع الكلام.تالين بسرعة:

أنا بسمع الكلام والله يا بابا وبعمل الواجب ومش ببهدل أوضتي.أسد بـ"ـاسها بحب: دي بنوتي القمر.تالين بسعادة وبتصفق بطفولية: هيكون عندي إخوات.أسد بسعادة: هتحبيهم؟ تالين بسعادة: أكتر من أي حد. وهنلعب سوا وهنروح الـ "سكول" سوا وهخليهم يلعبوا معايا بلعبي.أسد بحنان: ربنا يحفظكم. يالا روحي كملي واجبك وأنا هجهز الغدا.تالين:

حاضر.أسد نزلها وكان واقف لكن حاسس بإرهاق لكنه مبتسم. افتكر حياته قبل ما نسمة تدخلها. كانت شغل وسهر وشرب. بنته كانت دايماً في المستشفى. مكنش فيه أي نوع من الاستقرار. افتكر قسو"ته وغضبه عليها في الأول. حس بالندم إنه إذاها ولو حتى بكلمة السم اللي كان بيقوله. ابتسم بسخرية وهو بيفكر في شكل حياته من قبلها. كانت كلها فوضى. لكن دلوقتي حس بالاستقرار. أخد صينية عليها الأكل وطلع دخل أوضته. شاف نسمة سرحانة وباين إنها بتعيط.

أسد بقلق: حببتي مالك؟ نسمة: أنا آسفة. أنا عارفة إني مش قادرة أوفر النظام للبيت. وانت بقيت تعمل كل حاجة. الأكل والتنضيف حتى الهدوم انت اللي بقيت تغسل. وأنا كل اللي بعمله قاعدة كدا. حتى تالين مش قادرة أهتم بيها الفترة دي. دا غير شغلك انت. حتى بتسهر طول الليل معايا لما بتعب وأنا مش بعمل أي حاجة.أسد بحنان بـ"ـاس راسها: مين قال إنك مش بتعملي حاجة؟

انتي بتعملي أعظم حاجة. انتي مستحملة كل الألم دا لوحدك. انتي شايلة ولادنا جواكي وبتحميهم. وبعدين هو أنا اشتكيتلك يا ستي.نسمة بدموع: أنا لو قادرة بجد كنت خلصت كل الشغل دا.أسد بغضب: نسمة متعصبنيش لو سمحت. وقلتلك ألف مرة متتحركيش.ثم تابع بحنان:

وحياة حبي ليكي بلاش تعملي حاجة. أنا آسف يا ستي وهشوف خدامة بدل البنت اللي مشيت دي. بس وغلاوتي عندك بلاش تتعبي نفسك. خلينا نعدي الفترة دي بأمان ومتنسيش انتي شايلة روحين. وبعدين شغل البيت إيه بس اللي شايلة همه وأنا روحت فين.نسمة:

الجواز والحب. وبذات الحب مش الكلام اللي بنقوله في لحظة سعادة. الحب هو إننا نشارك بعضنا في كل حاجة. الوجع قبل الراحة. وأنا تعبك دا على عيني. المهم فكي كدا يا نسمة قلبي وتعالي بقى لازم تاكلي عشان معاد الدوا.نسمة: أسد بجد ماليش نفس لأي حاجة. لما بشوف الأكل بحس إني هرجع.أسد بابتسامة: الله يكرم أصلك. أنا آه ظابط بس جوايا شيف صغير. هو آه أكل ميتاكلش بس صحي.نسمة بابتسامة:

أنا مش قصدي على طعم الأكل. أنا أقصد إن بجد ماليش نفس.أسد: لالالا الكلام دا كله ميكملش معايا بنكلة. يالا افتحي بوقك. هاكلك بإيدين.نسمة ابتسمت وأكلت. اطمن عليها إنها أخدت الدوا. راح أوضة تالين وقعد يلعب معاها ويهزر لحد ما نامت. تنهد بتعب وهو بيطفي نور الأوضة وبيخرج. كان حرفياً هالكان من الشغل واليوم كان طويل. قعد على الـ "أنتريه" بتعب وبدون وعي نام. بليل متأخر فاق بذعر على صوت صر"اخ نسمة.

اتفزع ودخل الأوضة لقاها بتعيط ومش متحملة الألم. أسد بفزع: في إيه؟ انتي بتولدي؟ نسمة بدموع والألم: مش قادرة يا أسد. بموت. آآآآه.أسد شالها وتالين كانت صحيت وخايفة على نسمة اللي بتصر"خ. نزل من الشقة وطلع على المستشفى بسرعة جداً. بعد ساعة. لقى عدنان وتيا جايين. تيا: بتولد؟ أسد: آه بس دي تعبانة أوي ولسه دا مش معاد الولادة.عدنان: آهدي يا أسد. إن شاء الله هتقوم بالسلامة.أسد: انتوا جيتوا ليه؟ وسايبين بنتك لوحدها؟ تيا:

بريق مع عمي مصطفى. وبعدين منجيش إزاي يعني؟ هي المفروض فاضلها قد إيه؟ أسد: في بداية التامن دلوقتي.تيا: إن شاء الله هتقوم بالسلامة. متقلقش. تالين تعالي يا حببتي. إيه رأيك ناكل آيس كريم؟ تالين كانت بتعيط: هي نسمة ليه كانت بتصر"خ؟ تيا شالتها وبتبعد عن العمليات لأنها طفلة. بعد ساعة ونص. أسد كان رايح جاي قدام العمليات وهو معاه عدنان. لحد ما سمع صوت صر"اخ طفل. قرب من الباب ولقى الممرضة طالعة وشايلة الطفلين. أسد بص لهم وسكت.

عدنان: أسد قول الأذان في ودنهم.أسد بسرعة: مراتي كويسة.الممرضة: الحمد لله. هي دلوقتي بخير.أسد شال ولاده وابتسم وبيقول الأذان في ودن كل واحد فيهم. كانوا زي الملائكة. بعد مدة طويلة. بتفوق نسمة من البنج. شافت أسد قاعد جنبها ومبتسم. نسمة بسرعة: الولاد؟ أسد: متخافيش. الاتنين بخير وزي القمر. وقعتي قلبي يا نسمة.نسمة: أنا عايزة أنام. حاسة إني تعبانة أوي بس عايزة أشوفهم يا أسد بالله عليك.أسد ابتسم وهو بيجيب الطفلين.

شالت واحد وهو شايل التاني. نسمة: هنسميهم إيه؟ أسد: اللي معاكي هنسميهم أحمد علي اسم أبويا الله يرحمه.نسمة: الله يرحمه. طب أنا اللي هسمي التاني.أسد بابتسامة: هتسميه إيه؟ نسمة بتفكير: راجح. أسد أحمد الهلالي.أسد ابتسم وقعد جنبها وهو شايل ابنه أحمد. نسمة لاحظت تالين واقفة عند الباب: تالين.تعالي يا قلبي.تالين دخلت بسرعة وهي فرحانة. نسمة: مش عايزة تشوفي أخواتك؟ تالين بسعادة وحماس: عايزة. عايزة.أسد نزل لمستواها وكان شايلهم.

تالين ببراءة قربت من كل واحد وبا"ست راسه. وهي بتحط إيديها على رأسهم وبتقرا الفاتحة. نسمة افتكرت وهي بتحفظها القرآن. غمضت عينيها بارتياح ونامت بسعادة تفوق العالم بأكمله. بعد عشرين سنة. في قصر فخم جداً جداً. في أوضة تالين. نسمة واقفة هي مبتسمة. شكلها اتغير آه شوية لكن كل يوم كانت بتزيد جمال في عيون حبيبها. تالين كانت لابسة فستان فرح مميز ونسمة بتظبط لها مكياجها. تالين مسكت إيديها وبا"ستها. تالين بسعادة:

ماما، أنا بحبك أوي. شكراً إنك دايماً كنتي معايا. شكراً إنك عاملتيني وكأني فعلاً بنتك. عارفة دايماً صحابي كانوا بيسألوني إزاي دي مرات باباكِ مش أمك. كانوا بيقولوا إن مرات الأب حاجة مش كويسة. لكن انتي ك"سرتي كل القواعد دي وأثبتي إنك أعظم وأجمل أم. شكراً إنك مسبتنيش لوحدي واهتميتي بيا زي راجح وأحمد. وعمرك ما فرقتي بيننا. نسمة بسعادة:

عشان عمري ما شفتك غير بنتي يا تالين. لسه فاكرة أول مرة شفتك فيها في المستشفى من واحد وعشرين سنة. بنت زي القمر. شفت فيكي براءة وحب. يعلم ربنا إني حبيتك من قلبي. تالين قامت وقفت قدامها وحضنتها وهي على وشك العياط. نسمة: لالالا. أوعي تعيطي. إيه عايزة تحلوي؟ عريسك يقول إنه اتجوز واحدة نكدية.تالين بحب: والله ما اتجوزه وأفضل معاكم هنا. نسمة:

ربنا يحفظك يا حبيبتي يارب ويكون ليكي زوج صالح وأب وأخ ويعاملك بما يرضي الله. وتتهنوا ببعض يارب.تالين: يارب يا ماما يارب. أحمد: أوبا مين المزة دي؟ ألف مبروك يا قلب أخوكي.تالين بسعادة: الله يبارك فيك. عقبالك يا أحمد انت وراجح.أحمد بسرعة: يارب. بس عمك عدنان يوافق إني اتجوز بنته سارة. أحسن منشوف ريقين. نسمة: خالص. جامعتك انت الأول ونخطبهالك.أحمد وهو بيبو"س إيديها: مساء الفل يا قمر عيلة الهلالين. نسمة:

مساء الجمال. أومال فين أخوكي؟ أحمد: يا أختي انتي عارفة راجح بيه. لسه في الكلية. عنده تدريب مش عارف إيه اللي دخله شرطة دا كمان. أسد بهيبته من وراء أحمد: ومالهم الظباط يا دكتور أحمد؟ أحمد بارتباك: أحسن ناس يا سيادة اللوا. نسمة بضحك: جبت وراء ليها. أحمد بارتباك: ما خلاص بقى يا ماما. أسد ربت على كتفه وبص لتالين وهي واقفة بفستان الفرح. راح ناحيتها وحضنها وهي كانت جوه حضنه عيطت حرفياً. تالين: أنا مش عايزة أسيبكم يا بابا.

أسد بحب: يا حبيبتي هتسبينا؟ تروحي فين؟ فيلاتك انتي وجوزك جنبنا أهيه. تالين: برضه مش عايزة أسيبكم. أنا بحبكم أوي. أسد مسك إيد نسمة وبـ"ـاسها وحضنوا تالين. أحمد: والله الله. دي ناقصها راجح الهلالي. راجح من وراهم بالبدلة الميري: وأنا أقدر أتأخر على قمر عيلة الهلالي؟ تالين بصراخ وسعادة: رااااجح! وحشتني.راجح وهو بيحضنها: قلب أخوكي انتي يا تالا.تالين بحزن: عشان كدا اتأخرت؟ كان لازم تبقى معايا من الصبح.راجح:

والله العظيم لسه راجع من مامورية في سينا.تالين: انت طويل كدا ليه؟ هات بوسة يا قمر.أحمد بغيره: هو أنا واقع من قعر الأوفه؟ أنا أخوكي برضو ولا عشان دكتور مش ظابط؟ تالين: أحلى أخ يا ناس.أسد بص لنسمة بعشق وهما متابعين الولاد. فـ "ـات" عشرين سنة عشقهم منتهاش. بالعكس كبر أوي مع الزمن. كل لحظة مع كل الألم والفرح كبروا. عاشوا حياتهم بفرح.

أسد اترقى لحد ما بقى لواء في أمن الدولة وبقى عنده فيلاتهم الكبيرة وولاده اللي بيحبوا بعض. في القاعة. تالين كانت بترقص مع عريسها. أحمد كان بيرقص مع بنت عدنان وتيا (سارة) راجح كان واقف مع مجموعة من الظباط. تيا وعدنان كانوا بيرقصوا ولسه فيهم سعادة تكفي العالم بعد ما كبر شركة الحراسات بتاعتها. أسد واقف وهو حاضن نسمة بقوة. تملك شعره أبيض لكن زاده وسامة. ملامحه الرجولية لسه محتفظ بيها. نسمة بخجل:

أسد مينفعش كدا. الناسممكن تبعد شوية؟ أسد وهو بيشدد على احتضانها: ومن إمتي بيهمني كلام الناس يا عشق قلبي؟ بحبك بحق كل يوم استحملتي فيه عصبيتي وبحق كل لحظة حسيتي فيها بأني مضغوط ووقفتي جانبي. بحبك بحق كل اللي شفناه سوا يا عشق قلبي. نسمة بابتسامة: وأنا بعشقك يا قلبي. عشقك. دعاء أحمد كانت قاعدة في جنينة القصر وبتكتب آخر كلمات العشق وهي مبتسمة وبتشرب كأس عصير مانجة. فعلاً حاسة بسعادة.

دي كانت مذكرات ثلاث ثنائيات عشقوا بعض. دعاء: بين طيات الهوى كنت لقلبي دواء من كل ما يؤلمني. شاركتني الحب والألم. فكيف لا نتألم ونحن نحب؟ ما دامنا صادقين في الحب يجب أن نتألم. ما يهم إنك شاركتني كل هذا. تمت بفضل الله. النهاية.