رواية ملامح باهتة الفصل الرابع 4 - بقلم يارا محمد

تاني يوم عامر راح شغله وكانت معاه رزان وبتتكلم معاه بضيق واضح. رزان: بضيق ممكن افهم ليه مش طلقت إيمان لغاية دلوقتي؟ المفروض تطلقها عشان نجهز لفرحنا. عامر: مش دلوقتي يا رزان، بعد أسبوعين. رزان: وليه ده كله؟ يعني فيه مشكلة معاك؟ عامر: بطاقتي فيها غلطة ومضطر أأجل كل حاجة أسبوعين. رزان: خلاص محلولة، تعالي ننزل نعدلها ومش هتاخد وقت. هظبط كل حاجة. عامر: عندك حد ممكن يعمل كده؟

رزان: صديق ليا اسمه سمير، ويتمني يخدمني في أي حاجة. عامر: لا يا رزان، وبعدين جهزي نفسك هتنتقلي فرع الشركة اللي في المنصورة. رزان: يعني إيه؟ وإيه الكلام ده؟ عامر: يعني بطاقتي مش فيها حاجة، وأنا قررت أصلح علاقتي بمراتي عشان مش مستعد أخسرها. رزان: فوق يا عامر، أنت خسرتها ومن زمان، من يوم ما كنت بتحب تقضي يومك وتاكل معايا، فاهمني؟ وبعدين مش هتقدر تنقلني من هنا. عامر داس ع زرار والسكرتيرة جاتله.

عامر: مروة، طلعتي قرار نقل مدام رزان والورق اللي يخصها؟ مروة: أيوة يا فندم، جاهز كله وجبتهم معايا عشان عارفة إنك هتحتاجهم، ومش ناقص غير إمضتك وإمضي المدام. عامر وقع ع الورق وخلي رزان توقع وهي مصدومة من اللي حصل. وعامر رجع بيته بفرحة. عامر: إيمان، إيمان، أنتِ فينا؟ إيمان: نعم يا عامر، خير؟ فيه حاجة؟ عايز إيه؟

عامر: أنا بحبك، أنا اكتشفت إنك أحن واحدة عليا، وأسف للمشاعر اللي كنتي بتشوفيها مني، ومش كنت ببادرك أي حاجة، وإنك تشوفي مني غير القسوة والخيانه. أسف على كل مرة جرحتك فيها وأذيتك، وبتمنى تسامحيني وتديني فرصة تانية. إيمان: بدموع فرصة تانية؟ جاي تقول كده بعد السنين دي كلها؟ أنت رصيدك خلص من عندي يا عامر خلاص، ومش مستعدة أديك فرصة تانية، وطلقني بهدوء. أنا خلاص اكتفيت وتعبت، عن إذنك.

إيمان دخلت أوضتها وهي بتبكي وقاعدة ع الأرض. جاي يرجع ليها ويعتذر بعد ما اتفقوا على الطلاق، هي لسه بتحبه بس كرامتها أهم من أي حاجة. مشاعرها وطاقتها استنزفت على الآخر وهي مش مستحملة.