رواية ملائكة بالف وجه الفصل الرابع عشر 14 - بقلم اروي طاهر

الحركة الغريبه في الشارع كانت واضحة. سيارات أكتر من الوضع الطبيعي قدام الحوش وطالعة من الحوش أصوات عالية. نزلت من سيارة عالية مراه، كان واضح عليها إنها جايه مستعجلة وماصدقت وصلت. خشّت للحوش بسرعة ونزل وراها راجل، هيبته وفخامته توضح قداش إنه مركزه عالي والخير اللي عايش فيه.

خشّت للحوش بسرعة عشان تقابل بنتها بعد قريب شهر تقريبًا، لكن حالتها مكانتش زي ما خلتها أبدًا. كانت منهاره وخاشه في نوبة هلع وبكاء هستيري، وشكلها حرفيًا كان متغير من كثر الهم. جميلة: حضنت بنتها وتحاول تهدي فيها، بس ريحانة حرفيًا كانت رح تنجن. تخبط على وجها وتبكي في هستيرية. نبيلة وهديل كانو واقفين على زاوية الغرفة ويبكو بهدوء، مش قادرين يمسكو نفسهم.

جميلة: اهدي يابنت اهدي، كلنا في الدنيا أمانة وربي رح ياخدنا في أي لحضة. كلنا له. إن شاء الله يكون من عصافير الجنة ويشفعلكم يوم القيامة. ريحانه: تخبط على وجها بقوة وهيا تقول... ملحقتش ملحقتش ياماما نتهنا. ملحقتش 😭😭💔 ملحقتش يا أمي نعيش معاه ونشوفه يكبر قدامي. قربت نبيلة ومسكت يدين ريحانة هيا وأمها، لأنها كان تخبيطها على وجها يسبب آثار على وجهها. من كثر الانهيار العصبي، لثالث مرة فقدت الوعي تماااامًا.

نبيلة: لا حول ولا قوة إلا بالله... تعالي ياهديل تعالي قيّميها معانا، خلي ندخلوها لغرفة نومها. هديل قربت على ريحانة وساعدتهم. أما في المربوعة كان نصر مقعمز وعلامات الصدمة واضحة على وجها. ومن آثار الصدمة اللي فيها مش قادر حتى يبكي ولا يدير فعل. عصمان: كان كلامه ونصايحه كاسر الصمت وهوا يقول... وحد الله وديمه في كل مصيبة قول: "إنا لله وإنا إليه راجعون". ❤️ نصر: ساكت وعيونه في الأرض. عصمان: تابع كلامه وهوا يقول...

ومرات الشي هذا كان أحسن، لأن لقب "ولد حرام" رح يلاحقه طول عمره. حتى لو تزوجتو مفيش حد بينسى الموضوع. سمير: تنهد وكمل كلام عصمان... إن شاء الله اللي صار هذا يكون درس ليكم الاثنين. ربي قادر يرزقكم وياخد الرزق في أي وقت، لكن حاجة الحرام مدومش وربي يغفرلكم ويسامحكم. نصر: كان يسمع في الكلام وهوا ساكت، منطقش بأي حرف. طق الباب وناض عصمان. عصمان: خدي سفرة القهوة من هديل... يبارك فيك يعطيك الصحة. هديل: سلمك يا بابا.

عصمان: اركبي قولي لأخوك نذير على اللي صار، لأن مفيش حد عطاه علمه. هديل: حاضر. خش عصمان ومد القهوة لسمير ورجع قعمز. نصر: قال بصوت يرجف... عن إذنكم شوية. وطلع بسرعة. *** ريحانه: بصدمة... شنو؟ كييف مفهمتش شنو اللي خذاه نذير؟ انت على شنو تحكي؟! نذير: كل القسوة اختفت فجأه. حط يده على خدها ❤️ وبنبرة صوت حنونه قال...

لو كنت مكان أمين رح نقتل اللي يفكر ياخدك مني. اللي يبي الحاجة يا ندى يتعب عليها ويدير المستحيل باش ما تضيعش من يديه زي ما درت أنا. ندى: عقدت حواجبها بإستغراب وقالت بكلام متقطع من الصدمة... كك كي كيف؟ نذير: نظرت عيونه كانت تحكي ألف شعور... أنا مش نادم على كل شي درته باش حصلتك، حتى لو كان قلبك مع غيري. رح يجي يوم وتحبيني مهما طالت المدة، أنا متأكد. ندى: نزلت من السرير وهيا تشوفله بصدمة... شنو اللي درته؟

نذير: وقف قدامها ولمس خدها بحب... كانت فكرتي لأبوك إني ناخدك ونستر عليك. وعدته وحلفت، مفيش حد يقدر يوصل فيك بكلمة ولا حتى بنظرة وحدة. وكنت واثق من كلامي لأن نعرف روحي كويس ونعرف قدرتي على حمايتك. ندى: نزلت يده من على خدها بعنف وتكلمت وهيا منفعلة بغضب وتبكي... وين شفتننننني؟ وين شفتني باش تحبني أصلًا؟ وخرت خطوات وكملت كلامها... شنو اللي ريته مني باش تحبني؟ نذير: ابتسم وفي عيونه وجع...

عيوني كانت عليك في كل مرة تمشي فيها للكلية. كنت أتجاهل في نظرات صاحباتك وكلامهم ورسايلهم. عيوني مكانتش تشوف غيرك. ✨✨✨✨✨✨✨✨✨✨✨✨✨✨✨✨✨✨✨✨✨✨ ندى: خدتها الذكريات لأول سنتين في الكلية. -مرام: قلبي ع الصبح قلبي ياناس انقذوني، ووه بنموت. -سهى: فمها معبي تاكل ومقعمزة ع الأرض... خيرك حبيبتي زي المصروعة ع الصبح؟ -ندى: تاكل مع سهى... شامة ريحة ولد أنا متأكدة. مرام هكي ديما. 😂😂😂 -مرام: حطت الشيتات ع الأرض...

أنا نبيكم تشوفو بس مش رح نتكلم. -سهى: وين وريني؟ -مرام: شوفو 🥲 الولد اللي لابس عسكري أوني بعيد. -ندى: أنا وخيتي نظري ضعيف، منجيبش ملامحه. -سهى: أووووف صاروخ، الله يبارك غزال. -مرام: قعمزت جنبهم... مريتيش شخصيته حليلي وخلاص. مستحيل يشوف لك بربع عين لين تسأليه ع شي، بس عطيني من العصير خلي نبرد ع قلبي بالله عليك. -ندى: إشربي إشربي، هادا حالك انتي. 😂 -مرام: قالو اسمه نذير. -سهى: تغسل في يديها بي شيشة ميه... انتي من قالك؟

-مرام: سألت الولد متع الكافيتيرا. يا أختي تبي معلمة زي هادي، نفوتوه؟ -ندى: هههههه وربي صحة ليك. -سهى: قامت يديها... أنا عجزت معاها البنت ذي. ✨✨✨✨✨✨✨✨✨✨✨✨✨✨✨✨✨✨✨✨✨✨ ندى: قامت عيونها بصدمة... زانتانت نفسك متع الأمن؟!!!!!!!! نذير: معبي عيونه بيها ❤️❤️... أنا نفسه اللي ما كنتيش شايفتيه ولا حاسة بيه. ندى: زادت وخرت خطوات وهيا تشوفله بحقد ونفسها سريع. نذير: حط يده ع شعرها...

كنت عارف من البداية إني رح ندير المستحيل باش تكوني في حوشي. يضحك بتوتر... واللي نبيه صار، بديتي مرتي وحبيبتي. ومع الأيام أكيد رح تتأقلمي مع الوضع وتحبيني زي ما قلبي يحبك. ندى: نزلت يده بعنف للمرة الثانية وانهارت بكي وعياط... كنت تعرففففف كنت تعرف إني نحب وقلبي عند أمين من أيام الدراسة 💔💔. كنت تعرف وتشوف فيا لما نتلاقى معاه. كنت تشوف فيه لما يجيب لي في وردة كل ما يجيني. انهارت بكي أكتر وهيا تقول... كيفففف طاوعك قلبك؟

كيف هان عليك تفرق بين زوز يموتو في بعض؟ كيففف؟ كانو أهلي رح يوافقو عليه ورح يحاول أكتر معاه. نذير: حضنها... مش بيدي، مكنتش عارف كيف نخليك ليا إلا بالزواج. ندى: تضرب وتباعد فيه... بعد من عليا، الله لا تسااااااامحك. الله لا تسامحك وكسرلك قلبك زي ما كسرتلي قلبي يا نذير. نذير: زاد ضمها لي حضنه أكتر ❤️ رغم كل الكلام اللي حكته. 💔 ندى: انهارت قوتها في حضنه واستمرت تبكي وبسن.

نذير: حملها لي السرير ورقد جنبها. قعد مستمر في حضنها وهيا مش مبطله بكي لين خداها النوم وهيا ماسكة في جاكيته. كأن مصدر بكاها هو نفسه اللي تبيه يهون عليها. أحيانًا الحنية تغلب الحب والفلوس والشكل وكل شي مميز. الإنسان يحب يعيش شعور الحنية والاهتمام من شخص ثاني، بس للأسف بعض الناس تستغل الشي هذا في أبشع طرق ممكنة. 💔 والبعض الثاني يخلق الحنية والاهتمام في قلبه حب كبير مكانش حاسب له حساب. ***

كفاح: حطت صونية الفواكه على الطاولة... خيّره حبيبي الحلو زعلان؟ أنور: كانت واضحة ملامح الهم والضيق على وجهه. 💔... كفاح. كفاح: عقدت حواجبها بإستغراب... خيرك أنور مهموم؟ أنور: في شي نبي نعترفلك بيه، لازم تعرفيه. كفاح: شنو؟ احككككي طيحتلي قلبي. أنور: تبي تعرفي علاش خذيت عمل إضافي صح؟ كفاح: كانت منتضرة باقي كلامه... أي! أنور: من 3 شهور فاتو تسلفت 7 آلاف من بوي. كفاح: علاش تسلفت؟ لي شنو؟

أنور: تذكري يوم خذيت السيارة من نجم الدين! لما مشيت بيها لغريان عشان أوراق البنات. كفاح: أي؟ أنور: درت بيها حادث وأنا مروح. لما شفتي فمي مفتوح وقتلك طحت. كفاح: حطت يديها بصدمة على فمها. أنور: تابع كلامه...

تحشمت نقول اللي صار. مشيت كلمت بوي تسلفت منه بحجة إني عندي مشروع مع صاحبي وأول ما نربح بنرده. أصلحت السيارة وقعدت حاصل في حقها. اشتغلت مع العمال يا كفاح. 💔 أنزل في بضاعة من السيارات ومش مخلي خدمة، لكن مش قادر نجمع حق شي. حاس روحي متحشم لين خلاص من بوي ومقصر في وقتي ومالي معاك ومع البنات، وأنا مش موعدكم على هكي. 💔 حط يده على وجهه ودرق عيونه... كأنه كل هموم الدنيا عليه. كفاح: ابتسمت وحضناته...

حبيبي انت خوفتني، نسحابه في شي أكبر. ذهبي كله فداك ياعمري انتي، نبيعو أي شي منه ونفكوا ضيقتك ❤️. أنور: شافلها وهوا سرحان... ذهبك؟ كفاح: وهيا مبتسمه... أي ذهبي. أنور: لالالا مستحيل، شن تقولي انتي؟ كفاح: لا مستحيل ولا شي، خلاص قررتي. أما خليتني فرحانة أنا وبناتك، انت مش حقك دهب يا عمري. أنور: ابتسم... طول عمري نقول أنا اخترت صح ❤️. ربي يخليك ليا يا قلبي وميحرمنيش منك. كفاح: ولا منك... يا الله كول حبيبي معاي. ***

رباب: منعرفش... اللي تقولي فيه نقدر عليه ولا لا. نجمة: علاشش؟؟؟؟؟ رباب: صدقيني مش مطلوب منك شي غير إن تاخدي كل ملابسك وتجي معاي بس. رباب: حطت صوابعها في فمها بتوتر... منعرفش، خليني نفكر. نجمة: ع الأقل م... قاطع كلامهم صوت الشريان. رباب: فزعت بخوف... لالالالا متفتحيش. نجمة: خليك متخافيش، بنشوف من الباب بس. رباب: أوكي. نجمة: تلفتت بصدمة لرباب... هذا يزن شن يبي فيك؟ رباب: ممكن جايك انتي، أكيد عارف إنك عندي. نجمة: نفتح؟

رباب: بكيفك. نجمة: فتحت الباب. يزن: قام عيونه... أهليين. نجمة: أهلا... أنا أديلك رباب؟ يزن: اءء لا، كنت جايلك انتي ملقيتكش وتوقعتك تكوني هنا. نجمة: تفضل؟ يزن: أمي جاتك مبكري وملقاتكش، تحشمت تدق الباب ع رباب. نجمة: بإهتمام... ليش، هيا فيها شي؟ محتاجة حاجة؟ يزن: لا، كانت تبي تقولك إن ريحانة مرت ولد خالتي ولدها توفى، وتبيك تمشي معاها تعزي. ومنها تتعرفي ع خالتي وصغارها كلهم يراجو فيك على نار. نجمة: ريحانة!!!!!!

ريحانه اللي ولدها توفى، مرت نصر. يزن: قام حاجبه... تعرفيها؟ نجمة: أي، ريحانة صاحبت رباب. رباب: شنو صاير؟ نجمة: بصدمة... يقول إن ريحانة ولدها توفى. رباب: خبطت عاى خدها بهدوء... من شنو؟ يزن: من دون ما يشوف لرباب... جاته حرارة قوية. المهم لو حابة تمشي كوني واطية نص ساعة وطالعين. رباب: الله يخليك يايزن ارفعوني معاكم. يزن: شاف لـ نجمة. نجمة: بنظرات ترجي... خليها تمشي، الدنيا ليل ومش رح تحصل تاكسي. يزن: تنهد...

تمام، مش مشكلة. *** صوت الباب كانت خبطاته قوية. نذير: وخر يد ندى من جاكيته بهدوء وبعد عليها دون ما يدير أي صوت عشان تقعد نايمة. فتح الباب وهوا مستغرب. نذير: هديل؟ خيرك شن جابك الوقت هذا؟ هديل: الدنيا مقلوبة لوطه وانت مهناش. ولد نصر توفى. نذير: بصدمة... كيييييف؟؟؟؟؟

هديل: جاته حرارة قوية يقولولها حمى. رفعوه للمشفي ويا عمري متحملش لأنه بيبي. طاحت دمعتها وهيا تحكي ومسحتها 💔. كيف روحوا توا وكلهم لوطه. قالك بابا انزل وخليك مع خوك نصر ومرته منهارررين بجديات. نذير: تمام، نازل. هديل: به هي. نذير: شنو تشبحيلي؟ بري عندي حاجة مهم نديرها ونجيك. هديل: به 😒.

نذير: رجع لي غرفة نومه، غطا ندى وغير حوايجه ونزل. أول ما طلع من الدروج شاف نصر مقعمز بروحه في الجنان. حاط يده على عيونه ويبكي منهاااار، مش قادر يشد دموعه ولا شهقات البكي اللي كان صوتها عااالي. 💔 قرب عليه نذير وحضنه بهدوء... ربي يعوض، شد حيلك ياراجل، مزال الوقت قدامك ومال صغيرين في السن الزوز، تجيبو بدل العيل 10. نصر: مسح دموعه ويحكي بغلمعصب من نفسه كيف يضعف ويبكي. سكر يده ع شكل قبضة وهوا يقول...

كنت نسحاب إن الحياة بدت تضحكلي، الزفت. حطيت عليه هلبا آمال وكنت نخطط لحياتي معاه. نذير: ربي يعوض، ربي يعوض. واستمر نذير يواسي في خوه بكلمات متداولة بين الناس. أكيد الكلمات هادي مش رح تطفّي النار اللي في قلبه، بس هادا أكتر شي كان يقدر عليه. طه: واقف وهوا داهش. نفس بسرعة والعرق ينزل من وجهه قطرة ورا قطرة. قال وعلامات الخوف يحاول يخفيها من على وجهه...

زنوضين، كلم فيك نوووضين. نووضي بلا دلع، ندوي معاك. أقسم بالله نكمل عليك ضرب، ره نووووضي. ناداها مرة واثنين وتلاتة، بس نغم كانت مهناش. غايبة على الوعي ومفيش مكان في جسمها منزفش 💔. فمها ورحمها اللي ضربها عليه خبطات متكررة. قرب عليها وحاول يفيقها، لكن كان نبضها ضعيف. رجع خطوتين للخلف وهوا يبلع في ريقه بخوف. شافلها لأكثر من دقايق وبعدين طلع بسرعة من حوشه. ***

نجم الدين: كان سارح في شيخه اللي راقدة جنبه ❤️. تفكيره كان يرفع ويجيب، ورجعله نفس الشعور بعد ما باعد عليه. يا ترى هل شيخه تحبه ولا تساير فيه عشان تضيع براحتها؟ هل صح هيا عندها خبرة في الكلام الحلو؟ وين تعلماته؟ ووين كانت تقوله ياترى! كل هادي الأفكار ماتت، لكن رجعت الدكتورة أحيتها من جديد وزرعت الشك في قلبه مرة ثانية. قاطع كل هادي الأفكار البشعة طقت الباب بقوة. ناض نجم الدين بسرعة مخلوع...

منو ممكن يطق على بابه في وقت زي هادا!؟ ناض فتح الباب وعلامات الفزع واضحة عليه. نجم الدين: شنو فيييي؟ خلعتني ياراجل. أنور: زود معاي خوك، مداير مصيبة هكي كبر. نجم الدين: طلع بسرعة مع أنور بدون تفكير.

كانت ليلة صعبة هلبا عليهم كلهم تقريبًا. 💔 كانت ريحانة مش راضية تتقبل فكرة إنها فقدت ولدها خلاص، رغم إنه هو اللي كان سبب زواجها وسبب ابتعادها عن كل شي تحبه. بس حاليًا هيا تشوف في إن حياتها انتهت وخلاص فقدت أكتر شي حبّته في حياته. 💔 رغم وجود كل الناس اللي تحبهم حواليها، أمها وبوها ورباب وحتى باقي صاحباتها اللي بوها كان رافض الاختلاط بيهم. كللللهم سمح إنه يكونوا جنبها عشان ممكن يهدوها ويدمعوها شوي.

ونغم اللي رجعت للمستشفى من جديد بعد ما أسعفها أنور ونجم الدين وبعد ما هرب طه والكل مش قادر يوصل فيه. بس المرة دي كانت نغم حالتها جدًا صعبة. وغضب بوها وخوتها وصدمت أمها خلاهم رفعوا قضية عليه وقدموا تقرير مفصل على ضربه فيه. ندى وشيخة الوحيدين اللي كانو راقدين وفاقدين الشعور في كل شي. لكن الاثنين مكانوش يعرفوا شنو يراجي فيهم!

نجمة: كانت طول الوقت مستغربة من ترحيب نبيلة وهديل بيها وفرحتهم بيها كأنهم يستنوا فيها قداش ليهم، رغم إن الوقت اللي جت فيه صعب عليهم كلهم. ومن خلال معاملتهم ليها واهتمام كريمة بيها وخوفها عليها، غادي خلاها تعرف كويس مقدار محبتهم لأمها وأنهم كانوا خوات صح. ❤️ رغم اختلاف الأم بينهم. ***

تاني يوم الساعة 12 الضهر. 🌤 كانت الشمس هادية والرياح باردة كأنها تحاول تخفف قلوب الناس اللي كانت نار. 🔥 القبر المحفور كان صغيرون، واقفين جنبه أفراد العائلة بس، ومعاهم شيخ جنبهم يقرأ في القرآن بصوته الجميل اللي يرد الروح. ❤️ حطوا فيه البيبي اللي مزال ما شاف شي من الدنيا. 💔 البيبي اللي ممكن يكون الموت له رحمة من عنده وأهون من إنه يعيش مع أم وأب كارهين بعض ويعايروا في بعض 24 ساعة. ومن غير قصته اللي رح تقعد بين الناس والطريقة اللي جا بيها ع الدنيا، رغم إنه ماعنداش فيها يد ولا له ذنب. 💔

أما الحوش كان زحمة شوي، عائلة ريحانة، عمامها وخوالها، وعائلة نصر كاملة. كان الجو متوتر لأن أغلب الناس كانوا يمثلوا إنهم مش عارفين قصة البيبي عشان ما يسببوش إحراج. لكن وجودهم في العزاء أصلًا كان مسبب حالة توتر ومش عارفين كيف يتصرفوا، خصوصًا إن خلاص القصة انفضحت عند الكل.

ريحانه: كانت حالتها تعبانة هلبا وطول الوقت فاقدة الوعي وماشية بالمهدئات. لكن الناس اللي حواليها كانوا مهتمين بيها بدرجة كبيرة، رغم إن طول حياتها كان لسانها طويل ومش مخلية حد في حاله. بس كان ربي مسخرلها الناس هادي عشان تطلع من امتحانها على خير. *** ندى: سبحان الله كيف الدنيا صغيرة. في النهاية تطلعي بنت خال نذير. نجمة: ابتسمت... ريتي ولا. هديل: ندى وين نذير نبيه؟ ندى: منعرفش، من أمس ما شفتهاش. هديل: تمام...

سيبتها وخشت المطبخ. ندى: كملت كلامها بحزن وتعب... ولا نبي نشوفه. نجمة: قاعدة أوضاعك معاه مش تمام؟ ندى: هلبا يانجمة هلبان. نجمة: سكتت لأن كان الوضع والوقت مش مناسب بكل للكلام هذا. رباب: سكرت تالفونها وهيا معصبة. نجمة: تلفتت... منو يتصل بيك؟ رباب: الحقير مزال عنده حتى وقت وجهد يلاحقني. نجمة: بهدوء. تو نهدرزو، مش وقته تو. رباب: تنهدت وهيا ترجع في تالفونها لي جيبها. *** شيخة: ركبت لي السيارة...

وشافت لي عيونه. تصدق أمبارح نومي متقطع لأنك مش جنبي، مقدرتش نكمل نومي بكل. نجم الدين: أي به. شيخة: عقدت حواجبها بإستغراب... نجم خيرك اليوم؟ نجم الدين: خيرني؟ شيخة: منعرفش، حاسة إن في شي متغير من أمس، مش على بعضك. نجم الدين: ما في شي. شيخة: مضايق من حاجة؟ نجم الدين: خلااااص الزح، قلنا ما في شي، علاش نفخ الراس هذا! شيخة: نصدمت من رد فعله، خصوصًا إن نجم الدين قدااااش ليه ما عيطش عليها. سكتت وفي قلبها غصة. ها المرة علاش؟

لأنها التكشيخة والعيطة جاتها وهيا تحبه، مش زي قبل. كفاح: كانت سابقة سلفتها في حوش العزاء. وابتسمت لما وصلتها الرسالة. كيف سددت الدين لبوي، ربي ما يحرمني منك يا غالية. خذيت منه ورقة بخط يده "وصل استلام"، حطيتها فوق الزينة. ردي بالك منها بعد ما تروحي، ضميه. وردت عليه برسالة...

عيوني فداك. وانتهت المحادثة هادي بالحب والغزل زي العادة. في علاقة كفاح وأنور بدأت رح نفهموا معنى الزواج الحقيقي، لما تكون المرأة تضحي عشان زوجها وتحب تشوفه فرحان. ولما نشوفوا الراجل يقدر مجهودات زوجها وحبها ليه، أكيد رح نشوفوا زواج ناجح. ❤️ *** تعالوا نختصر هلبا وقت وننتقلوا

بحكايتنا لمدة شهر كامل: شهر واحد بس قادر يغير حياة أكتر من شخص، قادر يفرح ناس ويهدم بيوت ناس. 💔 كانت ريحانة طول الشهر هذا تعبانة، وبسبب التعب هذا كانت طول الوقت في حوش أهل نصر مع نبيلة وهديل. ولدى حتى هي طول الشهر هذا معاها، لدرجة إن من بعد ليلة اعتراف نذير، ما تسكر عليهم ولا باب بروحهم وكان الجو بينهم في حالة توتر دايمة. طول الشهر هذا طه هارب ومفيش حد يعرف له مكان، ورباب كانت خايفة يطب عليها في أي لحظة، وكانت عايشة في رعب مينوصفش، رغم إنها كانت قاعدة مع نجمة في شقتها. أما

نجمة كان عقلها يرفع ويجيب: تهرب مع رباب؟ ولا تعيش مع خالتها وتعيش شعور العائلة اللي قداش ليها ما حستش بيه! شيخة اللي كان راجلها متغير عليها شهر تام، راجلها اللي كان ديمة راقد جنبها حتى أيام قاسية عليه، توا سكر شهر كامل ملمسهاش فيه أبدًا... شنو القصة! يزن: طول الشهر هذا كان يفكر في شي ومتردد يديره. وهل ترى لو حصل فرصة يتشجع أو يوخر! نصر: كانت نفسيته تعبانة طول الشهر هذا ومش طايق يسمع حتى سمع باسم ريحانة أبدًا. ***

الساعة 9 في الليل: -كانت الأجواء الصيفية كيف بادية والشمس بدت تطلع قوية على غير العادة. أما الليل كانت فيه النسمة حلوة ومعتدلة مش باردة. الحوش كان هدوء. والمربوعة مفيهاش غير نصر وريحانه لابسة قفطان واسع على غير العادة ووجهها تعب بشكل مش طبيعي. 💔 وسمير وعصمان. يعني الأباء. بسبت ريحانه هيا اللي تحكي بصوت تعب بعد ما سألها بوه.

ريحانه: العقاب جا من ربي وأنا رضيت والحمد لله على كل حال. موت حمودي قربتني من ربي هلبا وفهمت هلبا حاجات وناوية حياة جديدة. بس للأسف رح تكون بدون نصر. نصر: كمل كلامها وهوا يقول بهدوء... قررنا نطلقو، لأن بعد اللي صار مش قادرين نكملوا مع بعض. مفيش حاجة تجمعنا والحب والتفاهم مش موجود. كل حد فينا يبدأ حياة جديدة وربي يسامحنا ويغفر لنا. عصمان: شاف لـ سمير. سمير: متأكدين من هـ القرار؟

ريحانه: أي، وتناقشنا فيه بكل هدوء وحكمة، والاثنين محتاجين الشي هذا لحياتنا الجديدة. عصمان: بعد كلامكم معاش فيه كلام، كل واحد فيكم عقله في راسه وكبير ويعرف مصلحته وين. سمير: مظبوط يا حاج. وانتهت المناقشة بالطلاق مع رضا الطرفين، بس الزمان شنو مخبيلهم ياترى؟ *** يزن: خالتي محتاجة شي؟ كنت عندها أنا الصبح، شنو صاير! يزن: لا مفيها شي، أمورها تمام. نجمة: أما لشنو؟ يزن: شاف لـ رباب. رباب: اممممم باهي باهي، نايضة ووك.

يزن: ضحك عليه. نجمة: ها شنو احكي؟ يزن: بلع ريقه وهوا يقول... نجمة. نجمة: شنو؟ فتحي: ها يابنتي شنو وصل نجم الدين؟ فتحي: قتلته يرفعني للحاج عصمان من العزاء، معش ولينا شي. شيخة: لا يا عمي، في مرا برا معاها بيبي، مصره تبيك. فتحي: قام حاجبه بإستغراب... منو تكون؟ شيخة: منعرفش. فتحي: ناض بي العكاز متاعه لعند وصل لي باب الحوش وسأل بإستغراب... تفضلي يابنتي منو انتي؟ وجاوباته البنت بكل قوة... أنا مرت ولدك.