رواية ملجأي الفصل العاشر 10 - بقلم ايه سلامه الجابري

قمر فاقت: إيه ده أنا فين؟ عمر: انتي هنا يا حبيبتي. قمر وهي بتعيط: انت بابا بجد؟ عمر: أيوا يا روحي، بباك. أحمد ومنال: إحنا هنسيبكوا مع بعض عشان تعرفوا تتكلموا. قمر: أنا مش مصدقة، حاسة إني في حلم. عمر: أنا كمان مش مصدق، لو تعرفي أنا عانيت قد إيه أنا ومامتك سنين، وكان عندنا أمل إننا هنلاقيكي في يوم من الأيام. قمر خدت باباها من الحضن وفضلت تعيط: متسبنيش أنت وماما تاني، أنا اتعذبت من غيركوا في الملجأ.

عمر بحزن: أنا مسبتكيش يا قلب بابا، أنتِ أول ما اتولدتي عمك مدحت جابلك دادة ترعاكي وتساعد مامتك، وفجأة حصل اللي حصل. قمر: إيه اللي حصل؟ عمر: كنا خرجنا بالليل أنا ومامتك وسبناكي أمانة عند الدادة، ورجعنا ملقناكيش، والدادة كانت نايمة، ودورنا عليكي في كل مكان وملقناكيش. تعبنا أنا ومامتك أوي. قمر: وماما فين؟ عمر: متعرفش إننا هنا. قمر: طيب يلا نروح لها. عمر: استني لما تخفي عشان ماما متتضايقش لو شافت رجلك مكسورة كدا.

قمر: ماشي، طيب أنا اسمي نور بجد. عمر: آه نور، بس قمر أحلى، لأنك نورتي حياتنا. عمر: تعرفي إن أحمد كان حاسس إنك بنتي. قمر: بجد؟ عمر: أيوا، وحكالي عنك، ويشاء القدر إنو يجمعنا بيكي. قمر: ممكن أطلب منك طلب؟ عمر: اطلبي اللي انتي عايزاه. قمر: ممكن تساعدي اليتامى اللي في الملجأ وتنقليهم من المديرة دي؟ عمر: حاضر، اللي انتي عايزاه. قمر: تعرف إن منال هي اللي عرفت إن ليا أهل؟ عمر باستغراب: إزاي؟ مش فاهم.

قمر: سمعت المديرة بتتكلم عني في التليفون، وكان حد بيسأل عليا كل مرة، ولما روحت دخلنا أنا ومنال أوضتها، ولقيت الورقة فيها معلوماتي كلها. عمر بغضب: والله لأنتقم منها وأعرف مين اللي جابك الملجأ وبعدك عني. قمر: ممكن يا بابا تنادي أحمد ومنال؟ عمر: حاضر. ودخل أحمد ومنال. قمر: أحب أشكرك يا أحمد على وقفتك جنبي. أحمد بنظرة حب: مفيش شكر بينا يا قمر، ولا أقولك يا نور. قمر: قمر أحلى.

أحمد: تعرفي أنا أول ما شوفتك حسيت إنك بنت عمي، ملامحك محفوظة في خيالي. قمر وشها احمر: للدرجة دي منستنيش؟ أحمد بابتسامة: لا، عمري ما نسيتك. قمر بارتباك: شكراً إنك موجود في حياتي... حياتنا. قمر: أشكرك يا منال على مساعدتك ليا. منال: انتي أختي يا قمر، كفاية أنا فرحانة إنك لقيتي أهلك. قمر: بابا ممكن أطلب منك طلب؟ يا ريت منال تعيش معانا وتبقى فرد من العيلة. عمر: أنا كنت لسة هقول حالا، وأنا موافق، كفاية مساعدتها.

عمر: أشكرك يا منال. منال: على إيه يا عمي، دا واجبي. أحمد بضحك: خفي بقى يا قمر عشان مامتك تشوفك. قمر: أنا نفسي أشوفها جداً، هي شكلي. عمر: أيوا يا روحي. عمر بضحك: وشكلي أنا كمان. قمر بابتسامة: ربنا يخليك ليا يا بابا، ولا يحرمني منك.