رواية ملجأي الفصل الحادي عشر 11 - بقلم ايه سلامه الجابري

عمر: ويخليكي ليا يا نور عيني ولا يحرمني منك. عمر: أنا هسيبك ترتاحي في أوضتك دلوقتي. قمر: انت رايح فين دلوقتي يا بابا؟ عمر: رايح المستشفى عشان ورايا عمليات. قمر: طيب هتيجي هنا لما تخلص شغلك؟ عمر: أيوا يا حبيبتي، هاجي أطمن عليكي وبعد كدا هروح لماما عشان هتفضل تسألني لو اتأخرت، واحنا عاوزين نفاجئها. قمر بابتسامة: ماشيين. في الطريق.. أحمد: عمي عمر. عمر: نعم يا أحمد؟

أحمد: هي المربية اللي كانت مع نور وهي صغيرة اسمها إيه ومكانها فين؟ عمر: ليه يا بني؟ أحمد: حاسس إنها السبب في كل اللي بيحصل، وفي حد معاها. عمر: معقول؟ طيب إزاي؟ أحمد: ابعتلي عنوانها وأنا هتصرف. عمر: تمام يا بني. بعد ما عمر راح المستشفى وأحمد راح الشركة... محمود: أستاذ أحمد. أحمد سرحان وبيفكر في قمر. محمود: حضرتك معايا؟ أحمد: آه آه، عاوز إيه يا محمود دلوقتي؟ لازم تخضني كل شوية كدا. محمود: أنا خضيتك؟

دا أنا ساعة بنادي عليك. أحمد: معلشي كنت سرحان. محمود: سرحان في إيه؟ احكيلي. أحمد: أنت لازم تعرف كل حاجة. محمود: أه، مش صاحبك وشريكك في الشركة؟ أحمد بابتسامة: ماشي يا سيدي، هحكي. أحمد: لقيت روحي. محمود باستغراب: روحك إيه بس؟ ربنا يهديك، مالك يابني؟ أنت عيان؟ أحمد بضحكة: أنت غتت كدا، افهم، لقيت بنت عمي. محمود: بجد؟ بتهزر؟ أحمد: آه، لقيتها، أنت تعرف أول ما شوفتها عرفتها. محمود: للدرجادي بتحبها؟ أحمد: آه بحبها من زمان.

محمود: ربنا يخليكوا لبعض. أحمد: يارب يا محمود. في الملجأ... عصام البواب: ست هانم، ست هانم، في حد سابلك الورقة دي. المديرة: ورقة إيه دي؟ عصام البواب: معرفش يا ست هانم. المديرة: تمام، هات الورقة. وطلعت المديرة غرفتها. المديرة: إيه اللي في الورقة دي؟ معقولة مدحت؟ المديرة أول ما فتحت الورقة.. "انتظري أسود أيام حياتك." المديرة بخوف: معقول يكون مدحت؟ أنا بتهدد؟ والله لأقلب عليه الطربيزة وهوريه مين أنا.

المديرة: الو، أيوا يا أستاذ مدحت، أنا بتهدد. مدحت: هددتك إيه؟ مش فاهم. المديرة: بعتلي ورقة مع البواب وكاتبلي تهديد. مدحت: أنا لو ههددك هكلمك وش في وش، مش بورقة. المديرة: أمال مين باعتلي الورقة دي؟ مدحت: وأنا مالي، شوفي مين باعتلك، مع السلامة دلوقتي لأني مشغول. المديرة بتوتر وخوف: مين ياربي بس؟ أنا خايفة. المديرة: معقولة تكون قمر ومنال بيخوفوني؟ المديرة: لا لا، مستحيل، ميقدروش. مدحت في الشركة..

مصطفى: مفاجأة مش كدا يا بابا؟ مدحت: والله ولا مفاجأة ولا حاجة، عاوز إيه؟ مصطفى: جاي أطمئن عليك، أشوفك عاوز حاجة؟ مدحت: لا يا بني، مش احنا كنا في البيت؟ ولا بتتهرب من الشغل؟ مصطفى بضحك: لا إزاي، أنا جاي النهاردة بدري أهو. مدحت: ماشي يا سيدي، يلا على شغلك عشان مشغول. مصطفى: ماشي. مصطفى: صحيح يا بابا، أنا هتأخر بره، هكون مع أحمد ابن عمي. مدحت: ملقتش غير أحمد دا؟ معرفش أنت بتحبه إزاي.

مصطفى: بابا، أنت معندكش غير الكلمة دي كل مرة. مدحت: طيب يلا على شغلك دلوقتي ونبقى نتفاهم في البيت. مصطفى: عن إذنكم. مدحت: يا ترى مين بعت للمخبولة دي تهديد؟ مدحت: لازم أعرف عشان منروحش في داهية كلنا. بعد شهر... منال: قومي يا قمر. قمر: إيه يا منال؟ سيبيني أنام شوية. منال: أنتِ ناسيه ولا إيه؟ النهاردة هتروحي تفكي الجبس وهتروحي لمامتك. قمر بابتسامة: آه صح، والله الأيام عدت بسرعة يا منال، أنا محسيتش بيهم.

منال: وجت اللحظة عشان تشوفي مامتك. قمر: أنا فرحانة أوي يا منال. منال: ربنا يفرحك دايماً يا قمري. منال: طيب يلا نفطر عشان أحمد جاي ياخدك. قمر بفرحة: ماشي، يلا بسرعة بسرعة. منال: شكلك حبيتيه. قمر: مش عارفة يا منال، بس لما بشوفه بفرح. منال: ماشي، طيب يلا يا أختي. وبعد ما فطروا.. قمر: قومي افتحي يا منال، أحمد جه. منال: ماشية. أحمد: إزيك يا قمر؟ عاملة إيه؟ قمر بابتسامة: الحمد لله.

أحمد: يلا عشان نروح المستشفى عشان بالليل هنروح لمامتك. قمر: ماشي، يلا بسرعة. أحمد بضحكة: ماشي يا قمري. وبعد ما فكت الجبس في المستشفى.. أحمد: يلا يا قمر، جربي امشي كدا. قمر: ماشي. أحمد: الحمد لله. قمر: شكراً يا أحمد على وقفتك جمبي. أحمد: على إيه؟ أنا ابن عمك، ودا واجبي، أنتي غالية عندي أوي يا قمر. قمر وشها احمر: وأنت كمان. وقمر غيرت الموضوع بسرعة. قمر: يلا نروح بسرعة عشان أجهز نفسي. أحمد: ماشي، يلا.