رواية ملجأي الفصل السابع 7 - بقلم ايه سلامه الجابري

احمد: أنا بشتغل مهندس وعندي شركات استثمار وغير كمان والدي دكتور وعندو مستشفيات باسمه. قمر: ما شاء الله ربنا يوفقك. قمر: ممكن أطلب منك طلب؟ احمد: اتفضلي. قمر: أنا مش عاوزة أتعبك، أنا ومنال ممكن تشوفلنا وظيفة كويسة ونسددلك تمن إيجار البيت. احمد: سؤال بس، أنا اشتكيت؟ وحاجة كمان، انتي رجلك مكسورة وعاوزة تشتغلي؟ قمر: بس أنا... أنا... احمد: أنا إيه؟ خلاص مفيش كلام. المهم خفي انتي الأول، وأهم حاجة سلامتك.

احمد: متقلقيش يا قمر، انتي ومنال كل حاجة موجودة هنا في البيت. أنا ماشي دلوقتي. احمد: منال، خلي بالك من قمر واقفلي الباب كويس ومتفتحيش لأي حد. قمر: شكراً مرة تانية. احمد: أنا اللي بشكرك. قمر: على إيه؟ احمد وهو بيبتسم وسرحان في عينيها: لا لا مفيش، عن إذنك. منال: حاسة إنه معجب بيكي يا قمر. قمر وهي مكسوفة: لا لا يا منال. منال: ماشي وهتشوفي. في القصر... احمد: إزيك يا عمي؟ عمر: الله يسلمك يا أحمد.

احمد: تعرف يا عمي شوفت إيه انهارده؟ عمر: شوفت إيه؟ احمد: شوفت بنت تشبه نور، نفس تفاصيلها. عمر: بجد يا أحمد؟ بس ممكن متكونش هي. مرات عمر: أحمد في إيه؟ عمر: بيقول في بنت شبه نور، بنتنا اللي اتخطفت من 18 سنة. مرات عمر وهي بتعيط: بجد بجد يا أحمد؟ معقول تكون هي؟ طب يلا نروح لها. احمد: طب استني شوية، وأنا هبقى أجيبها عندنا وتشوفيها. عمر: يابني أنا مش عاوز أعشم نفسي إنها عايشة، أنا تعبت.

احمد: هجيبها قريب وتشوفوها وتكلموا معاها. عمر: ماشي يابني، كتر خيرك. في البيت... منال: قمر انتي لسة منمتيش؟ قمر: لا، بفكر في حالي وبشوف هوصل لإيه. منال: هتوصلي لأهلك قريب. قمر: إمتى دا يا منال؟ منال: لما ربنا يريد، تفائلي. قمر: إن شاء الله. بتمنى... قمر: تعرفي إن أحمد دا طيب أوي. منال: أيوة والله، شكلك عجبتي بيه. قمر: ها... لا لا. منال: طيب يا أختي، يالا ننام ونشوف هنعمل إيه.