رواية ملحد سرق قلبي الفصل السابع 7 - بقلم لؤلؤة محمد

رسلان: وأنا كمان يا عمي عاوز أتجوز البنت القمر دي. عبدالهادي بضحك: وانت عاوز تتجوزها ليه انت كمان؟ رسلان: انت يعني ياعمي مش حاسس إني بحب بنتكم. محمد بغيره على أخته: ما تتلم يالا فيه إيه. رسلان: وربنا بعشقها. خالد بغيره هو كمان: لأ ده انت عاوز يتعلم عليك بقى. عبدالهادي: خلاص يا شباب. رأيك إيه يا ملاك يا بنتي؟ ملاك بكسوف وهدوء: اللي تشوفه حضرتك يا بابا. عبدالهادي:

يبقى على بركة الله. كتب كتابك انت ومحمد الخميس الجاي بإذن الله. الكل بيفرح وبيباركوا لبعض وبتعدي الأيام بسرعة وبيجي يوم الخميس. رسلان: يا ولاد بلدنا يوم الخميس. خالد: تيرارارار. رسلان: هكتب كتابي وأبقى عتريس. خالد: تيرارارار. رسلان: والدعوة عامة. خالد: وهتبقى لوهم. محمد بص لهم بجنب عينه: مش هتبطلوا هبل يعني. رسلان: طب ماتبطل انت نكد وافرح شوية. ده حتى زي كتب كتابك يا جدع. محمد:

خليك في حالك واتهدوا واقعدوا في جنب بدل ما أقوم لكم. خالد قعد ومحمد ورسلان كملوا لبس. رسلان لبس بدلة كلاسيك سودة وقميص أبيض. محمد لبس بنطلون جينز أسود وقميص أبيض وبليزر أسود. وخالد لبس تشيرت أبيض وبنطلون جملي. عند البنات، حور لابسة فستان أوف وايت هي وملاك وخمار من نفس لون الفستان. وقمر لابسة فستان زهري وخمار أبيض.

بعد فترة، المأذون بارك الله لكما وبارك عليكما وجمع بينكما في خير. اتكتب كتاب رسلان وملاك وبعدهم محمد وحور وسط فرحة الكل. عبدالهادي: يلا يا أم محمد حطي الأكل لمحمد وحور في الأوضة اللي على السطح. ورسلان وملاك في الصالون. حنان: حاضر يا حاج. في الوقت ده، استغل خالد إن مفيش حد مركز معاه وقرب من قمر. خالد: بقولك إيه يا جميل انت. بما إن أنا سنجل وانتي سنجل، ماتيجي أنا أفق _علك عين وانتي تفق _عيلي عين ونعيش عور إحنا الاتنين.

قمر: ماتيجي أفق -علك عينك الاتنين أنا عشان تتلم وتعرف إن الله حق. خالد: يخربيت العن _ف اللي فيكي. وبعد عنها بسرعة. رسلان وملاك قعدوا في الصالون. ومحمد وحور طلعوا على السطح. كان السطح واسع وفيه أوضة بسيطة كده على السطح فيها تلات كنبات وطرابيزة ومروحتين. وكان شكلها جميل جدا. محمد: طب إيه هنفضل ساكتين كده؟ حور: هقول إيه يعني؟ محمد: بحبك. حور بصت له بصدمة وزهول. محمد: اقفلي بؤك يا روحي أحسن شكلك عبيط أوي. وضحك.

حور بصدمة: هو انت بتضحك يا محمد؟ محمد: وايه المشكلة بس يا حوري؟ حور وهي بتحط إيدها على جبهته: هو انت تعبان والا سخن والا فيك إيه؟ محمد وهو بيمسك إيدها من على جبهته: فيا إن بحبك يا حور. حور انكسفت جامد وبصت في الأرض. محمد رفع وشها: ممكن متحرمنيش من العيون القمر دي أبدا. ومسك الشوكة وبدأ يأكلها. عند رسلان: إيه يا لوكه. هنفضل باصين للأكل كده كتير؟ ملاك ساكتة ومش بتتكلم. رسلان وهو بيحط إيده على خده بيأس:

يابنتي هو انتي فيه حاجة واكلة لسانك؟ أنا بقالي ساعة بتكلم وانتي ساكتة. ... طب إيه ... ياختاااااااااااااااااا. خدت ملاك من صوته اللي علي فجأة وبصت له بزهول. ملاك: فيه إيه؟ رسلان: انتي اللي فيه إيه. أنا بتكلم بقالي ساعة. ملاك: هقول إيه طيب. رسلان: كلي يا لوكه. كلي يا حبيبتي. بره عند عبدالهادي. خالد بصوت عالي: أبااااااا. أنا عايز أتوز. عبدالهادي: طب ما تتجوز. هو أنا منعتك؟ خالد: ماهي مش راضية. أفقع لها عين. عبدالهادي:

والله يابني الله يكون في عونها. ده ربنا هيبتليها. خالد: ليه كده بس يا حاج. ده أنا حبيبك. عبدالهادي: عايز إيه يا خالد؟ خالد: عايز أتجوز قمر. قمر اتكسفت وبصت في الأرض. عبدالهادي: إيه رأيك يابنتي؟ قمر: حضرتك زي والدي يا عمي. واللي حضرتك تشوفه أكيد فيه الصح. عبدالهادي: طب انتي لسه قايلة إني زي والدك. يبقى تقوليلي يا بابا. قمر عيونها دمعت: حاضر يا بابا. خالد: بلاش اللؤلؤ ده بس اللي بينزل من عيونك دول.

قمر اتكسفت جامد وشها احمر. عبدالهادي: ما تتهد يالا بدل ما أرفضك ويبقى مفيش جواز. خالد: خلاص يا حاج هسكت أهو. وربع إيده وسكت. اليوم خلص وسط فرحة ولغبطة مشاعر. تاني يوم. حور: محمد ممكن أطلب منك طلب؟ محمد: انتي تؤمري يا روحي. لو عاوزه عمري ما يغلاش عليكي. بس لو طلبتي قلبي مش هعرف. حور بكسوف: اشمعنى؟ محمد: لأنه معاكي أصلاً. إزاي تطلبيه وهو معاكي؟ حور: هو انت إزاي اتحولت كده يا محمد؟ محمد: إيه مش عاجبك؟ نرجع للأول تاني؟

حور: لأ لأ خلاص. عاجبني. محمد: ونبي انتي اللي عاجباني. رسلان بصدمة: محمد انت انحرفت إمتى؟ محمد بغرور مصطنع: طول عمري منحرف. بس كنت مستني اللي يوجهني. رسلان بصدمة أكبر: وكمان بتهزر؟ بت يا حور انتي غيرتيله حجارة والا إيه؟ فرمطتي الواد يا قادرة. من يوم واحد. أومال بعد أسبوع هيحصل إيه؟ محمد وهو بيمثل الحزن:

لأ وخد المفاجأة. أختك بتقولي فرفش كده عشان ناويه أشغلك رقاصة. وأنا أقولها أبدا. ده أنا طول عمري شريف وباكل اللقمة بعرق جبيني. تقولي وهو انت لاقي تاكل. رسلان بيبص لحور بصدمة. وحور باصة لمحمد بصدمة وزهول. محمد: ومين قالك إني شيخ؟ أنا مش شيخ. حور: أومال انت إيه؟ محمد بغمزة: أنا بحبك 😉. حور انكسفت وجريت على المطبخ. ورسلان فضل واقف مصدوم ومش مصدق اللي بيحصل قدامه. محمد بصله بجنب عينه:

طب ماتقفل بؤك ده بدل ما يدخل فيه فار والا حاجة. رسلان: أنا مش مصدق. محمد وهو بيسيبه ويمشي: لأ صدق. بيروحوا الرجالة يصلوا الجمعة. وهما خارجين من المسجد بيلاقوا واحد خارج من المسجد. هما عارفينه كويس جدا. وكلهم بيبصوله بصدمة. رسلان بصدمة وزهول: انت بتعمل ايه هنا؟