رواية ملحد سرق قلبي الفصل السادس 6 - بقلم لؤلؤة محمد

محمد: بابا أنا عاوز أتجوز حور. عبدالهادي: إيه رأيك يا حور؟ حور: يا عمي أنا مش هنفع مع محمد ابنك. عبدالهادي: ليه كده يا بنتي؟ حور: يا عمي محمد محترم. خالد بضحك: وحور قليلة الأدب مش هينفعوا مع بعض. حور: أول مرة تقول حاجة صح. عبدالهادي: ربنا يهديكم عشان أنا تعبت معاكم بجد. رسلان: طلقنا لو مش عاجبك. محمد بهدوء: لو سمحت يا بابا ممكن أقعد مع حور شوية لوحدنا. عبدالهادي: إيه رأيك يا حور؟ حور: ماشي يا عمي. عبدالهادي: هتقعدوا هناك قدام عينينا يا محمد. محمد: حاضر. تعالي يا حور. قعدوا قريب منهم شايفينهم بس مش سامعين. محمد: ممكن أفهم سبب رفضك ليا؟ حور: بصراحة يا محمد أنا كنت بحب مديري مايك. محمد بصدمة وزهول: الملحد!!! حور بحزن: والله مش بقصد، فجأة لقيت نفسي بحبه والقلب مبيفرقش يا محمد. محمد: بس ده ملحد يا حور وأظن مش هينفع تتجوزيه. حور: هتوافق تتجوزني وأنا بحب غيرك؟ محمد: بصي يا حور هنعمل فترة خطوبة وبإذن الله هتنسيه في الفترة دي ولو منسيتيهوش هننفصل بكل هدوء. محمد: برضو في فترة الخطوبة ممكن أعجبك. حور: ماشي موافق. محمد: بس هنكتب الكتاب عشان نخرج مع بعض وميبقاش فيه غلط. حور: ماشي. بيقوموا يقعدوا مع الجماعة. محمد: بابا حور موافقة. عبدالهادي: يبقى توكلنا على الله، كتب الكتاب الخميس الجاي. الكل بيبدأ يبارك لحور ومحمد بفرحة. فجأة بيتكلم رسلان: وأنا كمان عاوز أتجوز البنت دي.