رواية ملك الاسد الفصل العاشر 10 - بقلم ملك ابراهيم

وايلن راحت الدرس وهي ماشية بتعدي الطريق عربية جت وكانت هتخبطها وهي صوتت وحطت إيدها على وشها وهي خايفة. نزل صاحب العربية وقال: "إيه الغباء ده؟ مش تاخدي بالك وإنتي بتعدي الطريق ولا إنتي ماشية عمية ولا إيه؟ إيلين اتعصبت جامد وقالت: "أنا عمية يا حي*وان اللي متربتش! الشاب بغضب شديد: "أنا حي*وان؟ طب وحياة أم*ك مانتي بايته في بيتك الليلة دي! تعالى وشدها على العربية غصب عنها وهي عمالة تصوت ومكنش في حد في الشارع.

إيلين بعصبية: "افتح العربية حالاً وإلا هزعلك يا عم الأمور، إنت متعرفنيش." الشاب بسخرية: "وإنتي كمان متعرفنيش باين عليكي، عشان لو كنتي تعرفيني مكنتيش هتقلبي أدبك عليا." إيلين بعصبية: "أنا قليلة الأدب يا ابن الـ... الشاب بعصبية وهو حط إيده على بقها: "هشششش! اخرسي، لو كنتي قولتيها كنت هعمل معاكي حاجة مش هتعجبك." إيلين خافت وقالت: "إنت مين؟ الشاب بهدوء: "محمد الحمزوي."

إيلين اتصدمت وخافت جداً لما سمعت اسمه، مكنتش قادرة تتكلم أصلاً. محمد ضحك وقال: "ههههههه القطة كانت بتقول من شوية هزعلك، فين بقا ده؟ حضر التوتر مش الزعل خالص." إيلين بخوف وهي بتقطع في الكلام: "أنا... أنا... أس... فة." محمد بسخرية: "كان على عيني والله إنك تبقي كويسة، لكن نعمل إيه بقا؟ لسانك أطول منك." إيلين بدموع: "نزّلني بقا حرام عليك، أنا مش عارفة أقولك إيه." محمد باستغراب: "تقولي إيه؟ مش فاهم." إيلين

ركزت في كلامها وقالت: "أنا بقول أسفة، أنا عندي درس وعايزة أروحُه، نزّلني لو سمحت." محمد بعند: "طب وقلة أدبك نعمل فيها إيه؟ إيلين بعصبية: "بقولك نزّلني! محمد بعصبية: "وأنا محدش بيأمرني، أنا اللي آمر بس، سامعة؟ إيلين بتفكير: "طب أنا عارفه ابن أخوك فين؟ محمد بصدمة وقف العربية و..... عند نسرين وسيلين. تعالوا نتعرف على سيلين وصقر.

صقر يبقى ابن عم أسد وصاحبه جداً، عصبي جداً جداً في شغله، بس غلط غلطة خلتو يكره نفسه بجد، هنعرف عمل إيه في الرواية. سيلين الحمزوي. سيلين تبقى أخت أسد وأمير ومحمد. سيلين كانت بتشتغل في أمريكا دكتورة عيون ورجعت بنت جميلة جداً جداً، شعرها أشقر وعنيها بني وبشرتها بيضة وقمر من الآخر. مش أخت الأسد بقا عندها 23 سنة. كان ليها علاقة بصقر بس حصل مشاكل وسابوا وهنعرف برضه في الرواية. نرجع لرواية. سيلين كانت بتسمع وهي مصدومة جداً

ونزلت دموع وقالت: "إزاي يعمل فيكي كده الزبالة ده؟ أقسم بالله هندمها وهخلي أسد يوريها." نسرين بصدمة: "إنتي تعرفي أسد بيه؟ سيلين: "أسد يبقى أخويا، وبعدين إنتي تعرفي؟ نسرين بدموع: "أيوه هحكيلك أعرفُه إزاي." ونسرين حكت كل حاجة. سيلين: "طب مسمعتيش كلامه ليه؟ نسرين بعياط: "مكنتش أعرف إن هيحصلي كده، أنا غبية أوي بجد غبية." سيلين بحنية وحب وهي بتحضن نسرين:

"حبيبتي اهدي، أنا هساعدك وأسد هيساعدك، أسد طيب أوي مبحبش يسيب حد محتاجله." نسرين بدموع: "بجد يا سيلين يعني إنتي مصدقاني؟ سيلين بدموع: "طبعاً مصدقكي، وزي ما إنتي وقفتي جنبي وصدقتيني أنا كمان هقف جنبك وهساعدك مهما كان التمن، متقلقيش أنا معاكي." عند أسد كان في المستشفى مستني الدكتورة تخرج. والدكتورة خرجت. أسد: "خير يا دكتورة مراتي مالها؟ الدكتورة:

"لا مفيش، هي كان عندها انهيار عصابي والحمد لله بقت كويسة دلوقتي، تقدر تدخل تطمن عليها." أسد: "تمام." وبص لصقر وقال: "خليك إنت هنا لحد ما أشوفها هتقول إيه." صقر: "تمام يا أسد." وأسد دخل وقال ببرود: "حمد الله بالسلامة، هااا مين بقا اللي كان معاكي في الكهف؟ احكي أنا سامعك." مليكة بعياط....... أسد..........