رواية ملك الاسد الفصل الحادي عشر 11 - بقلم ملك ابراهيم

مليكه بعياط: حاضر هحكيلك كل حاجة. فلاش باك. من حوالي 5 سنين كانت مليكه قاعدة وحضنه زيد وبتعيط، والباب خبط. مليكه مسحت دموعها وراحت عشان تفتح الباب. مليكه بحزن: أفندم مين؟ مجهول بخبث: انتي بقا مليكه اسد؟ بحكيلي عندك كتير. مليكه دموعها نزلت غصب عنها: اسد في السجن بسبب حاجة حصلت غصب عنه وأنا مش عارفة أعمل إيه بجد. مجهول بسخرية: طب لو قولتلك إني أقدر أطلعه منها ويرجع شغله كمان؟ مليكه بصدمة وفرحة: بجد!

أنا هعملك أي حاجة تطلبها. مجهول بتحذير: تمام، هقولك أنا عايز إيه، بس عارفة لو قولتي لـ أسد أي حاجة هرجعه السجن تاني وهجيبله إعدام. سامعة؟ مليكه بتوتر وخوف: فاهمة، بس انت مين وعايز إيه؟ ممكن أقدر أعمل إيه يعني؟ مجهول بخبث: حاجة بسيطة جداً، بعد ما أطلع أسد تجيلي على مكان هكلمك وأقول فين، ولما تيجي هقولك تعملي إيه، وأه هاتي زيد معاكي. مليكه بتوتر: ماشي، بس أسد هيخرج امتى؟ مجهول: النهارده.

مليكه فرحت جداً، وبعدين المجهول ده مشي. (وبعد كده لقيتك خرجت، فرحت أوي. وبليل المجهول ده كلمني وقالي العنوان اللي أرحلوا فيه وطلب مني أرمي زيد وإلا هيقتلك ويقتل زيد. أنا خوفت جداً، وبعدين أجبرني على كده.

وكملت بعياط شديد: رميته، رميت زيد في الشارع. وبعدين قالي أرفع قضية خلع وإلا هينفذ تهديده، وعملت كده فعلاً. وبعدين خطفني وفضل حبسني في مكان مش عارفة هو فين لمدة سنتين. فضلت محبوسة معرفش عنك وعن زيد أي حاجة، وصدقني يا أسد هي دي الحقيقة) باك. أسد بشك: طب حتى لو كلامك صح، مين المجهول ده؟ مليكه بدموع: معرفش والله، أنا عملت كل ده عشانك انت وزيد يا أسد. أسد: تمام يا مليكه، هعرف كل حاجة. ومشي. عند محمد. محمد

اتصدم ووقف العربية وقال: إزاي انتي تعرفي حاجة؟ ايلن بخوف: أيوه اعرف، بس بس... محمد: بس إيه؟ اخلصي. ايلن بدموع: بس متتاخدهوش مني. محمد باستغراب: متتاخدهوش مني إزاي يعني؟ اتكلمي، وإنتي مين أصلاً؟ ايلن بدموع: أنا ايلن، اخت أيوب الصغيرة، وزيد أنا بحبه أوي، سبهولي ونبي. محمد باستغراب: إنتي اخت أيوب؟ طب إزاي؟ لو سمحتي قوليلي زيد فين ولقيتيه إزاي أصلاً. ايلن بحزن: هقولك. فلاش باك.

من 4 سنين كنت ماشية رايحة الدرس بتاعي عادي، كان عندي في الوقت ده 14 سنة. لقيت ولد صغير عمره سنتين عمال يعيط. قربت منه وقلتله: مالك يا حبيبي؟ فيه إيه؟ زيد بعياط طفولي: عايز ماما، ماما رمتني. ايلن بحزن: يا قلبي، طب انت اسمك إيه؟ زيد بدموع: اسمي زيد أسد الحمزوي. ايلن حضنت زيد وقالت بحنية: طب إيه رأيك تيجي تقعد معايا ونبقى إخوات يا زوز؟ زيد بدموع: ماشي، بس عايز ماما. ايلن عينيها دمعت وقالت: حاضر يا حبيبي، هدورلك عليها.

باك. ايلن بعياط: بس هو ده كل اللي حصل. محمد: يعني هو معاكي دلوقتي؟ ايلن بدموع: أيوه، بس انت هتاخده وهتطرد أيوب صح عشان هزقتك؟ محمد بفرحة: أطرد مين؟ إنتي وأيوب تطلبوا أي حاجة وأنا انفذ. وأيوة، هاخد زيد، أنا مصدقت لقيته. شكراً بجد ليكي، ولو عايزة تشوفيه كل يوم تعالي اقعدي معاه زي ما انتي عايزة، يا ستي. ايلن بحزن: يعني مش هشوفه تاني؟ مش هيرخم عليا تاني؟ لا، أنا بحبه أوي، مش عايزة حد ياخده مني.

محمد بضيق: على فكرة إحنا أهله. ايلن بعصبية: أهله إيه وزفت إيه؟ الولد كان بيقولي ماما رمتني. محمد بهدوء: ده حاجة متخصكيش، وأنا عايز أشوف زيد. ايلن وهي بتبص في الساعة بصدمة، وبعدين بصت لمحمد بعصبية وقالت: حسبي الله ونعم الوكيل، عجبك كده؟ أول حصة فلسفة محضرتهاش. محمد بصدمة: إنتي بتحاسبيني عليا؟ وبعدين اتكلم عادي، هعوضهالك، متخفيش. يلا قوليلي بيتك فين؟ ايلن بحزن: طب انت هتاخده النهارده؟ محمد: أيوه.

ايلن بحزن: طب تعال بكرة يا عمو، لو سمحت. محمد نزل ضحك جامد. وايلن قالت بمزح: فيه إيه؟ قولت حاجة تضحك يعني؟ محمد بضحك: أنا عمو؟ ده إنتي بجد كارثة. ايلن: طب قولت إيه يا عمو؟ محمد: بقولك إيه، متقوليش عمو، أنا مش كبير أوي كده، وبعدين كلمة عمو دي أنا مش موافق أصلاً. ايلن بدموع: ونبي يا عمو وافق. محمد بضحك: ياربي! بجد يا بنتي أنا عندي 25 سنة، خليتيني عمو ليه؟ ايلن: خلاص، آسفة يا اللي مش عمو. موافق بكرة؟

بكرة كلمني وهقولك فين بالظبط، تمام. اكتب رقمي عشان أكلمك. محمد بضيق: تمام، قولي. ايلن: ************* محمد: تمام، بس عارفة لو بتضحكي عليا هتزعلي مني، تمام؟ ايلن: تمام، سلام. ومشت. ومحمد مشي وهو فرحان جداً. عند نسرين. سيلين: نسرين، أنا ماشية، وصدقني الموضوع ده هيخلص. مصطفى من وراها: موضوع إيه؟ نسرين اتخضت وسيلين و... يتبع...