رواية ملك الاسد الفصل السابع 7 - بقلم ملك ابراهيم

وبعد كده امير ومحمد واسد خلصوا فطار وكل واحد خرج. اسد وهو خارج شاف مليكة. اسد بصدمة شديدة: مليكة! انتي جاية هنا برجليكي؟ مش رجليكي دي يا قطة خلتك تهربي وترفعي عليا قضية خلع وتاخدي ابني وتهربي؟ مليكة بعياط: والله العظيم يا اسد أنا... اسد بعصبية: انتي ايه؟ انتي حسابك معايا عسير. فين ابني؟ مليكة بعياط: رميته في الشارع بأيدي. اسد بصدمة... عند نسرين. كانت نايمة على السرير وفقت وانصدمت لما شافت مصطفى ابن حورية قاعد جنبها.

نسرين بخضة: أنا إيه اللي جابني هنا؟ أمك مرمتنيش في الشارع ليه؟ كتر خيرها والله إنها نامتني كمان على السرير. وبعدين دموعها نزلت وهي مقدرتش تحكم فيها وقالت: السرير اللي خلتك وخالت اتنين غيرك... مصطفى: إيه إيه كل ده؟ وبعدين انتي بتمدي إيدك على أمي؟ نسرين بعياط وعصبية: أيوه بمد إيدي عليها وهخليها تتمنى الموت. مش هسيب حقي. مصطفى ببرود: ده اللي هو إزاي يعني؟

وبعدين انتي متقدريش تعملي حاجة أصلاً. محدش هيساعدك بعد ما كل اللي في العمارة شافوكي وانتي خارجة من البيت بم*لاية. نسرين بعياط وعصبية: أنتم اللي عملتوا فيا كده. وبعدين مين قالك إني محتاجة حد يساعدني؟ تعرف يا مصطفى أنا كنت فاكراك أخويا اللي هتحميني، لكن واضح إني غلطت. طلعت واط*ي وزب*الة وحي*وان وق*زر وبتاع أم*ك عشان تسمع كلامها في اللي عملتوه فيا.

مصطفى ببرود: معاكي حق الصراحة. وبعدين أنا مش أخوكي أصلاً يا نسرين. أنا ابن مرات أبوكي، ولا نسيتي؟ نسرين بدموع: لا منستش، بس كنت فاكراك أخويا. بس طلعت زبالة. اتفوووو. مصطفى ضرب نسرين بالقلم جامد. ونسرين مسحت دموعها وقامت من على السرير وقالت: بصي بقا، أنا مش هقولك إنك مش راجل والكلام ده، لإنك فعلاً مش راجل. بس أنا هخليك تتمنى الموت ألف مرة، أنت وأمك والعيال الزب*الة اللي كانوا معاك. مصطفى بعصبية: أنا مش راجل؟

طب أنا هوريكي اللي مش راجل هعمل فيكي إيه. نسرين بدموع: هتعمل إيه أكتر من اللي عملتوه؟ هتكرروها تاني ولا إيه؟ مصطفى كان هيتكلم بس حورية دخلت. حورية ببرود: آه يا حبيبتي، عادي لو عملتها تاني. نسرين بصت لها باستحقار وقالت: انتي أصلاً لو كنتي جاية من بيت محترم كنتي هتعلمي ابنك الاحترام. لكن انتي جاية من بيت واط*ي. شفتي بقا. حورية شدتها من شعرها: طيب أنا هوريكي يا نسرين. نسرين بعياط: حرام عليكي بقا، سبيني في حالي.

حورية ببرود: أنا ممكن أسيبك، بس بشرط. نسرين بدموع: إيه هو؟ حورية: هو مش شرط، هو أمر. تتجوزي مصطفى. وأظن كده عملت معاكي واجب يا بنت عبدالحميد. نسرين بعصبية: ده لو آخر راجل في الدنيا مش هتجوزه. حورية بتحدي: طب هنشوف كلام مين هيمشي. عند اسد. اسد بصدمة: رميتي مين؟ رميتي زيد؟ انتي بتهزري؟ وبعدين اتكلم بعصبية: فين ابني؟ مليكة خافت وقالت: والله العظيم غصب عني عملت كده عشان بحبك. اسد بعصبية: بتحبيني؟

لا والله كتر خيرك. بتحبيني تحرقي قلبي وكمان ترمي ابنك في الشارع؟ مليكة بعياط: مش أنا اللي عملت كده. واحد هو اللي قالي أعمل إيه. اسد بعصبية: وانتي فاكرة إني هصدق واحدة زيك صح؟ مليكة بعياط: والله العظيم هو ده اللي حصل. مش هقدر أقولك أكتر من كده. اسد بعصبية شدها من إيديها وركبها العربية، بعدين مشي. مليكة بتوتر: اسد، انت موديني على فين؟ اسد مردش عليها وفضل ماشي. عند محمد. كان قاعد في المكتب والسكرتيرة دخلت.

سارة باحترام: محمد بيه، في واحد اسمه أيوب الحسني بره عايز يقابل حضرتك بخصوص شغل. محمد: تمام، دخلي. سارة: حاضر. وأيوب دخل. اتفق هو ومحمد على الشغل، وبعدين راح شغله. عند امير. كان في المدرسة وشاف بنت هو بيشوفها كتير وكان عايز يتعرف عليها من فترة. امير بتوتر: أهلاً. البنت: أهلاً إيه؟ انت مين؟ امير باستغراب: نعم؟ هو انتي مش عارفاني؟ البنت: مش واخدة بالي. وبعدين ركزت: آه، انت امير الحمزاوي. امير: آه. أنا ممكن طلب؟

البنت: اتفضل. امير: ممكن نتعرف؟ البنت: أيوه، بس أنا مش بتاعت الحاجات دي. امير باستغراب: حاجات إيه؟ البنت: جو التعارف والكلام ده. امير: ليه؟ على فكرة علاقة التعارف بينا هتبقى محدودة. البنت: تمام، مفيش مشكلة. أنا إيلا. امير بابتسامة: عاشت الأسماء. اسمك حلو. إيلا بابتسامة: شكراً ليك. ممكن سؤال؟ امير: اتفضلي. إيلا: هو اشمعنى أنا؟

امير: عشان شايفك محترمة، مش بتحطي ميك آب، محترمة، محجبة، مش بتبيني شعرك. شخصيتك عجبتني بصراحة. إيلا بابتسامة: بجد شكراً أوي على كلامك. وبعدين مش بعمل حاجة غلط، أنا برضي ربنا. امير بابتسامة: ونعم بالله. تعالوا نتعرف على إيلا. إيلا، اخت إيلين التوأم، بنت جميلة جداً، عندها 18 سنة، في ثانوي عام. عند نسرين. حورية بخبث: ودلوقتي بقا هنشوف كلام مين هيمشي. نسرين بتحدي: اعملي اللي انتي عايزاه، مش هستسلم وهخد حقي.

حورية ببرود: خدي حقك بقا وانتي مربوطة ومحبوسة كده. عند اسد. مليكة بعياط: حرام عليك يا اسد، انت ليه مش مصدقني؟ اسد بعصبية: لحد ما ألاقي ابني، هنشوف بقا إذا كان كلامك صح ولا غلط.