رواية ملك القاسي الفصل الحادي والعشرون 21 - بقلم شمياء شاكر

الجده بأبتسامه: أدهم طلب أيدك يا وعد… وأنا وفقت… ولو وفقتي… كتب كتابكو الخميس اللي جاي. وعد بصت للجده بصدمه: طلب أيدي أنا!!!! كامل بغضب: طلب أيد مين….. أدهم ابني الظابط.. يتجوز دي…. ده على جثتي…. أدهم بضيق: بابا… أنت بتقول أي…. أنا بحب وعد وعايز اتجوزها…

كامل بغضب: بقولك على جثتي يا أدهم… أنا مستحيل أوافق على المسخرة دي…. أنا أساسًا متقبلتهاش تكون واحدة من العيلة…. هتقبلها تكون مرات ابني… أنت اتجننت….. دي هتعمل زي أمها…. هتهرب يوم فرحها….. وهتعرنا كلنا…. الجده بغضب: كاااامل… أنا قولت وعد هتكون لأدهم وده آخر كلام عندي… وبطل بقا تفكيرك المريض ده…. كامل بغضب: بصي يا ماما….. جواز البنت دي من ابني… قصاد وجودي هنا…. لو أدهم اتجوز البنت دي.. مش هتعرفيلي طريق….

كامل سابهم وطلع شقته…. وعد بصت في الأرض…. وعيونها لمعت بدموع. كلام خالها كامل جرحها أوي…. بغض النظر أنها مكنتش بتفكر في أدهم خالص… ولا كانت تتوقع أنه يطلب يتجوزها…. بس للدرجة دي خالها كامل بيكرهها…. الجده بضيق: اتجنن ده ولا إيه…. أدهم بأحراج: وعد… وعد مسحت دموعها: بعد إذنكم…. وعد دخلت أوضتها…. الجده ساندت أدهم وقعدته…. أدهم بضيق: أنا مش عارف بابا بيعمل كده ليه….

أدهم بص لجدته: جدتي… أنا بحب وعد…. صدقيني بحبها أوي… وهحافظ عليها… مش هقدر اتخيل حتى تكون لغيري…. الجده طبطبت على كتف أدهم بضيق: متقلقش… أنا هكلم أبوك…. الجده ساندت أدهم… وطلعوا شقة كامل…. نيمت أدهم على سريره.. ولسه هتمشي.. أدهم مسك أيديها: أرجوكي يا جدتي… تقنعي بابا بأي طريقة…. الجده ابتسمت: هيحصل…. الجده دخلت لكامل البلكونة… ووقفت جنبه: ممكن أفهم أنت رافض الجوازة لي..

كامل بضيق: كده… البنت دي هتعمل زي أختي يا ماما…. أنا بتكسف لغاية دلوقتي أقول على فيروز أختي…. الجده تنهدت بضيق: اللي حصل زمان ملوش علاقة بوعد خالص يا كامل…. يا حبيبي ابنك بيحبها… متكسرش قلبه عشان غرورك…. كامل بص الناحية التانية…. الجده ابتسمت بمكر: هو أنت مفكر أنا عايزة أزوجهاله عشان بيحبها وبس… كامل بص لمامته باستغراب…. الجده كملت بابتسامة: يا حبيبي وعد ليها ورث عندنا وده كلام خلصان…. كامل كشر وبص قدامه….

الجده ابتسمت: ومش بس كده… ده هيكون ليها ورثها وورث أمها… يعني هيكون معاها قد ابنك.. مرة ونص في الورث… وطبعًا إحنا مش هنقدر نخالف أوامر ربنا… أعوذ بالله…. كامل بغضب: يعني إيه الكلام ده… الجده بابتسامة: اهدي بس واسمع… فكر معايا كده… لو وعد وأدهم اتجوزوا… ورث وعد هيكون لمين…. كامل بص للجده بتفكير…. الجده كملت: يعني ابنك هيكون معاه ورثه… وورث وعد كمان…. ولو وعد اتجوزت راجل غريب… ورثها هيكون للراجل الغريب….

كامل بص لأمه بتفكير: صح… أنتي صح يا ماما…. الجده بابتسامة مكر: فهمت بقا.. أنا ليه مصره على جوازهم… كامل هز رأسه بابتسامة: خلاص يا ماما.. أنا وفقت على جوازهم…. الجده ابتسامتها وسعت: طيب يلا روح لابنك وفرحه بكلامك…. كامل هز رأسه بابتسامة ومشي…. الجده تنهدت براحة…………………………….. وعد قاعدة على سريرها… ودموعها بتنزل جامد… واليأس متملك منها…. الباب خبط… وعد مسحت دموعها كويس: اتفضل….

الجده دخلت بابتسامة… وأول ما شافت دموع وعد.. ابتسامتها اختفت…. الجده راحت قعدت جنب وعد: لسه زعلانه من كلام خالك… وعد بصت في الأرض ودموعها نزلت: يعني جت عليا… قلبي موجعنيش زي كل مرة… كأنه خد على الجرح الوجع…. الجده مسحت دموع وعد بحزن: أنا مقدرش أشوفك كده… روّقي كده وكل حاجة هتبقى زي الفل… بس متعيطيش…. وعد بصت للجده ودموعها نزلت: أنا حاسة إني تعبانة أوي… مخنوقة…

وعد صوت عياطها بيعلى: خلاص يا جدتي… أنا تعبت… حاسة إن الفرح مش هيدخل قلبي أبدًا…. كل حياتي عبارة عن تعب ووجع…. الجده دموعها نزلت بحزن.. وعد كملت بعياط: تعرفي أنا فكرت كتير أوي انتحر… وأقرب واحدة دلوقتي…. وعد طلعت إيديها من ورا ضهرها والسكينة في إيديها…. الجده بصت على السكينة بصدمه…

وعد كملت بعياط ووجع: بحاول أنتحر بس بخاف… بخاف من ربنا يا جدتي… مش عايزة وجع وتعب في الدنيا… وكمان عذاب في الآخرة… بس في نفس الوقت صبري نفذ… معنديش طاقة أقوم… معنديش طاقة أتحمل وأكمل….. حاسة إن أي حد بيدخل حياتي.. بيدخلها عشان يدمرها…. وعد حطت إيديها الاتنين على وشها.. وعيطت جامد…. الجده حضنت وعد جامد… ودموعها

نزلت مطر على حال حفيدتها: أرجوكي اهدي… اهدي يا بنت فيروز…. اهدي يا حبيبتي…. أنا بحبك أوي يا وعد… أنا جوا حياتك وبحبك…. مش كل اللي يدخل حياتك بيبقى قاصد يوجعك…. ممكن يكون بيحاول يكسبك…. أدهم بيحبك… حاول يكسبك.. بس أبوه معارض… خايف تعملي زي فيروز…. أنا عارفة إن فيروز غلطت… بس صدقيني غلط جدك أكبر من غلطها…. لو كان سمعها وقدر رأيها…. مكنش ده كله حصل….

الجده ابتسمت وسط دموعها: بس خلاص… الفرح هيدخل قلبك يا حبيبة جدتك… خالك كامل وافق على جوازك من أدهم…. وأنا متأكدة إن أدهم بيحبك وهيعرف يسعدك…. وعد بعدت عن جدتها بصدمة: خالي وافق على جوازنا… الجده هزت راسها بابتسامة: أدهم مستعجل على كتب الكتاب أوي… حتى مش قادر يصبر لما يخف… افرحي يلا كتب كتابك الخميس اللي جاي…. أدهم ابن حلال… وبيحبك…. وعد بصت في الأرض بيأس… وهزت راسها…. الجده بستها من خدها… وخرجت…………………………………….

القمر بيحاول ينور ضلمة الليل… سمرا نزلت من عربيتها…. ودخلت المطعم…. حازم وقف بأنبهار من كتلة الجمال اللي ماشية على الأرض…. سمرا راحتله وسلمت عليه بابتسامة قمر…. حازم مسك إيديها برفق… وطلعها على شفايفه… وطبع بوسة خفيفة عليها… تحت خجل سمرا…. حازم قعد سمرا… وقعد قصادها… ومسك إيديها بحنية: وحشتيني…. سمرا بصت في الأرض بخجل…. حازم ابتسم من وشها اللي احمر رغم سماره: عاملة إيه دلوقتي….

سمرا بابتسامة رقيقة: أنا بخير الحمد لله… أنت أخبارك إيه…. حازم ابتسم: أنتي بخير يبقى أنا بخير…. سمرا بابتسامة: ممكن أعرف أنت مين…. أنا معرفش أي حاجة عنك…. حازم تنهد: بصي… مش أي حد بحكيله عن حياتي الخاصة…. حازم كمل بابتسامة: بس أنتي مني وبقيتي تخصيني… يعني أنتي مش أي حد…. سمرا ابتسمت بخجل… حازم كمل بابتسامة: أنا حازم الشافعي… خريج تجارة إنجلش… بابا وماما عايشين بس ميّعرفوش إني موجود أصلًا….

سمرا بصتله باستغراب: ده إزاي… حازم: يعني ماما وبابا مطلقين… بابا متجوز في كندا… وماما متجوزة في إيطاليا… ومحدش بينزل مصر… وأنا مفكرتش أرحلهم…. تقدري تقولي حياتي كانت رخمة وكئيبة… لغاية ما قابلت قاسم المنياوي…. حازم بص لسمرا بابتسامة: شفتي إنتي الواد الغلبان والطيب أوي… ووجه تنمر للمدرسة وللجامعة… شاب كده بنضارة كعب كوباية.. وحياته من البيت للجامعة والعكس صحيح…. سمرا هزت راسها بابتسامة..

حازم كمل: النصيب والقدر وقعني في سكة قاسم…. سمرا بفضول: إزاي بقا.. حازم بابتسامة: كنت خارج من الجامعة… وزمايلي عملوا عليا حفلة وضربوني وظبطوني… وكمان بيكملوا عليا…. كأنهم حلفين ليموتوني… قاسم كان ماشي بعربيته… وشاف الشلة وهما بيضربوا فيا… نزل وعلم عليهم…. ومن ساعتها… أنا مع قاسم في كل حاجة… حتى شغلي بقا معاه…. سمرا: وقاسم شغال إيه بقا… حازم رفع حاجبه: شغال في شركته ياسمرا… شركة المنياوي للبرمجة….

سمرا لسه هتتكلم… قطع كلامها الويتر اللي حط الأكل على الترابيزة…. سمرا وحازم بقوا ياكلوا… دقائق وخلصوا أكل…. سمرا وقفت: أنا هروح التواليت…. حازم بص حوليه: هناك أهو… متتأخريش…. سمرا هزت راسها ومشيت تحت أنظار حازم…. سمرا لسه هتدخل الحمام… بتبص وراها.. لقت حازم مشغول في تليفونه… بسرعة راحت للويتر…. سمرا: بقولك إيه.. الويتر: أءمر يا فندم….

سمرا طلعت بودرة من شنطتها: أنا هطلب عصير… عايزة واحد تحط البودرة دي على عصير الشاب ده…. أو قهوته… أيًا يكن هيشرب إيه تحط البودرة دي في طلبه…. الويتر بخبث: سم ده ولا إيه يافندم… سمرا بغيظ طلعت فلوس من شنطتها: لأ ده خفة… نفذ اللي بقولك عليه…. الويتر بابتسامة: تمام يافندم…. سمرا هزت راسها…. ودخلت الحمام…. ثواني وخرجت… وراحت لحازم…. حازم ابتسم: اتأخرتي…. سمرا: سوري… المهم… أنا عايزة أشرب عصير…. حازم بابتسامة: أكيد….

حازم شاور للويتر اللي سمرا اتفقت معاه.. والويتر راحله: أءمر يافندم.. سمرا بابتسامة: مانجة…. حازم ابتسم: واحد مانجة وواحد قهوة سادة…. الويتر: تمام…. ثواني والطلب جالهم…. سمرا بصت للويتر اللي ابتسم بثقة…. حازم بص لها: هشوفك إمتى تاني…. سمرا ضحكت بخفوت: هو إحنا لسه روحنا.. عشان نفكر هنشوف بعض إمتى…. حازم مسك إيديها برفق: أعمل إيه.. بتوحشيني بسرعة…. سمرا ابتسمت وبصت في الأرض…. حازم بدأ يشرب القهوة تحت أنظار سمرا….

دقائق.. وسمرا بصت على الفنجان الفاضي بابتسامة مكر….…………………