رواية ملك القاسي الفصل السابع والأربعون 47 - بقلم شمياء شاكر

الشاب بيشد ليل من طرحتها وهو ماشي تحت صريخ ليل، لغاية ما الطرحة اتفكت، وظهر شعر ليل. ليل فلتت منه وجريت بدموع. فجأة خبطت في حاجة صلبة. ليل صرخت برعب. قاسم عدلها له وبصلها، لقى القلم معلم على خدها، ووشها كله محمر من القلم. قاسم بصلها وعيونه احمرت بغضب، وداس على سنانه. الشاب راح مسك ليل من شعرها. لقى اللي مسك ايده. الشاب بيبص على اللي مسك ايده، لقى بونيه نزلت على وشه وقع من أثرها على الأرض.

ليل بصت لقاسم بصدمة، ودموعها بتنزل. قاسم لف لليل وبصلها، لقى القلم معلم على خدها. راح للشاب ومسكه من قفاه وفضل يضرب فيه بكل عنف، والدكاترة والممرضين بقوا يحاولوا يبعدوا قاسم عن الشاب. ليل رجعت كام خطوة لورا وهي بتمسح دموعها، وبقت مصدومة من أفعال قاسم. قاسم رمى الشاب على الأرض بغضب. الشاب بقى غرقان في دمه، وبيسحف لورا بايده ورجله وباصص لقاسم برعب. قاسم نزل لمستواه بغضب: ده عشان رفعت ايدك عليها.

قاسم ضربه بالبونيه بعنف: لو نازل من بطن أمك راجل اعملها تاني. قاسم بعدهم عنه، وبقى يدور على ليل بعيونه. علاء بقى مركز مع حركات قاسم كلها، أكانه بيسجل حركاته. ليل بعيدة عنهم وخايفة ودموعها بتنزل. قاسم لسه بيقدم خطوة ليها. ليل جريت بعيد عنه بسرعة. قاسم بسرعة خد طرحتها من على الأرض وجري وراها: استني، اسمعيني. ليل بسرعة خرجت من المستشفى وشاورت لتاكسي بسرعة ولسه هتركب. بس قاسم مسكها. قاسم بغضب: قولتلك استني.

وحط الطرحة على راسها بانفعال، ومسكها من ايديها، ولسه هياخدها ويمشي. ليل بصتله شوية بتوتر، وفجأة صرخت: الحقوني، يا ناس بيعاكسني، بيعاكسني يا ناس. قاسم بصلها بصدمة. الناس كلها بصت على قاسم وليل، وكلهم بقوا يقربوا منهم. قاسم رفع حاجبه وهو باصص لليل: والله!!! ليل ابتسمت وحركت حواجبها بمشاكسة، وصرخت: يا ناااااس، سيب ايدي، الحقوووووووني. الرجالة اللي في الشارع كلهم جريوا عند قاسم بغضب. واحد منهم

بغضب مسك ايد قاسم بعنف: سيب ايديها. قاسم مسك ايد الراجل وتناها ورا ضهره بعنف وغضب. بقى ماسك ليل بايد، وماسك الراجل بالايد التانية. قاسم بصوت عالي مسمع الكل، وبغضب: اللي هيفكر يتدخل ما بيني وما بين مراتي هيزعل. قاسم زق الراجل بعيد عنه. الكل بص لبعضه، وتفكرهم، الراجل شكله ولبسه ميقولش أنه ممكن يعاكس بنت، وأكيد دي مراته. الناس كلها بقت تتفرق ومشوا. ليل بصدمة: لاء، مش جوزي، ده بيضحك عليكوا. ليل بصت لقاسم بتوتر.

قاسم باصصلها بابتسامة، ورفعة حاجب. ليل بصوت عالي: الراجل بيعاكسني، فين شهامة ولاد البلد. قاسم ابتسم بجانبية، ونزل لمستواها وهمس: انتي عارفة أني هخطفك من قدام الناس دي كلها، ومحدش هيتجرأ ويقولي انت بتعمل أي. ليل بصتله بصدمة: هصوت. قاسم ابتسم بمشاكسة: اللي تقدري عليه اعمليه. ليل بصريخ: هيخطفني يا ناس. واحدة بصتلها: شكلها مجنونة البت دي. قاسم ضحك وخد ليل وركبها عربيته. ليل بمقاومة: لاء، ابعد عني.

قاسم ابتسامته اختفت وبصلها بضيق. ليل بلعت ريقها وركبت العربية بتوتر وبهدوء. قاسم ابتسم ولف وركب، دور عربيته ومشي. ليل بتوتر: طيب ممكن افهم أنت عايز أي. قاسم اتنهد براحة: عايز اتكلم معاكي يا وعد. ليل بزهق وضيق: انا مش وعد. ليل اتنهدت بضيق: انا مش وعد يا سيادة المقدم. قاسم وقف بالعربية مرة واحدة بغضب، لدرجة كوتش العربية عمل صوت فرامل. ليل صرخت بخضة، وبصت لقاسم بخوف. قاسم بصلها، ولف شعرها حولين ايده، وشده بعنف بسيط.

ليل صرخت بألم، وراسها اترفعت على الآخر: ااااااااه. قاسم بغضب: لو انت مش وعد، يبقى أي ده، أي ده يا وعد. وكان قاسم بيشاور على أثر الجرح اللي في رقبتها. قاسم ساب شعرها بغضب. ليل بتوتر: ده، ده بسبب. قاسم بغضب قفل شبابيك عربيته، يعني مبقاش حد شايفهم. وبصلها بغضب: اقلعي البلوزة دي. ليل بصدمة وخوف: قاسم!!! قاسم بانفعال: اخلصي. ليل بدموع: قاسم. قاسم لف لليل وبقى ضهرها له تحت مقاومتها،

وبعياط: قاسم أرجوك، لاء يا قاسم، ابوس ايدك. قاسم رفع البلوزة من عند ضهرها كده، لغاية ما شاف أثر الطعنة. قاسم بغضب: ودي أي يا وعد. قاسم عدل وعد ليه. قاسم لسه هيتكلم بغضب. وعد قربت منه وحطت ايديها الاتنين على بوقه تمنعه يتكلم، وبقت باصة في عيونه ودموعها بتنزل، وبتهز راسها لاء بمعنى متتكلمش. قاسم باصص في عيونها، ومش فاهم هي عايزة توصله أي. وعد سندت جبينها على جبينه وهي بتعيط، وغمضت عيونها جامد، وايديها الاتنين على بوقه.

قاسم نزل ايديها من على بوقه وحضنها جامد، وغمض عيونه، وبهدوء: هما اللي اجبروكي، صح، كانوا عايزين يجننوني، انا ممكن استحمل تبقى حياتي كلها حلم، بس تكوني موجودة فيها. وعد بعدت عنه بسرعة وحطت ايديها على بوقه، وشاورتله على المايك اللي في العربية. قاسم بص على المايك بصدمة. وبعدها بص على الشاشة اللي في العربية، لقى معمول جهاز تتبع. قاسم بسرعة نزل من العربية، ونزل وعد. ومسك ايديها وبيبعد عن العربية. وعد بقت تدور في لبسها.

قاسم بجمود: متقلقيش، وقع منك وانت بتجري. وعد وقفت مرة واحدة، وبقت تبصله وبتعيط جامد: يا قاسم، لازم ترجع، سهر معاهم، سهر معاهم يا قاسم، وكمان، وكمان معاهم دليل على كل جرايمك يا قاسم، هيسجنوك وهيقتلوا سهر. قاسم بغضب: انا لازم افهم، ازاي، ازاي ده كله حصل. وعد برعب وعياط: مش وقته تفهم، مش وقته، هما دلوقتي اكيد عرفوا أننا نزلنا من العربية، لازم ترجع عشان سهر وعشانك. قاسم بضيق

خد وعد وبعد بعيد عن الناس: ميهمنيش أي حاجة دلوقتي غير اني افهم. وعد بقت تفرك في ايديها بخوف. قاسم ملامحه لانت وحط ايده على خدها: متخافيش وأنا معاكي، يا وعد ارجوكي فهميني، خايف اكون بحلم دلوقتي. قاسم اتنهد بخنقة: مبقتش عارف افرق ما بين الحلم والواقع. وعد بدموع: في الأوتيل لما صحينا من النوم وفضلنا نهزر ونضحك. (فلاش باك) قاسم شال وعد بهدوء، وفجأة لف بيها جامد: وووووووووعد. وعد صحيت مفزوعة ومسكت في رقبته: في أي، في أي.

قاسم بضحك: بحبكككككك. وعد بضحك: مجنوووووون. قاسم بيلف بيها وبيضحك: مجنون بيكي يا وعدي. قاسم وقف مرة واحدة بابتسامة واسعة. وقعد على السرير ووعد على رجله. وعد سندت راسها على كتفه: خايفة اكون بحلم. قاسم اتنهد براحة، وهو ضامم وعد ليه أكتر: متقلقيش، حتى لو ده حلم، هيكون أجمل حلم انا حلمت بيه في حياتي. فجأة الباب خبط جامد. وعد وقفت بخوف. قاسم وقف وبص للباب باستغراب، بعدها بص لوعد بجدية: خدي لبس ليكي وادخلي الحمام.

وعد مسكت ايد قاسم بخوف: قاسم. قاسم بص على الباب اللي شوية وهيتكسر من التخبيط: اخلصي. وعد بسرعة فتحت الدولاب وخدت لبس ليها ودخلت الحمام. قاسم لبس أي حاجة قدامه وفتح الباب. لقى أكتر من تلاتة واقفين قدامه ومقنعين. ولسه هينزلوا على راس قاسم بشومة. بس قاسم بسرعة مسك الشومة قبل ما توصل لراسه، وزق الراجل بعيد عنه. الـ 3 رجالة دخلوا، وبقوا الـ 3 على قاسم، وبقوا يحاولوا يضربوا قاسم.

قاسم بقى بيدافع عن نفسه بكل وحشية، لدرجة أنهم مكنوش قادرين عليه. بس خروج وعد من الحمام قلب كل الموازين، واحد من الـ 3 جري على وعد ومسكها تحت صريخها. وعد بصريخ ورعب: قااااسم. قاسم حركته اتشلت وبص لوعد برعب عليها. وفجأة ومن غير أي مقدمات، نزلت شومة على راسه. وعد صرخت برعب وعياط ومقاومة: قااااااااسم. قاسم حط ايده على راسه بألم فظيع. بقت الشومة تنزل على ضهره وصدره، وبقوا يضربوه جامد. ده كله تحت صريخ وعد.

لغاية ما قاسم فقد الوعي. واحد من الرجالة بسخرية: بجد انا عايز أشكره، لو مكنش الأوتيل فاضي بالطريقة دي مكنتش عرفت اعمل كده خالص. وعد بتصرخ جامد وبتحاول تروح لقاسم، بس الراجل مسكها جامد. واحد تاني بص لوعد بغضب: اتعدلي كده وانزلي بصمت قدامي، ولو فكرتي تعملي أي حركة كده او كده، هنقتله قدام عينك. وعد هزت راسها لاء بدموع: لاء ارجوك، هعمل اللي انت عايزه، بس ده كده هيموت، ابوس ايدك، ابوس رجلك، لازم يروح المستشفى. (باك)

وعد مسحت دموعها، وبصت في الأرض: نزلوك من الأوتيل، كان الأوتيل فاضي خالص، وركبونا عربية، ومشوا بينا لغاية ما وقفوا قدام مستوصف. وعد كملت بدموع: بس المستوصف كان شكله مش كويس، والدكاترة فيه مش كويسين. انت يا قاسم دخلت المستوصف ده وعالجوك فيه، وبقى كل يوم يدولك مخدر بمقدار معين. وعد بصت لقاسم بدموع وكملت: قبل ده كله لما دخلت المستوصف لقيت حلا، والدكتور علاء، والدكتور أحمد.

حلا هددتني أن سهر معاها، وكمان معاها اثباتات أنك مافيا، وفيديوهات كتير وانت بتستلم شحنات، وياما انفذ كلامها، ياما هتقتل سهر وهتسجنك. قاسم حط ايده على راسه بألم: طيب، طيب لي ده كله. وعد وشها كرمش بدموع: ده اتفاق ما بينها وما بين عمرو، عمرو يا قاسم اتفق معاها، وانت دلوقتي، وانت مش قادر تميز ما بين الحقيقة والحلم من المخدر اللي في جسمك، انت كل يوم بتاخد جرعة، متكلش من ايد حلا يا قاسم، اتوقع أنها تديك المخدر بأي طريقة.

قاسم بتوهان: طيب حازم وعاصم. وعد هزت راسها لاء بدموع: مش هما، اللي انت فيه ده كله من المخدر، بيحطوا ميكاب عشان يقربوا من الشكل، مع المخدر اللي انت بتاخده بتشوفهم اصحابك، و، والعماره اللي انت دخلتها، مكنتش بتاعت جدتي، كانوا مخططين لكل حاجة، حتى أنهم عرفوا انك روحت اسكندرية، البيت كان قدام عيونك يا قاسم، بس انت مكنتش شايفه، وده كله بسبب المخدر. قاسم بتوهان: لي ده كله.

وعد بدموع: معرفش، معرفش لي، المهم لازم انفذ كلامهم، قدامهم انا ليل، وانت متعرفش حاجة، قاسم سامعني. قاسم باصصلها بتوهان: الصور، الكرنيه، القسيمة والشهادة. وعد بدموع: كل حاجة مزورة. قاسم داس على سنانه بغضب، وحط ايده الاتنين على راسه بألم، وبزعيق: مش عااااارف، مش عااارف اذا كنت بحلم او لاء، ده واقع ولا لااااااااء. وعد قربت منه بسرعة وحضنته جامد بعياط: قاسم ارجوك اهدى. بعدت عنه وعورته بضوافرها في ايده.

وحطت ايديها الاتنين على خدوده، وبصت في عيونه: كل ما تحس انك بتحلم، بص على التعويرة اللي في ايدك لو موجودة يبقى انت في الواقع، لو مش موجودة، يبقى انت بتحلم. قاسم بص على ايده بتوهان، لقاها مجروحة جرح صغير. وعد بعدت عنه. فجأة ناس كتير اتلموا حوليهم. الشمس نورت دنية أبطالنا. قاسم صحي مفزوع من نومه. حط ايده على راسه بألم، وقعد بهدوء.

حلا بخوف: كده يا قاسم، انا كنت هموت من القلق عليك، الحمد لله انك فقدت الوعي عند الدكتور علاء في المستشفى، وهو اتصل عليا امبارح وقالي، المهم انت كويس دلوقتي. قاسم رجع شعره لورا بصداع، وقام وقف، وسابها ودخل الحمام. وقف قدام المراية وغسل وشه كذا مرة. قاسم اتعدل وبص لنفسه في المرايا: معقول كنت بحلم. قاسم افتكر وبسرعة بص على ايده، لقى فيها جرح صغير، الجرح اللي وعد جرحتهوله. قاسم ابتسم بجانبية

وبص لنفسه في المرايا: صبرك عليا.