رواية ملك القاسي الفصل الثالث عشر 13 - بقلم شمياء شاكر

قاسم بمكر: بشرطين. الزعيم بلع ريقه بقلق: اطلب أي حاجة... المهم تنجح... قاسم ابتسم ببرود: لو العملية نجحت وأنا اتمسكت من البوليس عليك تخرجني... لو البوليس مسكني... ومخرجتنيش... هيبقا عليا وعلى أعدائي وأصدقائي كمان... علشان قاسم مينفعش يكون ضحية... الزعيم بسرعة: موافق... قاسم ابتسم: اهدى بس أنا لسه مخلصتش... الزعيم بص له بقلق. وقاسم كمل: ولو العملية نجحت... ومتمسكتش... ليا فيها نص المكسب. الزعيم

رجع خطوتين لورا بصدمة: نص المكسب!!!! الزعيم بتوتر: بس كتير أوي... نص المكسب كتير... قاسم بانفعال: مشكلتك مش مشكلتي... أنا لو اتمسكت... مش هخرج منها سليم... الزعيم بقلق: بس... قاسم سابه ومشي... ولسه هيخرج من القصر... الزعيم بسرعة: 30 في المية. قاسم بص له شوية: 40 في المية وده آخر كلام... الزعيم بضيق: موافق. قاسم ابتسم بخبث. حازم وعاصم وصلوا... وركبوا الهليكوبتر هما وقاسم... ومتجهين لميناء بور سعيد. ***

الهليكوبتر نزلت عند ميناء بور سعيد. قاسم نزل من الهليكوبتر. محمود راح له بسرعة: قاسم بيه... قدمهم أقل من نص ساعة... ويكونوا هنا... قاسم ببرود: متقلقش. قاسم بص لمحمود بشر: جهز الرجالة... عايز لو غدروا بينا... أكنهم فتحوا عليهم حرب مننا... ولازم إحنا اللي نكسب فيها... محمود ابتسم بجانبية: متقلقش يا قاسم بيه... خليهم بس يفكروا... وأنا هقلبها بحر دم... قاسم ابتسم بجانبية: عاجبني إنك فاهمني... حازم وعاصم بصوا لبعض...

بلعوا ريقهم وبصوا لقاسم برهبة. عدى نص ساعة. والسفينة اللي عليها الشحنة وصلت. صاحب الشحنة... وقف قصاد قاسم... ورجالته وراه... علي بابتسامة: أهلًا قاسم... الشحنة موجودة في أجهزة كهربائية... قاسم ابتسم بجانبية: تمام... أنت خدت نص الفلوس من الزعيم... النص التاني معايا... قاسم بص لحازم. حازم بص للرجالة. الرجالة بسرعة حطوا شنط الفلوس قدام علي. علي بص لرجالته. رجالة علي اتأكدت أنها فلوس حقيقية. علي ابتسم: تمام أوي.

علي بص لرجالته: نزلوا الشحنة من السفينة... علي بابتسامة: أنا جاهز لأي طلبية تانية... الأجهزة هتعجبكوا أوي... قاسم ابتسم بجانبية: لو كانت فيها حاجة... مكنتش طلبتها منك... فمتقلقش أنا متأكد من جودتها... علي ابتسم: مع السلامة. علي ورجالته ركبوا عربيتهم واتحركوا. قاسم بص للرجالة: يلا حملوا الأجهزة دي على العربيات. قاسم بص لعاصم وحازم: زي ما قولتلكوا... عاصم وحازم هزوا رأسهم وركبوا عربيات الجامبو. قاسم ابتسم بشر. ***

حازم بص لعاصم: غريب مفيش لجنة واحدة عدينا عليها... عاصم بضيق: مهو قاسم... أكيد عامل حسابه... حازم ابتسم بإعجاب: دماغه شغالة مبتنمش... عاصم بضيق: هو حظ مش أكتر... حازم باستغراب لسه هيرد. سمع صوت سرينة الشرطة. حازم بقلق: بوليس... بوليس يا عاصم. عاصم الرعب دب في قلبه: طيب والعمل... عاصم بص للسواق: أوعى تقف... اجري بأعلى سرعة... السواق بتوتر: مش هعرف الأجهزة تقيلة... ولو جريت الكاوتش هيفرقع...

عاصم بانفعال: عشان كده قاسم مجاش معانا... علشان يلبسها لنا وهو في السليم... حازم بقلق: أنت في إيه... ولا في إيه البوليس هيمسكنا... حازم خلص الكلمة ولقى عربيات البوليس قفلوا عليهم الطريق. خمسة من الشرطة نزلوا... ووقفوا عند أول عربية جامبو. الضابط بجمود: العربيات دي فيها إيه؟ حازم بص لعاصم اللي اتكلم بتوتر: أجهزة كهربائية... الضابط بص لهم بشك من توترهم: جايين منين؟ عاصم بلع ريقه: من المينا. الضابط باصص لحازم وعاصم...

وقال للعساكر: فتشوا السبع عربيات... عاصم وحازم بصوا لبعض وخلاص... قلبهم هيقف من الخوف... العساكر بقوا يفتشوا العربيات... وينزلوا الأجهزة ويفتشوا جواها... بعد ساعة تفتيش. العساكر راحوا للضابط: كله سليم يا فندم. الضابط بص لعاصم وحازم المصدومين من كلام العسكري. حازم بسرعة خفى صدمته وبدلها بالبرود: اتأكد يا حضرة الضابط... ممكن نمشي بقى. الضابط بص على السبع جامبو اللي اتفتشوا وبص للعسكري: فتشت السبع؟

العسكري: أيوه يا فندم... وكله سليم... الضابط بص لحازم: تمام... اتفضلوا كملوا طريقكم... حازم وعاصم ركبوا... والسبع جامبو اتحركوا ورا بعض. عاصم بصدمة: إزاي؟! *** حازم وعاصم وصلوا المخزن. دخلوا عند قاسم... والضيق مرسوم على ملامحهم. شافوا الشحنة بتتعبي في كراتين. عاصم بضيق وصدمة: إزاي!!! قاسم ابتسم بجانبية: هقولكم إزاي... وأنا رايح للزعيم... (فلاش باك) قاسم بيكلم محمود وهو متجه لقصر الزعيم. قاسم بضيق: روح لصاحب الشحنة...

وفاهمه إن البوليس في المكان... هيخرج لي أجهزة سليمة 100%... وحازم وعاصم مع الأجهزة السليمة... ويشتتوا البوليس عنا... والأجهزة اللي فيها الشحنة... أنا اللي هكون مسئول عنها... خلاص؟ محمود بجدية: اللي أنت عايزه هيحصل يا قاسم بيه. (باك) قاسم ابتسم: وطبعًا محمود ركب يخت... وراح لصاحب الشحنة... وقال إنه من رجالاتي... وكمان قاله على كلامي... صاحب الشحنة وافق من غير تفكير... عاصم بضيق: كنت لازم تقول يا قاسم...

أنا كان فاضلي ثانية وأهرب منهم... واللي يحصل يحصل بقى... حازم بضيق: فعلًا يا قاسم كنا المفروض نعرف... قاسم ببرود: لو كنت قولتلكم كان الخبر هينتشر والحكومة هتعرف... المهم دلوقتي إن الشحنة بخير. حازم ابتسم وطبطب على كتف قاسم: كنت متأكد إنك قدها يا قاسم. قاسم ابتسم... وبص لعاصم اللي مكشر. قاسم ابتسم ببرود: مكشر ليه؟! يمكن مكشر علشان خطتك باظت. عاصم بص لقاسم باستغراب: إيه دي اللي باظت؟

حازم بص لقاسم باستغراب: في إيه يا قاسم؟ قاسم راح وقف قدام عاصم وضربه بالبونية... عاصم كان هيقع من أثرها... لكن قاسم مسكه وضربه بالبونية تاني... عاصم بألم وانفعال: بتضربني ليه؟ حازم بصدمة... جرى على قاسم... وبيحاول يبعده عن عاصم: قاسم أنت بتعمل إيه؟ قاسم ضربه بالبونية تاني... عاصم وقع على الأرض بألم... وبؤه نزف دم... عاصم داس على سنانه بانفعال: قاااسم! قاسم تجاهل عاصم وبص لحازم بشر: متتدخلش أنت.

حازم بلع ريقه من فرط عصبية قاسم. قاسم قوم عاصم... وضربه حتة قلم... سمع المخزن كله... وعاصم وقع من أثر القلم... وصوابع قاسم بقت معلمة على خده... عاصم بألم وعصبية: أنا مش عايز أمد إيدي عليك... قاسم داس على سنانه بغيظ... ومسكه من هدومه... قومه قصاده... وبانفعال: يلا اضربني... اعملها يا عاصم... عاصم مسح جنب شفايفه من الدم وبص لقاسم بغضب. قاسم بانفعال: يلا اضربني... عاصم رفع إيده ولسه هيضرب قاسم... قاسم مسك إيده...

ولواها ورا ضهره... وضغط على إيده... عاصم بألم: إيدي يا قاسم... طيب أنا عملت إيه؟ قاسم بجمود: أنت لوحدك عارف أنت عملت إيه... مش أنا يا عاصم... عاصم بلع ريقه بخوف وتوتر وارتباك: قاسم... أنا... قاسم بكل غضب ضغط على إيد عاصم كسرها له. عاصم بألم كبير جدًا فضل يصرخ بألم: آآآآآآه! وقع على الأرض بألم وماسك إيده وعمال يصرخ. قاسم بص لعاصم: أنا كده قرصت ودنك... حذاري تلعب معايا تاني... أنا عملت حساب للصحوبية...

اللي أنت معملتش حسابها... عاصم بص لقاسم بشر وألم. قاسم خرج من المخزن... وركب عربيته... واتجه للقاهرة. قاسم بتفكير: جايلك يا وعد...