رواية ملكه قلب الشيطان الفصل السادس والعشرون 26 - بقلم فاطمة الزهراء أشرف

ادخل جاسر مريم إلى غرفة الرياضة. جاسر بجدية: أنا هعرفك على كل الأجهزة ونبدأ، وأنا مش هكون رحيم بيكي لو مسمعتيش الكلام، هتتعاقبي وعقاب شديد. مريم ببعض الخوف: حاضر. جاسر: تمام، نبدأ. وأخذ يشير إلى الآلات. دا جهاز treadmill -السير، دا أول جهاز تستخدميه. ودا Elliptical -اليبتيكال. ودا Leg press machine (جهاز ضغط القدمين) ودا Leg extension machine (جهاز إطالة القدمين) ودا جهاز Dip station. ودا Pull -up Bar.

وأخذ يخبرها الكثير من الأجهزة ووظائفها. جاسر: نبدأ أول حاجة على جهاز treadmill. مريم: تمام. قمت بالمشي بخطى بطيئة ثم بتمرين المشي السريع. ذهب جاسر إلى جهاز Dip station. بعد ساعة من التمرين، تعبت مريم. جاسر: إيه، تعبتي بسرعة؟ نظرت له مريم ورأت ينتقل بين الأجهزة: جاسر، إنت متعبتش؟ جاسر ببرود: تؤتؤ. مريم باستغراب: أيوه يعني هتتعب امتى؟ جاسر: ممكن بعد خمس ساعات. مريم بصدمة: خمس ساعات كاملة؟

تجاهل جاسر سؤالها: روحي افطري وتعالي عشان نتمرن بسرعة. مريم: لا يا جاسر، كده كتير. أنا تعبت أوي. جاسر: اسمعي الكلام، وإلا هيكون في عقاب شديد. مريم: حاضر. بعد ربع ساعة. تقف مريم أمام حمام سباحة داخلي (مغلق) بعد أن ارتدت ملابس السباحة. كان جاسر في الماء. جاسر: أنا هعلمك السباحة و... قطعته مريم: أنا بعرف. جاسر: بجد؟ طيب ممتاز. راحت مريم تسبح بسرعة وبدون توقف.

جاسر لنفسه: ممتاز، كدا أنا اطمنت من جهة السباحة. فاضل المسدس، يارب متضطري تستخدميه. مريم بتعب: جاسر، كفاية كده. بقالي ساعة. جاسر: طيب، اطلعي خدي شاور وارتاحي. مريم: حاضر. طلعت مريم، أخذت شاور، وأدت فرضها، وذهبت في سبات عميق من كثر التعب. بعد ساعتين، ذهب جاسر وأيقظها. وبعد تناول الطعام. جاسر: مريم، تعالي نتكلم. مريم: في إيه؟ جاسر: في حاجات إنتي متعرفيهاش عني. مريم: ماشي. قعدت مريم مقابل جاسر على الطاولة.

جاسر: أنا شغال رجل أعمال. مريم: عارفة، وإنت... أشار لها بسكوت. جاسر: لا، إنتي مش عارفة حاجة. أنا شغال رجل أعمال وشغال مع المافيا. مريم بصدمة: لا، مستحيل. لا لا، إنت بتكذب صح؟ جاسر ببرود: تؤتؤ، دي الحقيقة. مريم لنفسها: لا، أنا ليمكن أعيش مع قاتل. لا دا مع المافيا. لا، أنا هخليه يطلقني ويرجع مصر. أيوه... بس أنا بحبه. لا يا مريم، دا بيقتل أبرياء. كان يعم الصمت المكان. مريم: طلقني.

جاسر لنفسه: لا، مستحيل أطلقك وتكوني لغيري. أنا عارف إنتي مش بتحبيني، بس وعد، هخليكي تعشقيني. جاسر بخوف ولكن طغى عليه البرود والتملك: طلاق مش هطلق، وإنتي بتاعتي أنا. مريم: لو راجل طلقني. أنا بكرهكككك، وأنا مش بتاعت حد. إنت شخص خاين وزبالة وحقير و... لم يتحمل جاسر كلمها، فضربها. تقدم منها: أنا هخليكي تشوفي الزبالة هيعمل فيكي إيه. أمسكها من شعرها وجرها إلى الغرفة وألقاها على الأرض. وقبل أن يخرج، قالت:

مريم بانهيار وبكاء هستيري: لالالا، إنت بتعمل كده ليه؟ حرام عليك، أنا بكرهككككك، طلقنيييييي. تقدم منها وأمسكها من ذراعها. جاسر: أنا مش هطلق. حدقت في عينيه بعمق ودموعها تهبط ببطء، لتجد نظرات شيطان وليست نظرات بني آدم. حتى نبرة صوته تشعرها بالخوف والقلق. ثم قذفت كلماتها بصوت مبحوح من فرط الخوف: إنت شيطان. أما جاسر بالنفي ورد بكل برود،

لكن نبرته حادة: لا، أنا أقوى من الشيطان. أنا اللي بعلم الشياطين تمشي إزاي، فاحذري جحيمي واسمعي الكلام. ثم ترك ذراعها ببطء، لتشعر بالألم. خرج جاسر بسرعة قبل أن يفقد السيطرة على نفسه ويعذبها أكثر. جاسر لنفسه بحزن: أنا آسف، بس لازم تكرهيني عشان مأخسرش زي نيرمين بعد ما حبيتك. أنا آسف. *** معتز: بس يا عمي، إحنا هنعمل الخطوبة بعد أسبوع ونكتب الكتاب يوم ميلاد نور. إيه رأيك يا عمي؟

محمد: يابني، لسه بدري على كتب الكتاب. والخطوبة بعد ما أتكلم مع الأستاذ أحمد. معتز: طيب، بعد ما تتكلم. الخطوبة بعد أسبوع. آدم: لا، خلي كتب الكتاب بعد أسبوع مع الخطوبة عشان نبقى على راحتنا، أقصد نطلع ونخرج وكده. معتز: أيوه يا عمي، لو سمحت وافق. محمد: طيب، هفكر. معتز: ماشي. ذهب معتز وآدم إلى المكتب. معتز: ليه مش عايز كتب الكتاب بعد شهر ونص؟ آدم: عشان دا معاد الصفقة السنوية يا ثعلب. معتز: هي خلاص اتحدد معادها؟ آدم: أيوه.

معتز: لا، معتقدش يا عقرب. آدم: مش فاهم. معتز بتوضيح: الصفقة السنوية داخل فيها أكبر وأخطر رجال المافيا، فمش سهل الموعد يتحدد قبليها عشان محدش يعرف الحكومة. آدم: بس الكلام دا الأسد اللي بلّغني بيه. معتز: من إمتى والأسد بيقول على ميعاد إلا إذا... ثم صمت بصدمة. آدم: إلا إذا إيه؟ كمل. معتز: إلا إذا كان الأسد اللي عايز يقتلهم بيده. آدم: ممكن، بس احتمال يكون الموعد في معاده. معتز: ممكن، بس لازم نحذر أوي. آدم: ماشي.

(الثعلب رامز ضابط في المخابرات الخاصة السرية، لا يعلم عنه شيء أو أحد استطاع أن يرى وجهه إلا رئيسه في العمل. العقرب آدم كذلك أيضًا.) *** الحارس: معاد الصفقة فاضل عليه شهر ونص، وكل حاجة تمام. الباشا بغموض: تمام أوي. الباشا لنفسه: أغبى فاكرين هقول على المعاد بسهولة عشان البوليس يعرف؟ هههه. بس قبل الصفقة، لازم أخلص من الماضي. بس لازم استغله كويس أوي، عشان غلطة واحدة والتمن هيكون رقبتي.

الباشا: عينك تكون على الشيطان وزوجته. الحارس: تمام. الباشا: قريب أوي هتكون هنا يا شيطان. هههههه.