رواية ملكت الأسد الجزء الثاني الفصل 114 - بقلم فاطمة حسن

تاني يوم الصبح. عند إياد وتمارا. تمارا فتحت عينها بنوم، بصت حوليها، اكتشفت إنهم لسه في الشقة. في الوقت دا دخل إياد وهو معاه الفطار. إياد: صباح الخير. تمارا: صباح النور. إياد حط الفطار قدامه، وحط إيده ع خدها. إياد: بقيتي أحسن؟ تمارا هزت رأسها وهي بتقول: أيوه. إياد: طب يلا الفطار. إياد بدأ يأكلها، وبين اللحظة والتانية يبوسها. في الوقت دا الفون رن. إياد بهدوء: نعم يا بابا. ... إياد قام بصدمة: خمس دقايق وأكون عندك.

إياد بسرعة: تمارا بسرعة قومي البسي يلا. تمارا بخوف: في حاجة؟ إياد وهو بيلبس: بعدين يا تمارا بعدين. بعد ما خلصوا، إياد خدها وطلعوا ع الفيلا. إياد طلع بعد ما نزلت علطول. تمارا دخلت، مكنش في حد. عند فريدة. كانت زي امبارح، نامت على الكنبة بعد ما ياسين مشي، وفضلت طول الليل قاعدة. فريدة قامت تاخد دش وهي بتفكر هتعمل إيه بعد اللي حصل امبارح. فريدة اخدت دش وخرجت، لكن الباب خبط. الخدامة: فريدة هانم. فريدة: في حاجة؟

الخدامة: ندي هانم تحت. فريدة فتحت الباب ونزلت علطول لتحت. فريدة بحب: ماما. ندي حضنت فريدة بتوتر. فريدة: انتي كويسة؟ ندي وهي بتحاول تتكلم بهدوء: ياسين. فريدة بتوتر: ماله؟ ندي: العربية اتقلبت بيه، هو في المستشفى دلوقتي. فريدة حطت إيدها ع بوقها بصدمة. ندي وهي بتقرب منها: اهدي يا حبيبتي، هو كويس دلوقتي. اهدي. فريدة كانت بتعيط وهي بتبص ع أمها: أنا السبب. أنا السبب. ندي: لااا يا حبيبتي مش انتي.

فريدة مسكت إيدها: يلا يا ماما. لازم أشوفه. ندي هزت رأسها وأخدتها. في المستشفى. كان إياد وحازم مع ياسين. الدكتور بهدوء: اطمنوا، هو كويس. هو عنده كسر في إيده ورجله، وشوية خدوش وجروح بسيطة، ويفضل تحت الملاحظة عشان نتأكد إن مفيش نزيف داخلي. حازم: طب نقدر نشوفه امتى؟ الدكتور: هو نايم دلوقتي من أثر المخدر، ممكن ع بليل يبدأ يفوق. حازم هز رأسه وفضل هو وإياد برا. وبعد نص ساعة دخل أسد وملك ومعهم روح ومراد.

ملك بعياط: ياسين ماله يا حازم؟ فينه؟ حازم بهدوء: اهدي يا ملك، كويس ونايم دلوقتي. ملك بصت ع الأوضة وفتحها بسرعة ودخلت، وقفت وحطت إيدها ع بوقها بعياط وهي شايفة ياسين نايم وجسمه كله جروح غير وشه. ملك قربت منه بعياط وحطت إيدها ع شعره. ملك: يا حبيبي. أسد دخل وقرب منها. أسد: الحمد لله إنه كويس. ملك دخلت ف حضن أسد بعياط: كنت هخسره. كان هيروح مني. أسد بهدوء وهو بيبص عليه: الحمد لله، هو كويس دلوقتي.

ملك فضلت قاعدة جنبه هي وأسد. وبرا حازم وإياد ومراد وروح. في الوقت دا دخلت ندي وفريدة اللي بتعيط. حازم حضنها بحب: اهدي يا قلبي، هو كويس. الحمد لله. فريدة كانت بتهز رأسها برفض ودموعها بتنزل. حازم خدها ودخل الأوضة. وفريدة قربت منه براحة وبصت عليه بدموع. فريدة بصوت واطي: أنا السبب. الدكتور دخل. الدكتور: كفاية كده، ممكن تتفضلوا برا. برا. مراد: امال أسر مجاش ليه؟ إياد: بحاول أكلمه من بدري، بس تقريباً التليفون صامت.

مراد: وتمارا؟ إياد: في الفيلا. اطمن هي كويسة. عند أسر وحور. أسر صحي ع صوت عياط. أسر فتح عينه وبص ع نفسه باستغراب. آخر حاجة فاكرها إنه كان عند يارا، وبعد كده مش فاكر أي حاجة. أسر بص ع حور اللي دفنة نفسها في المخدة وبتعيط. أسر بخوف وهو بيسحبها: مالك يا حبيبتي، في إيه؟ حور كانت بتعيط ومش بترد عليه. أسر بص عليها وع العلامات اللي في قربتها، هو مش فاهم ده حصل إمتى وإزاي وليه بتعيط.

أسر بحب وهو بيحاول يهديها: في إيه يا عيوني؟ حور وهي بتحاول تبعد عنه: ابعد عني. أنا قرفانة منك. أسر انصدم من كلامها. أسر: حور، إيه اللي بتقولي دا؟ حصل إيه لكل دا؟ حور بغضب وهي بتوري جسمها: حصل دا. ثم أكملت بدموع: إزاي تتعامل معايا بالشكل دا؟ انت لو جايب واحدة من الشارع مش هتعاملها كده. أسر انصدم من شكل جسمها، مكنش مصدق إنه عمل كده. وطب مش فاكر ليه؟

أسر بهدوء وهو بيمسك إيدها: صدقني أنا معرفش ده حصل إزاي. أنا مش فاكر أي حاجة. آخر حاجة فاكرها إننا كنا عند يارا واني كنت حاسس بحاجة غريبة، بس كده. حور أنا بخاف عليكي أكتر من نفسي، مستحيل اسمح لنفسي إني المسك بالشكل ده، صدقني. حور بصت عليه، كان فيه صدق في عينه. حور افتكرت يارا وافتكرت اللي كانت لابسة. معقول؟ حور لنفسها: مستحيل تكون هي ليها إيد في الموضوع. حور بقسوة: أنا مستحيل أسامحك ع اللي حصل.

حور حاولت تقوم لكن مقدرتش. أسر حتى بعد اللي قالته صعبت عليه. وقام بسرعة دخل الحمام وفتح المية السخنة في البانيو بعد ما حط المطهر. أسر خرج برا وشالها براحة. حور بغضب: نزلني. أسر دخلها وحطها ع الطرف. أسر: خدي دش هتكوني أحسن. أسر خرج برا وهو بيحاول يفتكر أي حاجة. أسر شاف الفون بيرن برقم أبوه. أسر رد بسرعة: الو. مراد بغضب: كل ده. شوف اتصلنا عليك كام مرة. أسر: احم. معلش يا بابا يعني كنت نايم ومخدتش بالي يعني من الفون.

مراد ابتسم بهدوء بعد ما فهم واتكلم بحب. مراد دايماً بيحاول يخلي أسر يعيش اللي هو معيشهوش. دايماً كان صديق ليه. مراد: خلاص، محصلش حاجة. قوم خد دش وتعالى، إحنا في المستشفى. أسر باستغراب: في حاجة؟ وحضرتك جيت إمتى؟ مراد بهدوء: ياسين عمل حادثة، بس الحمد لله كويس دلوقتي. أسر قام بسرعة: نص ساعة وهكون عندك. مراد: خلي بالك من نفسك. سلام. مراد بص ع روح اللي نامت ف حضنه بهدوء. كلهم خرجوا، وأسد بص ع روح اللي نامت.

أسد بتعب: خد مراتك وامشي يا مراد، كفاية عليها تعب الطيارة. مراد بهدوء: يلا يا ملك انتي وندي تعالوا معايا. ملك: مستحيل أمشي وأسيب ابني كده، انتوا فاهمين. أسد بحب: هو نايم دلوقتي ومش هيقوم. روحي ارتاحي انتي وبكرة مراد هيجيبلك. ملك فضلت تهز رأسها برفض وهي بتعيط. أسد: عشان خاطري روحي معايا. ملك مسحت دموعها، ومراد بص ع فريدة. فريدة: أنا هفضل هنا. هفضل معاك. حازم: بس. فريدة: أرجوك يا بابا. أسد: خليه يا مراد سيبها.

مراد مشي وهو شايل روح اللي نايمة، ومعاه ملك وندي وطلع ع الفيلا بتاعته.