رواية ملكت الأسد الجزء الثاني الفصل 120 - بقلم فاطمة حسن

منه طلعت بسرعه وفضلت تلف في الشقه بخوف. معقول حامل؟ منه مسكت دماغها بخوف. أكيد لا، أكيد لا. منه راحت تنام بعد ما فضلت تفكر وهي بتحاول تمسح الموضوع ده من دماغها وبتاكد لنفسها إنها مش حامل. *** ياسمين كانت قاعده وهي بتبص على فريدة اللي قاعده هي وياسين بهدوء. ياسمين: إيه؟ هنفضل ساكتين كده؟ ياسين: أمال عايزة إيه يا ياسمين هانم؟ ياسين كان بيتكلم عادي تحت أنظار فريدة اللي مضايقة. ياسمين: معرفش، تحب نلعب لعبة الصراحة؟

فريدة قامت بضيق: بعد إذنكم. فريدة مشيت بضيق تحت أنظارهم. ياسين أخد نفسه وهو يبص عليها. ياسمين ابتسمت بهدوء: براحة عليها، مش كل حاجة عايزها لازم تحصل.

ياسين بهدوء: وأنا سيبها، أنا عايزها بس تعرف شعورها، عايز رد صريح منها، مش عايزها تقرب شوية وتبعد شوية وتقول خايفة. أنا زهقت من كل ده. غلطت، ماشي، غلطت. لما اتجوزتها بطريقة زي دي وغلطت في كل حاجة معاها، لكن بعد الجواز محاولتش أقرب منها وكنت بحاول أتعامل كويس معاها، بس هي اللي... ياسين ساكت بضيق. ياسمين حطت إيدها على كتفه: هتحبك، اطمن، بس براحة عليها. فوق.

فريدة كانت بتبص عليهم وهي بتاكل في صوابعها بغضب وهي شايفة ياسمين حاطة إيدها على ياسين. فريدة دخلت وهي بتقول بغضب لنفسها: مالك زعلانة ليه؟ هو مش بيحبك، كان بيعند بس، آه، كان كده. فريدة عينها اتملت دموع بس مسحتها بسرعة. تحت كان ياسين وياسمين دخلوا وطلعين فوق. فريدة مسحت دموعها وهي قاعدة على السرير، لاقت الباب بيتفتح وياسين بيدخل. ياسين بص عليها بتعب وعتاب، مش عارف يعمل إيه. ياسين نام على السرير بتعب.

وفريدة راحت تقرب من السرير. ياسين: بلاش، نامي على السرير مكانك. فريدة من غير ما تبص عليه: لا، كده أحسن عشان ترتاح. ثم أكملت بسخرية: ولا إنت أكيد مش هتعرف ترتاح من غير ست ياسمين بتاعتك. ياسين بصلاها بغضب: إيه اللي بتقولي ده؟ فريدة بدموع: إنت حر، اعمل اللي عايزه، لكن خليك فاكر إنك لسه متجوزني. عايز تكلم واحدة، طلقني واعمل كل ده. ياسين بغضب: يعني كل اللي همك شكلك بس؟ فريدة بتوتر: أيوه طبعاً.

ياسين بتوعد: ماشي يا فريدة، أول ما هكون كويس هعمل اللي عايزاه وهطلقك. ياسين غمض عينه بغضب. *** عند إياد وتمارا. كانوا في المطعم. بياكلوا بهدوء، وإياد كل شوية يبص عليها. إياد: اشربي العصير، مفيد ليكي. تمارا استغربت بس شربته بهدوء تحت أنظار إياد. مفيش دقايق وتمارا حست بتعب وصداع. تمارا: أي... إياد مسكها بسرعة وشالها وراح حطها في العربية. إياد: آسف يا حبيبتي. إياد مشي بيها. *** بليل.

عند أسر، كان راح عند أسد ياخد حور، لكن ملك رفضت، ففضل معاها. أسر فتحت الباب بهدوء، لاقاها نايمة. أسر قلع هدومه وقرب منها وخدها في حضنه وهو حاطط إيده على بطنها. أسر بإصرار: هتنور الدنيا، وغضب عن أي حد يا حبيبي. شوي وأسر راح في النوم. راح حور فتحت عينها وبصت قدامها بشرود وهي بتقول: غضب عن أي حد. *** عند ندي وحازم. ندي كانت بتحاول تكلم حازم عشان يروحوا.

حازم برفض وغضب: مش هينفع، قولت ده شهر عسل ليهم، إزاي عايزنا نكون موجودين؟ هما عايزين يفضلوا مع بعض، إحنا نعمل إيه هناك؟ ندي بتوتر: بس... بس... حازم قام بغضب: خلاص يا ندي، اقفلي الموضوع ده أحسن. حازم راح نام وندي فضلت تبص عليه. *** تاني يوم الصبح. عند فريدة، قامت من النوم بصت على ياسين اللي لسه نايم، وراحت تاخد دش. بعد شوية خرجت، لاقت ياسين صاحي. فريدة متكلمتش معاه. ياسين قام بصعوبة تحت أنظار فريدة.

ياسين بصلاها بخبثه، ومرة واحدة عمل نفسه إنه هيقع. فريدة جريت عليه مسكته. ياسين كان بيضمها جامد وهو حاطط إيده على وسطها وبيقرّبها ليه. فريدة بكسوف: ي... ي... ياسين. ياسين بتعب مصطنع: فريدة، أنا مش قادر، ساعدني. فريدة مسكته جامد: ساعدني طيب تقعد على السرير. ياسين كان دفن رأسه في رقبتها وهو بيقول بتعب: مش قادر أتحرك. فريدة بتوتر: ياسين، ساعدني. ياسين اتحرك معاها وقعد على السرير وهو بيكتم ضحكته عليها وعلى كسوفها.

فريدة بتوتر: هـ... هـ... هشوف... الـ... الممرضة. وجرت بسرعة. *** عند منه. صحت من النوم ولبست هدومها بسرعة ونزلت بهدوء، وراحت تكشف. بعد شوية وصلت عند الدكتورة. وفضلت قاعدة بتوتر لحد ما يجي دورها. بعد شوية منه دخلت. الدكتورة: اتفضلي يا مدام. حضرتك بتشتكي من إيه؟ منه بتوتر: يعني بطني بتوجعني وبرجع. الدكتورة: طب اتفضلي. بعد ما الدكتورة كشفت عليها: ألف مبروك، حضرتك حامل في الأسبوع الأول.

منه قلبها وقع، خرجت من غير ما تسمع الدكتورة بتقول إيه، لكن أول ما خرجت، لاقت عربية مستنيها وحد بيقرب منها. الشخص: مدام منه، اتفضلي معايا. منه بتوتر: إنت مين وعايز إيه؟ الشخص بهدوء: اطمني، إحنا تبع أستاذ إيهاب. اتفضلي. منه كانت هتجري، بس الراجل مسك إيدها بهدوء: اتفضلي، الناس بدأت تبص علينا. منه ركبت بخوف. *** عند إياد وتمارا. تمارا صحيت، لاقت نفسها في مكان غريب أول مرة تشوفه.

تمارا اتعدلت، لاقت نفسها لابسة قميص إياد بس. تمارا خرجت بتوتر وهي بتبص حواليها، لاقت نفسها في فيلا على البحر، ومفيش أي حاجة حواليها. مرة واحدة حست بحد بيحضنها: إيه رأيك؟ تمارا لفت لإياد: إحنا فين؟ إياد ابتسم: في نص البحر، أنا وإنتي بس. تمارا اتوترت: وإنا إزاي يعني محسيتش بحاجة؟ إياد بكذب: معرفش، ممكن عشان نمتي. إياد سحبها: ادخلي البسي المايوه يلا عشان ننزل المياه. تمارا بكسوف: لا، مش عايزة.

إياد بخبثه: بس أنا عايز، يلا بسرعة. إياد سابها وخرج برا، وتمارا فتحت الدولاب تبص على الهدوم، كل حاجة عريانة، حتى المايوهات كده. تمارا لنفسها: واحد سافل. تمارا لبست لأنها متأكدة إنه مش هيسبها، وبعدين لبست القميص، وخرجت. إياد أول ما شافها جري عليها: يلا أقلعي القميص. تمارا بكسوف: افرض في حد. إياد بسخرية: هو يعني لو في حد هقولك كده؟ إحنا هنا لوحدنا، أنا وإنتي بس. يلا.

تمارا قلعت بكسوف، وإياد فضل يبص عليها بتركيز وهو مبهور من جمالها. تمارا بتوتر: في إيه؟ بتبص كده ليه؟ إياد: ها... مفيش. إياد أخدها ونزلوا المياه، وفضلوا يلعبوا كتير، وإياد بيتعمد يلمسها كل شوية. تمارا طلعت بغضب: إنت قليل الأدب، وأنا مش هلعب ولا هفضل معاك تاني يا سافل. تمارا دخلت لجوه بغضب، وهي بتفتكر لمسات إياد ليها. تمارا غيرت هدومها لقميص من بتوع إياد، دي أكتر حاجة محترمة هنا.

وفتحت الشنطة بتاعتها بتوتر وأخدت برشامة بسرعة. *** عند أسر. قام من النوم، لاقى حور مش موجودة. أسر لبس هدومه بسرعة ونزل لتحت، لاقاهم قاعدين بياكلوا. ملك: تعال ي حبيبي افطر. أسر قاعد بهدوء وبياكل، وهو كل نظره على حور اللي بتاكل من غير ما تبص عليه أصلاً. بعد ما خلصوا الفطار. أسر: يلا يا حبيبتي اطلعي البسي. ملك بسرعة: خليها معايا، إنت هتكون في الشغل طول النهار، وهي أكيد محتاجة حد يهتم بيها.

أسر بهدوء: لا، أنا هشتغل من البيت، عايز أفضل جنب مراتي وابني الفترة دي. أسر كان بيصلها بتحدي. حور قامت بهدوء: هطلع أغير. في الوقت ده نزل ياسين وفريدة. ملك بسخرية، لأنها مش بتحب ياسمين: أمال فين الممرضة؟ ياسين: إجازة. بعد إذنكم، عندي حاجة مهمة لازم أعملها. ملك قامت بسرعة: حاجة إيه؟ إنت عايز تخرج بالشكل ده؟ ياسين وهو بيخرج: اطمني، أنا كويس. سلام. ملك بغضب لأسد: عجبك كده؟ أسد بهدوء: هو مش صغير وعارف بيعمل إيه.